滿屋日本料理

得悉滿屋於上月轉了新菜單！今晚終於能夠抽空一試剛踏進十二月餐廳已掛上聖誕裝飾，充滿節日氣氛吃放題第一時間點刺身是常識吧！共提供十三款刺身，包括三文魚、赤貝、大赤蝦、象拔蚌和松葉蟹腳等，全部新鮮無雪味，質素不錯壽司類有火炙壽司、卷物、手卷和軍艦等！又邪惡又好味的花之戀怎能錯過人氣鹽燒左口魚邊，魚油豐富廚師推介御品鮑汁燴花膠，厚肉膠口煮物辣酒煮東風螺，微辣有酒香，香辣惹味燒物有羊鞍、牛舌、鹽燒雞翼等，全部即叫即燒，焗廣島蠔上枱時熱到出煙除咗點餐之外，還有自助區，凍海鮮、沙律、前菜、小食等任君選擇，像小型自助餐般豐富最驚喜的是有大量飲品當中的清酒及梅酒也包括在放題之內最後每人一杯雪糕，有Haagen-Dazs、Movenpick 及Dreyer’s 供選擇，減肥大計又再次告吹…查看更多

想食放題，第一時間想到滿屋集團。所以我就襯着平日夜晚，約朋友去到銅鑼灣滿屋食餐晚市放題。經OpenRice訂座有晚市正價95折，平DD好過冇。由於疫情的關係，銅鑼灣的滿屋比以往人流較少，對於食客來說就會更好。不過，餐廳的防疫措施做得尚算不錯，我都看到有幾個食客出去拿熟野／飲品時沒配戴口罩，被店員即時提醒，這方面確實值得一讚。我會形容，滿屋放題的食物種類的性價比幾乎冠絕香港的放題店。放題紙多到可以鋪滿整張枱，而且食材亦不會有太多的重覆，所以我會推介大家先每樣點一兩份，盡量食多點款式，覺得合自己口味的再encore。➣ 1. 自助美食區滿屋放題設有自助美食區，而當中並不只是沙律及炸物、甜點這些基本食物。之所以說滿屋的性價比高，是因為其自助區竟然包含海鮮，分別有翡翠螺、海蝦及貝蜆。單單是這樣，已經比得上一般的酒店Buffet。另一方面，滿屋的飲品選擇類亦值得一讚，特別是對飲酒的食客準備充足。除左日本梅酒、清酒之外，啤酒類亦有樽裝喜力、罐裝順滑嘉士伯等等，飲得之人隊返幾罐都更加值回入場價。如果非酒精類的話，我就覺得道地解茶、Coca Cola Plus 會較抵飲。➣ 2. 刺身放題食刺身都是基本，這裡的話，我就認為可以多點三文魚、油甘魚、虎蝦及帶子刺身。這四款在眾多刺身來說相對較有鮮味，刺身亦切得非常厚實，放進口的豐富口感正正就是來食放題的原意。➣ 3. 壽司滿屋有大量壽司供選擇，我就特別主推以下數款：忌廉芝士玉子燒、黑松露吞拿魚醬油漬壽司、辣汁燒三文魚壽司、蟹油蒜香燒帆立貝壽司、火炙厚燒芝士鰻魚壽司。這幾款壽司用料相對較高質素，而且在外單點的話價錢亦不便宜，所有用料都是厚切，絕對不是餡少飯多，壽司類的話真的建議大家要點這幾款。➣ 4. 燒物我就不斷encore 兩款燒物，分別就是西京比目魚及蒲燒鰻魚。相信不用多形容，燒比目魚的那種香味是相當吸引，入口充滿著豐富的魚油，而且燒得非常惹味；蒲燒鰻魚都是必須要encore encore 再 encore 的。其他燒物其實都不錯，但這兩款對我來說就更勝一籌。➣ 5. 雪糕最後，滿屋設有一人限定一杯Haagen-Dazs／MovenPick／Dreyers 雪糕。我們不用多加考量，立馬選了H牌的焦糖脆餅口味。其實，其他食物的質素都是相當不錯，以上只是我個人推介。我其實還食了很多不同款式。整體來說，這個價錢對起食物質素絕對是值得一食！…查看更多

