初見

🍽️ 家庭聚餐 @ 初見 (荃灣)今日同親戚一齊嚟到荃灣嘅「初見」，呢間日本餐廳款式多，食物質素高，環境又舒服，大家都食得好滿足！₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🍣 五式壽司盛合一上枱已經好震撼，刺身下面有白煙飄出嚟，好有氣氛！刺身有三文魚、帆立貝、海膽同𩶘魚，每件都切得好厚身，肥美又新鮮。海膽雖然有少少味，但以香港嚟講已經算好新鮮，整體好高質！₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🥩 初見香草吉列牛吉列牛可以自己燒，好玩又過癮！牛肉質地好嫩滑，唔使燒到全熟就已經入口即溶，表皮香脆，肉汁豐富。配嘅烏冬都好彈牙，湯底有少少似豬骨湯，幾好味。₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🍲 安格斯牛肉鍋壽喜燒壽喜燒湯底甜甜地，帶有甘甜味，唔會太鹹。安格斯牛肉肥美嫩滑，鍋入面仲有好多配料，例如豆腐、蔬菜同菇類，非常豐富，食得好滿足！₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🍚 三文魚蟹籽丼飯三文魚切得好厚身，同刺身一樣新鮮，蟹籽份量都好多，撈埋飯一齊食，口感豐富，味道鮮甜。₊✧˚﹕︶︶︶﹕૮₍ ⸝⸝´ ꒳ `⸝⸝ ₎ა﹕︶︶︶﹕ ˚✧₊🌟 今次嘅用餐體驗好滿意，食物質素高，款式又多，特別係五式壽司盛合同吉列牛，真係令人印象深刻！如果你鍾意日本料理，呢間絕對值得一試～ …查看更多

收藏了很久的日式餐廳，終於一試！餐廳日式裝潢，樓底高，座位算闊落。看到不少客人都點了火鍋，我也選了安格斯牛肉鍋，轉壽喜燒湯底，味道較清甜。牛肉份量多，差點吃不完。而蟹籽三文魚刺身丼，三文魚厚切，但味道略淡。加了的赤蝦也較小。晚上8:30後88折，折後價格更符合性價比。…查看更多

終於有機會拜訪荃灣呢間人氣日本料理 — 「初見」，鍋物同埋石燒吉列牛都係呢到嘅人氣商品，一場來到梗係唔可以錯過呢兩樣美食啦～初見香草吉列牛(配白飯)💰HK$138石燒最大嘅好處就係可以自己控制每一塊肉嘅生熟程度！呢個香草吉列牛份量多，每一塊牛肉質鮮嫩得來又帶有淡淡嘅香草味，唔使特別點醬汁已經品嚐到吉列牛嘅美味啦，旁邊仲有埋溏心蛋添～安格斯牛肉鍋(配白飯)💰HK$88呢個鍋有唔同嘅湯底，今次就食下本身預設咗味增湯湯底啦！鍋嘅配料都好豐富，有菜、菇類、芋絲、蒟蒻等等，另外仲有足足四大片嘅安格斯牛肉，牛肉油脂分布好平均，口感唔會韌，性價比高～…查看更多

終於可以黎咪嘥野嘅日食店潮聖一下🫶🏻🫶🏻聽人講好多次話「初見」好抵食～就見下真章先🤣-北海道帶子黑松露意大利飯$98😻好creamy嘅意大利飯！味道夠濃🤤帶子好鮮甜👍🏻👍🏻一啲雪櫃味都無！做得好好👍🏻啲飯嘅口感亦都拿捏得岩岩好🫶🏻掂！-小食-炸和風一口芝士6粒$45呢個一口芝士有驚喜，外脆內軟😻咬落去啲芝士湧出嚟🥹芝士控必點 ！！！好滿足😌而且係性價比之選👍🏻👍🏻-安格斯牛肉鍋$88碟白味噌應該係要倒落個鍋到煮嘅🤣本身個鍋係配飯 +$8轉讚岐烏冬😌牛肉份量都幾大份🤣食落係有牛味同唔韌👍🏻👍🏻好感動🥲抵食之選🤭個鍋配料好豐富！大滿足！！…查看更多

