道頓堀御好燒專門店 (朗豪坊) (已結業)

✨御好燒超級容易整，首先揀好御好燒既款式，然後就用木棍將佢攪拌均勻，係鐵板上落適量既油，然後將攪拌好既御好燒材料倒落去，整成一個餅形，底面兩邊各煎5分鐘，加上醬汁、海苔粉、木魚碎就完成，一味御好燒就完成！同平時出去食既味道一模一樣，超級美味！而且係靠自己整出嚟，真係成就感滿滿🤩✨文字燒直接落油然後將文字燒既材料倒落去，整一個圓圈將醬汁落在中間，然後慢慢將材料煮在一起，呢個玩法都幾特別，文字燒既口感豐富過御好燒。✨廣島燒呢個係御好燒和炒麵既混合體，工序上會多一點，但係賣相好豐富，首先第一步整好咗御好燒加上配料，第二步開始整炒麵，第三步將蛋放落去擺底，最後將蛋、炒麵、御好燒分層擺埋在一起。✨炒飯看似平平無奇既炒飯，個靈魂其實係個醬汁，炒飯配上燒肉醬汁簡直係一流既味道，然後煎完既豚肉一陣陣油香，十分美味！…查看更多

今天，出咗一個好耐都無去過嘅地方-旺角！ 整好要整嘅嘢都差不多都食晚飯嘅時候，當然，係早飯😝 因爲都只係差不多六點，我倆都喜歡食早飯，唔洗等位之餘又無咁多人😁終於走咗上朗豪坊！係openrice搵一搵有咩食，就見到呢間，今天啱哂！成日都好怕食完一身燒嘢食味道，但今天搬咗一陣嘢加行咗陣街，我倆已一身臭汗🙊🙊 就食呢間😆😆一坐低，女友係到叫好開心呀😄😄 因爲環境唔錯，個feel亦好好，好似去咗日本咁，佢又鐘意玩呢啲⋯⋯終於今天有得玩😁 睇睇餐牌，太多嘢揀，但都不能諗太耐，始終限時麻😏揀個最正宗嘅廣島燒，睇相就知，好明顯係失敗之作🤣🤣  相信識炒嘅話，應該會更加好味，98蚊有得玩埋，幾掋😁😁跟住一個飯，道頓堀蒜香炒飯，呢個易炒好多，但個幾塊煙肉呢，又誇張咗少少，淨係得肥，煎完一點瘦肉都無🙄🙄 早知之前唔洗落油炒🙄🙄 個都好味呀！😋 呢個完成品係咪好好多呢，只係飯，確實係易炒啲😄😄之後叫多一個鐵板泡菜魷魚，呢個比較咸，可能係泡菜啦，跟住仲加埋個汁再炒，就更咸了🙈所以覺得呢個味道一般，好彩啲飯未食哂，有得送下食先覺無咁咸，玩到最後一個菜，忘記了影完成相添😅整體都唔錯㗎，都可以好評，但，後給我們嘅碟就唔係好夠乾淨！呢個可以改善下就好了😊👍🏼…查看更多

今日排左差唔多半個鐘先有位，揀左一個兩人餐，可以樣樣款式都試一試，其實每一款燒都有video學習同圖片參考的，甚至有計時器給我們使用。首先御好燒比較簡單，我們將食材撈埋，然後燒，每隔5分鐘反轉一次，然後加一點醬裝飾一下，就完成了！然後我們燒了一些腩肉和雞肉，醃製過的腩肉燒熟後鎖住肉汁，食落十分滿足！而雞肉也很容易燒熟，但比較上沒有特別之處，所以推薦大家燒大板燒比較好！我們再嘗試一下廣島燒，這個步驟很多，但我們還是懶得看短片，燒到中途忘了反轉，幸好店員看到過來提醒我們要反轉才能燒熟😂😂太好笑了！總結：打發時間好去處，我相信所有食物都不會太難吃的，最重要燒熟了加一點醬調味再裝飾一下打卡！…查看更多

今晚同啲朋友一齊嚟呢間餐廳想試下自己整下大阪燒，一齊玩下咁～我地3個人，一齊叫左個2人餐都夠飽😯個餐都幾多野食，又幾好味最鐘意嘅係廣島燒，我地加左$20要海鮮，多啲料，個味道豐富啲個人最鐘意入面個炒面，因為個面質夠煙un，唔錯唔錯！最後甜品揀左柚子味雪糕，有啲驚喜，好新鮮好好味；但綠茶味雪糕嘅奶味太重了…查看更多

