湘聚小廚

間中會好想好想食辣，今次食湖南菜，剌激下味覺星期五晚怕人多，6:15就坐低，免等位 兩個人叫左三個餸。因為個魚份量都幾大，所以飯都無叫。坐低有碟前菜，麻油加少少辣。跟住叫左孜然寸骨。街市見過，好似叫豬脾骨。望落去好似好辣，其實只是辣椒多啫，唔辣嘅，不過味道就幾濃吓。香口又唔算乾身，ok 喎。原本想食水煮魚，怕太辣頂唔順，所以改咗食酸菜魚。份量好大，好似酒席一窩湯嗰隻 size。魚片好多，都算新鮮，鯇魚片有少少細骨，食嗰時要小心啲。味道呢，有酸菜，但係個汁好似無酸菜魚嗰種風味。由於兩個菜都係重口味，所以叫左個清炒鍋筍絲，清清地幾好，唔會好熟仲爽爽地。兩個人埋單$400+，都好飽下。店舖有兩層，由於近 HKU，都幾多國內學生來吃。地方唔係好大，樓下六，七張枱左右，有二樓的，唔知樓上有幾大。要七點後晚飯，要訂位啊！因為離開時都唔少人在等位。…查看更多

我有位朋友好鍾意食辣，佢話佢喺港大讀書時成日嚟依間餐館食，所以佢就約咗我嚟試一試，由於間嘢唔喺大街上，其實個位置有少少難搵，開住google map都摸咗一輪先搵到。餐廳有兩層，如果要上二樓就要經過一條幾斜嘅樓梯。間餐廳嘅裝修都幾有中國特色嘅，掛咗唔同嘅大燈籠，好有喜慶氣氛。佢哋嘅皇朝粉絲煲分量勁大，足以夠四五個人食，不過我就覺得幾辣。另外孜然寸骨就真係不得了，孜然味太重，食唔到肉味，我要叫多碗白飯嚟餸先得。整體嚟講碟碟餸份量都好大，不過就較為重口味。…查看更多

好日唔黎西環，朋友搬左過去係咁話好多好野食，今次帶我地去食湘菜。好地到嘅一間湘菜店，店員都係講普通話，不過當然都識廣東話啦。 成個menu都係紅色辣椒，不過好似可以揀辣/唔辣，所以大部份人都岩食。呢個鐵板魷魚鬚好好食，好香好膩味，魷魚份量都好多，成大碟都係滿滿魷魚鬚👍🏻呢個味道唔算太辣，香口有鑊氣。手撕包菜同其他地方食嘅唔一樣，多少少汁，爽口，唔辣，不過送飯一流。朋友重點推介孜然寸骨，唔好比佢紅色辣椒嚇到，其實唔算辣，孜然味重，肉亦唔鞋唔硬，好鬆軟。口水雞亦係另一推介，佢雞肉好滑，個「口水」汁好好食，香味好濃，辣度適中，停唔到口。雙椒蒸茄條我所有朋友都食唔到，話太辣，不過我食好鍾意，茄條林滑，冇澀口，香辣好味，不過未必個個都抵得住個辣度。最後再黎多個水煮牛，勁大個煲，份量勁多，好多好多牛肉，牛肉亦都唔會過熟，入面亦都有火煱粉，好香好好味😋整體感覺好好，正宗唔貴份量大，多d人一齊食最好，可以多叫幾味。…查看更多

呢排愛上左食辣野，係朋友介紹下得知西環有間食湘菜既小店，而我又好少去港島食，就去試下啦🤤呢間店鋪雖然唔係大街，但平日晚飯時間仍然滿座，可見食物質素應該唔錯啦！又於太肚餓關係，我地都叫左幾多野下，第一樣係鐵板魷魚，賣相唔錯，魷魚鬚燒得好惹味，雖然好多辣椒，但唔太辣，好岩我呢d唔係好食得辣既人，好岩送飯，下次黎一定要encore呢味！跟住就要左個水晶粉，酸酸地應該落左醋，食落好開胃，食到最底原來有蛋，撈埋一齊食應該幾正由於好似叫左好多肉咁，就叫返個菜，唔好睇佢係普通椰菜，但炒落好香，唔會太辣又叫左我最喜愛既口水雞呢到既口水雞好新鮮，雞皮都好爽，配埋garlic同獨有既醬汁，食完一舊又一舊唔好睇呢碟有咁多辣椒，其實都唔太辣架，孜然味好重同入味，燒得好香，而且價錢唔貴呢碟水煮牛肉好足料！之前都食過其實餐廳既水煮牛肉，粉量都冇咁多，我地4人已經不停咁食，仲靜返好多牛肉，除左牛肉外，仲有芽菜同透明既粉，好彈牙同入味最後就叫左個茄子，呢個先係重頭戲！勁辣！其他菜睇落好多辣椒，唔太辣又夠香，但呢碟茄子加了尖椒同紅椒，超級辣😂無論辣味同麻味都好勁，配埋蒸茄子好入味，鐘意食辣既人唔好錯過香港好少餐廳食湘菜，但呢間價錢唔貴，絕對係性價比高，下次如果黎開西環會再encore!…查看更多

