養心殿台式養生鍋 (已搬遷)

窩夫四月中終於跟閨蜜們試了養心殿台式養生鍋，沒想到養心殿提供的是沒有椅背的木椅。第一件事是選湯底，六款當中選了美人鍋($188)。美人鍋($188)有原隻烏雞，配以桃膠、杞子和南棗等，女士養顔首選。上桌煮至大滾後先喝碗湯，然後再用來打邊爐，不過湯底愈滾愈鹹，後期要求加水不加湯。下次有機會試試它的巧手小食。火鍋配料選擇豐富。手工丸類拼盤($108)有六款共十二粒，款款都很有水準，窩夫推介芝士牛肉丸，吃時要小心裡面的流心芝士燙咀呢。即炸脆響鈴($68)上桌時帶暖，新鮮炸起零舍不同。鮮甜三蔬($68)有粟米、秋葵和山藥，全部都很新鮮，粟米超甜。千層凍豆腐($48)的豆香味並沒有湯底蓋過。窩夫之前在台灣吃過水蓮，印象深刻，見到有每天新鮮空運到港的台灣翠絲水蓮($88)，窩夫自然要推介給閨蜜一試，口感非常爽脆，大家都很喜歡。後加了餃子拼盤($118)有六款共十二粒，全部都很飽滿足料，其中一款是麻辣牛肉餃，不吃辣的朋友不要吃錯。寬粉條($38)的QQ口感正合窩夫的口味。…查看更多

隔了個多月又回到養心殿吃火鍋，味道依然無可挑剔。古典的屏風為每一枱食客提供私人空間，餐廳內彌漫着濃香湯底和各類食物的香氣。再次點了麻辣鍋和酸菜白肉鍋雙併($128)，看見其它人即使點較貴的湯底，仍會併麻辣鍋。點麻辣鍋再加鴨血的，可說是這裏的招牌必點湯底和配料。沒有吃過麻辣鍋，就不要說來過養心殿。這是最便宜的湯底，而且可免費加鴨血或白肉一次。而酸菜白肉鍋內本身已有白肉和寬粉條。這間的鴨血特別大和厚，咖啡色光滑的面，沒有丁點腥味，厚身而新鮮的鴨血令吃時更細嫩爽滑。雖然鴨血的膽固醇甚高，但難得來到，吃着吃着便吃了一大碟了。千層凍豆腐($48)是必點配料，因其大小不一的孔能吸收大量湯底，滿實的口感下是濃郁的湯底。建議在放肉類及多油份的食物前先放，否則變吸引海綿。即炸脆響鈴($68)，上桌時油炸香香氣四溢。我急不及待想把響鈴放入鍋中，幸友人提醒，在最後才放，湯底才不會太油膩。這款配料也是必點的，因其十分新鮮，在其它地方吃不到如此新鮮而炸得適中的響鈴。翠絲水蓮($88)已是我們第二次點的菜，原因在於這個特別而新鮮，在香港其它地方甚少見。熟透後形狀如蔥，十分爽脆，感覺有點消滯。稻庭烏冬麵($48)就如平時吃的，當加入了特製的湯底後，掛湯的麵條變得香軟，每一口都像在喝酸菜湯。自家製極品水餃(半份)($42)很爽滑，皮薄滑，豬肉餡香。黑松露蝦丸(半份)($48)的黑松露香至今仍在我的腦海中，真想一口氣點一打吃光。這個是丸類中最好吃的，必點。梅菜豬肉丸(半份)($36)想不到也很香而口感佳。梅菜量多而品質上盛，梅菜在口中徘徊，梅菜和豬肉丸香濃郁。不論食物及服務都很好的火鍋店，難怪平日晚上十時後仍有人排隊等候入座。…查看更多