素來喜歡日式大阪燒，見到會叫來食，但自制真係未試過。來到店外，好多人等緊，結果等左1個鐘先入到去。想食嘅朋友記得一去到就拎左飛先。廣島燒 $98超正超好味，整起來有成功感。配料很多，有大量椰菜絲，炒麵，豚肉，雞蛋，（像是）天婦羅片等。跟住佢嘅教學做，最好加上醬汁同蛋黃醬，整出來都幾像樣，味道都唔錯。怕咸嘅朋友唔好一開始就加太多醬 因為都一多醬就幾咸。豪華文字燒 $108一心貪玩想用佢個迷你鏟，唔知係咪自己整的唔好 煎出來好細。配料有帶子，章魚，豚肉。海鮮感覺都新鮮，但整個燒唔特別。流心芝士御好燒 $78好味道，滿足番文字燒後果份空虛，有番成功感 。材料有脆米，薑絲，豚肉，雞蛋，芝士片。整好後真係拉到絲，好味道。唔錯既一次體驗，用餐時候限90分鐘，每張台有一個有USB 叉電位~可以帶線去充電。…查看更多

之前經過尖沙咀已經想試試，但太多人排隊，估計最少等個半鐘。 所以今次早有準備，六點鐘就黎到朗豪坊搵位。可能係平日，所以無咩人。四個人點左4人餐，諗住咁多野食，應該剛剛好，最後係...... 首先黎左廣島燒，完全唔識點整，好彩佢有個好清晰既食譜，教我地點整，仲有埋計時器計時，非常貼心。所以雖然我地廚藝不精，不過都整得好成功，樣子有模有樣。 之後再黎左個御好燒和炒麵。玩一次就幾好玩，玩多幾次就少了新鮮感，而且醬汁味道差不多，所以我地覺得如果四個人黎，食一個廣島燒再加一個炒麵就夠，太多會膩。 跟餐還有每人一杯飲品、一份泡菜燒魷魚、燒牛舌和雪糕，可以解解膩。 我地四個食得勁飽，呢個四人餐份量太大，其實夠5-6人食，最岩大食既人。 總括而言，$588好抵食，不過下次會試下單點，食唔同既野。…查看更多

平日嘅中午, 同朋友 shopping 前食個午餐, 落住雨又唔想同人逼, 就行左入去朗豪坊。見到有間大阪燒店要自己落手整咁過癮就2個盲摸摸鐘左入去😂😂入到去, 每一張枱都好大, 因為要放一塊大鐵板, 同埋好多配料, 所以地方都坐得好舒服。:)午餐嘅 Menu for 2 個人就主要有午市套餐, 同二人份分享套餐, 我地2個生積咁款就叫左個二人套餐所有嘅野, 因為都要自己整, 所以都係生嘅材料上枱 (除左沙律😆)呢個係道頓堀雜錦燒嘅原材料, 有豬, 蝦, 魷魚, 章魚等等, 材料豐富。只係套餐裡嘅上級牛肋肉較失望, 唔單止得4塊, 而且切到好薄好薄, 個醬汁完全唔入味, 食落口都冇咩牛肉解味塊普通嘅跟沙律煙肉都比牛肉出色。而廣島燒都有一份大大嘅麵餅, 除此之外仲有其他配料: 椰菜, 豬肉, 雞蛋, 蔥, 魷魚脆脆等。整緊嘅中途終於.....過左10幾廿分鐘(因為我地張枱個計時器壞左😂😂😂)我地嘅製成品出黎啦。雖然, 唔係有咩特別, 只係覺得自己整會特別好食。而旁邊都有大阪燒醬, 蛋黃醬, 木魚粉同紫菜粉, 可以跟自己喜好加啊最後, 套餐仲包埋2杯飲品同2個單球雪糕。總結: 自己落手落腳係好玩嘅~會覺得特別好食, 但係因為落手時要慢慢睇 instruction, 好易 miss 左, 同煮過龍😅而且, 職員都冇特別同客人講要睇邊張 lnstruction 同講咩醬打咩醬, 要客人自己搵, 呢樣有待改善。不過餐廳材料新鮮又可以過下癮, 真係好滿足…查看更多

