Error 19 (已結業)

旺角打卡cafe又一選擇，呢間cafe嘅環境好多粉紅元素，幾啱女仔🤣佢嘅甜品都唔錯，梳乎厘pancake幾軟身但味道就淡咗啲，而焦糖香蕉朱古力牛角窩夫就相對出色，好脆😋同朋友食甜品，傾下計，影下相，呢間唔錯…查看更多

有次無意中發現呢間粉紅少女風既cafe🤪貼左好多mirror同error既野，甚至連播既歌都係佢地嘅歌😆唔知呢間cafe係咪error成員開架呢🧐窗邊可以望到好靚既景，環境一流～而且佢啲位都係梳化凳，又闊落又舒服👍🏻.🍝香辣蒜片大蝦意大利麵 $138 (3.5/5)雖然對我黎講頗辣，但辣得黎好惹味😆蝦肉彈牙～但意大利麵就比較失望，我同朋友都覺得太硬，都未煮淋👎🏻. 🥩香煎一級肉眼配紅酒汁 $288 (3.5/5)肉質咬口都可以，幾juicy，配菜有薯仔、紅蘿蔔、粟米條等～但如果呢個價錢，又好似未係太值🙊.🥞宇治抹茶十勝紅豆梳乎厘 $95 (4/5)因為係即整，所以要預番大概15分鐘時間～新鮮整係特別好食🤩口感非常鬆軟，空氣感十足，仲好香蛋味😋唯一可惜係我覺得個抹茶醬太苦，就算我本身好鍾意抹茶，我都覺得如果可以揀番唔好咁濃既抹茶醬就會同梳乎厘夾啲😜…查看更多

💎總評分：7.0/10-有個同事升職揀咗呢間餐廳請食lunch，起初仲以為係粉絲開嘅cafe會好多Error蹤影，點知又無喎😝！只係門口有幾張相，室內裝修一片粉紅充滿少女風💕，位置喺旺角中心地帶，樓上鋪環境闊落，中午時候有天然光曬入開陽光猛☀️。1️⃣ 香辣蒜片大蝦意大利麵 $138疫情關係某D海鮮未有供應，好彩仲有大蝦🦐！Pasta並唔係好creamy嗰種，只係用蒜香調味🧄，辣勁到位但不肥膩。大蝦爽口彈牙，足料好食👌🏻。2️⃣ 宇治抹茶十勝紅豆梳乎厘 $95店員極力推介話係呢度嘅signature，製作需時因為即叫即整⏰。兩件厚身嘅souffle搖吓搖吓咁，睇見都知鬆軟，即使影咗10分鐘相📸，切落去仍能感覺到內裏嘅空氣感！口感似泡泡咁入口即溶，有香濃嘅蛋味🥚，加上抹茶紅豆呢個perfect match，比預期中好食👏🏻！3️⃣ Pink Lady Tea Set for 2 $358二人份量嘅鳥籠tea set鹹甜點各種5款，包括蝦多士、鵝肝、迷你漢堡🍔、雞翼、通埋賣相好似甜品嘅芒果蟹肉撻🥭。甜品方面迷你Apple crumble不錯，太飽嘅關係無食晒所有甜品。Tea set包左一款茶，小編要咗玫瑰洛神花茶🌹，粉紅色配合返餐廳主題，味道亦都係小編鍾意嘅酸酸甜甜，開胃健康🥰。假日嚟到都好爆場下🙈，門口好有心思地佈置成一個花牆打卡角落🌸，座位又舒服，好啱幾個女仔傾吓計。-環境服務：⭐⭐⭐⭐食物質數：⭐⭐⭐⭐打卡指數：⭐⭐⭐-…查看更多

一間充滿少女心嘅餐廳 佢仲有好多mirror嘅相 啱晒鏡粉 (雖然我唔係🙈)入面仲要粉紅色架 感覺好高級 加上起19樓 有風景睇💗經openrice可以book位 但係今日黎食lunch都唔多人佢有lunch set 款式ok 另外可以散叫 完全俾佢啲甜品吸引住😍我哋每人叫一個lunch set再叫咗個甜品share▶️餐湯 餐包 沙律Lunch set包埋 放得好靚 碗湯幾大沙律落咗甜醋 仲有車厘茄 唔錯🥗餐包好迷你 亦好輕身 佢有牛油提供 不過我用黎點湯🧈🍞質感一般 唔煙韌 但係入面幾軟身 味道就似方包條邊嘅味 好在佢暖暖哋 仲有啲脆🥣餐湯係橙色嘅 飲落好似又唔係淨係南瓜 而係幾種菜攪出黎 反而覺得仲好 間中咬到啲菜咁 亦有啲creamy 應該係落咗忌廉添 又唔會鹹 好飲👍🏻▶️香煎紅鱲魚配龍蝦汁 ($88)賣相好吸引😍plating好好中間一舊厚厚嘅煎魚 旁邊有多款薯菜 西蘭花🥦 紅蘿蔔 bb粟米 🌽薯角 盧荀味道比較清淡 感覺健康然後配上龍蝦汁同橄欖油條魚肉質好實 可能熟咗啲 如果生少少會好啲🐠不過仲好juicy嘅 而且幾彈牙 亦冇咁易散 可以切到一片片 又飽肚啲佢仲有魚油味 食落新鮮 而唔係雪藏味外皮仲煎到少少香脆 成條魚唔油膩🦞唯一係龍蝦汁唔係好夠 同埋味道唔出 所以食落少少寡 好彩佢有啲黑椒味▶️宇治抹茶十勝紅豆梳乎厘 ($95)製作需時 見佢係即刻開漿然後整嘅 所以大家食main食到差唔多 可以叫佢開始整一份有兩厚件梳乎厘 上枱已經感受到佢有幾鬆軟😍左右搖擺咁一定打返個卡先 佢係同相一樣咁靚上面啲抹茶醬仲不停流緊旁邊有紅豆 mochi 抹茶啫喱果然梳乎厘好輕身 入面好似泡泡咁 入口即化🤤仲食到好香蛋味加上抹茶味勁濃烈 係日本宇治抹茶味🍵一啲都唔假又唔太甜紅豆食落好沙 比較甜 同抹茶味好夾Mochi好煙韌 但係唔多 得幾粒啲抹茶啫喱都好好食 抹茶味苦過個醬💚成份真係好好食啊！可以食多份😂▶️餐飲 又係包埋 要咗熱檸水 佢冇加糖味道一般 飲到味好苦而唔係酸😣-呢間真係好唔錯啊 位於旺角 感覺high class食物有水準 賣相💯 尤其甜品真係必試！服務態度好好 超有禮貌☺️環境正 啱同朋友一齊食 或者情人節起到慶祝都唔錯 佢2pm有high tea食添價錢唔貴 某程度上我覺得幾抵食 兩個人兩個lunch set一個甜品 包咁多嘢 加埋一每人都係$140👍🏻…查看更多