蜀客

中午12點嚟靜靜哋，坐得好舒服，雖然走高檔路線，裝修和餐桌佈置都係冇乜特別。先開一壺茶，剩係得香片，冇其他可以揀。硬食一小碟酸醋蘿蔔，成為$25，又冇乜特別，其實呢啲咁傳統港式酒樓嘅硬食做法，今時今日應該改變下⋯⋯Menu都幾厚，好多款式，有辣有唔辣，兩個人點左六碟菜，經理都已經俾咗個signal我話夠囉。 上菜好似變魔術咁，轉個頭已經係咁一碟一碟係咁上，失望嘅係第一碟先上咗亁鍋茶樹菇，而唔係另外兩碟前菜，不過茶樹菇炒得又靚又香，油係多咗少少，不過我都覺得好好食。前菜方面，鮮椒海鮮滙比較突出，面頭嘅鮮椒切得好幼細，汁調校得好好，冇蓋過海鮮嘅鮮味，係一個幾出色嘅冷盤前菜。 主菜方面，每樣都做得甚有水準，可見廚師嘅功架，宮保蝦球炸粉唔會太厚，乳鴿醃得好香，又嫩又脆，炸得好乾身，酸菜鮭魚，肉滑，夠份量，不過湯底偏鹹，所以飲唔到啲湯囉！感覺有啲浪費，走嘅時候經理問到都有同佢哋反映，其實呢度食物大致上對本人來講都比較偏鹹，但係整體上食物真係做得出色。服務都殷勤友善，只不過係上菜上得真係太趕，又想趁熱食，有啲壓迫咁，共坐咗50分鐘就完成咗一頓豐富嘅午餐囉！因為用app book，所以覺得有點兒超值，如果要正價，可能就要等特別嘅日子，夜晚嚟慢慢嘆囉⋯⋯…查看更多

今日同朋友嚟咗蜀客食飯，地方好寛敞舒適，係放鬆傾計嘅好地方。嘢食方面，食材優質新鮮，廚師手勢都好到家。雖然係川菜，但辣度調整到香港人完全食得到，唔使怕辣。呢個泡海鮮有我最愛嘅帶子、八爪魚及蝦，八爪魚彈牙鮮味，蝦都係鮮甜彈牙，少少辣，一般香港人都食到，還有爽口的西芹片，中和一下。宮保蝦球：大大個蝦球十分彈牙，醬汁非常濃烈又帶少點麻感，好鍾意呢個，十分推介。呢個椒鹽豆腐材料簡單，但絕對考功夫，炸得一啲都唔熱氣，外脆內滑，十分抵讚。魚肚伴菜芯，我地當花膠咁食，大大片，仲淆到入晒味，一啲腥味都冇。響螺敦雞湯，真材實料，清甜，有啖啖螺肉，熱熱哋飲落肚最滿足。京蔥蒜牛肉都係比較濃味。鮮蘆荀大棵但嫩，用上湯淆到入味，幾清新。整體感覺都非常好，服務到位，味道一流！值得再黎。…查看更多

2020年11月23日。晴。尖沙咀。呢日同朋友補祝生日，約咗一齊喺K11 Musea食晏我哋兩個都鍾意食辣嘢，所以揀咗呢間川菜！入到去先知原來有窗邊海景位～～～再食book枱嘅時候要講低！餐牌都好精美～小食，$25似係炸蠶豆同青豆，少少鹹，多多脆！鮮椒海鮮匯，$168呢個菜由上枱嗰一刻就散發住濃濃嘅麻味，聞到／諗起都流口水～～侍應介紹呢個海鮮匯入面有南澳帶子、緬甸白蝦同埋迷仔八爪魚帶子鮮甜，蝦肉新鮮，八爪魚煙韌，樣樣海鮮都好出色！再加埋個汁，香、辣、麻，食得好過癮～～～蒜汁秋葵，$78呢個菜嘅蒜味冇想像中咁濃，不過醋同秋葵就真係好夾～味道清爽，非常開胃！碧綠脆瓜北寄貝，原價$138，特價$69北寄貝食日本嘢就食得多，但原來呢個川菜fusion煮法都幾特别～當涼拌醬汁係豉油咁沾北寄貝食，別有一番風味！宮保蝦球，$268我發誓，呢個蝦球係我人生食過最最最好味嘅蝦球！！！！！一！定！要！點！店員都有稍稍介紹下呢個菜嘅材料，用咗緬甸香蝦、辣椒乾同紅花椒呢幾樣食材都唔係好識，但係呢個緬甸香蝦大大隻，肉質彈牙～呢道菜最令我着迷嘅係個醬！啲蝦球外面好似有層玻璃紙包住咁，睇落好晶瑩～食落更加有驚喜！店員話就話用咗辣椒乾同紅花椒，但食落唔辣，反而係帶甜味，有啲似包咗層麥芽糖糖衣咁咬落去又食到蝦球嘅爽脆，滋味無窮～～（淨係為咗呢個蝦球，疫情過後，都要帶屋企人嚟試！！）乾鍋茶樹菇，$178鍾意菇類嘅我，本身諗住茶樹菇咁乾，再乾鍋炒佢，可能會更乾。。。但朋友想食，緊係照嗌！嚟到見個茶樹菇原來有落肉片一齊炒，肉片睇落有啲肥可能因為有肉片嘅油脂，炒出嚟嘅茶樹菇一啲都唔乾，加埋啲辣椒同配料，非常惹味！魚蝦蟹炒飯，$228炒飯粒粒分明，夠晒鑊氣！…查看更多

