八沢 (筲箕灣東大街)

筲箕灣東大街向來都好出名，好多出名既食肆，唔同國家既美食都有!今日放工就去左呢一間食烏冬好出名既八沢!當日係平日6:30 左右都有7成滿，似乎街坊都會黎呢度食，好多人都係2個人黎食下串燒,傾下計。呢間小店好有feel，內部裝潢係日本小型居酒屋的感覺，環境好舒服，燈光微暗，又無限用餐時間，好岩deep chat。我地兩個人所以叫得2個main~✿《黑松露忌廉海鮮烏冬$98》(★4.5/5)佢最出名嘅就係「黑松露忌廉海鮮烏冬」，係本店連續11年銷量第一位! 一上菜果陣，D忌廉香味就飄散，香噴噴，湯底係以忌廉為主，奶味好重，成個湯底都係奶白色，唔算好濃稠黏糊，所以濃而不膩，而且加左少量香草同大量黑松露! 黑松露俾得好闊綽! 除左湯底好正，佢D烏冬煮得岩岩好，口感好好，滑溜溜! 但唔會好掛麵，要一啖湯加D烏冬咁食~而海鮮方面都係好食，兩隻既帶子及兩塊三文魚!帶子相對上好食! 唔會過老，好鮮嫩，但三文魚相對普通。雖然湯好creamy 唔算太膩，但係一個人食曬成碗都會膩，最好都係同人share 會好D!✿《廣島蠔肉碎烏冬 $ 88》(★4.5/5)見佢都係好多人推介，所以叫左黎試下佢!! 估佢唔到咁好食味!! 湯底清甜又有濃厚既蠔香同昆布味! 我地差唔多飲曬佢成碗湯 而且有三隻好大隻又好creamy既廣島蠔!烚得岩岩好，食落好似食生蠔咁，好滑又creamy!時間掌握得好! 當然同上面一樣，烏冬煮得岩岩好，口感好好呢碗相對又清甜又好味，我同男朋友一半黑松露忌廉海鮮烏冬 一半廣島蠔肉碎烏冬，岩岩好balance返八沢 (筲箕灣東大街)筲箕灣筲箕灣東大街59-99號東威大廈地下7號舖味道：4.5/5價錢💰：$100回顧指數：95%…查看更多

行完龍脊返到筲箕灣已入黑，係東大街食完先走吧看到這間不錯的日本店舖便入去try try 筲箕灣筲箕灣東大街59-99號東威大廈地下7號舖一入門口店員便即時接待，有檯即時坐低用QR code 下單，方便衛生餐牌~點左明太子雞翼 $ 38 3隻 微辣，炸得香脆，明太子餡都出色廣島蠔肉碎烏冬 $ 88有3隻肥大既蠔，烏冬夠煙韌，湯底清清地但有濃厚昆布味豚骨湯叉燒拉麵$ 72叉燒有三四片，肉質好有彈性彈牙艱咬口幾好食，湯底都香濃，拉麵都可以！…查看更多

📍#八沢🇭🇰香港筲箕灣筲箕灣東大街59-99號東威大廈地下7號舖#MFJ筲箕灣 #MFJ日本菜味道: 👅👅👅👅賣相: 👀👀👀👀價格: 💰💰💰環境: 🌹🌹🌹🌹服務: 👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆人均消費: HKD88二訪筲箕灣八沢！ 之前食過晚餐，今次試下個午餐先！😋 午市套餐都唔太貴，平均$80至$90一個餐！⭐️廣島蠔肉碎烏冬🦪$78三隻大大隻肥嘟嘟嘅廣島蠔，又肥又好味！湯底又香濃嘅蠔香同昆布味，配上香蔥，非常清甜好味！烏冬煙煙韌韌又掛湯，唔錯唔錯！⭐️芥末果醋帶子冷烏冬🍝$78之前食過一次果醋冷烏冬，覺得好好味！芥末果醋好特別，酸酸甜甜，芥末帶出不同層次，撈冷烏冬食十分開胃！仲有三粒大大粒嘅帶子，又香又有口感！⭐ 黑蒜油炙燒叉燒拉麵🍜$75估唔到佢個拉麵幾好味喎！黑蒜油湯底，非常香濃惹味！叉燒特別隻燒過，又肥又香！拉麵唔知係唔係自家製呢？食落同平時食拉麵好似有啲唔同！呢個價錢嘅一碗拉麵，性價比好高⭐️黑松露忌廉海鮮烏冬🍜$88黑松露勁香！唔好以為好多忌廉好肥美，其實口感好滑，好似卡邦尼咁，但係更香更好味！難怪係餐廳必食之選！🆗八沢冷烏冬🍝$64蟹柳紫菜麻醬撈冷烏冬，紫菜同蟹柳加上麻醬撈起來的確開胃，價錢又唔貴，可惜烏冬有啲黐住黐住，口感爭咗少少⭐️牛乳忌廉餅🥠$30大大嚿，又炸得幾脆幾鬆化！一咬落去又脆，再咬大啖啲又食到裏面軟綿綿嘅牛乳忌廉，大人細路都啱食！雖然二訪，但都冇令我失望！五個人食午餐，都係四百幾左右，性價比幾高！下次要再試吓佢嘅串燒！#mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #筲箕灣美食…查看更多

