貴族甜品 (埃華街)

上半場在書湘門第得不到滿足的辣友們趕快埋單走人後一行5人浩浩蕩蕩剎落埃華街連同專程趕來join我哋嘅甜魔媽媽一起揾番個好下場,盯上了貴族甜品Oli話這店也不錯那一於就試它吧!!貴族甜品款式頗多揀得我眼花撩亂^0^除西式甜品外亦不乏中式糖水和特色飲品~初時看中了{天使之戀}但又怕吃不下那麼大份最後放棄了,最終還是跌入榴槤的懷抱喔!!{榴槤公主}$48內容十分豐富,有啫喱粒,榴槤肉,奶凍及焦糖布甸,榴槤很香甜連同香滑焦糖布甸一同吃又真係擦得出火花來,引得甜魔媽媽也幫忙吃了不少^0^Oli要蓮子紅荳沙$18加$8跟一球雪糕,須然係雀巢貨但有雪糕食Oli便會很開心呀^0^另外三位男仕不約而同吃中式湯水{芝麻糊}$25,白色嗰碗忘了是什麼嚕^0^甜魔媽媽的{心太軟配兩球雪糕}$48太抵了吧!!流心須非澎湃但味道也不俗,配搭雪糕同吃還是叫人心動的,我也偷吃不少啊^0^最後叫多份{吐司金磚}$43一同分享,多士磚烘得夠香脆沾滿蜜糖及點點吉士醬,連同朱古力雪糕一起吃真的很滋味呢,我個人覺得貴族這個吐司比茶木做得更出色呀^0^…查看更多

店舖裝修簡潔，環境尚算舒服。三個人點了三份甜品，比較起嚟個人覺得芒果腸粉最好。芒果腸粉層皮唔同平時腸粉皮，比較爽口，配上少少芒果沙冰，唔會太淡亦唔會太甜。另外兩樣只可以話不過不失，心太軟流心係熱嘅，不過略嫌皮太厚。至於雪糕就正正常常，都好難有乜問題。朱古力奶凍就幾香朱古力味，但無乜奶味，亦可以略為甜少少更佳。整體而言三樣當中芒果腸粉比較出色，值得一試，其餘兩樣不過不失。…查看更多

晚飯後想吃甜品的話都會嚟貴族，主要係因為回家必經之路。星期五、六會勁多人，有時要等位。裝橫算是有點心思，但略嫌擠逼。是次點了心太軟及芒果雪花冰(陽光小子)。心太軟有兩球雪糕，而且每次都流心，沒失手。這店有很多芒果甜品，雪花冰正常味道、份量好少。…查看更多