一向我都好鍾意呢間既養生鍋湯底，今次終於約到爸爸黎食啦被安排坐在二人檯，環境唔錯，空間感又大，唔會同隔離檯坐到好迫，好鍾意呢度既環境同氣氛呢度既茶都好好飲架，又唔會太濃，帶點點清新茶香以解油膩點了我的至愛-美人鍋鍾意入面好多料，仲有成隻既雞真材實料就咁食個湯鍋都好滋味入面又多料，而且雞湯清甜可口有成隻雞架，每件雞件都大大件，雞肉一絲絲又嫩滑隨手都會兜到好多桃膠超滋補涮涮羊肉又薄身，一放到鍋中很快變會涮熟了雖然肉身薄，但亦不會減當中的羊味左邊的是黑松露蝦丸，右邊是鮮蝦雲吞，吞42元半份好喜歡黑松露蝦丸，超香濃既黑松露味，黑松露既愛好者必定要一試呀而且蝦丸仲好彈牙爽口一啖又一啖既滋味鮮蝦雲吞都好正，蝦肉份量不少，蝦肉爽口彈牙呢款炸豆皮我差不多每次來都是必食的因為不是很多間火鍋店有呢款食材大大片的豆皮經過炸後，變得香脆無比，放於鍋中滾一滾，豆皮吸入香濃湯底，變得更為滋味這個size真的好巨形，放了兩塊已佔了半個湯鍋了點了兩款麵條呢款關廟麵幼滑，好滋味呢間餐廳仲會付上一個兜子來煮麵，不會令麵條散到鍋中，好貼心另一款麵條十分吸味，所以湯底咁正再食埋麵條QQ彈彈既麵條好正好滋味，呢款麵條份量都不少，吃到好飽呢最後食埋個清菜唐生菜大大片好爽口脆身呢晚食得好開心，爸爸都好愛呢間既湯鍋底仲講定下次再來要試下另一款湯底了…查看更多

母親嚷著身邊的朋友早吃過養心殿的火鍋，作為孝女要帶她趕上熱潮（雖然我已吃過數次）。是次選了寧神養心鍋拼麻辣鍋，麻辣鍋附有鴨血，沒有腥味，滑溜爽口，甚得母親歡心；寧神養心鍋由烏雞鮮魚等製成，就是天麻川芎白芷魚頭湯的味道，很順喉。鵝肝墨魚丸中包著大顆的鵝肝，相當足料，咬下去要小心湯汁。雜錦蔬菜盤2人份量很剛好。御選梅花豬肥瘦適中，食起來沒有豬臭味，口感細軟不柴。我最愛的寬粉條，QQ彈彈，盡吸湯式精華，必點！埋單送上檸檬沙冰，清新舒暢！…查看更多

每次黎呢度都比佢多種特色養生湯底所迷住, 款款都吸引, 好彩依加設有雙拼湯底, 以較高價錢湯底收費, 同一時間可以試2款湯底, 有辣有唔辣, 各適其式!麻辣鍋以多種香料及藥材, 加入鴨血及凍豆腐, 辣度任你選 (小辣程度最岩我), 仲加送多一份鴨血比你, 正喎! 想講呢度嘅鴨血口感嫩滑, 真係好似食緊果凍咁, 但又唔會一夾就散開, 配麻辣湯底真係好鬼正架!另一款為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成, 滾起時已聞到好香藥材味!  咁香當然先飲碗湯, 飲落舒服又好味, 真係好似一碗補身湯咁!"湯渣"有竹絲鷄及魚頭, 鷄肉都仲算滑喎; 另外個魚頭煎香左一D都唔會腥, 兩樣都被我地食晒.........哈哈...LIKE佢Facebook及打卡仲有無酒精類飲品一杯請你飲, Cheers...............落好火鍋配料單就正式進入火鍋環節櫻桃鮮滑鴨片 ($88) - 肉色靚仔, 肥瘦亦適中, 切成薄薄一片, 縮短烚嘅時間, 食到有鴨肉香味!  餃類點了自家製極品水餃 ($42/半份), 隻隻飽滿, 有大半隻蝦及饀料食到好香麻油味, 果真皮薄餡靚!蜂巢牛肚 ($88) - 已經係煮腍左, 烚一陣基本上已食得! 放入兩面湯底都能索到湯, 小心熱湯一咬時係口腔內爆發!雜錦蔬菜盤 ($68) - 有幾款蔬菜, 份量都幾對眼, 又有雜菇及金菇菜, 樣樣有D唔駛煩惱!寬粉條 ($38)係我每次黎呢度都唔可以錯過嘅, 烚至透明色就食得, 口感煙韌, 配咩湯底都做到好朋友!次次黎呢度火鍋都食到好滿足, 腰圍寸數亦有上升趨勢, 真係人生膠拉鏈呀..............................…查看更多