今日同朋友行完龍脊，坐返的士落去東大街搵野食。星期六下午六點幾去到，唔洗等位。揀呢間餐廳原因係有啤酒飲，野食又唔係貴。我就點左廣島蠔肉碎烏冬，我覺得幾好味，原因係1. 湯底清得黎有濃厚昆布味2. 廣島蠔烚得好滑嫩，時間掌握準確。3. 烏冬稍軟，合我口味。另外我點左Honey Beer 飲落有咖啡，蜂蜜既香味，幾特別。環境-檯有點小，會頂到坐對面朋友隻腳，感覺有點逼，不過二人都可以坐卡位，算唔錯服務-侍應態度ok, 執碟速度可以接受…查看更多

今晚係東大街覓食，食多次之前食過一次覺得幾好食既烏冬。今次食同上次唔同既烏冬，揀左廣島蠔肉碎烏冬同清酒雞肉竹笙烏冬。廣島蠔有四粒，每粒都大大粒，鮮甜肥美，有少量肉碎同海帶。烏冬彈牙，只係嫌個湯底好鹹。清酒雞肉竹笙烏冬好藥膳好補身既感覺，佢除左雞肉大大舊又嫩滑，另外仲有爽口既竹笙，好養生既龍眼，紅棗，蟲草花，蛙蛙菜。湯底幾好飲，好有屋企煲湯既感覺。不過我比較鍾意上次食既黑松露忌廉烏冬同芥末果醋帶子冷烏冬。…查看更多

在筲箕灣開會完畢後，最方便當然去東大街尋吃的，老闆問我吃甚麼，我立即首推八沢烏冬，它是我最喜愛的烏冬店之一，不管是熱食還是凍食，烏冬同樣出色。先來一「球」龍蝦沙律開胃一番，龍蝦沙律如紅粉菲菲的雪糕球，很注目。一絲一絲的龍蝦肉，還有一粒粒蟹籽，富有多種海味的鮮美，口感相當豐富，一小口就讓我身處於大海中，聞著大海的鮮，夾著脆口的紫菜吃，更有風味。明太子雞翼做法相當費功夫，將雞骨挖掉後塞入明太子，再將它燒烤。燒烤後的雞翼，除了帶著鹹辣交雜的美味香氣外，還可以品嚐到明太子的分明及彈牙的特別口感。鹽燒白鱔多麼肥厚，魚皮相當焦脆，令人訝異的是魚肉部份，異常的鮮嫩肥美，入口即化。雖然白鱔以鹽燒方法烹調，但是無減白鱔的肉汁和魚油，我只輕咬一口，魚油噴射四散。每次看見雞泡魚干，總是情不自禁要吃一碟，因為很少餐廳有供應。塗滿甜美的醬汁的雞泡魚干香烤後閃閃發光，明艷照人，那乾脆滋味讓人回味無窮，想一吃再吃。重點之一廣島蠔肉碎烏冬果然沒有令我失望，烏冬上有四顆飽滿的廣島蠔新鮮極致，沒有腥味，咬下去的時後滑嫩非常。熬煮過的海帶肉碎使湯頭鮮甜，配合滑彈的烏冬一起吃，充滿清新自然的鮮美。芥末果醋帶子冷烏冬印象深刻，果醋有淡淡的芥末香氣，酸甜滋味與芥末交融一起，果醋並不會有芥末嗆氣，原本彈性十足的烏冬遇上芥末果醋後更為爽口。雪白的帶子厚碩軟滑，熟度剛好，微微嚼勁，拌烏冬吃一流。綿花糖朱古力色彩繽紛，光看也能心花怒放。雖然朱古力添加了綿花糖，但朱古力不會重甜，喝起來蠻滑順，討人喜歡。秋天喝杯自家製冰糖紅棗雪梨茶絕對是滋潤之選，入口柔和，以慢火熬煮出來的純天然甜香，相信沒其他飲品可匹敵，喉嚨因此也舒緩了。…查看更多

