北京老家

想同朋友聚一聚，朋友介紹呢間北京老店，環境設計以中國風木質傢俬為主，燈光暗暗的，瀰漫着古色古香嘅氣息。#北京填鴨 嚟到當然要食北京填鴨，一行3人叫半隻都夠食，皮脆鴨肉嫩，肥瘦分布均勻唔油膩。#涼拌萵筍個人都比較喜歡，清清地又爽口。#四喜烤麩麵筋混合冬筍、雲耳及菇，軟綿多汁。#醉雞酒香撲鼻，濃濃酒湯汁浸著滑雞肉。#小籠包有湯汁皮薄餡靚。#炸芝麻湯丸炸得金黃粒粒飽滿，熱辣辣，口感酥脆煙靭，皮唔厚芝麻餡多。#拔絲士多啤梨最注目一定係佢，一上枱賣相好吸引，麥芽糖拉絲再加埋士多啤梨，酸甜適中，外脆內軟，拎嚟打卡一流。坐得舒服唔趕人走，一班朋友食吓傾吓好滿足。#北京老家地址：旺角西洋菜南街218-220號生發大廈3樓…查看更多

北京填鴨 雖然個人鍾意平時普燒味店那種食法～ 覺得個味道好味d...不過北京填鴨食法都有它的特色～不會被醬汁遮蓋sai 鴨的味度，會更清晰食到鴨肉香味😋.一皮，一京蔥，加上京醬（甜甜的）一齊食😁.老家炒年糕用老干媽醬去炒年糕的味度。。都幾惹味😁😁.小籠包入面好juicy....多汁。。👍🏻.回鍋肉真的好喜歡回鍋肉中的菜，覺得個菜其實才是主角，吸收肉汁加醬的味道😋😁.拍青瓜.拔絲香蕉個人覺得一般，應該拔絲地瓜會好味d 🤔🤔😁..環境佈置及枱都好有特色。。…查看更多

話說屋企人都好鐘意食片皮鴨，咁就揀左依間餐廳慶祝母親節。叫得北京老家裝修果然好有老北京既味道，窗花牆身以至餐檯餐椅都係以深木為主調，未上菜環境氣氛已經加哂分！星期六午市時間黎到竟然好冷清，難得星期六有午餐提供，而且選擇好多，價錢亦都抵食！嗌左個小籠包，皮薄餡靚又多汁，味道屬水準之上！另外嗌左唔同既小菜，涼瓜煎蛋、乾扁四季豆、生炒骨，味道中規中矩，無咩驚喜。到左重頭戲片皮鴨，嗌左一整隻，份量感覺唔多，但賣相非常油光飽滿，好吸引！揀左最大塊鴨皮包黎食，一食落鴨皮既油脂爆哂出黎，果種油香完全充斥住係我口腔裡面，再加埋醬料同配菜，簡直一流！…查看更多

已經第三次光顧， 每一碟餸菜都穩定水準 香椿拌豆腐（凍嘅！ 味道帶出胃口）素鵝（一般）京城豬皮凍（好味， 有d似上海菜嘅餚肉）北京填鴨（半隻，但份量感覺偏少，沒有鴨香味）京燒排骨架（帶甜味，不濃味， 排骨炆到好腍）胡同炸脆雞（好香，味道似炸子雞）小籠包 （一般）京東肉餅（味道似鍋貼，好香口，好味）鍋貼（一般）水餃 （好味）蔥油餅（唔夠香，較乾身）擔擔麵（一般）慈禧牛肉手擀麵（味道清淡，麵質較硬）拔絲蘋果 （蘋果較腍，味道可以已）高力豆沙 （好味）…查看更多

這次團年飯選定這間飯店，原本是被有金魚的枱吸引而來，可惜訂枱時因爲做節所以無得指定，到場時亦安排唔到，諗住俾小朋友開心下，有點美中不足。一如往常，我們一向不會點餐廳提供的套餐，只會點自己愛吃的。這次人多，我們點了11樣菜式。北京填鴨：主打菜，鴨皮比例比例港式，肉多皮少，用來包鴨的皮有點乾，作為招牌菜有點失色。P.S. 鴨身可以打包帶走，都幾多肉松仁魚：很鬆脆，酸酸甜甜的汁很開胃胡同炸脆雞：一D都唔脆囉😅，味道還好小籠包：多湯汁，算合格家鄉春卷：味道不錯，但可以不點🤣老娘炒飯：本來叫個炒飯俾細路食，點知係炒藜麥，一粒米都無，個個都食唔慣鐵板牛肉：一家牛魔王，無肉不歡，呢個香辣惹味，十分正京燒羊肉：羊羶味香口，合口味的會很愛京燒排骨架：同樣叫京燒，但就像是煲了很久的肉排，隨便淋上一些汁炒刀削麵：這個很正，炒刀削麵原來很好食拔絲香蕉&拔絲蘋果：叫了兩款，比較喜歡蘋果，個個爭揀蘋果…查看更多

