茶木‧台式休閒餐廳 (MegaBox) (已結業)

最近相信小丸子迷聽到作者去世的消息都好難過，一個陪伴成長的卡通終於都要大結局了。自己也是生於小丸子的年代，也找個地方緬懷一下。知道最近茶木推出小丸子主題餐廳，而且Mega Box地點也算方便。餐廳放有可愛的小丸子裝飾，也有小丸子的精品售賣。餐廳除了本身的自家食物，也推出”小丸子”系列。小丸子蕃茄肉燥鰻魚飯鰻魚飯上有可愛的小丸子，觀感即時提升。蕃茄肉燥和鰻魚，我以為是兩個世界的東西，配合起來竟會有討好的味道。香腍的鰻魚入口即溶，蕃茄肉燥醬沒死咸，也沒有蓋過鰻魚的味道，比起鰻魚飯常配的鰻魚汁更有新鮮感。沙茶大蔥帶骨牛小排牛小排香腍，啖啖肉，配上沙茶醬炒大蔥惹味非常。小丸子吐司禮物盒吐司保持茶木一貫的好吃，而且非常香脆。配上香滑的忌廉和曲奇味雪糕，令整體口感更豐富。小丸子櫻桃西瓜柳丁汁小丸子的杯已經值回票價，小丸子迷絕對值得收藏。野口竹炭仙草奶茶奶茶甜度不過火，仙草口感順滑，入口舒服。小丸子的主題餐廳在香港寥寥可數，而且在這個時間出現，更是難得，小丸子粉絲絕對不容錯過。…查看更多

還記得小時候的我，一放學就趕著回家看櫻桃小丸子，卡通裡的小丸子永遠都是小學三年級，但看卡通的我們都長大了，最近茶木‧台式休閒餐廳三間分店變身成期間限定小丸子主題餐廳，上星期我就來到以草原場景為題的九龍灣MegaBox分店。三間分店同時獨家供應不同款式的小丸子美食，與小丸子精靈一起尋找美食秘寶。這天星期日全場滿座，需要等位，不過排得很快，只需5分鐘就可入座，店內樓底夠高，頗有空間感。九龍灣MegaBox以親情為主題的分店變身禮物盒，店內店外都有很多小丸子佈置，童心滿瀉。這裡還有小丸子精靈與爺爺精靈真人1：1比例的立體公仔，最適合各小丸子迷影相打卡。還可以轉動齊集小丸子一家六口的旋轉摩天輪禮物圓盒，當日見到不少小朋友玩得不亦樂乎。另外還有發售一系列小丸子的限量主題精品，消費滿指定金額或購買指定精品更有機會獲贈小丸子限量禮品。就連全套餐牌都換上小丸子主題，可愛到一個點呢！更有一本茶木 x 小丸子漫畫，製作相當認真。沙茶大蔥帶骨牛小排 $74一上枱已飄來陣陣香氣，不過牛小排骨位較大，整碟份量似乎少了點。牛柳肉質嫩滑，咬下去肉汁鎖在裏面而不流失，不會過於乾韌，加上沙茶提味，惹味得很。小丸子番茄肉燥鰻魚飯 $128除了有大大個的小丸子外，伴碟以造型優雅的食用花點綴，即時為賣相加分。白飯面舖上可進食的小丸子糖紙裝飾，所以大可放心把小丸子放進肚的 XD鰻魚燒得帶有焦香，肉質嫩滑，細骨刺也不多。飯粒煮得未夠軟身，但番茄肉燥就像在吃肉醬意粉的味道，番茄的酸甜味較重，用來送飯特別開胃。小丸子吐司禮物盒 $82賣相趣緻可愛，伴以藍莓、曲奇雪糕、原粒櫻桃及士多啤梨麵包，十分豐富，色彩繽紛。厚切多士是茶木的招牌甜品，份量果真不少，兩個人吃已經覺得極度飽足。麵包都是茶木自家工場每日新鮮製作，吐司盒內盛著烤至香脆金黃的磚塊，切成一口一粒，方便share。小丸子櫻桃西瓜柳丁 $38桃紅色與小丸子極之匹配，果味清新，杯身的小丸子變身成海洋公主，如此得意的膠杯也可帶回家，循環再用。野口竹炭仙草奶茶 $38竹炭仙草奶茶加入台灣竹炭粉，混成黑白漸層，內裡還有粒粒仙草，不過略嫌茶味不夠濃，杯上的野口同學變成企鵝，依然活在自己的世界裡。…查看更多

