古今二 (觀塘工業中心)

位於📍官塘工業中心4期超方便，超近🚇地鐵站觀塘D4出口行1分鐘就到👍💡環境設計有滿滿既日式居酒屋風格環境同座位都好舒適，好有氣氛👍📖主打日式料理➕創意壽司卷無論係餐單/菜式設計都好有心思💗🔻食評時間🔻🌈彩虹卷🍣上層三文魚&油甘魚&吞拿魚🐟➕內有牛油果&蟹柳&青瓜🥒魚生都好鮮甜，1啖食落口既口感好清新👍🦀蜘蛛(卷)🍣係炸軟殼蟹➕牛油果➕蟹柳➕青瓜軟殼蟹🦀炸得好香脆，而且啖啖肉~食落唔會覺得太油膩👍🔥黑豚豬頸肉串燒🐷大大塊👍咬落唔韌幾爽滑配埋鹹鹹地既醬汁一齊食，好開胃！🐤鹽燒雞中翼鹽燒燒得好香口，食落好Juicy，好惹味👍…Read More

一直都好想試古今二，今日嚟開觀塘攞貨，順便就去位於觀塘工業中心嘅分店買外賣。前菜當然要食番個沙律，呢個日式麻醬秋葵豆腐沙律菜夠新鮮，用料好味又健康。佢哋嘅卷物出名有特色，呢個彩虹卷就係用上三款唔同刺身加牛油果包裹住外層，色彩非常斑斕。而卷物入面就有青瓜同蟹柳。忘不了你係用芒果包住卷物，再唧上Wasabi沙律醬。入面就卷住炸牛肉同芝士，口感豐富味道亦好夾。茄子一向係我嘅至愛，所以就揀咗呢個櫻花蝦茄子燒。醬燒嘅茄子上面鋪上大量櫻花蝦，茄子肉好滑而櫻花蝦就好香，呢個配搭真係冇得彈！心思思想食串燒，淺嘗一串秘製蒜香牛油燒帆立貝獎勵吓自己，帆立貝充滿着牛油蒜香味，非常惹味。最後仲揀咗個日式炒烏冬，入面嘅材料非常豐富。除咗有大量蔬菜，仲有我特別鍾意嘅豚肉同名門卷，小朋友就最鍾意食。…Read More

疫情之下無左晚市堂食，但無阻我想食日本菜既熱情，就算得返外賣，我都要買返屋企慢慢嘆。日式麻醬秋葵豆腐沙律($75)，頭盤食返個開胃沙律，豆腐超滑溜配埋麻醬和芝麻一齊食好香口，秋葵和生菜新鮮爽口。彩虹卷($98)，店鋪出名係對卷物既創意，我買左彩虹卷，魚生上混合埋牛油果顏色鮮豔，賣相已經好吸引，魚生肥美，新鮮有魚既油脂香味。壽司薄餅千島醬海鮮($88)，餅底係用米飯壓成，再去炸至金黃色，雖然放涼左但餅底無變硬，仍然脆口，三文魚粒配脆口餅底，口感層次豐富。日式炒烏冬($78)，性價高，因為超級大碗必定飽肚，烏冬炒得惹味，木魚碎香口，仲有彈牙既鳴門卷。黑豚豬頸肉串($26)，肥瘦均勻，軟腍得黎帶點爽口。椒鹽雞腎($38)，處理成細細粒咁，食落爽口易咬，加左椒鹽除左惹味d，仲帶有少少辣味。…Read More

