麥記美食 (景文樓)

今晚好想食小籠包鍋貼呢啲嘢，見呢間係米芝蓮推介，而今晚見條人龍又唔算長，所以決定就喺呢度開餐！1）小籠包呢個真係必點，每隻小籠包都係爆汁到流出嚟嘅，每隻小籠包嘅size比平時食嘅大隻少少，一咬開啲湯汁就寫晒出嚟，新鮮滾熱辣，加埋啲油香，好好味！2）生煎鍋貼呢個都係必點！鍋貼底脆，而成隻鍋貼又鎖倒肉汁，細細隻，一啖可以食晒。每碟有三隻，所以我哋兩個人要自私食，叫每人一碟先夠喉。🤣🤣3）小雲吞麵小雲吞都有好多粒，全部都係一口足料小雲吞。朋友唔食得辣，所以叫咗個清湯版，但係就轉咗白麵。我嗰碗就好想試下佢哋推介嘅紅油版-少辣，就跟返佢哋原本嘅粗黃麵 。個人覺得佢哋嘅粗黃面好食啲，因為比較粗身，而且冇咁索湯，又Q彈啲。朋友食嗰個白麵就比較容易索湯，我見佢食到尾嘅時候都冇晒湯水。4）蒜香牛油雞翼、黃金之翼（各三隻）超鍾意佢哋個炸雞翼，不論係蒜香牛油版本，定係鹹蛋黃黃金版本，都炸得超級好食，夠香，雞翼個皮夠脆，又係新鮮炸起。舖頭乾淨企理，又唔使加一 ，經濟實惠，食物又高質！…查看更多

雲吞擔擔麵餐擔擔麵湯底夠晒濃郁，花生醬同辣油撈勻之後好香。雲吞皮薄餡靚，咬落去成啖豬肉，仲有少少汁爆出嚟！跟餐嘅鍋貼煎到金黃色，底脆皮薄，一咬開啲肉汁多到瀉，蘸少少黑醋簡直無得頂！鴛鴦餐跟餐有生煎包同酸辣湯。生煎包底脆到好似餅乾咁，但上面啲皮又軟熟，一啖咬落去啲熱湯噴出嚟。酸辣湯料足，木耳、豆腐、肉絲樣樣齊，酸得嚟又帶少少辣。小籠包肉質鮮甜，咬落去要小心，因為勁爆汁。黃金之翼其實係鹹蛋黃雞翼，炸得外脆內嫩，鹹香得嚟又唔會太漏。…查看更多

一直Bookmark咗呢間隱世米芝蓮小店「麥記美食」，之前得外賣檔真係唔方便，終於等到佢哋開堂食舖！雖然位唔多但坐得舒服，重點係用街坊價食到星級水準嘅上海菜，CP值爆燈啊～ 1⃣️ 雲吞擔擔麵套餐（$63）（豆漿+$6） ✨驚豔位：湯底！花生醬味濃到掛喉，仲有脆口花生碎提升層次～雲吞皮薄餡靚，蝦肉彈牙！生煎鍋貼底脆到「咔嚓」聲，咬開爆肉汁💥 私心推薦蘸秘製辣醬，唔係死辣反而帶蒜香，襯到絕！2️⃣ 鴛鴦套餐（$57）（凍檸茶+$3） 生煎包vs鍋貼雙拼滿足選擇困難症👏 酸辣湯足料，有筍絲木耳，酸度醒胃唔嗆喉，配煎包一流！3️⃣ 小籠包（$32） 湯汁清甜冇豬膻味，一啖咬落爆汁。4️⃣ 麻辣紅油抄手（$30） 🌶️麻香後勁凌厲，配上面頭肉碎非常惹味！紅油帶微微甜味，雲吞皮吸盡醬汁超邪惡～…查看更多

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。雲吞擔擔麵餐包雲吞擔擔麵同3隻鍋貼加飲品，$63。我見到好多人都叫。雲吞擔擔麵大大碗，有六隻雲吞，皮薄餡靚，入口滑溜，真係非常好食。黃色麵條唔粗唔幼，口感唔錯，蛋香十足，配個擔擔醬好味道，好香花生味，味道甜甜地。面頭加有少少肉醬，伴有菜心一條，灑上蔥花。3隻鍋貼生煎鍋貼果然係米芝連推介小食，煎得底脆而上面皮薄又滑，入面肉餡唔錯。枱面上有黑醋自己加。點心套餐包10隻鍋貼，酸辣湯同飲品，$62。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。小籠包 $32小籠包一籠四粒，皮薄而湯汁夠多，肉都好鮮，出色！蒜香牛油雞翼 $30蒜香牛油雞翼一客三隻，熱辣辣，整得皮脆肉嫩，味道剛好，好香蒜味，而唔會太濃，好香口。檸檬柚子梳打 檸檬柚子梳打係罐裝梳打水配另一杯檸檬片加柚子醬同冰，絕對唔會太甜。另配獨立包裝飲管一支。凍檸7凍檸7都係配大大杯冰加幾片檸檬。都配有獨立包裝飲管。總括而言，呢度除左生煎鍋貼，其他食品都唔錯，包括小籠包同雲吞，真心好食。店舖簡單，座位大概有16個左右。星期五夜晚要等位。都有好多外賣單。…查看更多