今日收早相約朋友食飯撐下枱腳，為左就佢放工時間比較遲所以決定係佢工作既地方食晚。眼見依家有好多餐廳都慢慢改為主題餐廳，於是即興相約佢係附近既mega box試下小丸子主題餐廳。佢係茶木延伸既小丸子主題餐廳，由於友人係一名小丸子既粉絲一直都叫我帶佢去試下，所以今日就有機會去試一試佢。我大約八點半去到，眼前一光，見到餐廳佈置好可愛，周圍貼晒小丸子既裝飾同擺設，好靚，小丸子粉打卡朝聖好地方。今晚好好彩唔使排隊即刻入到，入面都貼滿小丸子裝飾，好有心思本menu都係小丸子封面，食物種類有好多仲有一張係小丸子限定，朋友見到即刻心心眼。最後我地叫左：小丸子肉燥鰻魚飯、鐵板菜脯煎蛋、花輪玫瑰咖啡拿鐵同爺爺抹茶歐蕾。個杯好得意😎花輪同學個杯好重玫瑰味。爺爺個杯第一淡飲落去似抹茶牛奶，濃濃既抹茶味溝埋牛奶，好味。兩杯第一淡即飲覺得好濃，等一等啲冰溶左少少再飲就恰到好處，一杯飲品有兩個層次。先黎個小丸子肉燥鰻魚飯，小丸子造型飯好獨特，肉燥甜甜地有濃濃番茄味，好開胃。再加燒鰻魚既小小烤濃味同燒汁，令成個肉燥飯變為不平凡既好味。再黎鐵板菜膊煎蛋，上菜個時仲岀緊煙，好明顯係即叫即整濃濃既蛋香加上脆卜卜既菜脯，今到個平凡既煎蛋增加左口感，好特別。食完晒主菜點可以無甜品，所以後加左個小丸子吐司禮物盒，厚厚既吐司盒好脆口，裏面係一粒粒既吐司，外脆內軟，加埋牛油無得彈，仲有一球曲奇雪糕，感覺非常滿足食完已經好飽，無論打卡定食飯呢到都非常之好，由其是小丸子粉絲一定要黎朝聖。…查看更多