因為上網search "蘋果拔絲" 而搵到呢間餐廳！ 入到去，當時只有三四枱客左右，環境非常之靚，明顯花咗好多心機落裝修，以香港中菜嚟講，算係非常闊落！大家都食咗下午茶先上去食飯，所以唔係叫咗好多餸，嚟呢啲北京餐廳，當然要點一個小籠包啦，味道算係不過不失，再嚟一個蔥油餅，簡直就非常難食！以為可以以後唔使再嚟呢間餐廳嘅時候， 頭盤係一個豬皮凍，同外面嘅做法有少少唔同，佢有少少甜椒粒切咗喺上面，係非常非常之好味，而且爽而不膩，只可惜食起上嚟都係有少少冰粒喺中間，但我依然會畀最少９分呢一個餸 !!跟住再上嘅係賽螃蟹，簡單不過嘅一個餸， 但要煮得好食其實好難，但呢碟餸一上枱嗰刻已經聞到非常之香，配少少陳醋試食咗一啖，足以令我即刻叫一碗白飯， 呢個賽螃蟹我夠膽講，可能係香港最好食嘅！好食過尖沙咀某某米芝蓮星級京菜！另外仲有幾個小菜，味道普普通通啦，反而因為有其他客人點咗 "叫化雞"，成間餐廳頓時充斥咗好香好香嘅味道， 見到侍應拎咗一舊好似石頭咁嘅嘢上枱，由客人用鎚仔仆開，如果下次再嚟呢間餐廳食，我一定會點呢個雞，但提提大家，呢個係需要預訂嘅！至於此行嘅目的：蘋果拔絲，似係一早整好，喺雪櫃拎出嚟，而不是即場拉，糖皮係脆，但味道只係一般。完！…查看更多

北京老家在香港有三間分店由於地方便利 選擇了旺角分店來吃個團年飯太多人訂座關係，正日的團年飯就book不到了，提早了兩天去吃今次成功透過OpenRice訂座提早了10分鐘到已經見很多人客在等候入座慶幸book了枱不到10分鐘便可以優先入座了一坐下便開始選餐送餐速度挺快的店員服務態度也不俗後來五人點了12個餐和三支啤酒🍻整體味道不錯👍🏻味道偏重、鹹，喜歡重口味的朋友可以一試！環境方面有中國風的感覺、燈光幽暗，聊天很有氣氛。是次我會推介糖醋魚片和宮保雞丁😜…查看更多

一班中學同學Gathering，新年就真係食到膩哂。咁食下京菜。雖然得3條友，但堅係呢d想試個d又想試。所以真係叫到成枱都係野。呢間之前都想同麥師父黎試下但成日講就唔岩時間。今次終於一試啦～點知...講真我自己啊下，純粹本人立場不代表他人意見!! 多人介紹既野我覺得唔好食反而少d介紹又ok禾~大家記得飲佢杯茶啊好好飲，類似玄米茶啦～總括就係ok得黎又參參地次囉如下 : …查看更多

一班朋友約食飯今晚約左去北京老家食去到門口都幾懷舊下喎入到去坐低邊睇景邊睇菜魚樂無窮喎叫左以下菜蒜泥白肉,北京填鴨,小籠包,家鄉春卷,京東肉餅,韭菜雞蛋餃,北京爆炒麵,陽春麵不過E度都幾熱,冷氣唔夠WOR蒜泥白肉--蒜蓉加入好香不過可以再多D,碟肉都辣既,不過好食....北京填鴨--鴨肉都幾有鴨香味,皮夠香夠晒熱,加埋青瓜,韭王,配醬汁都幾好食小籠包--夠晒熱不過肉汁唔算太多,整體都算好食家鄉春卷-好熱,外面都幾脆口京東肉餅--一般啦,唔算好好食韭菜雞蛋餃--咸到核爆,唔知係加太多鹽定咩,咸到一入口就唔想食北京爆炒麵--好似上海粗炒,冇咩特別陽春麵--清清地都OK既食完野大家再加多一個甜品,拔絲山葯拔絲山葯--甜甜地,幾好食..感覺都OK…查看更多