又與住在西區的朋友飯敍，因為地鐵港島線延至西環，真的令整個社區改變了很多。這小店就在一條小街，因為是通往西寶城側門的必經之道，有點靜中帶旺的感覺。此店有兩層，我們約於7:30來到，被安排坐在樓下，已有九成滿。前菜是炸豆和海帶絲，已很有北方食物的特色。鐵板水晶粉很好味，開始食的時候並不覺太辣，但食到底較多汁，辣味就很勁，而要讚的是很大碟，好抵食！最精彩的是這道看似簡單但勁好味的雙椒蒸茄條，看來不辣，但簡直可以用殺人於無形來形容，雖然辣，但有種越食越過癮的感覺，相信每位鐘意食四川辣嘢的朋友都會明白這種感覺。孜然寸骨：很喜歡孜然這種香料，很惹味，大量的辣椒和蔥加上豬仔骨，排得整整齊齊的，賣相也精美，一定要用手拿著來吃才感受到那種風味！始終食得太多辣，要叫一碟青菜來平衡一下，點了蒜蓉油麥菜，雖然有點偏油，但大量的蒜蓉很好味。很欣賞這種風味小店，離開時見到門前貼上「可免辣」的牌，相信很多人都覺得湘菜四川菜只是一味得辣，所以店主要發此「聲明」，但我真的覺得要點辣才夠傳統。…查看更多

