君頤上海小廚

喺太古返工嘅人一定知，每次行過呢間上海餐廳，都一定好多上班族排隊，好肚餓又唔想食西餐，就過嚟呢度食吓上海小菜🥟午市二人套餐 $297| 小籠包 |食上海嘢點可以唔食小籠包！呢間家餐廳的小籠包是我吃過的好高水準嘅👏🏻 外皮薄，湯汁豐富，一口咬下去，滋味鮮美，肉香味濃郁，點上醋汁，更加好食，好好嘅開胃點心😇| 雞絲粉皮 |粉皮軟嫩滑爽，而且不會太厚或太薄，口感非常適中。雞絲則煮得嫩滑，搭配上一些青瓜絲同花生碎，食落清爽可口，都係好開胃😂🐥| 水晶肴肉 |豬肉切成薄片後，肉片透明如水晶，肉質入口即化，不會太油膩，啱晒健康飲食的人士，整體嘅口感好清爽✨🐽| 涼拌青瓜 |青瓜新鮮爽脆，切成片後搭配上一些醋、醬油和花椒，味道清新可口，讓人吃得非常愉快，仲可以幫助排毒添🥒| 糖醋魚柳 |魚柳炸得金黃酥脆，醋和糖的比例也恰到好處，味道酸甜可口，好好餸飯🤣 魚肉的營養價值也非常高，魚肉含有豐富的蛋白質，食完都健康啲👍🏻| 桂花糕 |我鍾意桂花糕獨特的花香🌸糕上還撒上了一些桂花碎，用花嘅形狀上碟，十分精美。咬落去好清甜，係淡东嘅中式甜品🍡| 雜果杏仁豆腐 |豆腐綿密的口感搭配豐富的果仁，味道好有層次，而且冇落糖漿，但都有本身嘅甜度，好好食啊，豆腐有有充足嘅蛋白同鈣質，genki😬♪(´ε｀ )…查看更多

君頤，係太古住同附近返工未食過都聽過佢大名~ 今日突然想食上海野~ 就衝去君頤食~ 雞絲粉皮 花生麻醬較得好好食，粉皮滑嘟嘟得黎又不會痴埋一舊舊，一口青瓜MIX埋充滿麻醬香的雞絲粉皮，好舔舔利~不過堂食呢個都$62，份量太細~ 我見佢外賣雞絲粉皮一大盒~ 姐下次我識做啦小籠包($42)皮薄多汁，高湯濃，好食上海醬油炒飯($88) 甜甜地又咸咸地，炒到粒粒分明，認真惹味，份量好多~ 抵食上海生煎包($42) 夠熱，但味道正正常常，食完無咩印象點一碟菜心($48)純粹是姐覺得食飯，應該有碟菜扮下健康~菜心應該用醬油灼過，吊出菜心鮮甜…查看更多

嚟太古揾朋友食飯，咁啱想食餐上海野。間舖離太古城中心大約5分鐘路程，平日下午茶時段得兩三枱客，所以非常安靜。同朋友叫咗一份下午茶餐，包一個小食，一個粉麵同一杯飲品。之後再散嗌咗兩個餸。下午茶餐整體上都算OK，以$50嚟講都合理。今次主要講嘅係怪味雞同小籠包-怪味雞-朋友想食口水雞，不過喺menu揾嚟揾去都冇，淨係見到一味叫做怪味雞嘅小食。喺冇乜選擇嘅情況之下我哋就叫咗~ 賣相同份量都唔錯，配埋啲配料食都幾惹味。不過如果可以辣少少會更好。-小籠包-本身鐘意食小籠包，所以一定要嗌嚟食。一份有四粒，個人認為同人share嘅話一定唔夠喉~ 講翻個包先，塊皮厚薄適中，包入面嘅充滿湯汁，而且入面嚿肉一啲都唔實，配合醋同埋薑絲，非常satisfying…查看更多