彩虹卷 $98壽司卷用咗三種唔同嘅刺身魚，顏色豐富，入口配合埋牛油果片，充分帶出咗刺身嘅鮮甜，而飯卷入面用咗蟹柳，令到口感更多層次。- - -三文魚壽司薄餅 $88脆炸嘅飯餅口感香脆，上面放滿厚切嘅三文魚刺身粒，以沙律醬作調味，簡單又富有特色。- - -豚肉泡菜鍋 $98泡菜鍋入面有豚肉片、豆腐、娃娃菜等配料，湯底香辣入味，適合喜歡重口味嘅朋友試試。- - -日本溫室南瓜沙律 $58南瓜香甜，蟹籽鮮，沙律底部有生菜，健康又fresh嘅配搭。- - -原條茄子燒 $48燒茄子好香口，表面嘅醬汁有少少似XO醬，放滿咗好多蝦干，食落香而不辣。- - -黑豚荔枝卷串燒 $25荔枝配豬肉食落出奇地夾，酸酸甜甜嘅荔枝被燒香嘅肉卷包裹住，串燒咬落充滿肉汁同時又唔會油膩。…Read More

柚想蝦你($78)，沙律有牛油果和蘋果組成，一軟一爽口層次豐富，海草有咬口，蝦肉清甜新鮮，醬汁係柚子味，酸酸地幾開胃。壽司薄餅($88)，餡料有三文魚/吞拿魚/蟹柳/鰻魚，四選一，我揀左三文魚，配搭埋薯片碎又幾創新，食落脆卜卜口感好有趣，餅底係用飯壓成薄餅形狀，再黏上粉漿拎去炸，造出吉烈飯，雙重脆口口感。琦玉網燒牛舌($58)，牛舌共有5片，有兩種不同口感，size比較細的一種是比較結實有咬口，另一種size大一d，咬落好軟腍油份亦重一d，醬汁酸酸地可舒解一下油膩感覺。彩虹卷($98)，色彩繽紛好美麗，魚生都好新鮮，綠色的係牛油果，黑白芝麻可以帶出更加香口。蜘蛛($88)，餡料同樣有牛油果，我實在太鐘意食，軟殼蟹脆口，而且大件。…Read More

之前生日有朋友請我到古今二吃晚飯:)， 食過一次已經愛上這裏的卷物， 喜歡古今二的卷物很有特色， 種類又多。 星期五晚上想出街食飯，因為還未開返晚市的關係， 今次只能外賣， 好開心外賣的賣相都非常靚， 令我忍唔住立即在餐廳相機食先。 今次點煙三文魚沙律$75、 彩虹卷$98、 黑龍卷$95、 綠野仙蹤$98、 黑豚荔枝卷串燒$38和秘製蒜香牛油燒帆立貝$48。煙三文魚沙律～沙律菜新鮮，口感爽脆，醬汁量剛好， 煙三文魚油花口感，加上粒粒魚籽，很豐富。黑龍卷～ 古今四小龍卷之一， 個名已經很有氣派，有芝士、炸蟹柳、鰻魚和牛油果， 鰻魚做頂層， 卷物裏面有炸蟹柳和牛油果， 配上芝士味道好夾。彩虹卷～ 青瓜、牛油果、蟹柳和刺身魚， 外型色彩繽紛， 頂層有新鮮的刺身魚， 配上滿滿的配料， 多層次口感。綠野仙蹤～ 餐牌上寫新卷上市， 當然要試下新嘢啦！有八爪魚、蘋果、水蜜桃、蟹柳、牛油果和飛魚子， 超豐富的食物材料， 牛油果健康又好味， 水蜜桃香甜， 蘋果爽口， 再配八爪魚、蟹柳和飛魚子，非常豐富滋味。秘製蒜香牛油燒帆立貝～ 燒得剛剛好， 大大粒帆立貝肉質鮮嫩。黑豚荔枝卷串燒～黑豚肉的鮮味，荔枝的果甜味， 兩者很配合。今次外賣的質數keep住有水準， 卷物和串燒都做得很好， 期望晚市早日開返， 就可以約朋友們再來了。…Read More

