湊湊火鍋‧茶憩 (MONTEREY Place)

好少入將軍澳食飯，但突然好想食麻辣鴨血😅入到去店員有問有冇食過佢哋湊湊，我太耐之前食，所以冇印象，店員耐心咁介紹佢哋嘅收費同埋落單方法，每位都會收$19醬料自助吧費用，自助吧除左醬料，仲有前菜生果同滷肉飯，估唔到有咁多野食😳今日目標好清晰，直接同店員叫左個勵志鍋-臺式麻辣鍋，呢個鍋同另一個四川麻辣鍋都可以享用鴨血豆腐無限任添😏 之後叫埋杯珍珠奶茶🧋 再諗叫咩餸嘅時候，食咗小小前菜同滷肉飯已經飽飽地🫣之後杯珍珠奶茶上到嚟勁大杯🫣更加唔敢再叫餸住😅前菜有個麻辣魚皮好好食，一路等個火鍋唔小心食多左😅個火鍋整得有啲耐，十幾分鐘先上枱，個鍋上枱入面嘅鴨血同豆腐即刻食得，急不及待食咗一件止一止鴨血癮，我覺得要再煮耐啲先夠入味🤔 食到幾香濃的藥材味，呢個湯底Menu話只有兩隻辣椒🌶️🌶️，的確唔係好辣，同麻辣魚皮差唔多辣 (四川麻辣有五隻🌶️)，鴨血不過不失正常發揮，因為之前食過有隻鴨血有汁係入面，太好食🤤所以可能準則唔小心高咗小小😅同樣地豆腐都係要再煮耐啲先入味🙌🏻之後其實只係加咗一轉鴨血豆腐已經好飽了😂六點前埋單仲有85折，2個人埋單 一個鍋+2杯飲品承為$300，主要係我食，不過我朋友食麻辣魚皮都話好正😳下次要同朋友去試吓四川麻辣到底有幾辣🤣 我係有朋友好鍾意食湊湊所以最近見佢食完我又諗起🤣 見將軍澳有就過左去食😏隔離仲有間Donki，食完飯就可以上去行買下野😛 地點近海旁，見好多人行出去散步放狗，食飽出去散下步都幾舒服❤️佢冇最低消費，多幾個人去食，可以叫多啲嘢😛推薦指數:⭐️⭐️⭐️⭐️ (5⭐️滿分)…查看更多

今日同友人晚上6點半到達湊湊，諗住都唔洗等太耐啦，結果都等左1個鐘先入得一入座，職員先遞2件圍裙比我地，再幫我地倒杯茶，同之前唔同既係，之前係要同職員落單，呢家就有qr code, 但湯底都係都要向職員落單我同友人每次黎到都係叫勵志鍋，鴨血同豆腐都係任加既，將軍澳呢間分店，加得好豪爽，每次都10幾舊鴨血豆腐咁加，根本就係鴨血放題咩野食都未叫就先叫野飲先，基本上每一枱都會叫仲要叫大杯，雖然睇落誇張，但咁大杯都係$33，仲要好爽好好飲，必叫呀…查看更多

聽過呢間餐廳好耐，今次終於去將軍澳分店試吓😙 餐廳環境好乾淨企理💕✤//🥘鴛鴦鍋 - 蟹粉黃魚鍋+蕃茄牛膝骨鍋$168//湯底有唔少選擇，包括台式麻辣鍋、四川麻辣鍋、花膠雞鍋、酸菜白肉鍋、鮮菌鍋等。本身想試花膠雞同椰子雞鍋，可惜當晚賣晒☹️ 所以揀咗蟹粉黃魚鍋🦀+蕃茄牛膝骨鍋🍅 蟹粉黃魚鍋湯底呈奶白色，魚湯濃郁☺️ 湯底有少量黃魚片、百頁豆腐、紅棗等，感覺養顔💆🏻‍♀️ 蟹粉用蟹嘅兜兜裝住好可愛😍🦀 店員嘅建議食法係將蟹粉加入湯底，但係我同朋友都認為就咁食個蟹粉仲正😆✤//🐧企鵝丸 $59//一隻隻企鵝賣相非常可愛😚 企鵝丸其實係墨魚丸，味道正常，口感都幾彈牙，叫嚟影相都開心😆✤//🥩美國特選級牛肩胛肉眼 $138//✤//🥓美國特選級牛小排 $228//牛肩胛脂肪比較少，牛小排脂肪分佈平均，兩款牛肉都唔錯👍🏻✤//🍤黑虎蝦蝦卷 $68//好似腐皮卷，外脆內彈牙唔錯👌🏻✤//🐮滷牛肚 $68//份量唔少，滷水味唔錯，可以一試。✤//🐟巴沙魚 $58//魚有啲腥，麻麻哋😅✤//🐚蝦夷扇貝 $68//扇貝有四粒，比較細隻，冇咩味。✤//🧋大紅袍珍珠奶茶 $33//茶味好香，奶同茶嘅平衡唔錯，值得一飲🙂✤//自助區 $19位//包括調味料、時令前菜、水果、白飯/滷肉飯整體覺得食物同環境都唔錯，但係其實除咗食嘢仲有嘢玩‍👻👉🏻「湊湊夜市 — 套圈圈遊戲🛟」，18:00 或之後消費每滿$500 就有一次機會🎟 成功10個圈圈全中大獎係$1200 現金用餐券💰🥳 我同朋友每人玩咗一次，成功獲得$5外帶茶飲卷😂順帶一提: 原來過咗 9:30 後仲有宵夜 8 折優惠，大家可以試吓💕⋆ ⋆ ⋆ ⋆ ⋆🐽 Overall : 8/10🐽 Revisit : Maybe…查看更多