因為疫情關係，已經很久未有外岀用膳。突然路過這家餐廳，想起它的小籠包，醬油炒飯，心思思今晚(6月11日)就再去嘗嘗。一進餐廳，當然係先量體溫，餐廳貼心地在門口放有抹手紙放口罩，也很是週到。兩口子叫了小籠包、鍋貼、醬油炒飯、清炒津白、再加個豆沙鍋餅，很是滿足！食物質素同樣地好，小籠包和鍋貼都是爆汁的，醬油炒飯更是我的至愛，每飯粒也沾滿足夠的醬油，鹹甜剛好，甘香味美。員工服務也很好，食得很舒適，值得推介！…查看更多

一時興起，想輕鬆小聚，選了公司附近的’君頤上海’～這裡品種多，份量少，價格也不貴，啱晒為食又想keep fit的女人😍7點不到就坐了，限聚令期間，不用等位！今天的計畫就是小食聊天，慢慢雕刻時光...涼拌三拼來了： HKD78.- 👇👇👇☝️☝️☝️是我們自己選拼的，其他的選擇還有：肴肉，青瓜...whatever，我們很滿意自己的三拼，好味又抵食👍在此，要隆重推薦👇👇小籠包 HKD42.- 超讚👍皮薄餡兒軟，肉嫩汁香，沾上薑醋～yummy！每人一籠冇難度！值得專攻此味！以下是上海名菜：賽螃蟹👇👇 HKD82.- 重要的應該是薑醋，但上菜時沒有送薑醋！？ 查問，侍應指示台面上擺放的醋瓶，唔係嘛？好彩～我啲有食小籠包剩低的薑醋！如果就單用普通的陳醋調拌，味道肯定差很多～最後一道：宮爆雞丁👇👇HKD82.- 賣相夠90分！用料算認真，是腰果不是花生喔👍但是，畢竟上海料理偏甜，做不出川菜中宮爆雞丁的辣和鹹！得打包了～此地，寬敞舒適，環境不錯，閒坐兩小時，很飽！應該會再來～而明確目標，小籠包！！…查看更多

本來諗住去食burger，點知限聚令下，無位，就行咗蒞君頤。小籠包：皮唔算厚，湯好味，肉質腍但唔爛坺坺。羊肉餃：正常厚餃皮，唔羶，直情係唔似食緊羊肉。另上一碗汁，味度似紅油抄手嘅紅油，但又唔算好辣。餛飩麪(竟然影漏咗)：餛飩皮薄，肉好香(希望唔係出咗蠱惑)，但湯底非常清，我點咗羊肉餃啲汁當紅油抄手食，哈哈。似乎食淨餛飩會開心啲。擔擔麪：準備去食嘅一殺那聞到好香，但入口嘅味同嗅覺唔同，而且啲麪係唔多吸味。炸豬扒：正常，唔靭。南瓜餅：油！無咩南瓜味，反而都係裡面啲紅豆蓉比較出味。三件之中有一件裡面有兩粒南瓜子(白瓜子)。啊！要收茶錢！…查看更多

今個星期 去朋友家中探佢地八個月寶寶 夜晚就去左佢老公樓下最鐘意的飯堂食晚飯 整體食物質素很好 值得推薦 1. 酸辣湯拉面 朋友老公話必點的菜式， 拉面上面淋上酸辣湯 食果時自己需要混合後食 酸辣湯 吾夠酸 吾夠辣 拉面屬於淋身 整體較為普遍 但朋友話 之前食係重口味些的 今次味道不同左 所以 吾知係吾係 我地當日有少少失準 如果 以我果日食的質素 不推薦的 希望 餐廳注意一下加強些酸辣 哈哈2. 頭盤前菜 （自選款）豬耳 爽口味道算野味 雞絲粉皮 普通 夫妻肺片 算野味 整體份量細 但3自選款口味多樣 不過 味道就無咩特別3. 小籠包超薄皮 又吾破 但得一讚 內面豬肉有肉汁 配上陳醋 一流 ，餐廳好窩心 送埋薑絲 配醋 多左重口味 5. 紅油抄手 紅油抄手 豬肉配好似白菜做料 口感豐富左 因為有菜的源故 紅油吾算好辣 易入口 值得推薦7. 黃金蝦 超新鮮整出來 一上台 見到蝦球噴煙的 蝦🦐球拔左殻 外層的粉醬吾厚 外層掛滿黃金（蛋黃） 超有咸蛋黃香 係超濃味 係我食過最濃味黃金蝦 真係好好食 十級推薦 一定要點9. 高力豆沙又係超新鮮熱辣辣上台 外皮的蛋白好香軟 好軟 紅豆係變左豆沙 好甜 好香 個人認為豆沙過甜 如果甜度減少少 就完美啦 果晚3個人食 食左5百幾數 人均160 都算抵 值得推薦 …查看更多