這家平民米芝蓮推介餐廳，我同事早餐時段經常過來買燒賣，這還第一次進來吃晚餐。位在斜坡中段，店面小小，舊式老上海菜館格局，桌子不多，但是挺溫馨的。只有一個女侍應生在服務，挺有朝氣的。看完餐牌，價格都不貴，套餐還更實惠，當然選套餐了，然後再單點兩款食物。🍜雲吞擔擔麵餐 $63 （配3隻生煎鍋貼 + 凍檸水）麵像油麵，不過稍微幼一點，好有咬口，擔擔麵湯底的花生醬／麻醬非常香濃，還有滿滿的肉碎及好多粒雲吞，份量很足，幸好食之前分了一些給朋友，根本吃不完。🍜酸辣湯麵餐 $52 （配兩件生煎包 + 支裝豆漿）這部分跟餐廳食物沒有關係，完全是我們的飲食習慣問題。沒想過酸辣湯會加了切條的鴨血，我們完全不吃的，只好叫店員幫我們拿個碗子，我們自己挑了最底部的麵出來，幸好酸辣湯比較濃稠，底部基本沒有沾到湯，麵條也是好有咬口。生煎鍋貼底部煎得很香脆，咬開肉汁滿滿，非常好食。生煎包的皮是傳統比較厚的，但皮很香是微甜的，咬開竟然有豐富的肉汁，非常喜出望外，底部煎得酥脆，相當出色。🫓小籠包 4件 $32上海菜怎能沒有小籠包呢？好抵食，而且皮薄餡鮮，湯汁咬開是爆出來的，好吃得不得了。不是胃容量有限，我們一定加點。🐔黃金之翼 3件 $33雞翼炸得香脆，然後裹上咸蛋黃，味道不知道怎麼形容，咸香酥脆，令人回味無窮。總結，米芝蓮推介果然名不虛傳，包點鍋貼尤其出色，我們下次不點酸辣湯，可以選擇的還有很多，下次也可以試試蒜蓉雞翼，太香了。…查看更多

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。點心套餐包10隻鍋貼，酸辣湯同飲品，$62。生煎鍋貼果然係米芝連推介小食，煎得底脆而上面皮薄又滑，入面肉餡唔錯。枱面上有黑醋自己加。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。雲吞擔擔麵餐包雲吞擔擔麵同3隻鍋貼加飲品，$63。雲吞擔擔麵大大碗，有六隻雲吞，皮薄餡靚，入口滑溜。黃色麵條唔粗唔幼，口感唔錯，蛋香十足，配個擔擔醬好味道，好香花生味，味道甜甜地。面頭加有少少肉醬，伴有菜心一條，灑上蔥花。3隻鍋貼小籠包 $32小籠包一籠四粒，皮薄而湯汁夠多，肉都好鮮，出色！蒜香牛油雞翼 $30蒜香牛油雞翼一客三隻，都好大隻，熱辣辣，整得皮脆肉嫩，味道剛好，唔會太濃，好香口。檸檬柚子梳打 檸檬柚子梳打係罐裝梳打水配另一杯檸檬片加柚子醬同冰，絕對唔會太甜。另配獨立包裝飲管一支。Coke ZeroCoke Zero都夠凍。配有獨立包裝飲管。總括而言，生煎鍋貼質素果然高，而其他食品都唔錯，包括小籠包同雲吞。店舖簡單，座位大概有16個左右。星期五夜晚要等位。都有好多外賣單。…查看更多

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。鍋貼餐包10隻鍋貼，酸辣湯同飲品，$68。鍋貼果然係米芝連推介小食，煎得底脆而上面皮薄又滑，入面肉餡唔錯，加有少少蔥花。枱面上有黑醋自己加。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。紅油抄手餐包紅油抄手同3隻鍋貼加飲品，$53。紅油抄手有十隻小雲吞，皮非常滑溜，肉就細細舊。除左一般既辣椒油，仲有肉碎同酸菜加蔥花，味道少少麻辣。3隻鍋貼小籠包 $32小籠包一籠四粒，皮薄而湯汁夠多，肉都好鮮，出色！鍋貼6隻 $30再加多碟單點鍋貼墨魚 $14墨魚有幾件，超爽口。燒賣 $10燒賣一客5粒，肉質彈牙。小食可揀甜醬，辣醬或者豉油，我揀左辣醬，都頗辣。凍豆漿凍豆漿係支裝，味道微甜，夠凍，可解渴。Coke ZeroCoke Zero都夠凍。配有獨立包裝飲管。總括而言，鍋貼質素果然高，而其他食品都唔錯，包括小籠包同小雲吞。店舖簡單，座位大概有16個左右。都有好多外賣單。哥哥好友善。…查看更多

噚日(20-10-2023 Fri)老公嘅”爺爺”過身守夜, 我就約老公放咗工後過嚟食咗晚飯至去靈堂,老公先去到,冇耐我都去到喇,老公就先落單,就係$67.00既駌鴦餐,佢要咗檸七,冇耐,套餐到嚟,我就加豆漿同小籠包,分別係$10.00同$30.00.豆漿係來貨,唔評,但要讚嘅係佢哋雪到好凍.講返套餐,我先食窩貼,個底係脆,餡料鹹淡適中,但唔係我細個時食到嗰種風味.味道:2.8分酸辣湯呢,見到有豆腐同木耳,食落係有酸辣嘅味湯,但其實的唔係鍾意酸辣湯,飲咗兩啖就俾晒老公飲.味道:3分生煎包呢,餡料同窩貼一樣,個底都係脆脆地,內裡唔係爆汁.味道:2.8分而佢同窩貼都唔係好熱.最後小籠包,呢個等咗好耐,耐到個店員收嘢時至記得原來呢個未到,呢個就熱騰騰,夾起唔會穿,要小心食,因為真係好熱,佢嘅肉汁係有好多,呢個就出色.味道:5分環境:呢喥有bar枱,而普通方枱好特別,好懷舊,似日本風.其他:呢喥嘅調味料要自己攞,水亦係自己斟.抵食係 2.8分…查看更多