銅鑼灣廣場上面原來有好多自助餐類似荃灣大鴻輝 旺角兆萬中心 今次試呢間滿屋都係大滿屋啲朋友 其實香港有好多間之前諗住搞上市但係唔成功 第一次中午幫襯喺十二點鐘開始有得入去 入面座位都幾大 頭盤壽司很快就到 帶子比較大 三文魚刺身比較新鮮 壽司質素比荃灣好 這裏有很多基本上一般放題有嘅佢都有 一般放題冇嘅佢有 例如花膠 鳳爪 牛腩 芝士壽司 左口魚 芝士葡撻  水果甜品呢度有西瓜同哈蜜瓜 有芝士蛋糕 雪糕有得揀haagen-dazs或者係dreyer's 有百福豆腐花 嘢飲方面一般汽水都有大部分有台式嘅飲品 亦都有啤酒 想飲熱茶有茶包可以自助 有熱嘅維他奶 有沙律吧 有鴨血 有炸春捲炸水餃 飲品有烏龍茶韓國嘅忌廉汽水 卷物有手捲海膽手捲 他之戀 三文魚 燕窩海鮮竹雪花牛肉鍋不過天婦羅一般 吉列炸蠔可以 推介榴槤炸彈食咗六個 呢度有花膠雞煲 瑤柱蟹肉翅鮑汁花膠 熱窩燉蛋 有豉椒炒魷 避風塘炒魷魚 牛柳粒 蠔油豬耳炒象拔蚌 亦都有鰻魚比目魚燒羊架黃金焗蠔燒雞翼鹽燒海蝦等等 侍應手腳反應好快 基本上你一有食淨嘅嘢佢哋即刻幫你清理 上菜亦都比較快亦都比較少漏單 基本上呢個價錢喺銅鑼灣定講性價比幾高 自費消費不是贊助 埋單每人200蚊加一午市 任食兩個鐘 不過冇飲到酒…查看更多

提到日本放題，相信沒有人不認識滿屋這間店，中學時期和朋友聚會都經常食，不知道現在的質素如何呢🤪 現在人大了，已經不會像以前食很多，但今次和爸爸撐枱腳，好像回到幾年前的自己～——————————🔹 刺身爸爸和我都很喜歡食刺身，其中最喜歡的是三文魚、甜蝦和帶子👅 這三款沒有令我們失望，尤其三文魚切得很厚，肉質鮮美，油份充足新鮮🥰  encore！🔸 壽司/手卷這次叫了很多壽司，一共有三大碟😂 最後都成功食完😚 可能是壽司飯不是太大嚿，基本上一口就食完～個人認為火灸壽司和芝味系列是最好食😋 火炙厚燒芝士鰻魚壽司，最令我念念不忘，鰻魚很厚身，上面有一小塊燒過的芝士😍 論賣相和味道，都值得一試再試。🔹 炸物炸物基本上全部都有叫，除了日式炸雞。貓山榴槤炸彈和紫心香芋丸，不可不叫😛 裏面半溶的餡料，令人欲罷不能🥰🥰🥰🔸 飲料這裏的飲料種類真的很多，無論係熱茶、汽水，還是酒精飲品🤪 必定有一款適合你們！🔹 其他串燒只拿了牛舌，燒得不會太乾，爸爸特別喜歡食😚 和風汁牛柳粒，都是必叫，甜甜的燒汁配上牛味濃濃的牛柳粒，可以食好多😋…查看更多

今晚同朋友兩個講起好耐冇食過刺身啦，就即興走上去銅鑼灣廣場嘅一間日式放題，又咁啱有位可以食到～兩個人都安排到一張四人枱，夠晒闊落，叫多啲野食都放得到。坐低咗之後先望一望點餐紙，叫咗一輪刺身同壽司🍣先。刺身推薦大赤蝦同帶子啊！！！非常厚肉同大大隻，encore咗兩次！其他刺身都係不過不失嘅水準啦！因為我哋兩個女仔怕食太多飯會飽肚就冇叫太多壽司同手卷，不過都好推薦火炙芝士蟹棒壽司，仲有海膽手卷（係見到隔離枱叫個飯好細個所以先敢點haha）然後走出去熟食區兜個圈，都有好多選擇喎！除咗日式前菜小食之外，仲有自助沙律、中式小食、甜品水果區、驚喜嘅係竟然有焦糖爆谷同芝士撻！返去叫埋熟食先。熟食水準都唔錯，比較推薦嘅有羊架🐏、燒菠蘿🍍、天婦羅蝦🍤⋯⋯最後我哋仲叫咗人哋食放題唔會叫嘅肥牛鍋🤣，但竟然係幾好味！最後每人可以自選一款雪糕，真係食到「反晒艇」，好滿足啊！…查看更多