疫情關係要外賣，但放假都想食好d, 找了這間以日式創意卷物為主打的餐廳試一試餐廳於地鐵站一分鐘的路程，十分方便餐廳內裝潢是比較復古的居酒屋格局龍捲風沙律- 有生菜，海藻，蟹柳，色彩繽紛，多重口感十分清新自家玉子燒 - 十分香濃的蛋香味，非常適合作為餐前小吃點了三個卷物，份量很多，色彩繽紛，令人胃口大開彩虹卷 - 是三文魚，吞拿魚，油甘魚和牛油果。每一舊都有多種魚，真滿足超級龍卷風 - 有鰻魚，炸蝦和卜卜脆。咬下去非常香脆，非常有口感富士山 - 有鰻魚和牛油果， 卷物上面鋪滿了蟹柳絲，營造了一個小山峰這裏的卷物是自家創作，非常有特色，下次必定來堂食…Read More

今日返工返觀塘，經同事介紹先知就觀塘的美食～鋪名好易記叫做「古今二」，同事果然無介紹錯，食完的確覺得幾好味😋前菜整個健康沙律先，是「龍捲風沙律」，底下鋪滿新鮮爽脆的生菜，中層有中華沙律，頂層是蟹柳絲和蟹籽，配合燒汁及千島醬，超！好！味！網燒牛舌：牛舌厚厚一片好有口感，黑豚荔枝卷串燒，燒得好香，咸咸地的豬肉片配甜甜地的荔枝肉好夾～荔枝都中和左豬肉本身的油膩感，驚喜😊青龍卷：牛油果同鰻魚好夾～彩虹卷有青瓜、蟹柳作為餡料，上面是三文魚、吞拿魚及牛油果，好清新辣妹：炸蝦卷同吞拿魚蓉的創新配搭，又幾好味😋…Read More

放工要鬆一鬆，早前去了一間觀塘工業大廈內的日本餐廳叫古今二，名字古色古香但主打新派卷物。 和地鐵站很近很易搵。一入到門口量體溫，店員安排了一個安全距離的位置給我們，感覺安心舒服。好肚餓ar，所以嗌咗一份小食一份串燒一份沙律和三份卷物。 頭盤係日式麻醬豆腐沙律， 清清地，豆腐十分幼滑， 令人胃口大開。跟住係秋葵蝦肉天婦羅，滿滿的蟹肉釀在秋葵上面，又幾特別喎， 味道也是清清的，一點也不覺得油膩。 輪到三份卷物一齊出場， 它們很可愛地排在一起，構成一幅圖畫。卷物的名字十分有心思，第一口先試綠野仙蹤，由八爪魚，蘋果，牛油果，蟹柳，飛魚籽组成， 可能加咗蘋果，有些爽爽脆脆的感覺，層次十分豐富。另一份叫東京爆脆， 材料是蟹柳加三文魚， 脆脆的幾得意。 放在中間的彩虹卷， 以我所見有三類不同顏色的魚刺身加上牛油果鋪滿在壽司飯上面， 所以形成了四彩顏色， 未食先興奮。 最後來了兩串香菇雞肉丸串燒作结，大大粒，真材實料。另外，不得不提就是掛在牆上的卷物海報拍得很有藝術感， 實物版和海報版的卷物模樣十分一致。今天真是飽飽大滿足了。…Read More

觀塘有唔少食肆, 但要搵到工廈隱世美食, 就真係靠觀塘地膽朋友帶路。觀塘D4出口行幾步就到觀塘工業中心四期, 原來樓上有間日本菜餐廳, 想不到呢間隱世餐廳, 平日晚都咁有人氣, 還好只係等左陣就有位。餐廳以黑色做主調, 富有藝術感, 正好配合佢地主打創意飯卷款式! 除左飯卷, 沙律、小食, 都能做到與眾不同, 款款令人驚喜。 【日本溫室南瓜沙律】HK$55對比平時食開沙律有點與眾不同, 呢款沙律沒有沙律菜, 主角係溫室南瓜,南瓜肉超林清甜, 配上洋蔥絲、車厘茄、蟹子同埋蛋黃醬, 甜甜地, 有層次, 口感極之creamy~有驚喜!【秋葵蝦肉天婦羅】HK$48炸皮不油膩, 秋葵中釀入左蝦肉, 蝦肉幾爽甜, 秋葵黏黏地既汁, 多一份清新。【彩虹卷】HK$98色彩賣相吸引, 面層佈上薄薄三文魚、吞拿魚刺身, 卷物中有蟹柳、牛油果、青瓜, 豐富層次取勝, 食到刺身口感, 其中蟹柳甜味最成突出。【火焰紅龍卷】HK$115面層吞拿魚被火炙過, 迫出了魚油亦帶微微焦香, 上面有少少芝士醬同埋燒汁調味; 卷物包住炸蝦, 炸皮還是香脆, 有少少沙律醬, 唔面要再額外點豉油, 黎自芝士醬既鹹味跟沙律醬甜味, 鹹甜交集, 好好食!…Read More

