好耐冇黎食啦😝大門係我暫時心目中全香港第三好食既拉麵。當然只限於佢哋招牌大門油麵，夠哂重口味，仲可以自己調較口味。今日獅子山八號風球，預先打左電話來，大門竟然有開門!!所以就滿心歡喜咁過左黎九龍灣分店嘆返碗拉麵😆大門油麵: 一如以往既重口味，有溫泉蛋，一片紫菜，荀，一片厚切叉燒同蔥花。而係底就有佢地既袐制醬油。食既時間一定要全部野撈均，其實官方食法仲會教埋你撈蒜蓉同辣油~而我自己就最中意落佢地既拉麵胡椒！加完之後香得黎又唔辣😝油麵既質感非常彈牙，用撈既食法真係特別Q彈😆😆叉燒都係絕對有誠意，厚厚一片開兩邊。雖然肉質有少少硬，但中間有脂肪層中和返，伴埋撈麵嘅醬汁食真係啱啱好😛不過如果食嘢唔習慣重口味或者太鹹既人士，都係食返普通拉麵可能會好啲。因為真係比較重口味。除咗拉麵之外，仲要多咗一份叉燒。總共有三片，一樣係厚切，抵食！叉燒: 另加有三片，夠哂厚。不過齋食就好乾，一定要同湯/油麵汁一齊食先食到。炸雞: 炸雞大大件夠哂熱同厚肉，加埋沙津醬真係好邪悪🤣味道唔會太鹹，都抵食既。大門雖然唔係咩特別高級既拉麵店，不過算係有特色同有自己風味既拉麵店。份量同價錢都成正比👍🏻油麵真係值得食！…查看更多