食物質素高環境靚之餘 荷包唔洗咁痛~宜家仲做緊6週年優惠有88折🤣我平日8點黎食都坐滿人餐廳以簡約木系裝修 仲有d草木裝飾 樓底夠高 幾有氣氛架🫶🏻餐牌選擇多 我都揀左好耐先決定到食咩😆✿ 安格斯牛肉鍋配白飯 $88 黑蒜豚骨湯+$5 ✿✿ 升級套餐 (刺身+湯品+熱茶) $38 ✿湯鍋上枱出晒煙💨牛肉有6大片 切薄片好快就熟🥩肥瘦比例好 牛味重👍🏻鍋入面仲有好多配菜 冬菇、鳴門卷、獅子狗、娃娃菜🍥套餐就有刺身+湯品+熱茶三文魚、真鯛同帶子 超厚切 超鮮味😋😋南瓜湯香濃 仲有南瓜蓉🤪熱茶揀左士多啤梨茶🍓好香~✿ 三式刺身盛合 $128 ✿見套餐個刺身咁正 特登再嗌多個刺身盛合🥰三文魚、真鯛同帶子 一樣厚身鮮甜wasabi都係自己磨架 味道好出但唔攻鼻😆✿ 煙三文魚明太子炒扁意粉 $98 ✿日式西餐最正一定係意粉🍝煙三文魚香口 明太子汁好濃 意粉掛汁👍🏻…查看更多

讓人失望的石板吉列牛😖.尋找美食之路難免碰釘🥲 呢次嚟到荃灣初見食石板吉列牛，店外睇圖好似好吸引，一拎上嚟，覺得伏了，放入口更加⋯⋯ 😖總評一下：😟食物質素： 4/10 石板燒吉列牛真係唔掂，淡而無味，肉唔新鮮，完全唔知食緊咩。差評！ 鍋物水平尚算合理。 刺身就寶達質素，中等。湯唔好飲，用水開，太咸。🙂環境衛生： 8/10每張枱櫈都乾淨，正正常常。🙂服務態度： 5/10無乜嘢可以被服務，正常。😖性價比：5/10 ☹️餐後滿足感：4/10 呢個價錢食，真係非常唔滿足，好失望呀！———————————⋯⋯⋯ 唉，真係抱著期望入去，抱著失望回來。…查看更多

收工又去蒲MK🤭，離遠見到個招牌，行到過去見係食日本嘢又有位就坐低了。餐牌都幾多選擇，價錢仲好大眾化🤩，兩個人叫咗呢d:安格斯牛肉鍋(味噌湯轉讚岐烏冬)$96每張枱都有獨立電磁爐，放上湯鍋好快就滾起🥘，除咗牛肉之外仲有好多配菜😋，讚岐烏冬亦非常彈牙👍🏻日式咖哩吉列豬扒配白飯$80吉列豬扒好Juicy🤤，配埋日式咖嘢汁，成碗飯就咁KO咗🫢明太子雞翼 $58雞翼控必食😍，見到炸到咁金黃色已經急不及待要咬一啖，𥚃面釀滿晒明太子，辣辣地非常惹味🫶🏻日式鐵板煎餃子 $48簡單嘅小食，最緊要皮薄同煎得夠香，兩樣都達標😙😙…查看更多