這個冬天，香港持續寒冷，更低於七度，一定要打個邊爐取取暖，才會有意志繼續抵抗嚴冬。再次重訪養心殿，一是懷念其濃郁足料的湯底，二是它不會給我平時打邊爐的熱氣感。雙拼湯底，以兩者較高價錢計價；每款湯底都會有大量食材在其中。寧神養心鍋 $168朋友工作壓力大，二話不說選了寧神養心銅。湯底以藥材為主，有川芎、白芷、天麻、當歸，再以雞肉、豬肉、魚熬製，味道鮮甜帶藥材味，但又不會濃烈得令人抗拒。最驚喜的是鍋中有一邊大魚雲，正是我的最愛！美人鍋 $188美人鍋以原隻烏雞、桃膠、南棗、杞子、金華火腿等等熬製，滋陰養顏。真材實料，味道有老火湯的感覺，味濃、金華火腿味很香；鍋中有半隻烏雞，大量軟軟的桃膠及香甜的南棗。手切牛肉 （細）$238牛肉肥瘦適中，不會太肥。人手切得厚薄得宜；在鍋中稍稍涮十多二十秒至剛熟，放入口中質感軟綿綿。牛味很香，十分美味。牛胸爽 $138未煮熟的牛胸爽有啲像鱔片，烹煮時的形態也有點相像。放入熱湯中，會即時捲起來。肉質非常爽口，但味道偏淡，需要沾點一些醬油帶出味道。黑松露蝦丸 （半份） $48半份的份量有四粒。蝦丸以蝦膠打食，混入了不少黑松露，外貌呈灰黑色，黑松露味很香；質感新鮮彈牙。蟹棒 $48一碟六條，蟹棒味道不錯。稍不留神煮得太耐，就會太過鬆散。雜錦蔬菜盤 $68六十八元的蔬菜盤定價有點高，有生菜、唐蒿、娃娃菜、金菇、鮮冬菇、秀形菇、粟米。寬粉條 $38寬條粉份量不多，大概是一人的份量。將寬粉條煮熟後，會變成半透明。口感QQ的煙煙韌韌。…查看更多

今日幾個朋友相約GATHERINGCWB打邊爐,有人提議養生殿,話湯底正所以就約左去食今日我地先叫左個美人鍋拼養生鍋,厚脂黑毛豬梅花肉,海中蝦,日本蠔,鵝肝墨魚丸,黑松露蝦丸自家製鮮蝦雲吞,寬粉條,,,自家製杞子菊花圓肉露美人鍋拼養生鍋--鳥雞好滑,個湯好正仲有桃膠,滋補美味,另一邊有鴨血唔腥仲好正,好多參,真係超補身厚脂黑毛豬梅花肉--唔太肥,入口即融化,同埋隻豚肉味好香口,唔會有臭味海中蝦--好新鮮,生猛既蝦....實肉,彈牙爽口日本蠔,鮮甜三蔬--蠔都好香口,好鮮味,入湯滾上晒味鮮甜三蔬有淮山,秋葵,粟米--淮山連埋湯真係夠晒入味,粉粉地超正鵝肝墨魚丸,黑松露蝦丸,自家製鮮蝦雲吞--各自有各自特色,鵝肝,黑松露真係超香口,基本上一入口唔望都知咩黎而鮮蝦雲吞就好足料超正寬粉條--連埋D正湯底真係吸晒味,慢慢煮到佢淋再食,爽口超正自家製杞子菊花圓肉露--打邊爐熱熱地,飲下佢真係唔錯,個味道都幾好又有益…查看更多