相約好友補祝自己的生日飯，因為突然間想食拔絲，所以上openrice一查之下，發現了這間古色古香的北京菜館。訂了8:30，一上去發現很爆場，就算訂了位都要等大約十五分鐘才有枱給我們。餐牌上的菜名都很有趣，我們參考了那位有趣待應叔叔的意見後，點了以下幾款菜式。…查看更多

想吃到平、靚、正的北京填鴨，通常都會到明星大酒樓，由部長親自到枱前即席示範切扁皮鴨，再配上經典的蔥絲、青瓜絲和甜醬夾著麵粉皮來吃，滋味共冶一爐。不過北京填鴨總是一隻一隻上，如果單獨兩三個小生很難吃得到整隻鴨。幸好，最近找到一間能提供半隻填鴨份量的餐廳，一於又給自己一個籍口去刷一餐勁。從電梯一出，古代樸素風格的裝潢舖天蓋地，木系屏風、大紅燈籠、石紋牆壁一覽無遺，令人彷彿踩進古代懷舊客棧的時光。室內裝潢同樣別具用心，富有中國特色的臉𦡮、器具、刻字木牌、陶瓷壓花式地磚、古琴，令人不禁多番欣賞中國的古典美。其中以二人餐枱的最為特別，玻璃枱底下放有金魚缸，享受食物同時又能與魚兒同樂，悠閒自得。餐牌有如字典的厚度，加上只有文字記載，沒有圖片插入，所以考慮選擇食物方面要加多費時，是餐廳不足之處。未點菜之前，員工就已經遞上一壺茶具，茶裡當然不是平常去酒樓所點的普洱或水仙之類，就只有麥茶，清幽淡香，也不錯。雞絲粉皮($82)雞肉和青瓜切得均勻幼細，粉皮澄亮剔透，可是厚度是小妹吃過眾多的較為粗厚，幸好用筷子夾起來時並沒有輕易折斷的情況，並且早就浸混在麻醬之中，充滿胡麻口感的味道固然沒有挑剔之地。小籠包一客六件的小籠包，每隻的皮餃摺痕粗疏厚疊，不難想像皮餃既看得出又食得到的厚皮。嚼開餃皮後，內裡的豬肉饀依舊飽滿厚肉，不唯獨小籠包最特別之處的多汁四溢則未能彰顯，整客的小籠包仿如吃著煎的鍋貼，什至連鍋貼也比它美味得多。北京填鴨($198/半隻，$358/全隻)一家人去酒樓食飯都一貫鐘愛叫北京填鴨，幸好這裡能供應半隻上，以$198價錢，配有京蔥、青瓜條和薄餅，實質並不昂貴。填鴨一碟上，大概分成兩層，一層主要為鴨皮、另一層主要以鴨肉為主，滿足了一班又想吃啖啖肉又想吃薄脆皮酥的客人。薄餅用新鮮蒸爐登場，熱烘烘的溫度，拿上手薄身而不爛，既充滿麵粉香，包裹著爽脆的京蔥、青瓜條及鴨皮鴨肉，既可減去鴨肉的膩滯卻不減肉香，再塗上甜醬，令鴨肉豐潤的肉酥香昇華不少。拔絲士多啤梨($88)一向喜愛吃冰糖葫蘆的小妹，當然對這款拔絲類的生果也愛不釋手，甜點的款式眾多，包括香蕉、地瓜、生葯、蘋果及士多啤梨，不過唯獨士多啤梨的價錢較其他貴$10，可能原本來貨價較貴，但因為對此感到興趣。沒有韓國款的甜漾多汁，但有薄身卡脆甜蜜的麥芽糖包裹，令士多啤梨的酸甜比例恰宜，加上拔絲效果令士多啤梨像一座小山丘的藝術品，燈光照射下發出金光熣燦的閃爍，美得令人讚嘆。…查看更多