話說我份part time就嚟last day，於是約埋同期入職嘅同事嚟食fellow飯。我地12：00鬆d嚟到，見到有好多位吉咗，不過去到12：45左右就開始多人，走果陣已經見到好多人起出面等位。佢依度收加一，茶芥每位$4，冇lunch set。Menu都有好多野簡，湯麵類係最平嘅，基本上below $50，見唔少人都係叫湯麵同年糕，應該都係吸引嘅。上海小籠包嚟上海餐廳必點，個皮非常薄，味道唔錯，啱啱上枱就食嘅話個皮唔算易穿，但係放耐咗嘅話，一拎個底就穿咗，所以都係襯熱食。蝦球炒拉麵($82)蝦份量多而且好大隻，非常彈牙，個麵唔會炒得好油膩，成碟嘅份量夠2個人share。津白肉絲湯年糕($48)佢落咗年糕、白菜、豬肉絲同冬菇絲，年糕嘅份量多，煮得好淋，個湯係奶白色嘅，好重白菜同豬骨嘅味。野食唔錯，茶都好好飲，staff見到隻杯就冇茶會主動過嚟添。不過等嘅時間就要耐d，我地個小籠包都等咗半個鐘先到，埋單又要等差唔多成個字。…查看更多

小妹都唔知有冇嚟過太古城，由於今日探親黎到附近，所以就同一家人一齊去食上海野 上海野離不開小籠包、生煎包、上海炒年糕、擔擔麵、雞絲粉皮等等嘅菜式，所以小妹以上所有全部都有叫嘅首先要介紹一下小籠包，熱辣辣上枱之餘皮亦非常薄，基本上一夾即爛，所以要非常小心。小籠包入面湯汁非常多，小妹極度推介估唔到生煎包等得最耐，不過好彩都係即叫即整，入口熱辣辣，不過外皮比較厚而且內餡唔算太多，所以小妹覺得同一般生煎包分別不大上海炒年糕份量好多，幸好唔會太鹹，椰菜同肉絲嘅比例都好，年糕煮得淋老人家都食到 感覺花生醬唔太多，少咗一份擔擔麵的香味。同坊間擔擔麵相比，湯底比較輕而且辣度屬一般所以應該好多人都食到雞絲粉皮嘅粉皮煮得比較爽口加埋蔴醬都唔會太膩，雞絲同青瓜份量都比較多，做一個前菜都幾唔錯P.S. 啱啱睇其他食評發現好多朋友都講服務態度好差，但我嗰日係星期日嘅下午茶去到餐廳，入座率唔高但服務質素幾好，好照顧老人家需要，若果仲有機會的話小妹都會再去…查看更多