當一班人諗唔到食咩嘅時候，最好就係打邊爐，好在朋友一早book好餐廳，我哋唔駛等位就有得食啦! 醬料 - 自助形式，比較特別嘅係香醋，令點過嘅食物更香更清爽。美人鍋拼養生鍋 - 打邊爐之前可以先飲湯，2款味道各有不同，美人鍋有烏雞同桃膠，飲落會鮮味啲，同時又好養顏，養生鍋有豆腐同鴨血，有香濃嘅人蔘味，感覺好補氣，飲完啲熱湯，個身都暖晒。日本牡蠣 - 啲蠔好肥美。鮮甜三蔬 - 三蔬有粟米、秋葵、淮山，粟米好甜，秋葵爽口，淮山吸盡湯汁精華又粉糯，好好味! 黑松露蝦丸，鵝肝墨魚丸，自家製鮮蝦雲吞 - 三款都好彈牙，蝦丸嘅黑松露味好香，鵝肝好多油好香，鮮蝦雲吞好鮮味。海中蝦 - 啲蝦嚟到仲識郁，好生猛，食落爽口鮮甜。厚脂黑毛豬梅花肉 - 豬肉食落唔肥嚡，但又唔覺肥，肉味好香濃，好食! 寬粉條 - 呢隻粉要煮耐少少，煮完會變透明同索晒啲湯味，煙煙韌韌咁，大愛! 自家製杞子菊花圓肉露 - 呢款涼茶少甜，但菊花同圓肉味都好濃，飲完即時覺得好清熱。職員見我哋飲完湯，會主動加湯俾我哋打邊爐，好細心。食物同湯底都好有誠意，下次打邊爐會再去呢度~~ …查看更多

天氣微微轉涼，又到打邊爐嘅季節。最愛麻辣火鍋嘅我初嘗近來大熱的台式養生鍋 — 養心殿台式養心鍋！位於銅鑼灣的分店有點中國風，坐位寬闊不感濟迫。有數款湯底可以選擇，也可要鴛鴦鍋，以價錢較高為準。款款都好吸引哦，結果我們選了麻辣併養生鍋一試！我們二人不能選太多配料，精選了我們一向愛吃的一試。鍋蓋打開後，雙眼著迷呀！估唔到湯底本身料子十足！每個湯底都會追加一份鴨血及豆腐的！再加上湯料十分豐富哦！養生鍋湯底是可以先喝的！火鍋配料還沒有到，我們便按捺不住不斷的把養生鍋的湯底喝過夠！看！多麼的足料！人蔘不是一兩條的，是整鍋也是哦，湯底鮮甜，啖啖的蔘咪滲出來，十分好喝！！我們是把整個湯底喝光光的值得一提他們的會不斷為客人加入《湯》底的！是湯！不是水哦！不是很多火鍋店會這樣做的吧！麻辣湯底因朋友不能吃太辣，我們只要少辣，是香的麻辣味，不是一味的死辣哦！不吃辣的朋友也會愛吃哦！霜降牛肉，肥瘦適中，牛味濃！自家鮮製的鵝肝墨魚丸同鮮蝦雲吞，彈牙鮮甜爽口！我最愛的寬粉放入麻辣湯底吸盡湯底精華！十分好吃哦！他們的寬粉不會放入湯底便溶掉，有點咬口！大愛！冰豆腐又一吸湯底的食物，放入養生鍋湯的，沒有那麼油膩，更能帶出豆腐鮮甜！還有大愛他們自家製的杞子菊花園肉露！真材實料！好香的菊花味！清熱解毒哦！另外還要一讚店員服務好好！不斷主動看有沒有要加湯或看看我們有什麼需要等！好貼心！…查看更多

今日約左朋友去食晚飯,就去左養心殿台式養生鍋...朋友說湯底正個環境都幾好,古式古鄉咁都有FEEL喎今日叫左以下食物,先講個湯底先湯底係美人鍋加養生鍋,之後再叫左海鮮拼盤--帶子,海蝦,聖子厚脂黑毛豬梅花肉寬粉條美人鍋加養生鍋--入面超足料,烏雞都幾好食,有咬口肉質鮮味,仲有超多桃膠,桃膠係近年新興健康營養食品,好多好好食...鴨血唔腥味仲要好好食,豆腐入晒味,仲有人蔘味好勁,大大枝.....海鮮拼盤--帶子,海蝦,聖子好新鮮,隻蝦仲生猛既,帶子都算大隻,聖子入口鮮味可口厚脂黑毛豬梅花肉--肥瘦識中,唔會太肥肥到個湯勁油,同時都有好有肉香,唔會蘇味寬粉條--隻粉好得意,有咬口又唔會硬,吸下湯超好食,唔似平時D粉咁…查看更多

