德美壽司 (新都城中心1期) (已結業)

為食之旅第三擊，黎到將軍澳，不過已經過左6點，無得堂食，只能外賣，決定買外賣壽司做晚餐。呢間德美壽司第一次黎，之前去過尖嘴個間兩次，感覺很好。定食有生有熟食，想外賣質素高d梗係揀生野。決定揀一個丼飯再加一客壽司。德美海膽魚生丼 $158丼飯個飯盒好鬼靚，都幾重手。主角之一既海膽有兩塊，鮮甜creamy。其他刺身都好鮮甜，帶子有兩塊，特別鍾意三文魚三大塊厚切同油甘魚兩大塊。少有既熟蝦一大隻，都好鮮甜。蟹柳一條切半。印住店名既玉子兩舊甜甜地，仲有咸鮮爽脆既三文魚籽蟹籽，香脆青瓜絲同白芝麻粒增強口感，連冬菇片都有兩小塊，仲有昆布。值得一提係丼飯原來加左醬油，所以呈啡色，但係唔咸又毋須再加豉油，濕潤好味。定食配湯及沙律，如果堂食仲有甜品。麵豉湯熱辣辣，有昆布，豆腐粒，居然仲有冬瓜片，飲完暖笠笠。沙律好的骰，沙律菜同粟米粒新鮮，上面一小塊煙三文魚鋪面，油香四溢。火炙帆立貝 $42火炙帆立貝壽司一客兩件，未食已經聞到火炙味超香。帆立貝都算厚身，好正。Wasabi放左係個兜一邊。今餐食物質素都幾好，連外賣都食到堂食質素，仲免加一兼九折。外賣盒全部都好實，唔怕漏湯。…查看更多

德美以前已經聽好多人講過話好食，我就未食過今晚走左去試試佢，叫左個晚餐魚生丼有沙律同味噌湯我再加個蒸蛋。德美海膽魚生丼：魚生非常之新鮮，特別要講吓個海膽好鮮甜👍🏻魚子撈飯好正呀....一粒粒卜卜聲，帶子好大粒好厚身，件蛋整得非常有心思印有德美二字，隻蝦雖然係熟蝦，不過整得好爽口，食完成碗飯好滿足。日式海膽蒸蛋：一打開蓋好大件海膽鋪咗係面，好驚喜😍還有大大件冬菇，蛋裏面仲加左白果、雞肉、蟹柳一齊蒸，正正正。最後仲奉送甜品綠茶蕨餅，一d都唔甜好香綠茶味小小地好好。…查看更多

今天魚生飯癮起，和老公放工到屋企附近的日本餐廳食。德美的尖沙咀分店是很知名的，能在家附近都有分店真好。平日8時都要等位，大概等了十分鐘便有位。餐廳內裝潢光猛整潔，也有吧枱位置可看著師傅即場弄食物。有晚餐定食，來德美當然要點魚生飯晚餐定食是包含麵豉湯，沙律和甜品。沙律有一塊煙三文魚，一點也不馬虎。麵豉湯則沒有什麼特別德美海膽魚生丼 - 賣相色彩繽紛，魚生有海膽，三文魚，油甘魚，熟蝦，玉子，蟹柳，三文魚子和蟹子。海膽看顏色都知道十分新鮮，微微的海水味令人感覺幸福另一優質魚生則是油甘魚，厚切的魚生加上滿滿的油脂，令人吃不停口北海道魚生丼 - 有甜蝦，三文魚，油甘魚和蟹子。甜蝦都算大隻，蝦頭滿滿的蝦膏，十分惹味是日甜品是黑糖蕨餅，微甜的黑糖味和非常煙韌的蕨餅，只吃一小塊有點不夠喉德美的魚生果然優質，性價比非常高！絕對是會回頭的餐廳…查看更多

