紅花會

今次講一間尋晚試嘅川菜, 價錢係中高價位, 食物質素唔錯(尤其係辣子雞！), 不過我覺得有啲overpriced.1. 尖椒黃金皮蛋 $98蛋黃非常流心, 咬落好爽, 有口感q彈, 唔會軟淋淋, 有啫喱嘅感覺. 醬汁調味唔會太感, 青椒片微辣, 唔難入口. 整體配合得好好👍🏻👍🏻2. 口水雞 $148口水雞份量算多, 可惜肉唔夠滑, 同温度偏熱, 唔算係好出色嘅前菜. 味道幾辣, 唔食得太辣suggest叫少辣3. 臘味炒芥蘭$198有臘肉同臘腸, 炒得好香, 切得薄, 唔會太油膩. 芥蘭爽口唔苦, 整體唔錯4. 辣子雞 $328強烈推薦! 一上菜已經聞到超香辣味, 非常吸引. 其他地方食到嘅辣子雞好多都係辣椒多過雞好多，但呢個好唔同，雞嘅份量超足，完全對得住個價錢。而且炸得非常適中唔會太燶, 保持到雞肉嘅嫩滑. 賣相同味道都可以話係今晚嘅mvp👍🏻👍🏻👍🏻5. 水煮魚片 (海沙巴) $468魚片可以選擇桂魚或沙巴, 我地選左沙巴因為口感比較實淨同大舊, 桂魚會比較薄同滑身, 揀邊樣就各有喜好啦. 魚片好入味, 雖然大舊但都好滑, 配料都好有誠意, 好多薯粉同蓮藕. 味道方面, 可能因為我地叫少辣, 唔算好辣, 但整體都好夠味同有辣香, 要讚嘅位係油量好少, 容易入口. 唯一可惜係魚嘅數量太少, 七個人每人一至兩舊就冇晒6. 酸菜魚 (海沙巴) $468賣相好靚, 魚同樣用左沙巴. 湯底比出面其他餐廳特別, 佢唔算好濃, 但有陣陣甜味, 撈飯一流, 我自己幾中意. 咸酸菜唔太酸, 一樣係甜甜地, 爽口嘅. 配料同樣有蓮藕同薯粉, 係一味幾有特色嘅酸菜魚. 7. 百味醬蒸豚肉腩片$168好似熱食版嘅蒜泥白肉, 醬汁香濃. 腩肉切得好薄, 包埋底下嘅金菇食, 唔覺肥膩. 作為一道唔辣嘅菜係幾好嘅緩衝8. 銀牙肉絲煎黃金脆面 $148即係肉絲炒麵, 但炒得好食. 用左幼面, 炒得好脆身. 9. 熗炒包菜 $128這個就比較失望了, 包菜靚但唔夠味, 辣味不足. 有啲失色.10. 甜品 - 反沙芋Off menu潮州甜品, 有驚喜. 將芋頭先炸到脆身再加上面層嘅糖霜, 味道唔複雜但好好為這餐川菜作結.👍🏻雖然價錢唔平, 不過為左個辣子雞都有機會再黎😬推介菜: 辣子雞, 尖椒黃金皮蛋, 反沙芋…查看更多