之前食過呢間「初見」旺角分店 高人氣又親民價 仲有好多款美食想試吓 今次黎到荃灣 又黎再encore 食返餐先😋初見係一間日式西餐廳 餐廳內外都有綠色植物作點綴 感覺很舒適 Menu選擇多 有牛肉鍋 海鮮鍋 魚生丼及西式漢堡 意粉等今次食左日式食品 下次又再想黎試吓西式美食🤤🔸F2.安格斯牛肉鍋（$88）我轉左地獄湯（+$5）白飯轉讚歧烏冬（+$8）牛肉鍋裡面有好多菜 仲有幾款菇 獅子狗卷 鳴門卷等牛肉片有6大片 份量十足 牛肉肥瘦比例適當 讚歧烏冬係豚骨湯底 日本烏冬煙靭又彈牙🔸初見·特上豚骨湯拉麵 （$88）叉燒係炙燒過 帶出左豚肉既脂香 好香口配料有牛肉 糖心蛋 紫菜同筍等 十分豐富拉麵軟滑又彈牙 配上濃郁鮮味既豚骨湯 好好味…查看更多

荃灣嘅初見都開咗好多年，今次已經第3次黎，之前兩次都係食初見香草吉列牛，今次試咗其他野食想食火鍋，所以我叫咗安格斯牛肉鍋，湯底係味噌湯，入面有好多菜，仲有幾款菇、獅子狗卷、鳴門卷，牛肉都有4大片，份量唔算太少，而且牛肉肥瘦比例幾好同埋幾滑。原本個set跟白飯，我就加咗8蚊轉讚岐烏冬，豚骨湯底，烏冬又夠彈牙，唔錯朋友就叫咗初見特上豚骨湯拉麵，入面有齊日式叉燒、豬軟骨同牛肉，可以一次過試哂，仲有糖心蛋、紫菜同筍，幾豐富除咗日本野，我見佢都有啲日式西餐同漢堡包，下次再黎會試下…查看更多

👧🏻Wodafoodie in Tsuen Wan有時唔想食生冷野又想食日本野咁點算？可以試下呢間出名食吉列牛或鍋物既日本菜😌✨🦐季節海鮮鍋 $88 +$5轉地獄湯海鮮鍋有鮮蝦 青口 帶子 蜆 螺肉 魷魚 三文魚估唔到有咁多種類既海鮮☺️ 有驚喜！將龍蝦湯轉做地獄湯非常明智香濃帶少辣 好惹味！好味到飲左大半🤭 無調味既海鮮 配上呢個濃湯 撈飯一流👍🏻✨🐮安格斯牛肉鍋 $88牛肉鍋配味噌湯 湯頭相對清淡同樣地湯底有好多菜、菇、蒟蒻、竹輪卷、豆腐薄切牛肉好大片😍 油脂分佈平均配埋一個帶蕃茄味既醬汁 幾特別仲可以問店員拎燒汁點牛肉 正😋唔想食生冷野或熱氣野 叫鍋物都係一個好選擇呢到仲要唔收加一😍好抵食呀～📍 初見 (荃灣)荃灣海壩街22號華達樓地下F號舖…查看更多

老婆掛住日本，同佢黎荃灣平平地止下心癮。排隊都抵嘅，無加一百零蚊有石燒牛食喎！賣相好得，用香草包邊視覺效果超靚。牛肉肥瘦均勻，用附送嘅牛油喺石上面搽一層油，再放上幾塊吉列牛燒得香脆。點海鹽、燒汁醬都好味，拌飯同溏心蛋，滿足！安格斯牛肉鍋湯底濃而不咸，料足，有魚蛋片、豆腐、鮮菇、菜、蒟蒻等等。安格斯牛嘅質素不俗，烚兩烚佢保持軟嫩。入到舖真係另一片光景，好有feel，仲有部電視播住日本街頭閒逛嘅影片，有心營造氣氛。…查看更多

佢寫住9:00關門，但我9:00 先去到，原來佢9:00 係last order, 可以坐到10:00.我都係見到個個都話這度好食，所以來試下。環境方面我係覺得幾靚，可以打卡，如果再多D佈置會再靚D。食左兩個set 安格斯牛肉鍋同香草吉列牛，先講D牛，都真係幾新鮮，同埋有牛味，只是有D唔夠脆，同埋個鍋其他食材淋左D，佢可加$35升級做套餐，佢有個南瓜湯好好味，會飲清曬的，有魚生4塊都OK，仲有杯野飲。價錢合理。…查看更多