德美壽司🍣之前係紅磡分店食過，已經留下深刻印象，今晚決定ot完放工去將軍澳分店食餐好，食餐勁，獎勵下自己呢個月咁辛勞工作💪🏻差唔多8:00到左，店外已經好多人等緊位，好彩我同朋友兩個人等左差唔多半個鐘倒就有位啦😃今晚我地叫左蟹子沙律、什錦天婦羅、兩份德美海膽魚生丼。德美海膽魚生丼，首先會黎一個帶子沙律同麵豉湯，呢個冇嘜特別，個飯黎到啦☝🏼好吸睛，唔洗講相機食先，海膽、生文魚、油甘魚、帶子、蟹捧、大蝦、三文魚子、蟹子鋪滿成個飯面，生文魚同油甘魚都係厚切，油花係口腔爆發，好滿足嘅口感😋海膽好鮮美，原全冇腥味，好creamy，帶子好肥美新鮮😋最鍾意將蟹子同三文魚子撈埋飯一齊食，飯係珍珠米，一粒粒仲有微暖，每口飯都食倒蟹子同魚子係口內不停爆開😆⋯⋯蟹子沙律 ～比想像中大碟，蟹子份量多到不得了，青瓜新鮮爽口。什錦天婦羅 ～ （鮮冬菇、矮瓜、南瓜、露荀、兩隻大蝦，仲有兩隻炸到卜卜脆嘅蝦頭）蝦頭炸到成個連殼都可以食埋，雖然蝦膏唔算多，但係炸得好脆口，其餘嘅天婦羅，炸漿好薄身，所以唔會食到好溜。總括黎講，$500唔洗食到兩個人抱住個肚走咁飽，應真超值👍🏻…查看更多

連續幾日收夜，今日就決定抱著「明天的事明天做」的心態而早些離開公司。並沒有什麼安排，只想獨個兒早點吃飯，早點回家。有時獨個兒真好，咀巴不用說話，腦袋亦不用動，唯一只是想想獨自吃什麼，畢竟我成日只想食（wanttoeat）。附近的確有不少選擇，但努力工作好幾天，真的不想吃個麵或速食快餐就算，所以還是決定食好啲，去吃喜歡的日本菜。餐廳裝潢沒有改動，保持簡約企理，設有長櫈配二至四人枱、 “L”形的壽司吧枱和數張二至四人枱。最舒適是樓底高，空間十足。枱上放有三份餐牌和一本厚餐簿。餐牌分別有飲品、晚巿定食和二人餐，而餐簿就是單點菜式，有薄切、刺身、壽司、軍艦、火炙、花之戀、三色壽司、大盛、五點盛合、卷物、小卷、手卷、丼物、前菜、沙律、漬物珍味、串燒、燒物、天婦羅、炸物、一品料理、碗物、鍋物、麵類、御飯、飲品和甜品，很多選擇。*************************獨個兒最好點晚巿定食，分有魚生丼和定食，均配湯、沙律和甜品，又豐富又實惠。在十四款晚巿定食中揀了德美海膽魚生丼晚巿定食 Tokumi Sea Urchin Sashimi Rice ($158）。湯和沙律齊上，雜沙律菜清爽，拌入酸咪咪的果蓉醋汁，開胃醒神，還配片柔軟的煙三文魚，添些煙燻鹹鮮，伴着清新的沙律同吃就剛好。麵豉湯暖笠笠，味道剛好，內有香滑的豆腐和爽滑的昆布，還添加了些洋蔥，不錯！德美海膽魚生丼亦隨即上枱，雖已要求少飯，但都幾有份量。飯面舖滿食材，有啲乜呢？有三文魚、油甘魚、帶子、海膽、蟹籽、三文魚籽、熟蝦和玉子，足足八款，滿足！舀起一羹，米飯中加了香菇、芝麻和紫菜，配了清爽的青瓜絲，帶有菇香更美味。先來一羹以豐腴甘甜的海膽配晶瑩爆鮮的三文魚籽，教人回味！輪到品嚐各食材，有三文魚、油甘魚和帶子厚度適中，同樣色澤亮麗。三文魚油脂分佈平均，肥美油潤，鮮味十足；油甘魚充滿魚油香，肉質柔軟帶微爽，味道鮮美；帶子就柔軟鮮甜，正！又舀一羹香菇飯，今次配三文魚、三文魚籽，再加鮮美的蟹籽，同樣教人回味。玉子印上「德美」，又靚仔又有代表性，柔軟微甜，好吃！唯獨是熟蝦失色一點，不知改用甜蝦或牡丹蝦會否吸引更多。*************************唔夠喉，再點一客田樂麵豉烤茄子 Grilled Eggplant w/miso ($50)，熱辣辣，香噴噴，不禁垂涎。選用短肥茄子，面頭舖滿以麵豉煮過的肉碎和海鮮粒，賣相很吸引！茄子屬吸油之物，幸兒吃落並沒有油淋淋之感，茄肉保持柔軟嫩口，存有汁液，不會烤得乾身，拌着以麵豉醬烹調的肉碎同吃，鹹鮮有至，還甜甜地，挺美味，喜歡！*************************再來一串燒蒜子Barbecue Garlic ($16)，共有六粒，粒粒圓潤飽滿，表面金黃。燒得合時，有咬口，但不會太生而辣，啖啖蒜香，簡簡單單以鹽調味已足夠。****************************最後就是定食所配的甜品，本以為又是蕨餅，點知今晚是芒果汁奶凍（$0）。口感挺滑溜，伴着香甜的芒果汁同吃也不錯，但個人還是喜歡蕨餅多一點。------------------------------每當工作疲累，即使能早點放工回家，也不想下廚……我便常常想起這裏，坐得舒適，又吃得滿意，往往可令我心情好些，今次也不例外。…查看更多