一直都很喜歡逛K11 Musea，因為地點方便，裝修有格調，吃過幾間西餐之外，今次便去了蜀客吃四川菜。沒想到裝潢不是傳統中式，而且有特色和無敵維港景色，光是環境已經是一大享受。餐牌上有前菜、主食、海鮮、蔬菜、飯麵，甜品等等選擇，種類繁多，我們覺得套餐已經有大部份我們想點的食物，而且各類食物都有，於是點了一個套餐A。餐前小食沒想到很好吃，是炸得脆脆的栗米，非常香口。 鮮椒木耳清爽可口的黑木耳，帶有些椒麻味，又有些酸味，非常開胃，比平日所吃到的更惹味。撈汁小青瓜小黃瓜爽脆而且異常地入味，可能是厚切的關係，酸酸的涼拌汁更入味，有驚喜。夫妻肺片有牛展、牛肚、牛舌、花生和芝麻，口感爽口，但我個人覺得麻辣味偏重，反而更喜歡木耳和小青瓜的涼拌汁。 香茜牛肉羹吃過酸辣的開胃前菜，便吃一碗香茜牛肉羹中和一下。色澤晶凝通透，使用上牛肉和蛋白製作而成，口感香醇潤滑，將牛肉剁成碎，口感更彈牙，感覺清新鮮嫩。宮保蝦球新鮮爽口的蝦球，炸得非常香脆，而醬汁更是亮點，甜中帶辣又帶點麻，非常豐富惹味。酸菜桂魚 相信酸菜桂魚都是招牌菜，份量十足，除了主角兩斤半重的桂魚之外，更有萵筍、四川出產的酸菜，芽菜等配料，湯頭濃郁但一點也不油膩，用魚湯加泡二荊條辣椒、黃野生椒，煮至湯落魚片上盤，味道要做到酸、鮮、甜的平衡。而魚片鮮滑又厚身，皮細肉嫩，是一款可以喝湯的酸菜魚。紅燒皇子鴿皇子鴿熱騰騰上桌，雖然體積比較少，但外皮香脆，肉質柔嫩但結實，不會一扭開鴿肉就散開，肉汁完全鎖住在裏面，沒有油膩感，另外非常貼心付送手套，食得方便。乾煸四季豆四季豆口感嫩口，沒有因為火喉而變老變乾，但配料則有點乾身，不過整體味道惹味。成都擔擔麵麵條上有些肉碎，花生和香蔥，湯底顏色偏紅，不見花生醬，取而代之是紅油，跟我平時吃的那種有湯有花生醬的不同。這款偏乾身，像撈麵，味道更濃郁。薑汁湯丸最後甜品是暖胃的薑汁湯丸，薑味濃郁帶甜，但湯圓方面皮略嫌不夠薄，但入面的芝麻餡料好香，體積剛好，一口一粒。覺得蜀客一間非常精緻的川菜餐廳，那種麻辣的力度是剛剛好，不會太過覺得肥膩，而且鋪排是有設計過，吃過有些辣度強勁的菜色後，又給你上一道溫和的回回氣，環境和服務也是非常到位，整體是值得一再到訪的。…查看更多