呢間一直都好想食，每次經過都好想試。 今日終於約到朋友黎食。 呢幾日落雨涼少少，涼少少，就可以打邊爐。 環境舒服，空間大，座位舒適，非常適合同朋友聚會。 來自台灣的打邊爐，鍋底方面，有太多種都想試試。 今次就試下鴛鴦鍋，一邊辣，一邊唔辣MEnu 的選擇多。1.勵志鍋—臺式麻辣鍋（$138）正宗台式鍋底，麻辣得黎，湯底可以直接飲用。湯底用上中草藥材濃縮熬成，集結「麻辣醇辛甘香」六種風味。內有鴨血豆腐，仲可以無限添加。2.食妝鍋—紅顏花膠雞鍋（$138）職員提示先飲湯和需不斷攪拌，避免癡底影響湯底味道。濃郁足料的湯底，滿滿的膠原蛋白美顏花膠，一粒粒金黃色的雞肉，配上野米、鮑魚和花菇。滿滿的膠原蛋白，湯底濃郁鮮甜，足料口感豐富。➰小食➰1.鹽酥雞（ $58 ）炸的金黃酥脆，粉漿不會太厚，內裡多汁。2.滷牛肚（ $68 ）爽口牛肚，配上濃郁的嘅滷水汁，好味➰鍋料➰1.企鵝丸（ $59 ）可愛由墨魚醬製成的企鵝丸，非常得意。2.蜂窩豆腐（ $28 ）非常吸味的豆腐，配上麻辣湯底一流3.菠菜（ $38 ）新鮮嫰綠的菠菜，搭配花膠雞湯湯底，正正子！4.巴沙魚（$58）肉質軟嫰的巴沙魚5.蝦夷扇貝（$68）大大隻新鮮彈牙的扇貝6.美國特選級牛肩胛（$158）肥紋均勻，肉質結實，食落細嫰,打邊爐一流➰其他➰1.梅子茶凍尾聲時提供每位梅子茶凍，茶凍質感是台灣愛玉的感覺。食落真的有茶味，非常濃，配上梅子，作為尾聲，非常開心2.冰沙（水蜜桃菠蘿）有驚喜的冰沙，今日是水蜜桃菠蘿口味，兩種水果都係當造，食落非常濃郁，且有有果肉，可以消去打邊濃濃的味道。3.貴妃烏龍茶入座每台有一壺貴妃烏龍茶，有花香和茶香，消膩。➰自助優惠➰（$19/位）1.時令前菜 2.時令水果 3.米飯 4.秘製調料➰飲品➰1.大紅袍珍珠奶茶（ $33/大杯）茶底香氣醇厚，配上晶瑩剔透彈牙的珍珠，地道的台式奶茶。2.普洱珍珠奶茶（ $33/大杯）招牌茶飲，大杯都係$33 ，抵，滿足📢湊湊夜市：消費每滿$500 有機會玩「套圈圈」遊戲，大獎有機會贏得$1200現金券雖然少， 但感覺就好似去完台灣打邊爐，再落夜市，久違的台灣旅行。😭📢9:30後宵夜時段八折優惠…查看更多