很久以前已經聽過德美，但一直沒機會吃。現在德美的分店越開越多，終於有第一次的機會。想不到將軍澳新都城也開了分店，店內當然唔少得壽司吧枱。德美的食物也有豐富選擇，套餐有前菜，麵豉湯，甜品，都幾抵食。德美海膽魚生丼 $158魚生丼有多種不同種類的刺身(帶子、海膽、熟蝦、劍魚腩、三文魚、蟹柳、三文魚籽、蟹籽)。百幾蚊可以食到多種食材，再加上精美的擺碟，非常吸引。溫泉蛋天婦羅 $47天婦羅中間有溫泉蛋，咬開天婦羅蛋漿由中間流出，香脆又香滑。牛油果軟殼蟹卷 $77牛油果軟殼蟹卷夠大件，要一口吃下出不容易。軟殼蟹卷上面有蟹籽和牛油果，而且碟的兩旁都有炸軟殼蟹，非常豐富。壽司定食配牛肉烏冬 $168壽司定食有熟蝦、帶子、三文魚籽、三文魚、吞拿魚、油甘魚，再配上牛肉烏冬都幾多嘢食，套餐還有前菜，麵豉湯和甜品，非常豐富。德美這些年終於闖出名堂，分店一家接一家，加上不錯的質素，相信會越來越多人認識！…查看更多

德美壽司的確係香港壽司店其中一個傳奇，雖然分店冇連鎖集團咁多，但就超具人氣，而將軍澳分店位於新都城內，店內更有壽司吧枱可供客人選擇，坐壽司吧枱的客人可以欣賞到壽司師傅係的手藝。晚市定食套餐的確性價比較高，套餐會跟麵豉湯、沙律、甜品和一個主食🥰麵豉湯入邊仲有一隻蜆 而我揀咗嘅係 德美海膽魚生丼 $158先講下海膽，用海帶包住，將海膽與其他魚生分開，creamy 鮮甜，有入口即溶的感覺而魚生分別有厚切油金魚、三文魚、三文魚魚籽、蟹籽、蟹柳、德美玉子、帶子、大頭蝦點解要強調厚切，係因為同單點刺身的厚度相同，真係好抵，厚切三文魚更加有三塊；三文魚魚籽最岩mix飯一齊食👍🏻👍🏻而佢哋嘅玉子上面仲蓋上鋪頭嘅名 德美兩個字，玉子帶有一種甜甜的感覺，非常鬆軟油甘魚鮮甜肥美 ；帶子爽甜 大粒大頭蝦連蝦頭上，蝦頭仲有蝦膏添另外我哋仲叫咗一款小食，燒雞翼，雞翼充滿鹽香味，咬落去雞皮非常脆口，但食落卻唔會油淋淋！…查看更多