早幾日同客人係中午試過這間的食川菜的商務午餐, 回頭值很高! 今晚又回來幫襯了這棟新式樓宇是由 Savills 管理, 我們book 了7pm, 樓下大堂的職員得知我們去那間餐廳已經可以知道我們的預約資料, 令人覺得服務超貼心, 有種似VIP 會所的感覺餐廳可能都是照顧開商務客, 主要都是sofa 的雅座, 讓人坐得很舒適, 而且職員服務都很到位貼心, 忍不住給一個讚尖椒黃金皮蛋 ($98)黃金皮蛋顏色很漂亮, 看起來金黃誘人, 層次分明, 裡面的蛋黃有溏心的感覺而蛋白金黃透明, 咬下去富有彈性, 吃起來又軟彈, 口感非常好, 加上以青辣椒, 香蔥, 醋, 紅油等調味, 帶出了皮蛋的蛋香, 味道濃鬱而有回甘的感覺紅花海皇酸辣羹 ($78)四川酸辣湯的特點是酸、辣、鹹、鮮、香。最大的特點就是酸爽開胃而且所需的食材非常豐富多樣, 有蝦、帶子、豆腐、老陳醋、冬筍、保寧醋等讓這道羹湯的口感與營養提升了不少，喝起來非常舒服過癮。而最特別的是這裡的酸辣羹更加入了紅花, 帶有藥膳功效, 氣香行散, 入血分具有活血通經, 達到祛瘀止痛的功效。 茶燻樟茶鴨 – 半隻 ($208)識食一定要食這個茶燻樟茶鴨! 樟茶鴨屬燻鴨的一種, 製作很考究不是普通餐廳能食到, 因為此鴨需經醃、熏、蒸、炸四道工序, 要求嚴格! 上菜時香熱, 鴨物色澤呈金紅, 外皮酥脆而肉身內嫩, 沒有一點肥膩的感覺, 更帶有樟木和茶葉的特殊香味，不愧是四川著名菜餚! 大廚的功力很非凡! 蛋黃豆腐 ($128)鹹蛋燜燒蟹粉是咸燒的, 還加入了昂貴的厚切冬菇及海蝦, 很好吃哦菊花茶 菊花茶香氣濃鬱，提神醒腦，也具有一定的鬆弛神經、舒緩頭痛的功效。我們用膳完畢菊花茶飲了很多轉仍是很有花香! 忍不住打開茶壺, 原來裡面有半壺份量的菊花, 真的超讚呀! 對於長期對住電腦的我, 菊花茶本身就有助緩和眼睛疲勞, 忍唔住埋單了都要飲多杯…查看更多

夜闖 紅花會 皆因想食川菜，沒有陳家洛堂主，只有葉世昌師傅，早前就是看了 Viu TV 「踢館」水煮魚，垂涎欲滴，於是一行四人來！紅花會是一家走會所風格的川菜小館子，揉合傳統及創意元素，整體水準唔錯，值得推薦。 據說川菜講求百菜百味，只不過在香港吃到的川菜皆以麻辣為主，個人口味來說，一餐有辣有唔辣的川菜晚宴方才合意！ 尖椒黃金皮蛋 $78唔食唔知皮蛋都有金黃色的！平日見慣黑黑灰灰，據說因為四川醃法不同。這道黃金皮蛋賣相搶眼，見樣已經覺得好食！同樣是蛋白有點通透似啫喱，蛋黃黏黏地半溶狀態，質素好好，食落順滑順口；一片紅海的賣相好似好辣，其實我唔覺得辣，相比一般皮蛋添了蛋香，少了阿摩尼亞的霸氣，好吃，值得一嚐。 茶燻樟茶鴨 $168裸妝而上沒有雕琢，樟木及茶葉之獨特香味更出，鴨皮酥脆、鴨肉香嫩，水準之作！美中不足在於麼麼皮，稍為熱度不足，令香軟度遜色！蛋黃豆腐 $128遇上我喜愛的兩款食材，蛋黃調得恰到好處，混合豆腐滑溜非常，淨食或佐飯更一流，愛不釋手！水煮魚（海沙巴） $428果然是招牌，而且份量十足。魚肉新鮮結實，被辣油沐浴之後異常順滑，而且有曾炸過及原味兩款混合。鍋內有四川薯粉條及芽葉，吸盡湯汁，香辣非常，正常的辣度真的夠辣，如果不能吃太辣的朋友可以要求減辣。 椒麻鮮雞 $108雞肉嫩滑，胸肉亦不嚡口，處理得唔錯，但椒麻之味不強，相對比較失色。  薑米肉崧炒絲苗 $148炒得夠火喉，米飯粒粒分明，薑味足，味道亦剛好，作為辣後平衡及飽肚剛好。 裝潢基本中見鮮明風格，艷紅及墨綠色的配搭想不到合拍。有四間私人房間，大廳椅貝特別高，可見私穩度的重視。 價錢尚算合理。午市套餐更是抵食，值得重臨！ …查看更多