中學的時候，最愛的就是跟班上同學食放題，一大班人叫到桌上滿滿都是食物就最滿足。人長大了，青蔥歲月早已逝去，但友誼仍然延續，雖然身邊的20多人，早已變成小貓三四隻，每年的聚會總愛相約到放題店放縱一番，慰勞肚子，也餵飽精神。——————————🔹刺身/壽司刺身種類很多，整體都算新鮮！三文魚肥美厚切，甜蝦大隻又甜，帶子爽甜，最愛北寄貝，彈牙之餘，又帶海水鹹味，令人一啖接一啖！壽司方面，飯面上的刺身很大塊，飯則偏小，不會吃幾件就飽；最愛「火炙香蔥三文魚腩」，肥美又好清新，好食😋🔸燒物羊架燒得很嫩，入面還帶少少粉紅，香口又juicy！牛舌好厚，起來彈牙且不會太乾，不錯～🔹天婦羅識我的人都知道，我最愛吃炸物！這裏的天婦羅炸皮不厚不薄，質素還可以～炸茄子最好食，炸得軟腍，又不太吸油，所以食多幾件都可以！🔸豬骨西洋菜湯大推豬骨西洋菜湯！難得有任飲的西洋菜湯，就勺了一小碗試試。這個湯似媽媽煲的味道，不但夠熱夠甜，而且不似外面加了很多水那種，會飲到濃郁的西洋菜味！  整體來講，食物種類多，不只有寫紙點餐的刺身、壽司、天婦羅、燒物、鍋物等～外面還有沙律吧、冷盤、炸物、湯和甜品，多元化。 …查看更多

次次放題都食殿大喜屋食到悶悶地，啱好見到滿屋做緊7週年優惠加$28有鵝肝海膽鮑魚同中拖羅【去果日轉左和牛串燒】任食。開篇前大家估下係伏定係筍？回頭率：🌕🌕🌕🌗🌑環境：🌕🌕🌕🌑🌑服務：🌕🌕🌕🌗🌑味道：🌕🌕🌕🌗🌑價錢：HKD303/Pal ($248+$28加一)◆Summary◇日式放題，座位逼夾。上菜快，基本唔漏單，收碟快✅食物飲品選擇勁多仲有自助區，清酒梅酒任飲，最後送一杯HagenDaz或者Movenpick。帶子/大赤蝦/劍魚腩極出色必食🤩其他刺身優秀😍壽司中上😋串燒普通😐海膽質素參差🤨炸物極差😩木瓜牛奶伏中伏🤮整體性價比中上。————————————————————————【刺身篇】‼️表現超群級🤩帶子: 原粒上，新鮮，超正劍魚腩: 肥美之最，食落帶著魚油的甘甜大赤蝦: 爽甜又唔黏口，夠曬彈牙😍表現中上級😍八爪魚: 新鮮爽口彈牙立魚: 口感扎實，清脆微甜😋表現正常級😋北寄貝: 正常油甘魚: 雖然肉稍微鬆散，勝在味道香三文魚: 厚切，正常【加$28篇】鵝肝: 配黑醋，乾身，略顯粗糙，唔夠油香⛔️海膽: creamy，唔太腥✅出品唔穩定有時好苦⛔️鮑魚: 彈牙，味道普通，似食緊罐頭⛔️和牛串燒: 牛味重又多汁✅可惜稍微韌【壽司篇】整體來講，壽司飯唔會太lup，不過相對粘性差啲較散，酸度可以提高左口魚: 唔夠肥, 飯略多海鰻: 有腥味，似鯪魚罐頭⛔️蟹膏蟹腳: 蟹味幾重✅黑松露蝦: 勁重黑松露味✅柚子蜜油甘魚: 鹹，油甘魚肥帶子: 辣椒醬重，唔好味⛔️炙燒黑椒三文魚: 三文魚肥美✅沙律醬略嫌太重⛔️玉子: 偏甜，帶有炙燒香味火炙蟹棒: 普通吞拿魚火山: 太鹹又冇吞拿魚味⛔️海膽帶子: 只有帶子味，亦唔夠帶子刺身新鮮【炸物篇】天婦羅茄子: 炸粉太厚，好彩茄子都多汁嘅天婦羅南瓜: 完全唔甜⛔️香芋丸子：好厚皮，香芋味道香精⛔️榴蓮炸彈: 正正常常芝麻雞翼: 炸得太乾⛔️【小炒&燒物】炒牛舌: 勁似中式炒牛肉燒青魚: 太濕,調味唔夠,帶苦味⛔️燒牛舌: OK, juicy✅不過偏鹹燒菠蘿: 甜得有啲假⛔️💁🏻‍♀️$28可加可唔加，鵝肝口感較為乾硬唔香，海膽食左兩件一件軟滑香甜唔腥另一件好苦口，鮑魚似罐頭，和牛串燒唔夠juicy幾難咬💁🏻‍♀️原價週末晚市5:30pm-8:15pm都係$248其實好抵，淨係食刺身已經值回票價。可惜熟食太差令印象分插水💦💁🏻‍♀️食完埋單走左，突然醒起說好的匯豐卡送清酒一支呢🤣💁🏻‍♀️總體而言今次體驗結論係“某啲方面絕對唔伏，一試無妨”…查看更多