好似已經好耐無4個一齊食lunch, 今日黎到想試左好幾個月既上海餐廳!幸好時間尚早, 即刻可以安排入座~ 內裡面積不大, 不過裝修富有中國味道, 小心冷氣頗凍....餐牌內有不少的選擇, 前菜小食一大堆, 主菜飯麵亦不缺...  見到附近幾枱都有叫前菜, 好似烤麩咁, 不過我地完全忘記個頁, 有d後悔無揀個黎試添...不過都好, 留個再黎既理由嘛!當然我地叫左小籠包一試! 皮薄多汁, 肉質鮮甜, 不過唔知點解我一口食晒都唔覺燙口...仲有叫左紅油抄手, 其中一個同同事至愛! 呢碟比較辣, 仲係麻個隻辣, 不過皮夠滑, 係一粒好雲吞!梗係覺得太古呢度好多擔擔麵食, 呢碗唔算辣, 有少許花生香, 屬於一般...上海粗炒好似特別粗咁, 甜甜既香烏冬, 易入口又令人不知不覺食多左, 對我黎講唔算炒得油, 但都滑得幾難夾xd最後有碟上海炒年糕, 有少少後悔揀左碟同上海粗炒差唔多味道既年糕, 都係豉油色, 不過年糕比較出色, 有種更甜既味道, 而且煙煙韌韌口感吸引, 更令人不捨得停口....以午餐呢個咁趕既時間, 我地都坐左成個幾鐘, 都算幾抵食, 都係因為我地好飽, 粗炒食極都未完... 心諗侍應應該好想趕我地走...xp…查看更多

今日一行7人同妹妹預祝生日, 爸爸媽媽唔太喜歡日本菜同西餐, 所以選咗食上海野。先黎醉雞, 肉質嫩滑, 酒味夠香蘿蔔絲酥餅, 酥皮好鬆化, 如果蘿蔔絲再多D會更好紅油抄手, 推介之一, 紅油辣得剛剛好, 雲吞皮夠薄, 食完好開胃小籠包, 另一推介, 皮薄, 湯汁清甜, 好味雲吞雞 (6人份量), 比想像中大鍋, 金華火腿令到個湯過咸炒麵同炒飯都做得唔錯, 食到底都唔會油最後食埋甜品, 豆沙鍋餅好好食, 豆沙餡好多, 皮亦炸得好脆…查看更多

因為Suede而認識的朋友4月初離開公司，本來打算到較遠的一家食店吃farewell lunch，但是日天氣極差，雨下得特別大，故最後唯有到公司樓下的君頤吃上海菜。朋友一坐下就說要吃小籠包，心想：識食！因為於我而言，小籠包是這裡的最好吃的啊！皮算薄，內裡湯汁夠，豬肉沒有脢味，加少少醋味道更佳。現在即使打食評也在回味呢！由於朋友胃口一般，故讓我拿主意點其他吃的，除了小籠包，每次吃上海菜我都想吃兩樣食物，其中一樣是蒜泥白肉的東東，看到這裡也有一個名叫白肉粉皮，對了，即點。另一樣就是烤雙方，這個除了不是處處有，即使有也可能要預訂，而在君頤竟然可以現點現做，那豈有不點之理？以朋友今日的狀態，不能點太多，故我們多點一客豆沙鍋餅作結好了！由於這裡的小籠包是必點類，想必師傅為應付每枱都點的情況，故不停即蒸這個，第一道上桌的食物就是小籠包呢！味道是一如以往的好，開首已提過有多好了！接著來的是白肉粉皮，這個份量可真不少，有十數片肉，每片肉均好瘦，沒有半點肥肉(不過我個人較喜歡肥瘦相間的腩片，爽中帶滑，跟辣汁同吃超讚！)，下面墊有大量粉皮，辣汁另上，要自行拌勻。正如剛才所言，肉有點過瘦，故嚡口跟爽滑粉皮沒那麼夾，而辣汁沒平時蒜泥白肉的汁好吃。(但我仍蠻喜歡這個的)最後來的是烤雙方，雙方是指切成方形的金華火腿及炸腐竹，以餅皮包著同吃，可夾青瓜增加爽脆口感。由於我不吃青瓜，故只夾雙方同吃，金華火腿尚算瘦，又不會太韌，腐竹很香口﹑很脆，配蜜汁同吃一流。不過蜜汁顏色很螢光呢，有點嚇人！高興的是這次為朋友首次吃烤雙方，而且朋友也覺得特別，也覺得好味，讓我忘卻螢光汁的不足。差不多吃罷所有鹹食，我們便吩咐店員上甜品，這個豆沙鍋餅就讓我覺得有點失色了！餅的顏色不夠金黃，面頭油亮亮的，猶幸甜品夠熱，咬落外鬆脆，內裡豆沙餡蓉夠幼滑，為其挽回不少分數。在太古城這自成一角的小區裡，說實話食肆其實不少，不過要吃有質素的上海菜來說，相信只有這裡才夠稱心啊！單是一客小籠包足以叫人做回頭客呢！…查看更多

