德國餐廳 (博文街)

依間德國餐廳之前已經聽過好多次，係唔同地區都有分店，咁岩朋友話想食豬手，一於試一試依間德國餐廳～我地揀左位於大角咀既分店，由奧海城行過去大概只係十分鐘路程，而咁岩晏就我係旺角行完街，由旺角行過去，原來都只係十五分鐘左右既路程，地理位置比想像中方便～我同朋友約六點半，去到間餐廳唔洗等位就入得去，雖然樓面細細，但位置都好寬敞，店內裝修有格調，坐得相當舒服，好適合約埋三五知己食下飯傾下計😆👍🏻我地三個人一共叫左三樣野食，分別係「德國鹹豬手配酸菜及薯仔沙律」、「德國香腸拼盆」同埋「法式燒春雞（全隻）」。德國鹹豬手配酸菜及薯仔沙律，一上枱我內心哇咗一聲😍大大碟份量好足，豬皮炸得好脆好香口，肉質唔會韌，有時食德國豬手會好驚越食越鹹，但依間調味適中，唔會越食越口渴，配埋酸菜同沙律，十分之滿足🤤🤤🤤德國香腸拼盆（$162），個人對香腸既種類其實唔太清楚，不過依間既腸仔肉汁豐富，超級juicy，薯角都炸得好好食，而佢個蜜糖芥末醬都好加分，一啖腸仔一啖點滿醬汁既薯角，正！😍法式燒春雞（全隻）（$158），同樣份量好足！皮烤得好脆，火候抵制得相當好，內質唔會過老，食落唔會話好鞋，左邊白色既醬同樣都係好加分，好creamy，雞肉點埋個醬perfect match🤤Das Bier Lager（$72），性價比好高，勁大杯！依隻啤酒好適合女仔飲，唔會好苦，相當易入口，同時亦都唔會溝淡啤酒入面既小麥香味，十分推介👍🏻…查看更多

好耐無食過德國嘢，同朋友食飯就揀咗嚟呢間德國餐廳。呢度德國豬手、德國腸等等既經典菜式都有齊。知道要準備食大量肉落肚，就叫咗個沙律先 - 煙三文魚凱撒沙律($128)，菜好新鮮，煙三文魚都好好味！德國香腸拼盆($162)，有好多唔同種類既德國腸，粉量都幾多，每條都好重肉汁味，咬落去好有質量，好食仲有啲薯條同酸菜做配菜，好正宗，因為德國菜都見食物真係會放好多酸菜係底俾人開胃既。重頭戲嚟啦！德國鹹豬手配酸菜及薯仔沙律($218)，份量好大呀，個皮好脆好好食，肉都好嫩，味道勁惹味，食到停唔到口呀！飲品朋友叫就咗杯涷檸茶。我就覺得食德國嘢一定唔可以無啤酒，所以就叫咗杯Cider！…查看更多

搵到個好地方好岩放工之前同朋友或者同事飲杯酒食d野吹下水餐廳係奧運站一出行5分鐘左右啤酒選擇好多，唎到只係其中一頁，總有一種會岩飲今次揀左Ｅｒｄｉｎｇｅｒ　Ｗｅｉｓｓｂｉｅｒ（＄７２）Ｅｒｄｉｎｇｅｒ　Ｗｅｉｓｓｂｉｅｒ係白啤黎既，白啤會帶有一ｄ花香或者果香味，岩唒ｄ唔鐘意苦既人飲飲得啤酒點都要ｄ野食下先得既，睇下有咩食先又想食豬手，又想食腸，咁就兩樣都叫唒啦德國香腸拼盆（＄１６２）德國香腸拼盆有４種腸，全部都好多汁，送酒一流，好味！德國鹹豬手配酸菜及薯仔沙律（＄２１８）最期待既德國鹹豬手！唔係到到做得好食，一係就皮唔脆，一係就ｄ肉搞到極老唎到既德國鹹豬手好得！皮脆、肉嫩唔油、亦唔會好鹹果然係招牌菜連配菜薯仔沙律都好味，沙律汁係蜜糖芥末味，食落好清新…查看更多

放左工想同同事傾下計唔想出去尖沙咀銅鑼灣呢啲人多地方住奧運既朋友提議我地試下大角咀啲小店響地鐵站匯豐中心方向出口一出沿路都有唔少餐廳當中最吸引我既係一間西班牙同德國餐廳見人少少去左前啲既德國餐廳試下套餐非常抵食咁既價錢兩個人share 有主菜有小食 仲可以飲啤酒同同事叫個set慢慢傾野岩哂餐牌仲有其他野食 價錢亦屬正常價位滿心期待德國脆豬手估唔到幾有驚喜 脆皮去肥再切條食落似厚厚既薯片咁舊肉一啲都唔乾 仲幾濕潤咬開肉質幾爽 而且鹹香味十足豬手點埋honey mustard係超夾而個芥末薯仔沙律亦好fresh 出面未食過我好鐘意食意大利飯黎到德國餐廳都唔放過飯粒分明有咬口 芝士松露味香粒肉丸亦好juicy 不過溫度可以再熱啲食德國野必食德國腸拼盆可以試均多款口味 有芝士 有雞肉 有微辣既每條腸都好好味 我最鐘意芝士呢條咬開勁爆汁 好juicy 順帶一提 拼盆仲配埋薯角同酸菜 好豐富我地又豬手又腸拼盆又飯 食到好飽！兩個人叫就會有啲多 建議可以3個人share!…查看更多