之前係openrice見到呢間餐廳的卷物款式很特別，所以便訂位跟朋友來試試。沒有想過平日的下午6點幾去到都差唔多滿座，因為餐廳座位不算很多！餐廳的裝修已工業風為主，而客人只需要用點餐紙點餐，然後給予店員落單便可！日本溫室南瓜沙律($55)，這個南瓜沙律南瓜味不太濃，如果本身不太喜歡食南瓜的朋友都可以接受到，沙律蛋味較濃，南瓜是連皮一齊整的，還有少許杏仁片及蟹子，豐富了口感！彩虹卷($98)，呢個卷物顏色好靚，用黎打卡一流！彩虹卷用上刺身、牛油果、青瓜及蟹柳！刺身有三文魚、吞拿魚及鯛魚，刺物及牛油果包住卷物，卷物內是青瓜及蟹柳，材料豐富！火山($88)，呢個啲蟹柳堆到好似成座山咁，超正！這個卷物材料有蟹柳、帶子、青瓜及牛油果！但主要材料為蟹柳，而帶子也是切絲跟蟹柳舖在卷物上，醬汁有少許辣，而卷物入面也是蟹柳及有少許的牛油果，味道惹味！自家製香菇雞肉丸串燒($30/串)，呢個雞肉丸外層燒到脆卜卜，肉丸內有軟骨，很爽脆！總括黎講，這間餐廳卷物有很多款式，有機會一定要再來試試！…Read More

朋友住係觀塘！她成日話觀塘有好多美食，可惜觀塘區實在同我屋企距離太遠la~所以好少專登去觀塘揾食。今日我難得入去觀塘，朋友就帶左我去古今二（係日本餐廳）！這間餐廳食卷物係比較出名的。餐廳的卷物價錢合理唔貴！而且每個卷物都有獨一無二的名，十分有趣。火山：外形有如一座小火山。卷物上有海量的蟹柳鋪面，內裡有帶子、青瓜、牛油果等等。卷物口感豐富而且味道較為清新彩虹卷：卷物顔色吸引，令人增加食欲！面層首先有三色的刺身，内面就包主牛油果、蟹樓、青瓜、玉子。口感豐富有層次。安格斯蔥牛卷：牛肉軟霖多汁，配上新鮮的蔥感覺新鮮但整題味道好夾。最後仲叫左日式天婦羅，天婦羅外層炸得很鬆脆！粉不會太厚，而裏面的蝦都好爽口。…Read More

My Order:金龍卷 ($88)彩虹卷 ($98)青龍卷 ($98)脆炸豆腐 ($40)八爪魚丸 ($36)金龍卷內裡有炸蝦和芝士，上層是三文魚加沙拉醬。以卷物為名的古今二，味道配搭不錯亦勝在多選擇。卷物的飯不會過多，夾下去也不會散開來。彩虹卷由青瓜、牛油果、蟹柳和刺身組合。牛油果的量不多，刺身方面都算厚身，吞拿魚不錯!青龍卷牛油果、蟹柳和鰻魚。鰻魚好吃~想較起刺身卷，個人比較喜歡這個青龍卷=D脆炸豆腐 炸皮夠薄豆腐也很滑。八爪魚丸一般般~~…Read More