10月4日（星期一）晚，雖然寫了食評已有一段日子，卻到這天才第一次使用OR送的換票證去看電影，一直也以為要抽中戲票是多麼的困難，原來是我完當初填寫資料是有錯誤，幸得食友提醒和幫忙，終於一償所願，亦趁這個機會讓很久沒看過電影的我們可以進入戲院。散場後，就去這裡吃點食物才回家。我和女友點了一碗招牌擔擔麵、一客小籠包、翡翠菠菜蒸餃和水晶肴肉。落單時，男侍應就問招牌擔擔麵要不要走青、剪麵和少辣，完全正是我們想要求的。擔擔麵湯底的麻醬味十分濃郁，碗底還有大量花生碎，相反辣味溫和得來差點在舌頭感覺不到，但卻在口腔內後發先至，麵條爽口滑溜，這碗擔擔麵確是有點驚喜；雖然小籠包祇得四隻，但每隻的皮都很薄，餡肉鮮味多汁，就算水準未能和「鼎泰豐」相比，相信亦不遠已；翡翠菠菜蒸餃有三隻，外皮帶點綠，相信搓麵粉時也加了些菠菜，內裡的菠菜嫩滑翠綠，味道甚佳亦感覺健康；是晚不知何故突然想吃水晶肴肉，所以點了一份，水晶肴肉擺放得精美，豬蹄肉鮮味濃厚，口感油潤滑爽卻不覺肥膩。臨走前，男經理提醒我們記得帶走隨身物品，雖感覺有點不慣卻很細心的服務。…查看更多

好彩一早訂左位，唔係有排等。講真好似得依間排哂隊，我地訂左都要等十分鐘。入到去，第一個感覺係好窄，枱櫈細之餘，走廊只能同一時間容納一個人，坐埋位更覺得唔舒服唔自在，連袋都冇地方安置。我地點左三款餸。嘩，十分鐘已經黎哂，張枱重要唔夠位放，玩野！　小籠包：一個應該非常穩陣既菜式。皮好薄，不過就唔夠熱同個包入面唔夠湯。　蒜泥白肉粉皮：汁分開上，原意係幾好，不過就咁就出左事，因為點汁食好乾，而且唔夠啉。D汁分開左，就好容易睇到某D問題：D肉切得太大片，又厚又硬，非常失敗。粉皮都係一樣，又乾又硬，唔掂到極。　蝦仁鍋巴：鍋巴太硬唔夠脆。個汁太多蕃茄，酸到我食左少少都已經胃痛到唔食。蝦介就還可以。…查看更多

下班後跟從美國回來的朋友聚聚，大家闊別一年，再次重聚倒有很多可以聊，於是便選擇了這家上海菜。我們叫了以下的食物：1) 小籠包 - 皮薄汁多，不過用筷子夾它時皮卻不會穿，值得推介。2) 担担麵 - 不會似一般坊間的有太重的花生醬味，這個麵夠辣，麵條夠爽口，不會煮得過"淋"。3) 奶油津白 - 跟平時吃到的沒什麼分別，味道OK4) 蔥油餅 - 沒有鬆化的外皮，入口稍為硬了些，不過值得一讚是有很多蔥，沒有偷工減料5) 南瓜餅 - 比較油膩，南瓜味不是很重，只是橙色的餅而已，不值得一試6) 酒釀丸子 - 有淡淡的桂花香，味道OK。服務也不錯，我們吃完了坐在聊天也沒有"暗示"我們要快些買單。不過二人吃了二百元左右，差不多一百元一人，雖然試了很多食物，也好似貴了一點。但看在食物水準份上，還是給一個笑臉。…查看更多