除了出差國內的日子，已經忘記有多少年沒有在香港食過川菜或湘菜了。冇辦法，太太唔鍾意食辣、甚至乎唔係好食得辣，加上只有三歲多的鬈毛小公主，就更加不鍾意食辣；難得今日約了朋友飯局，冇理由唔藉此機會找間川湘菜館大快朶頤。朋友們家住西環，不想食麻辣火鍋，正宗的川湘菜館選擇不多，只有三兩間，揀了「湘聚小廚」。顧名思義，此乃湖南菜小館。近年，川菜湘菜在香港越來越熱，多多少少都與回歸後多了國內人士在香港長期工作或定居有些關係；川湘菜系在國內極受歡迎，香港總要有川湘菜館以迎合市場需要。講起湖南菜，香港的開山鼻祖可以說是美心集團的「洞庭樓」（現已結業），早於20多年前已經在中環開業，如無意外，也是當年香港唯一一家湘菜館，走高級路線、裝修雅緻；但其實並不徹合湘菜的鄉土特色。至於近年開業的湘菜館，裝修簡樸、甚至帶點農家鄉土風味，整體感覺更像國內的地道湖南菜館，也更配合湖南菜的風味。推門入內，地方細小，整間小館一眼睇晒。如果不是明知身在香港，只留意這家小館的裝修風格，真的以為身在國內。四周牆壁用上了細塊的仿青磚、天花又掛了一棧棧仿燈籠的紅吊燈，裝修風格非常簡樸；再加上用色深沉、燈光暗淡，根本與國內的小餐館沒有任何分別。小館座無虛席，但除了筆者這一枱之外，其餘各枱客人全部操流利普通話！相信今晚沒有選擇錯誤，這家小館的湖南菜應該相當地道。這張貼在牆上的溫馨提示，非常典型的國內用語文化，雖然未能完全了解，但也大概明白這句宣傳語的意思；加上「微信」，更肯定不少客源是國內人士。再看看餐牌的設計， 大大張圖片、下邊標注菜式名稱及價錢，只要有國內餐館用餐經驗，一定會似曾相識；除了由簡體字變成繁體字這一個分別之外，完完全全就是一本國內風格的餐牌。炸花生(?)及泡椒蘿蔔。湖南菜以辣馳名，即使前菜醃漬蘿蔔也要加入辣椒泡漬。在爽脆、醋酸中滲出微辣，對比其他經典湖南熱菜式，已經不算辣，反而有一些特色、又刺激食慾。反而那一小碟炸花生(?)就有點奇怪了，好似只剩下一層薄薄的外衣，中間的花生肉不翼而飛 ⋯⋯ 到底是否炸花生？乾鍋田雞（$118）的上菜方式是非常典型的湖南辣鍋：用一個設計非常粗糙的酒精爐，上面就是一個小小的不鏽鋼鑊。與想像中有差異的地方就是辣汁份量相當之多，與名字「乾鍋」有出入。非常典型的國內川湘菜式規格，辣椒、蒜頭、洋蔥、薑片等等各式各樣的香料佔據了整鍋食材的60%以上，田雞又斬得非常零碎。味道就是很正宗的湖南風味：絕對的香辣；既沒有四川的「麻」、也沒有雲南的「酸」。田雞都算夠嫩滑，只可惜斬得實在太過零碎，而且還包含了田雞背脊，感覺上骨頭多過肉。雖然這種處理方法非常正宗，但國內餐館會採用更大隻、肉質更嫰的牛蛙，所以斬得零碎都會有肉食，這個本地版本則採用了田雞，實在有點未能稱心如意。孜然寸骨（$118）表面鋪滿了乾辣椒及香蔥，菜式端上來已經香氣撲鼻。豬仔骨未有預期中的辣，辣度不算十分犀利；孜然粉香味適中，沒有新疆菜的重手香料。確實十分惹味，但只可以一件起兩件止，因為實在非常重口味，食得多可能受不了。烹調技巧方面有需要改善的地方，可能過火，肉質偏乾、偏硬。朋友不是全部嗜辣，所以沒有揀最具湖南口味的乾辣菜式，同時也須要揀一些完全不辣的小菜。紅棗桂圓蒸雞（$118）只見摏爛的紅棗，卻見不到任何桂圓，而且調味偏鹹，徹底掩蓋了紅棗的清甜 ⋯⋯ 但味道重也是湖南菜的一大特色。估計大約只有半隻雞嘅份量，而且斬得非常零零碎碎，同乾鍋田雞的情況一模一樣；用粵菜或者香港人的眼光來睇，一定覺得難登大雅之堂，但這正是農家菜的特色之一。另一個不太符合粵菜清蒸的標準，就是相當肥膩，只不過雞肉都算夠嫰滑。叫了另一碟家常菜蜆蒸蛋（$78），皆因照片相當吸引；但睇真啲，原來照片內的蜆是熟的，雞蛋則仍然是液體狀態，尚未煮熟。至於實物則是正正常常的蒸蛋外觀，連殻蜆肉完全埋在蒸蛋內，估計蜆肉先烚熟後才拿去蒸蛋，否則生蜆蒸蛋會引致空氣混入蛋漿內，影響蒸熟後的外觀。蒸蛋非常滑溜、完全沒有氣泡、也沒有水汪汪，更難得的是蜆肉竟然沒有因為蒸蛋所需的時間而變得又韌又嚡，仍然相當軟滑。「湘聚小廚」由裝修格局至出品，都是徹徹底底的一間非常國內口味的正宗地道湘菜館，味道偏重、偏油膩，菜式賣相鄕土味重；喜歡正宗湖南口味的饞嘴之人一定非常滿意，但如果要求裝修雅緻、味道清淡，則不是那杯茶了。…查看更多

湘聚小廚是一間川菜飯店，樓高兩層，以古雅中式裝潢作主調。食品雖以川菜辣食為主，但也有不辣小炒，顅及不同食客的需要。松仁玉米即是粟米炒松仁，主要為小朋友而設，屬伴飯良伴。 長沙水蒸蛋質感略實不夠滑，醬油用料亦過鹹。 皇朝粉絲煲的粉絲炒焗得乾爽，香辣惹味。想恰魷魚以明火持續烹煮，特別搶香。魷魚軟彈，洋蔥濃甜，讚！香辣肘子王以原隻肘子炆煮入饌，鬆軟感合理。相比魷魚及粉絲，菜式的辣度不算高。 孜然寸骨散發出淡淡的孜然香氣，屬風味小品。 滋補甜潤的紅棗桂圓是紅棗桂圓蒸雞的亮點。雞肉雖切得比較碎，但仍覺有不少的肉量，細嫩感合格。美中不足的是調味稍重手，略鹹。 茄子炒豆角是一道十分平實的作品，腩肉的出現令菜式感覺更油潤搶口。 蒜蓉炒油麥菜用上爽綠的油麥菜，讚！筆者不嗜辣，平日少吃川菜，間中一餐特別有新鮮感。為了顧及大多數食客口味，餐廳提供了不少不辣及小辣的選擇，大家不必因怕辣而卻步，但需預期菜式普遍較油膩與濃味。 …查看更多