27-11-2021 (Sat)同老公由馬鞍山返荃灣,由於冇咩嘢做,就早啲食晚飯後返屋企啦,我哋嚟我髮型師介紹嘅呢間,佢哋開6點,而我哋到嚟時,都已經排長龍,晚市準時開始,好彩到我哋都重有位.呢喥又係掃QR code落單,我哋要咗:3. $68.00嘅初見粒粒原隻軟殼蟹反卷(6件)等咗一段時間至整好,軟殼蟹炸漿又薄又脆,食到軟殼蟹本身嘅味道.2. $88.00嘅安格斯牛肉鍋(味噌湯配白飯),加$8.00轉讚岐烏冬呢個等好耐至到,見到牛肉都唔少,讚岐烏冬口感彈,牛肉灼耐咗都仍嫩同唔韌,雜菜份量都唔算少,而焯於牛肉嘅湯當然好味啲,但又唔會好口喝.老公話呢喥$96.00而且冇加一,抵食過尚青商號,因為佢前一晚自己喺尚青商號食半筋腩麵.1. $38.00嘅和風章魚燒6粒呢個最後至嚟,內裡好熱,有章魚粒,口感同味道正常,不過都正常膩,但加啲wasabi食會減到膩.服務:會自己俾兩杯水同碗仔.環境:係大同闊落,但二人枱冇位俾客人擺嘢,建議枱下加勾或提供籐籃俾客人擺嘢.4.5分抵食係2.8分…查看更多

其實已經第二次食😛 主打除左有石燒牛 仲有火鍋同其他日本料理 就連意粉都有～～ 不過黎到都一定係食主打😚.▫初見香草吉列牛 $128 差唔多枱枱都係揀依款😛 最特別應該係綠綠的香草味🌿炸衣 燒完外皮仲食到香脆感～ 吉列牛切得好平均 厚度剛好 我多數都係燒到岩岩轉色就食 有肉感之餘仲帶有嚼勁🤤 仲有岩鹽同醬油可以點 但我覺得唔點都已經好食😚跟餐會配埋溏心蛋同飯 前者都溏得幾入味 我加左$8轉烏冬 都幾大碗 仲有啲粟米粒同蔥花調味～～.▫安格斯牛肉鍋 $88依個真心幾抵嗌 牛牛既份量好多😍 紋路鮮明 油脂都豐富 食落幾有牛香 係滿足既味道😚 我地後來用黎石燒都好唔錯 燒完食落更加juicy😙 同樣地有個疑似味噌醬可以點😛味噌湯底唔會太鹹 仲有好多雜菜同丸子作佐料～ 我地仲加左隻蛋配飯🤭.總結，石燒依間性價比真係幾高 質素都幾好食😚充滿牛香既牛牛們🤤 建議大家好似我地咁一個石燒一個鍋 交叉咁食好唔錯😛 而且鍋物真係好抵 偷偷講 上次食龍蝦湯果個仲正🤭…查看更多

#荃灣區覓食 #初見 #超高質牛肉一人火鍋 #值得encore😋😋❣️#安格斯牛肉鍋 💰$88 牛肉好高質‼️ 肉質非常軟腍 ，亦有濃濃既牛味，以呢個價錢嚟講，性價比極高‼️ 湯底+$5 轉左地獄湯 ~ 較味噌湯更濃郁 ~ 落烏冬好正😋索哂個湯😛 轉烏冬+$8 ，都幾彈牙🥰🔺🔺🔺🔺🔺🔺🔺🔺🔺🔺🔺🔺🔺🐷味 道 : 🟡🟡🟡🟡🟡🏠環 境 : 🟢🟢🟢🟢🟢💰抵 食 : 🔴🔴🔴🔴🔴‼️性價比 : 🟣🟣🟣🟣🟣❣️整體評分 👉🏻 10/10-📍初見 (荃灣)荃灣海壩街22號華達樓地下F號舖🔺🔺🔺🔺🔺🔺🔺🔺🔺🔺🔺🔺🔺…查看更多