今晚同朋友係將軍澳新都城聚舊，揀咗呢間日本菜食，先知原來佢有幾間分店添。沙律-有煙三文魚係面，啲汁酸酸地同菜食好開胃味噌湯-唔會太咸，仲有蜆食德美海膽魚生丼$158-賣相吸引，玉子仲印有餐廳名，材料相當豐富，有海膽、三文魚、油甘魚、帶子、蝦等等，海膽新鮮，魚刺身肥美甘香，夾埋魚籽蟹籽食有口感活鰻魚樸葉飯定食$108-一開蓋好香樸葉同鰻魚味道，鰻魚好滑，但就比較多骨要慢慢食，飯有樸葉嘅香氣加埋鰻魚汁好食甜品芒果汁奶凍-奶凍滑嘟嘟，好香奶味，但個芒果汁就酸咗啲唔係好夾整體嚟講啲嘢食都好唔錯，推介魚生丼，夠足料…查看更多

生日當晚，放工後跟老公去了家附近吃日本菜慶祝一番，這裏是需要到現場取位置的。本來bar檯有位置，但是我不太喜歡坐，所以要再等一會了。入座後我們隨便點了些東西。《麵豉湯》每當吃日本菜的定食都會有這碗湯，味道跟一般的差不多。《沙律》蔬菜爽口，還有一片煙三文魚，我的最愛😋《燒雞翼》又燒得挺香的，外皮脆脆，肉質不乾，加上胡椒的味道，更加惹味。《燒牛舌》賣相不錯，但口感略為有點靭，不是我的菜😅《七味燒雞腎》雞腎本身的口感已經好爽口，加了七味粉的微辣增添惹味感。《海膽軍艦》我愛炸的海膽呀😍甜甜鮮鮮的，但並不是我吃過最好吃的😅《池魚壽司》魚味較濃，肉質嫩有口感，配上青蔥和薑有助平衡魚的味道。《三文魚腩壽司》一入口，魚油味非常豐富，肉質嫩滑。《德美海膽魚生丼》這個魚生丼很多魚生， 價錢相對亦很化算👍🏻…查看更多

今日經朋友介紹下去咗寶琳嘅德美壽司，餐廳入面接近full晒，好彩出面冇咩人排隊，所以好快就入座。餐廳套餐選擇頗多，例如魚生丼、飯類、定食，送埋沙律、甜品同湯，所以我哋每人叫咗一個套餐。首先上咗沙律同麵豉湯，沙律有炸麵包粒同一片魚生，幾新鮮。麵豉湯鹹淡適中，除左海苔，湯裏仲有豆腐粒。主角出場啦！就係德美海膽魚生丼。估唔到魚生分量超多，有三片三文魚，兩片油甘魚、兩條蟹柳、大量海膽、蟹籽同印住「德美」兩字既甜蛋。刺身非常厚身，海膽creamy，魚生肥美鮮甜，油甘魚肉質爽口，最特別嘅係醋飯內有乾坤，竟然有冬菇，為醋飯加添一份獨特嘅菇香味。女友叫咗銀鱈魚西京燒定食，銀鱈魚油脂高，但唔會話太油膩，肉質相當嫩滑，兩大片分量非常足夠。除此之外，我哋亦叫咗四款串燒，包括燒牛舌、燒雞軟骨、免治雞肉棒同雞皮。牛舌非常爽口，調味啱啱好。另外，免治雞肉棒表面微焦，啖啖肉之餘有咬口。雞皮燒到脆卜卜，好正！最後以甜品作結，仲要係我最鍾意嘅芒果味。…查看更多