西環 堅尼地城一帶因為港鐵通車而成為新聚腳地咁當然要過一過黎 搵下有咩好食又特色既味道啦好耐無食過辣野 忽然又想食下即時搵飯腳揀下有咩湘川滬菜可以醫下肚有條街叫日富里 真係好細 如果唔睇清楚應該會行過左都唔知望到門口滿堂紅咁既樣就知唔少野 湘川味道極濃入面佈局都係同正宗湘川滬食館咁 極濃中國設計特色 未食先辣喇!!!紅色燈籠高高掛 借問先生何處來?!相聚於湘聚 雖然我辣既程度好低 但就是想食一口不竟天氣又潮濕又變返涼 辣可以怯濕都係對身體有幫助既!!松茸清燉雞湯 $48未進入辣之領之前 飲返碗老火湯補一補先|松茸 菇中皇牌 因為佢生長速度慢 人手培植困難 具有獨特的濃郁香味所以好多人都話佢係松露之後 最珍既菌類之一 成碗湯都有成十粒松茸係到 香味極強 而且加埋雞去燉制 極度鮮甜濃郁 飲完個人都即時熱晒!!!酸辣雲耳(小辣) $48根據待應所講 佢地既辣係無因為係香港開舖而減少一直維持返湘川本土既辣度 所以我地開頭叫正常辣 佢都好好心咁諫言我地最後要左 "小辣"  又好好采 係小辣 因為真係夠辣 岩岩好 如果再辣多少少我諗真係會噴火!!! 雲耳好爽口而且用上既係鮮耳而唔係乾雲耳加工 爽度更好酸辣汁好開胃 而且佢加配左既黑醋更香濃更有營養 份量都係出奇地多 孜然寸骨 $118見到隔離枱食 到都流晒口水 賣相好吸引 而且香味四溢 每一條寸骨都好公整大條雖然佢望落好多辣椒咁 但食落其實並唔係咁辣而且佢用上大量孜然粉去燒烘 一食就好有川味 肉質細嫩夠JUICY 一支骨唔會有多餘既咬口 越食越想食 味道仲LAST好耐添!!! 每一件都唔係小份量架 肉質係望到既嫩 唔惹少 岩晒鐘意嗒返兩杯既大男人飯局食 醬汁牛展 $ 68牛展我諗大部份人都好鍾意食 而且咩做法都有比如台式既滷水牛展或者港式清湯牛展 只要係本身夠淋身牛筋位又夠彈牙既話 真係上品!!!!呢個醬汁係用上麻辣醬做成極度香口 而且牛展本身好似特別大塊 軟又彈牙 食落好重牛味 惹味度係爆燈!!! 如果加多杯双精既話 真係好似三國演義既將軍咁 乾杯!!!!!!!!!!!!蒜蓉炒菠菜 $68食左咁多肉又咁重口味 真係要點返個菜食下要點一定點菠菜 夠爽口之如又高纖維 真係會暢快啲炒野好有鑊氣 唔會輸比個啲乜乜小炒皇或者大排檔份量都好多 食多兩條菜又有咩所謂呢?!…查看更多

放工出香港大學站會合Ta姐往湘聚小廚食湖南菜(第一次食湖南菜), 我們點了冰鎮酸辣葛根粉, 干鍋手撕包菜、孜然寸骨和絕色雙魚。冰鎮酸辣葛根粉食落麻辣, 味道好好而且夠凍, 第一次食葛根粉, 口感比五日食的紅薯粉好食；干鍋手撕包菜, 椰菜夠熱, 炒得乾身, 味道酸酸地好開胃, 另外朱肉炒得香口, 好美味；孜然寸骨外表雖然鋪滿辣椒, 但食落去不太辣, 寸骨是用朱仔骨, 食落去好香口和甘香, 而且肉質乾身不太油, 食得好爽口, 佐酒佳品；最後絕色雙魚, 魚分別用黃辣椒和紅椒椒烹調, 前者是酸辣, 帶點油；後者則是麻辣, 魚比較乾身；前者比較辣, 魚肉新鮮易入口, 食完之後不會覺得太油, 後者有重胡椒香, 魚肉口感豐富。總結湖南菜味道不錯, 雖然有少許辣, 但它的辣並不到食完會不斷喝水和成身花椒八角味, 很回味的一餐, 值得推介。…查看更多