係好耐好耐以前，很多人話我似花輪同學，我就對小丸子已經有種情意結，原以為小丸子只會活在公仔箱，想不到今日跳出來，竟然成為茶木的主題餐廳，因為肚仔打鼓的關係，下午五點半左右，我就帶著問題天天都多的心情去找茶木，本來以為還是下午茶時段，不過，可能經理見到我的樣子與花輪同學有幾分相似的關係，所以可以讓我們叫晚餐，Hey Baby，真乖。我們點了：小丸子蕃茄肉燥鰻魚飯$128：整碟菜式由伸手只見四指的四塊鰻魚，再用數塊花瓣裝飾襯托，然後環邊蕃茄肉藻，剛好是個陳圓圓，另加小丸子形狀的飯團所組成(內裡的意思是否告訴你小丸子實情是舊飯?)，就連兩邊髮尾形狀都能清晰看見，賣相的確十分討喜。我含羞嗒嗒地地問過經理，究竟飯上的小丸子是否可以吃，他答我是可以的，因為本身用糖膠造成的，但最終我還是沒有吃到小丸子，為甚麼?因為我怕衰十一被人斷正(如果靜雞雞地吃就話者)，所以，小丸子還是被我晾在一邊，就讓她靜靜地望住我吧，反正我也慣了被人暗戀...至於口感方面，印象中，很少蕃茄肉醬會配鰻魚，表面微焦、油脂流出、魚肉鮮美，再整件夾起放入口才是最佳享受，是那一種肥膩美，只是對一向追求健康的我而言，是油膩了多少，不過不要緊，我真正享受的是小丸子對花輪同學的那份暗戀美，這才是吃主題餐廳的真正意義吧。小丸子吐司禮物盒$82：上碟的是甜絲絲的小丸子，一球曲奇雪糕，加上車厘子、士多啤梨、花瓣當裝飾，再慢慢吃到多士磚，一層一層深挖下去，越吃越甜絲絲，美滋滋，女士會吃到尖吃的那種，為免震聾發瞶，我會盡量避量帶女士過來吃小丸子吐司禮物盒。鐵板香草菜脯煎蛋$60：厚厚的煎蛋菜脯，熱辣辣放在口中，感受到那種熱力四射，又不會煎得太老，咬落似玉子的軟，再吃到菜脯粒的硬，對我的味覺軟硬兼施的攻陷。爺爺抺茶歐蕾$38：甜度適中，類似鮮奶綠茶，但落抹茶粉，溝唔勻，飲到底味道有點苦。花輪玫瑰咖啡拿鐵$38：被人說是花輪同學，怎會不叫杯花輪玫瑰咖啡拿鐵，淡玫瑰糖漿，有點花香，但沒有甚麼朱古力咖啡味，總體味道淡淡的，就像對小丸子的愛。曾經聽過集團餐廳老闆說過一句話："現在的人都是吃環境..."，我現在完全體會到那種吃主題餐廳環境的心境，吃的只是情意結，因為小丸是不少人的童年回憶，投放著是自己對小丸子的感情。吃完之後，哼唱著首問題天天都多，走出了小丸子主題餐廳，走出了小丸子的內心世界。…查看更多

好耐無食過茶木，一間已經係香港興起左好耐既台灣菜餐廳，有三間做大家都中意既可愛小丸子主題，拉埋朋友去打下卡！環境唔止係野食有用小丸子做主題，連成間餐廳都貼上小丸子牆紙，仲有好多道具比你影相，好有心思，不過留意返得旺角、銅鑼灣同埋九龍灣呢三間有小丸子主題，而且每一間都有唔同小丸子食物供應。每枱都會送一本小丸子小冊子，入面仲有漫畫睇！餐牌都係成本小丸子！鐵板香草菜脯煎蛋 $60上枱時仲起熱泡泡，上面灑左啲芫茜，好足料，蛋夠哂厚身，菜脯唔辣夠爽口，味道亦岩岩好唔會太咸，不過就因為煎蛋怕癡低，落左好多油，太油，用吸油紙墊低會更好。小丸子蕃茄肉燥鰻魚飯 $128重頭戲小丸子，呢間供應既係蕃茄肉燥鰻魚飯，份量正常，舖左個小丸子係飯上面，應該係米紙整成，以為冇味，原來食落都甜甜地，而蕃茄肉燥整得唔錯，酸酸甜甜夠多肉碎，佐飯一流，至於鰻魚就中規中矩。小丸子吐司禮物盒 $82第二重頭戲小丸子吐司！份量係食開茶木吐司應有既大小，上面舖左又係舖左小丸子，今次小丸子頭飾就淺色啲，配上曲奇雪糕同吉士忌廉，亦有士多啤梨同藍莓做配料，最好既一點就係用吉士忌廉而唔係普通cream，岩我呢啲唔中意食普通忌廉既人，佢既多士盒就不用置疑，以吐司岀名，入面切好一粒，非常脆口又帶點牛油香。爺爺抹茶歐蕾 $38飲品相對上就失色左啲，有做漸變色，一定要攪匀飲，否則飲到底層既抹茶粉，奶味較出，有少許奶羶味，但成杯味道都係較淡。花輪玫瑰咖啡拿鐵 $38呢杯同樣有少許漸變，但味道比抹茶歐蕾更令人失望，好淡好淡，好似咖啡粉溝水。小丸子Fans一定要黎打卡，不過你可以先睇下邊間分店既主題岩你多啲，因為雖然三間都係小丸子，但都有啲唔同，當然，你都可以三間去哂附：部份餐牌參考，太多影唔哂…查看更多