同朋友做完運動去搵食，知道呢到開咗呢間嘢一段時間，但都無試過（無理由一個人食啩），所以同朋友一齊去！星期六，好多人等位，都等咗成粒半鐘先有位！但裡面應該唔算太多枱serve兩個人餓得制，又有最低消費，$100一位，見到2人餐$388都多嘢食就唔諗叫咗 一來到的不是沙律 是帶子 自己燒 哈哈 有牛油配搭 加少量芽菜 都不錯之後就到凱薩沙律 要自己燒煙肉！哈哈 份量唔太多 普通啦 啲菜都脆口 跟著就來了廣島燒 望住教煮的menu 又要按計時 又要攪材料 又要炒麵 又煎蛋 有點亂 但都幾好玩 味道都唔錯 因為佢嘅燒汁 同🎉蛋黃醬 哈哈 雖然樣子普通 都唔差 （可能自我感覺良好）之後又有燒牛肋肉 都唔差 但我地不敢吃太生 也是全熟最後 大阪燒 呢個製作部驟簡單好多 材料攪好 有蝦有魷魚有豬肉 煎五分鐘 反面再煎五分 再反 煎多五分 加醬 吃得 味道都唔錯 同我大阪食 都無咩分別姐 （又自我感覺良好mode) 呀！有！貴啲囉！最後有甜品 雪糕單球還有兩杯飲品 但我地每人加十蚊 可轉有酒精飲品 哈哈由於此餐 澱粉質過剩 食到最後 食剩少少大阪燒總體來講 都係新奇 好玩 都算好食嘅 但要等太耐囉！ 同朋友或小朋友一齊 都唔錯選擇 因為有得一齊（玩）…查看更多

朗豪坊睇完戲，搵食醫下個肚，特登由13樓一路行落黎，見到有人氣大阪燒食，即刻禁票等位。足足等左30分鐘先可以入座，但朋友話算快😨四人行，叫左二人套餐+文字燒二人分享套餐（$388+10%）套餐包：凱薩沙律+御好燒（菜款三選一）+廣島燒+鐵板燒（二選一）+甜品+飲品我地選擇道肉類御好燒-主菜牛豬雞三款肉配有椰菜等配料。配料已分配for客人撈勻就可以燒。廣島燒有粉醬麵，肉&配菜。每樣菜料一層層咁放入鐵板去燒。甜品係雪榚球，有四種口味，我地叫左芝麻&綠茶。套餐夠大包圍，抵食且好食💯，因為足料，醬料隨個人喜好，班fd不停加紫菜😂😂😂教學方法會話你知如何製作不同種類大阪燒，非常清晰，只係燒過程會幾累，辛苦完食含種感覺好感動，特別好味！另外一道叫道頓堀雜錦文字燒($98)個人感覺伏伏地，因為只要椰菜絲&加三轉汁炒熟，炒完都唔知什麼味道👎🏻…查看更多

呢間餐廳之前經過已經好想試，今日6點半去拎飛，行完一大輪街，差不多7點半返去都仲未有位，可見呢間餐廳都幾受歡迎。叫左個廣島燒，因為有大板燒、又有炒麵，一次過試晒兩樣食物，岩晒得兩個人既我地！呢D係廣島燒既食材：本身都有D擔心唔識燒，但原來每張枱都會有張instruction guide住大家每個step，只要照住黎做相信一般都無咩問題！呢個就係廣島燒既半製成品喇！不錯吧！最後加埋d蛋黃醬、海苔粉、鰹魚粉⋯⋯呢個就係廣島燒既製成品，賣相的確唔錯呢，成功！我地再加左牛油帶子同雞肉帶子非常新鮮，燒完之後都仲食到佢陣鮮味雞肉就普通，無咩特別出色⋯⋯最後就係甜品喇！係出面食班戟就食得多，自己整就真係第1次⋯⋯製作材料：班戟既製作方法比起廣島燒簡單得多，應該都好難失手製成品雖然賣相唔算好好，但勝在味道唔錯！都算成功啦！呢間餐廳都幾有新意，比機會食客自己烹調屬於自己既鐵板燒，真係有有得食又有得玩，推介…查看更多