一個很少見的朋友突然話相約吃飯，難得有朋友記起自己（我常常覺得被人遺忘...），我當然二話不說便答應了。以表示禮貌，循例都要問下對方喜歡吃什麼，原來她愛吃烏冬，看來很簡單，但總不能隨便找一間。突然醒起幾個月前跟同事去了上環一間主打烏冬拉麵的日本餐店，也吃得很滿意，一於帶她去吧！上openrice 再確實地址時，發現它在筲箕灣有分店，更加方便我倆，一於再潛入東大街這個小美食天堂。店子門面設計獨特, 以木料為主, 滿有古式日本風情, 而大大個銅招牌相當搶眼, 在這條大街中別樹一幟。走進內裏, 裝潢同樣富心思, 牆上掛了多幅色彩繽紛的油畫、日本布簾,還有多塊寫滿推介菜式的小黑板, 設計成日本的居酒屋般。店子地方不大, 左右兩邊設有一排四人卡座, 再走入一點有一張十人長枱和數張二至四人枱, 枱與枱之間距離不多, 大家要坐得親密一點呀!看看餐牌, 亦即是下單牌, 客人在些畫上所需便可, 而且可循環再用, 很環保, 讚! 餐牌分前後兩版, 除了有店子主打的烏冬拉麵外, 還有串燒、炸物、小食、鍋物和飲品, 店子雖少, 但選擇都不算少。***************************天氣炎熱, 最適合吃冷烏冬, 友人揀了一客芥末果醋帶子冷烏冬 ($68)。以一個三格木碟盛載上枱, 分別放了果醋汁, 旁邊有一些芥末醬, 客人可按自己能受的辣度而來入, 真細心! 另外一格放了雜沙律菜 和蕃茄, 而最大一格便放了烏冬、幾隻帶子 和半隻糖心蛋, 還有些紫菜絲, 看起來很清新。烏冬 入口微涼, 口感滑溜煙韌, 挺有嚼勁, 吃時浸一浸芥末果醋汁, 酸酸甜甜, 又湧出芥末 的辛辣, 配搭美味, 配埋爽脆的雜沙律菜 和新鮮的生蕃茄, 感覺清爽, 開胃醒神。至於大大隻帶子, 分半上碟, 看起來不夠肉厚肥大, 賣相一般, 但挺有鮮味。***************************上次吃了冷鳥冬, 今次就揀碗熱烏冬試試。熱辣辣的廣島蠔肉碎烏冬 ($78)份量十足, 滿滿的烏冬上放了四隻廣島蠔, 伴上一些肉碎, 還有大量很昆布 和蔥草, 看來很清新。先呷一口以昆布 肴成的熱湯, 啖啖滿有昆布 獨有鮮味, 還有青蔥 的清香, 喝起來很清新, 而肉碎 亦沒有夾雜大量的肥膏, 故一點也不油膩, 很合我口味, 差點把它通通喝光。熱烏冬 的煙韌度不及冷烏冬, 略為腍了一點, 但同樣很滑溜; 四隻廣島蠔 算不上很大隻, 但挺肉厚肥美, 可惜有微腥。***************************除烏冬拉麵外, 串燒也是小店的主打, 點了一串牛舌 ($38), 一串三件, 比想像中厚身, 肉質相當爽彈, 亦存肉汁。牛舌表面燒至帶些焦香, 加入鹽 和黑胡椒 調味, 鹹香中帶些辛辣, 亦不失牛香, 值得推介!******************************另外還揀了三款小食, 先來一客龍蝦沙律 ($48)。一球沙律配上六七塊紫菜，吃時可用紫菜捲些沙律同吃。沙律 混入彈牙的小龍蝦肉、粉綿的薯茸、甘香的芝麻、沙律醬等食材，口感幾豐富, 味道亦鮮味，與脆身的紫菜 同吃，配搭合宜，不錯！***************************愛吃糖心蛋的我, 單點了一客日本糖心蛋 ($15)。其賣相不錯, 鮮橙色的蛋黃鮮香, 蛋白亦挺嫩口, 唯獨是糖心度不足, 沒有流着黏滑的蛋黃汁。***************************最後輪到最愛的魚出場。平時在日本餐店多是吃西京燒銀鱈魚, 而今次就點了一客板燒銀鱈魚 ($118), 嚐出另一番風味。大大塊的銀鱈魚 相當有份量, 厚度中等, 底面同樣燒得金黃香口, 而魚皮 就相當油潤鹹香, 最討我喜歡。把其挾開, 潔白的魚肉 並沒有散爛, 肉質鮮嫩, 油脂中等, 吃起來也挺油潤, 而且烹調入味, 鹹鮮有至, 令人吃得滿意！又試試蘸些所配備的沙律醬, 添些酸咪咪的味道, 吃出另一番美味, 亦很喜歡配了些清新的沙律菜 和生蕃茄, 有助中和魚扒的油膩感, 配搭合宜。------------------------------上次吃了冷烏冬, 今次就吃埋熱烏冬, 冷熱我都很喜歡, 兩者同樣吃得滿意。現在不單止友人愛吃烏冬, 連我也愛吃了, 而且今次讓我發現它這麼就腳, 當想吃烏冬便可隨時來, 真方便!…查看更多