女朋友特別鍾意小丸子，茶木今次同小丸子合作，就當然要捧場啦。茶木x小丸子探險記分別有三個分店，銅鑼灣世貿，旺角瓊華同九龍灣MegaBox，每間分店覺自己限定嘅食品，而呢一度嘅限定就係小丸子吐司禮物盒，除此之外仲有其他食物同飲品都係小丸子主題嘅。落單冇幾耐就上飲品，分別叫咗野口竹炭仙草奶茶同小丸子櫻桃西瓜柳丁汁。仙草奶茶有啲似珍珠奶茶，只不過係珍珠換咗做仙草，奶茶比出邊冇咁甜。西瓜汁好多西瓜，唔係啲假嘅化學藥水。兩杯飲品都配一個好靚嘅膠杯。蕃茄肉燥飯有啲似肉醬意粉個肉醬，鰻魚完全冇骨，飯嘅份量大約有一碗，上邊有一張印咗小丸子樣嘅紙，雖然食得但係冇乜味。另外叫咗一個牛小排，沙茶味好濃，好好送飯。最後當然唔少得嘅就係限定嘅禮物盒啦，佢實質上係平時嘅吐司，配cookies and cream嘅雪糕，同埋另外加啲忌廉。餐廳入邊嘅環境好精緻，細路仔開心之餘，嘢食咁平時杉木嘅標準差不多好食。…查看更多

平時同男朋友都係茶木嘅常客，中意食佢既牛肉麵😀 今次出咗小丸子主題就揀咗megabox呢個分店試下新野，順便睇戲～我哋叫咗小丸子蕃茄肉燥鰻魚飯，沙茶大蔥牛小排， 小丸子吐司禮物盒， 花輪玫瑰latte同埋爺爺抹茶歐蕾😀番茄肉燥鰻魚飯呢個配搭比較新穎，原本唔係好大期望，不過食落又唔錯😯 番茄抵消咗鰻魚汁嗰種甜膩，幾夾👏沙茶大蔥牛小排好重黑椒味，洋蔥爽口，牛肉juicy同滑，幾好食👍吐司禮物盒既麵包焗得好脆，點雪糕同忌廉好好食， 啲生果好甜😋爺爺抹茶歐蕾幾香抹茶味，好似綠茶牛奶😄原來小丸子系列上面嘅小丸子樣貌係用糖整成，呢樣都幾有心思👏👏店員服務都好好，呢間茶木勁多小朋友好熱鬧😂😂…查看更多

見有報導茶木x小丸子出期間限定卡通主題台式食品好靚好得意，為食嘅我當然襯放假去朝聖一下.有呢個主題嘅分店有三間，我就選擇左去Mega box，貪佢個主題可以見晒小丸子一家人同埋呢間分店環境最舒服最靚。餐牌好靚呀～而爺爺餐牌上就係期間限定嘅小丸子同其他角色嘅造型主食，飲品，甜品同禮品包。花多眼亂之下揀定心水，花輪玫瑰咖啡拿鐵👍🏻👍🏻👍🏻👍🏻玫瑰同咖啡不嬲都係好好嘅配搭，而呢到個玫瑰花味好出，亦唔算太甜。爺爺抹茶歐蕾👍🏻👍🏻👍🏻👍🏻抹茶味香濃味道剛剛好唔太澀，整體唔太甜。小丸子蕃茄肉燥鰻魚飯👍🏻👍🏻👍🏻👍🏻嘩～小丸子好可愛呀！賣相非常搶眼😍唔似一般肉燥飯，加咗蕃茄味道酸酸地，胃口即時大增，鰻魚啖啖肉，味道唔腥，不過得4舊份量好似少左些少。鐵板香草菜脯煎蛋👍🏻👍🏻👍🏻👍🏻因為鐵板上嘅關係所以食落熱辣辣，香草味超濃，蛋夾住好多菜脯，鐘意食香草嘅朋友一定唔好錯過呀！小丸子吐司禮物盒👍🏻👍🏻👍🏻👍🏻👍🏻茶木嘅甜品類不嬲都唔差，而呢個仲要有埋小丸子嘅樣，吸引到好多小朋友食，曲奇雪糕配埋又脆又厚嘅吐司非常完美。餐廳內仲播放小丸子嘅主題曲，一路食一路聽住，好似比小丸子包圍住咁，童年回憶返晒嚟😂…查看更多