話說晚上突然想吃北京菜，便拉了友人陪我試這家位於太子的菜館。在晚上6時多便到店，所以不用的等位便可入座。環境：裝橫堂皇，彷如置身於90年代，充滿中國風。我們的2人座位，桌上更有設有透明魚缸，一便吃飯一便看金魚游來游去，實為一大樂事也。食物質素：普遍一般。特別適合想體驗中國傳統古代風格的遊人。擔擔麵味道最好的一道菜。它的擔擔麵不只花生味重，麻辣味亦很出，少有的餐廳能做到花生與辣味並重。孜然爆羊肉本人最期待的菜色之一，但很失望。樣子好像很惹味，入口卻完全無味！對！是無味！一點孜然的味道也沒有，但羊肉還是蠻嫩口，挽回了一點分數。小籠包皮太厚，肉汁不夠多，一般。今晚主角：烤鴨麼麼皮很厚，非常粉。烤鴨一般，尚算皮脆，脂肪很多。整體感覺一般。看看，魚兒在游動。…查看更多

「大紅燈籠高高掛」… 不知道，大家對此有印象麼？BeautySearch 突然想起這電影的名字。平日，經常途經太子始創一帶時，總會看見一幢樓高只有數層的唐樓，外牆掃上中國傳統喜慶的紅，並且懸掛了不少大紅燈籠，具有濃濃的中國氣息。店子名為《北京老家》，確實充滿了公公婆婆老家的感覺。還記得，十多年前，公公婆婆還健在的時候，他倆曾帶我來到兩老的北京老家遊覽，當時他倆也年事已高，為求圓夢，所以往老家一趟。如今踏足《北京老家》，突然令我想起兩老，掛念與他倆往日共聚的美好時光。《北京老家》老家的店內設計，充滿了中式味道，而且還帶有點點古色古香，一枱、一椅，以及一磚、一瓦，都非常雅致！在店裡，不難找到令人懷念家鄉的小點子。而 BeautySearch 最欣賞的，要算是枱中的小魚缸。相信不少人也體驗過在海洋公園內的大型水缸旁進餐，非常有氣勢；而《北京老家》的小魚缸，則是置於枱下，食客可透過枱面隔著玻璃觀看，BeautySearch 覺得這樣邊食邊觀賞，確實又多了幾分詩情畫意。連茶杯以及碗筷，也是一絲不苟，同樣充滿中式格調。食物方面，當然也是傳統的中式菜餚，當中，最吸引我的，當然是「北京填鴨」。我們點選了半隻來品嚐，揣上來時，薄餅以傳統的蒸籠上桌，份外有風味，加上薄餅與鴨皮還是熱烘烘的，入口時就沒有油膩感覺，鴨皮只粘了小許鴨肉，而且非常脆口。BeautySearch 包裹鴨皮時，喜歡打孖上，鴨皮兩片、青瓜條兩條、京蔥兩條，大大件，食落口感就雙倍滿足啦！而且，薄餅厚薄適中，包裹後亦沒破口，吃時就更為滋味！除了「北京填鴨」，「小籠包」也是BeautySearch 的心頭好，平常一籠多數只有4粒，而這裡竟然有6粒，而且，只售$48，真的非常超值。「小籠包」外皮軟滑，內裡包裹著豐富的豬肉，吃時要當心，因為還有熱騰騰的肉汁，非常鮮味。 BeautySearch還是第一次品嚐刀削麵，腦海中的刀削麵，廚師是拿著刀把麵團削成一片片的，但今次親試，發現刀削麵也是一條條的，只是長度沒有那麼長，闊度，與廣東河粉差不多，而麵質則較厚身，咬落煙煙韌韌，滿有口感。麵上的牛肉，經過醃製，份外多汁之餘，亦保留了牛肉鮮味！「蟹粉扒豆腐」上桌時只看到蟹粉，豐盈程度確實叫人驚嘆！蛋黃色的蟹粉，滿佈雪白的豆腐上，令平淡的豆腐豐富起來，用來伴飯，一流！不過，因為BeautySearch點了刀削麵，怕再添飯會太飽，所以，只能伴麵，效果也不錯呢！蟹粉內清晰可見一絲絲的蟹肉，而且非常鮮味，唯薑味較濃，差點把蟹肉的鮮味也蓋過呢！甜品時間，請放心，不是一般中式酒樓的紅綠豆沙，而這裡最多食客點選的，相信是「拔絲」，我們雖然有點飽，但也點了一碟「拔絲地瓜」。地瓜上，用糖絲拉了一個小山丘，一絲絲如金線般，非常美！而且甜而不漏，還有點點脆口，非常味美。…查看更多