小明珠

呢間位於藍田既上海菜，店內位置有限，環境算幾乾淨，雖然坐唔到好多枱人，不過見一直以黎喺藍田屹立不倒，而且又有唔少人叫外賣，今次即管試下估唔到紅日都有下午茶選擇叫左個豬扒麵 ($40)，轉担担湯底 (+$2)豬扒同麵分開，唔怕浸到淋晒豬扒炸得好脆，係好好食唔會好乾身，份量唔算少！另外叫左個麻辣牛肉薯粉 ($52)，超級大碗，多到食唔晒。第一次食驚太辣所以只係叫左小辣，不過小辣都真係幾辣下😂唔敢挑戰中辣初初以為呢啲價錢應該都係得幾塊牛肉片，點知佢有4大舊牛肉！而且每舊牛肉都好稔身，又入味仲每人送左杯豆漿添，解辣一流🤣最後唔少得要試下佢地既招牌小籠包 ($28)上枱熱辣辣，最有驚喜既係小籠包入面充！滿！湯！汁！皮薄得黎又唔易穿價錢親民，食到咁有質素既上海菜，店內姐姐又nice，下次會再次幫襯！…Read More

咁岩同朋友去咗藍田行街，經過見呢間上海嘢好似幾抵食，佢隔離有間譚仔，不過都食到悶，就入咗去試吓隔離間麻辣米線，餐廳叫小明珠：食物❤️❤️❤️ 最推薦嘅食物係炸雞翼，小籠包，豆沙鍋餅，冬瓜茶我諗其他炸同焗嘅嘢都會幾好食，反而米線個湯底唔夠麻辣，其他嘢食正常。份量❤️❤️❤️夠飽，份量正常，唔算好多但亦都唔算少服務❤️❤️❤️❤️我見呢間餐廳都幾多熟客仔幫襯，侍應姐姐都幾有禮貌，仲會同啲客人寒暄下環境❤️❤️❤️街坊生意餐廳，格局一般，但有卡位，我見佢觀塘仲有間分店，應該會靚啲價錢❤️❤️❤️❤️普通價錢，樣樣都係幾廿蚊，加埋都係$300左右，上海野嚟講算幾抵食總括嚟講，我最欣賞佢個豆沙鍋餅同炸雞翼，不過豆沙鍋餅唔係周圍都有，所以我覺得嚟呢度最值得食豆沙鍋餅，炸得好脆又新鮮出爐。#小明珠 #小明珠川滬菜 #lamtinfood #hkfoodie #hkfoodieyiki #hkfoodieblogger …Read More

自從啟田街市開左之後，藍田終於多左好多野食無咁悶。原來對面間糖水鋪都轉左手，變左做上海野，身為半個藍田街坊當然要試下佢先。✨鋪頭細細，坐位唔多，大約都係得3,4張四人枱，不過野食都有幾多款式。✨叫飯or 麵會送飲品一杯。不過指定係冬瓜茶。熱飲其實都係䁔䁔地，好少飲冬瓜茶～味道有少少香精feel，清清地唔會太甜，都幾好飲。不過熱飲好飲過凍既，凍既冰太多會無咩味。✨北京水餃麵（$40): 個湯好清，清得黎唔會覺得淡，夠味得黎唔會感覺好味精，仲有陣冬菜既香味。✨水餃就無乜特別，可能d 饀料唔係我杯茶，而且餃皮也煮得有點過火。不過個麵底真心唔錯，由頭食到落尾都keep 住煙煙韌韌，麵條粗身得黎扁扁地，幾有咬口👍🏻。✨台式鹽酥雞扒麵（$45): 好大塊雞扒，我自己唔係好食炸，所以邊位脆到爆無食到，男朋友話呢d 先正。中間雞皮幾薄，個雞點埋泰式辣醬，啖啖肉都幾好味，好食過個餃。✨雞絲粉皮（$48): 個花生醬都算香，仲有花生碎。粉皮夠Q夠彈，雞絲有調過味，尾中不足係個醬唔夠多，食到尾有d 寡，不過整體味道係唔錯ge。✨小籠包（$38): 賣相一般，因為見個底好似好深色同"巢蚊蚊"。不過食落去估唔到有驚喜，個底咁深色因為裝住超多湯汁，所以夾果時要小心，因為都比較易漏汁。而且個皮都幾薄，小店黎講味道唔錯幾出色👍🏻，好食過好多大鋪。…Read More