德美壽司係黃埔好有名，一直都想找機會幫襯下，可惜次次都撞唔岩機會去試，今次經過寶琳發現呢到開左分店當然唔執輸去試下門面就覺得已經好日本居酒屋feel，入邊環境都裝修得幾日本，好似去左小日本咁首先會上個沙律同麵豉湯，沙律幾新鮮同酸酸甜甜幾開胃，麵豉湯唔會好濃味個賣相真係幾吸晴，入邊有三文魚, 鱆紅魚, 帶子, 海膽, 蟹柳, 三文魚籽同蟹籽，仲有兩舊印住<德美>既甜蛋相當豐富同足料刺身切得幾厚身，食落好有口感海膽好鮮甜同creamy，口感豐腴三文魚厚身肥美，食落好甘香同鮮味帶子好鮮甜，肉質彈牙爽口鱆紅魚食落爽口，魚味清甜鮮美蟹籽同三文魚籽都好鮮味，帶鹹鮮味，拌飯一齊食幾正而個丼飯係用左有味既醋飯，帶冬菇香幾特別，不過飯質較軟身烏冬爽口煙韌，個湯底幾清，唔太油膩天婦羅有蝦, 蕃薯, 茄子同秋葵，全部都幾新鮮，炸得好香脆同唔太厚甜品係麻糬，幾煙韌同帶花生香總括黎講:呢個平民日本料理幾高質，材料新鮮，價錢唔貴，性價比高🍳🍴味道: 9/10👩👨服務: 8/10🏠💺環境: 8/10💰💸抵食: 8.5/10總消費: $280.00 (2人)…查看更多

之前聽朋友講話德美好食，咁今日就同媽咪去左德美食晚飯，德美外牆都整得幾靚，好日式~環境不算太大，好快已經全場爆滿裏面裝修日式化，整齊簡潔又時尚餐牌上的定食都好吸引見到好多人叫德美海膽魚生丼，應該是餐廳的招牌定食，好。。。就點這個另一個定食就叫左銀鱈魚西京燒定食，定食有埋沙律，麵豉湯和甜品煙三文魚沙律煙燻過既三文魚比較香，加入沙律菜，玉米粒和紅蘿蔔絲撈沙律醋一齊食，味道帶點酸酸地，幾開胃~麵豉湯入面有蜆肉同海帶，湯不會太咸，又出到味噌既味道，好飲主腳出場德美海膽魚生丼個賣相好靚呀，裏面有三文魚，鱆紅魚，蟹柳，甘蝦，帶子，海膽，蟹子，玉子，相當豐富同足料，玉子上高仲印有德美2個字，靚海膽好鮮甜，一d都唔苦三文魚好肥美，好香魚油味，仲要係厚切帶子甘蝦都好鮮甜，銀鱈魚西京燒定食賣相就冇德美海膽魚生丼咁色彩繽紛但係味道係超好食鱈魚超滑，入口即溶咁，好香魚香味，這個超級好吃，大愛呀，推芒果奶凍質感qq的，好香芒果同好重奶味，正服務員態度都有善，食物質素是次消費$304~…查看更多

同朋友得知新都城開了德美非常興奮因聽說口碑都唔錯好多朋友都推介去食難得開係將軍澳區咁近我一於一去門面一看就知好有和風的日系裝潢和風木做主題舒適簡潔近門口位置有座位等候區非常關顧客人等候心情晚市有套餐我就覺得比較化算當然也可高質量地散叫享受套餐有沙律🥗呢個沙律絕不馬虎雖然賣相有些似雪糕其實是薯泥味甚濃配上沙律醬混合薯味好出令人想一口接一口地食下去味噌湯出場飲左幾啖以為普通野點知驚天大發現有兩隻蜆人人有份永不落空頓時覺得前菜都整得咁出色整體已經加哂分啦叫左個三色魚生丼全部都係厚切中間仲有個流心蛋仲有飯是有味既飯唔駛淋到成碗都係豉油撈飯德美海膽魚生丼魚生方面就比三色的厚身一些海膽雖側得少少但佢既鮮甜已經夠哂滿足了三文魚籽出奇地鮮甜完全無腥味仲多左個鮮魚油既味道全部都好大粒圓轆轆好飽滿值回票價套餐仲有甜品芒果醬奶凍個醬幾香芒果味略嫌奶凍無咩奶味埋單都係三百多咁既質素去邊搵丫…查看更多