真妮 (已結業)

和朋友一行四人來吃午餐。先說食物份量好像不太夠，如果食量較大的，建議多叫一份小吃。薯條不詳說，不過不失。和其中一個朋友叫了兩款漢堡share，味道無可挑剔。款式選擇多，下次試其他口味。…查看更多

寶琳前排開左間漢堡包店 門面色彩繽紛好靚好開心咁 今日就黎試下新野🤪真妮除左主打手打漢堡之後 仲有pizza🍕蛋包飯 焗飯🍛小食🥓等等 好多選擇🌈Tera 二人套餐 $238非常豐富既二人餐 有漢堡包1個🍔小食2款🍟Pizza1個🍕野飲2杯🍹🍄大菇拉出省城漢堡超大嚿大啡菇 好厚又好juicy 大滿足💯手打漢堡扒真系幾彈牙 有啲黑椒味 切落去啲汁流曬出黎🏅好高質🐔自己整既炸雞有4件南蠻炸雞 炸粉好薄 雞皮超脆身 入面肉質嫩滑👍🏻配埋個blue cheese 醬 真系不得鳥☺️🍟芝士焗薯條(秘醬)薯條新鮮炸到脆卜卜 再加埋芝士 秘製千島醬去焗 啲芝士系薯條面到溶化 雖然邪惡 但真系好正🤤有埋秘醬 超夠味 完全吾洗點茄汁🍕一半千島一半咖哩Pizza一睇個名都知系雙拼啦 咖哩系日式咖哩雞 好特別 千島系海鮮 超足料 有蝦 蟹柳 魷魚 蜆 菠蘿 千島醬 芝士 啲料鋪到去邊邊 難得海鮮pizza都有菠蘿食😋野飲叫左荔枝益力多 +$18 青檸熱情果梳打 +$18 💭餐廳有多款漢堡簡 連羊肉漢堡都有 好特別 而且漢堡扒肉質彈牙 食得出系手打 兩款小食都好高質 一個套餐有咁多野食真系超值 食得好飽好滿足🥰…查看更多

聽聞寶琳好多美食，今次我地來到新都城二期，俾呢個色彩繽紛的門面吸引住，睇睇餐牌發現佢嘅二人餐非常抵食🤩✴️Mega 2人set —— $158✴️Giga 2人set —— $198✴️Tera 2人set —— $238我地揀咗Tera 2人set 漢堡3選1我地揀咗「大菇拉出省城漢堡」大大隻portobello mushroom 放係漢堡上，仲有芝士蕃茄生菜，一啖咬落去夠哂juicy😋多料又滿足嘅漢堡包🍔芝士焗薯條3選1我地揀咗「秘醬口味芝士焗薯條」，每條薯條都帶有特別的秘醬同微辣，連埋芝士焗完一齊食，真係好邪惡😝小食3選1「自己整嘅炸雞」呢個名太吸引，果然同其他鋪的炸雞好唔同，雞肉嫩滑可口，帶有香草味道，炸得剛好令雞件外脆內軟，香脆美味！Pizza 3選1貪心嘅我地當然想1次過滿足2個願望啦，「一半咖喱一半千島嘅Pizza」就可以一次試2個口味👍🏻 餅底厚薄適中，深色嘅部份就係咖喱味道，而淺色嘅部份就係千島醬海鮮🍕 帶甜味的日式咖喱配上嫩滑雞塊非常惹味。千島醬配以海鮮很搭的味道。靚靚飲品不可錯過超吸睛嘅「星河」點都要試下，由柚子蜜配以蝶豆花茶加上少量柚子肉作裝飾，又睇得又好味，甜度適中👍🏻👍🏻👍🏻另外一杯就揀咗「荔枝益力多」，平時飲益力多會覺得好甜，但呢杯帶有荔枝味嘅益力多，甜度剛好，仲有大大粒荔枝肉🤩 正…查看更多

餐廳裝潢色彩繽紛。牆上有寫字過三關和雲朵燈。非常童真的感覺，可以帶小朋友一齊去食。餐廳除了漢堡包外，還有其他不同類別的食物。如薄餅、蛋包飯、焗飯、全日早餐、小食和飲品等。每一款都好想試，因為餐牌的圖片太吸引。餐廳用QRCODE 下單，非常方便。最後叫了以下食物，上菜速度快。大菇拉出省城漢堡$88脆脆鬆窕的漢堡包，內有非常JUICY 的大啡菇。鬆軟帶點牛味的牛肉漢堡。在牛肉上有一片融化的芝士。還用上新鮮的蔬菜及蕃茄，最後還有帶甜甜的炒洋蔥，非常滿足好味的一個漢堡包。餐中配上香脆的薯條。你亦可以轉沙拉。另外亦可配檸檬茶等飲品，但我想試特飲，所以加$18可轉其他飲品。自家製烤雞（4件）（$38）小食的選擇種類非常多，我叫了這個自家製烤雞。烤雞腌得夠味，且外脆內軟，而且入面還非常多汁。正青檸熱情果梳打（＋$18）非常清新解膩的一道飲品。星期一至五18:00前還有九折優惠…查看更多

今日和先生去寶林行商場，新都城中心二期有很多食肆，不過大多是大集團或連鎖店，終於發現一間小小的餐廳，色彩繽紛的裝修很奪目，餐牌上有漢堡、pizza、蛋包飯、焗飯和各種小食，於是入去試了漢堡和Pizza，想不到又好好味喎。🔶【大菇拉出省城漢堡】（慢煮牛肉漢堡扒、大啡菇、番茄、生菜、芝士、洋蔥）我認我是菇菇控，所以雖然餐牌上有各式各樣的漢堡，但我完全不用猶疑，即時點了這個【大菇拉】。上枱時有3吋高的漢堡包，被壓扁切開後仍有兩吋高。大啡菇果然無令人失望，鮮嫩多汁；慢煮牛肉也鬆軟有肉汁，咬一口汁液大爆發。麵包軟熟得來乾身，不會被汁液浸腍，所以整體非常好食。我可以為這個【大菇拉】再回頭。餐牌上還有個無肉的素食版，信我，大啡菇真係可以代替肉類㗎。🔶【一半千島一半咖哩Pizza】薄底，爆餡，多芝士的pizza，一定好食，加上一半是千島海鮮菠蘿，一半是咖哩雞，一次食到兩種口味，滿足。🔶明太子雞翼雞翼係無骨㗎！超驚喜，雞肉中還有明太子，啖啖肉，鹹香微辣，想唔好食都難。🔶魷魚圈魷魚新鮮，外皮香脆，正常口味。🔶士多啤梨沙冰 -- 清甜，好凍。🔶百香果益力多 -- 酸甜，好飲。…查看更多