這星期玩Pokemon Go 幾近瘋狂，放工後突登坐電車慢慢捉小精靈，捉到來筲箕灣，小精靈訓練員都要先幫自己醫肚，才能踏上艱苦的訓練之路XD黎到東大街都有2，3個Pokestops，好幾家餐廳都在Pokestop 範圍內，我們就選了日式烏冬拉麵店-日本糖心蛋（$15/隻）蛋黃汁香味不濃不太似日本蛋，而且蛋的外型偏少，似是中國蛋，2隻糖心蛋，一隻偏咸一隻偏甜，什為有趣。什少來東大街尋食，主要都是試試招牌菜，比較穩陣！［招牌］廣島蠔肉碎烏冬 （$78）扁烏冬較稔，清淡鮮甜的海鮮湯底，配上5-6隻廣島蠔，料的份量都挺多，唯一是蠔浸泡在熱湯久了，蠔肉漸漸變到「鞋」硬，不能保持一上碟時的嫩滑感。［招牌］黑蒜炙燒極濃黑豚肉拉麵（$78）拉麵同樣是較稔，不過有黑蒜醬作伴，自然是重口味之選！拉麵加入大量的乾蒜但蒜味不大，而且一泡進湯內，乾蒜就變稔又糊開，炙燒黑豚肉的肉和脂肪比例是1:1，一行肉、一行脂肪的相橫，足足有5-6層，但肉少脂肪多，吃完4大塊，已經十分飽滯。另外還點了一個花麻肥牛冷烏冬（$58）即是肥牛片冷烏冬伴日式芝麻醬伴，感覺細份，女生都能飽肚。離開時發現小小的烏冬拉麵店，門外的擺放都有小小特色，跟店內裝潢一致，都是日本80,90年代的簡約風格。埋單$269，每位$90，又再次踏上寵物小精靈訓練員之路。…查看更多

東大街不嬲都多野食，今次隨便揀了八沢試試，誰知超級驚喜！6:45 就食飯，所以未有咁多客人！環境係舒適嘅，好有懷舊日本feel餐牌：揀左廣島蠔肉碎烏冬同黑安格斯肉眼牛扒飯廣島蠔肉碎烏冬有五隻大大隻既廣島蠔，仲有好多肉碎，昆布同蔥！ 先飲一啖湯，諗住佢都係用急凍嘅廣島蠔，但確實出奇地鮮甜好似食緊潮式蠔仔粥咁，只不過轉左烏冬烏冬係稻庭烏冬，好煙韌！識食一定係食蔥，超香，係神來之筆超讚既安格斯肉眼牛扒飯無得輸牛既肉質鮮嫩，超juicy，好有牛味！食完好想再食有成8塊咁多，好抵食！兩塊新鮮蕃茄又係無得輸，可以清一清！不得不介紹既係個秘製醬汁，點左少少第一啖食落去好香好特別，唔似一般牛肉汁，而且有淡淡既酒香超好味，牛肉點汁同撈飯都好正，後來問個店員，確實左個汁係有酒，係祕製醬汁足料豐富，味道一流，價錢相宜，超讚…查看更多