前排在網上看見小丸子與茶木合作開主題餐廳！ 最鍾意試新嘢嘅我立即就去到megabox的茶木。 一到茶木門口見到很多小丸子的裝飾已經十分開心了，立即衝入餐廳搵位坐低先！ 看見餐牌上有很多小丸子主題人物的圖案，好似一本漫畫書咁， 真係所有童真都返曬嚟啊！因為很喜歡小丸子的關係，所以今次點的菜式全部與小丸子有關，叫了鐵板香草菜脯煎蛋 $60，小丸子蕃茄肉燥鰻魚飯 $128，爺爺抹茶歐蕾 $38，花輪玫瑰咖啡拿鐵 $38，小丸子吐司禮物盒 $82。小丸子蕃茄肉燥鰻魚飯 ~ 肉燥和鰻魚都是我喜歡吃的，肉燥用嚟送飯一流，再加埋肥美的鰻魚，味道很夾，好好味啊！賣相當然相當吸引， 但這道菜一到的時候，一定係相機食先啦。還有後來才知道飯上面的小丸子不是一張白紙而是用米紙做的，試咗少少甜甜地幾得意！爺爺抹茶歐蕾 ~ 設計精美的一隻杯， 抹茶味香滑，啱曬抹茶控！花輪玫瑰咖啡拿鐵 ~ 勁可愛的花輪同學杯子， 有香濃的咖啡味，又帶有陣陣的玫瑰花香，飲落有層次。最欣賞這兩杯特飲不算太甜，一個人飲曬一杯都唔怕啦！鐵板香草菜脯煎蛋 ~ 菜脯煎蛋煎得又香又惹味，煎蛋入面還有很多芫茜，喜歡芫茜的朋友一定要叫這個菜！小丸子吐司禮物盒 ~ 黎到茶木一定要食吐司， 這個有小丸子頭像的吐司， 真係好可愛呢！還有櫻桃，藍莓和曲奇雪糕， 吐司有香濃的牛油味脆卜卜！ 真係一個cp值很高的甜品！整體來說我本身都很喜歡茶木的食物，今次還有小丸子主題，真係又有新意又可以滿足小丸子粉絲們。最正係megabox茶木有很多得意嘅小丸子影相位，方便大家可以打卡或者同小丸子一齊享受美食。…查看更多

早前已在網上得悉茶木與小丸子有合作，開主題餐廳。星期六一早我便到店外排隊等開門，還好早去到，不用等太久便能入座。megabox的主題是草原小丸子精靈，Menu上有著小丸子探險的故事，將故事融入MENU的IDEA都幾特別。不多說，入正題吧點了 小丸子番茄肉燥鰻魚飯初時以為飯上的小丸子是白紙不能吃的，但原來是米紙做的，食落甜甜地幾有趣。鰻魚飯中規中矩，份量適中，鰻魚香口，但略嫌醬汁少了點。再來點了 小丸子吐司禮物盒吐司烤得剛剛好，食落不會太硬。雪糕是藍莓 曲奇味，雪糕溶雪慢慢流下配合磚塊味道相夾，不錯！最後點了一杯爺爺抹茶歐蕾膠杯設計很可愛，杯蓋上有心心封口，感覺衛生，飲用後杯子還能拿回家收藏味道方面，很有抹茶香味，但飲品偏甜。總結：小丸子主題的茶木相當吸引一家大細/朋友們前來打卡朝聖。今次去了Megabox後，還要抽時間去另外兩間不同主題的茶木試限定食品。…查看更多