新聚寶素食

一直經常和家人來，再加上新年時候買了這裡的蘿蔔糕同芋頭糕整左翻去比同事食個個贊好，所以今日第一次帶左同事黎食Lunch。因為樣樣都想試，4個人叫左5個送，個個都話好味，4個女仔清曬所有送。靚女老闆娘仲好好送左甜品。大家都話過兩個禮拜再黎~~~嚴重推薦！食果你就知。黑色果d唔系鑊窿，系欖菜，有心思有heart的一道菜。口感同真魚生好似，加埋wasabi真係無得輸。不油膩，有鑊氣，比真牛肉炒的乾炒牛河更正，每次黎都必點。猴頭菇口感好似肉，酸甜唔會太濃味，就算唔送飯都好好食。其實裡面系玉子豆腐之類既野，健康好味。再認真望下乾炒牛河d“肉”，真係做得好有心思。…查看更多

是日 (舊曆八月十一) 秋分 、筆者的好老闆為慶祝中秋所以請同事們食素宴午餐 、不過深水食素的店舖非常之少；這所素店位於大埔道的、據筆者上 Open Rice Search 過此店由太子搬遷過的。筆者的精明好老闆 唔只請客咁簡單，他還幫同事們清洗埋茶杯及點埋素菜，在此順便再次感謝及感激他；其實筆者的老闆係一位素食者，所以由他點素菜就放心得多 精明好老闆點了以下的素菜 ：1.什錦齋滷味–素叉燒 (味道當然冇真叉燒既香口)、素香腸 (味道唔似，勝在外型似)、素鴨腎 (味道甜 d 及外型粒粒似足)、素鮑魚 (味道係冇味)、素酸鮑魚 (味道帶甜甜酸酸、正)、咖哩鮑魚(味道帶有甜甜的咖哩味、正) 以上全部口感都帶點煙韌、還有素鵝 (用腐皮包了數層再煎、味道甘香) 還有其它款…… 2.素鵝 - 用腐皮包了數層再煎、甘香回味 3.蓮藕炒火腿 - 蓮藕炒得爽脆，家常便飯的一碟餸，無乜特別4.乾炒牛河 - 筆者見到好肥膩，冇試到 ，唯有影相5.五柳炸仙斑 - 用芋蓉嚟做條魚，炸得外脆內軟，魚面再舖上酸酸甜甜的五柳醬，Yummy 6.紅燒豆腐扒時蔬 - 同樣家常便飯的一碟餸，無驚喜，獻汁多咗些少7.菠籮咕嚕肉 - 估佢唔到利用猴頭菇都可以做到勁似豬肉既口感，佩服，勁好味 8.金菇牛肉卷 - 炸香金菇再用素牛肉片蜷著，呢味餸真喺正到冇朋友，賣相幾何亂真，食落去同食真牛一樣，勁好味勁 9.午餐肉 - 味道似煙鴨胸 10.菠籮咕嚕蝦球 - 素蝦同真蝦冇分別、咬感彈牙，ok 11.咸魚雞粒炒飯 - 筆者冇試到 ，不過見到炒得都乾身12.鐵板大串燒 - 用牛形狀鐵板放上5支串著有青椒、洋蔥、素午餐肉及菠籮及素魚蛋的串燒；魚蛋(咬感彈牙、筆者覺得好食過真魚蛋) …查看更多