難得天氣終於轉涼, "邊爐精"已經按耐不住, 今晚約左係呢間食台式火鍋邊烚邊吹水場內以木器為主調, 燈光昏暗, 幾有古典氣氛, 有別於坊間既燈光火著, 坐得都幾舒服坐底後先選好湯底, 呢度既湯底除左傳統又多人認識既麻辣或薑母鴨外, 仲有幾款特式養身湯底: 寧神養心鍋, 美人鍋, 養生鍋等火鍋配料又夠多, 包括台灣特式有食材, 如鴨舌, 鴨血, 台灣A菜, 翠絲水蓮等點好湯底及食材後就等食啦喂.........未食得住就出去混醬區混醬先今晚點左鴛鴦湯底 (以較高價湯底收費), 寧神養心鍋X麻辣鍋(選小辣)!  寧神養心鍋材料包括川芎, 白芷, 天麻, 當歸, 魚頭, 烏鷄, 豬肉, 先飲啖湯, 鮮甜無比, 藥材味都幾出, 無腥味, 此湯底有效驅頭風及袪頭痛, 個魚頭仲肉滑, 千祈咪錯過!另外一邊既麻辣湯底, 包括多種藥材及香料, 加入鴨血及凍豆腐, 仲有另送鴨血多一份, 相當抵食!鴨血超滑, 好味呀:)火鍋配料好快上枱, 烚下烚下又點可以無牛肉呢?!  點了呢客手切牛肉($228/細), 肉色相當靚仔, 脂肪分佈幾平均, 厚薄度都適中只需烚十零秒就食得, 肉味幾濃, 有咬口之餘又唔會韌, 質數唔錯!呢度既丸類及餃類有半份叫, 想試多D當然可以叫半份($40), 墨魚丸及韮菜餃半份係四粒/隻墨魚丸口感彈牙及食到有墨魚粒韮菜餃就皮薄及滑, 韮菜份量較肉為多, 多食幾隻都唔會膩呢度既響鈴($58)係鮮炸架, 一客數條, 每條都炸至金黃色肥嘟嘟, 放入湯內幾秒, 外軟內脆, 雙重口感均衡營養, 當然要有菜啦, 呢客雜錦蔬菜盤($58)就咩都有D, 包括秀真菇, 金菇菜, 粟米, 娃娃菜, 小棠菜及生菜, 款式多都幾抵食!想再飽D, 叫左呢客寬粉條($38), 外貎似偏薯粉, 用食具罩住烚至透明狀即可食得口感滑溜得黎又煙韌, 好過癮喎 食完仲有呢杯檸檬沙冰送, 味道酸甜又夠凍, 下火呀............哈!侍應反應夠快, 不時加茶加湯, 態度有禮, 唔怪之得全場爆滿!…查看更多

一向都唔係好鐘意打邊爐既媽咪，由佢朋友口中得知呢間主打養生湯底既火鍋店，就嚷著要試，咁我梗係要陪下老人家啦！一去到餐廳已經見到全店都好有中國風既裝修，加上聞到好香藥材湯味，真係好想快d食！黎之前已經search左要咩湯底，我地想一次過試哂養生窩同美人窩，所以就要左鴛鴦窩。仲揀緊配料既時候，湯底已經嚟咗。2個湯底都非常足料，就咁飲都已經好正！美人鍋個邊係烏雞湯，有原隻烏雞，仲有充滿膠質既桃膠，湯底好清，食完都真係覺得自己靚左呀！而養生窩係人參湯，入面有大量人參，比較重味。最欣賞佢係湯入面有d豆腐，索哂d湯！到材料方面，打邊爐點可以冇牛肉呀！我哋要咗一碟極上雪花肥牛，油脂分布好平均，而且充滿牛肉味，碌耐左都唔會好鞋。另外仲叫咗一碟手工丸拼盤，有五款丸，可以每樣試吓味道，最推介係黑松露蝦丸，好彈牙好重黑松露味。仲有要咗碟水耕菜，好新鮮爽脆。最後係必食既寬粉條，佢哋會提供一個籃裝住啲粉條，咁就唔怕跌到落鍋底搵唔翻。粉條碌完之後會變透明，索哂d湯汁，非常推介。埋單之後仲送左甜品，係熱情果沙冰，酸酸地又冰涼，可以refresh下，喂我哋呢餐畫左圓滿句號，媽咪同我都食得好開心！…查看更多