今日約咗一個很耐冇見嘅朋友去食任食放題，揀咗滿屋貪佢夠晒多款多嘢食。一入到去首先留意吓自助吧先，自助吧有各款唔同嘅小食同埋前菜，仲有各款唔同嘅飲品，包括酒類飲品添，很不錯的。之後就畫放題紙了，淨係放題紙都有十幾張，差不多諗得出嘅日式料理都有，一於樣樣都叫啲啦。首先來到的係刺身拼盤，刺身全部新鮮厚切，款式又多，食得出係好嘢來的。之後就來了壽司同埋手卷，值得一提嘅係佢樣樣細細件，你可以試多啲食多啲，正！然後就叫咗串燒同埋料理，喺日式放題店之中屬於中上級數，不錯！值得一提嘅係佢嘅甜品同埋飲品都好有特色㗎！最後佢仲送俾每一個客人一杯雪糕仲要係兩隻知名牌子嘅雪糕嚟㗎，絕不欺場，讚好，令到滿足的一餐畫上完美的句號。…查看更多

滿屋放題一向都是人妻🐷的放題熱點之一📍，這晚剛好在銅鑼灣🚉，當然二話不說就上去了😎。晚市時段的價錢也尚算合理呀👌🏽~店內有廂位提供😌，增加了食客的私隱度👍🏽。自助區域分為冷盤區🦐、熟食區🍢、炸物區🔥及甜品區🍨等，另外更有爆谷機喔🍿~🔹前菜🥗這個取於自助區🥢，老公🍋將最愛的螺肉🐚、蟹柳🦀及蟹子🧡加在一起，單是前菜已令他相當興奮🤩。🔹刺身🔪刺身選項超過10款🤩，極力推介大赤蝦刺身🦐，口感爽脆彈牙😋，滿口鮮甜的蝦肉😲，滋味十足💝！🔹壽司🍣火灸香蔥左口魚邊壽司是人妻🐷的必點🌟，另除了一般的款式外📜，餐單上更有多款自家創作的款式✨，選擇超過了30款😳，真的讓人眼花撩亂🤪！最突出的一定是蟹膏皇帝蟹腳壽司🦀，用上了真蟹肉😍，放題來說算是蠻驚喜的🎉。🔹手卷🙌🏽海膽手卷不能不點吧😏~ 一口一件的，很方便呀👍🏽~ 🔹黃金燒帆立貝🔥香濃的醬汁配上了爽口的帆立貝🐚，不錯的😌。🔹鹽燒牛舌👅先灑上一點的檸檬汁💦，那軟脆又帶彈性的口感😍，咀嚼起來實在令人回味無窮💖。🔹燒紐西蘭羊架🐑嫰滑多汁的獨特味道和口感😋，配上了香草🌱，一入口便令人難以抗拒😊。🔹紫貝天葵白桃梳打🍹除了雪櫃內的飲品🥤，店內更提供了幾款特飲🍸，好奇的人妻🐷點了一杯來試試😝，甜度不算太高👌🏽，加了芒果肉在其中🥭，味道還不錯的🥰。💭總結食材的新鮮度真的不錯🧐，選擇也非常多元化😳，這個就是人妻🐷一再回來的原因呀😁~…查看更多

讚：1，刺身冇 cut 單，數量足，新鮮2，有鮑魚，硯，凍蝦，長腳蟹，象拔蚌，避風塘炒蟹都係任食3，甜品款式多，仲有一人一杯 Haagen dazs 4，飲品有 hoegaarden 西柚味5，大部份食物都好味彈：1，坐位很窄2，蟹粥冇味3，焗蠔隻蠔很細，但配料勁多…查看更多

月初見到某網媒o既一篇網上推介，好似有好多o野食咁，真係好吸引。心動不如行動，立即約friend 食！我平日去o既，book o左8:30pm，已經避開o左繁忙時間，但餐廳仍然好full 好多人等緊，好在book o左位。咁多人幫襯應該會幾唔錯，好期待呀！座位有兩本超厚o既menu 紙俾你order 完交俾waiter，o野食多到眼花撩亂……除o左入紙點菜，餐廳仲有一個區域好似自助餐咁擺晒d 食物o係度俾你就咁拎o既，有d 前菜、沙律、湯同部份熱食；o野飲亦有兩個超級大o既雪櫃，soft drinks、啤酒齊晒，入口o個邊仲有日本sake o既酒缸，想簡約d 飲杯茶都有茶包俾你自己沖。因為最初d o野食未o黎，我拍住枝cider 先~ 朋友則從爆谷機夾o左d 爆谷，我試o左少少，蜜味香濃。刺身船o黎喇……！圖所示係二人份量，無諗過佢俾到咁足，真係有d surprised。三文魚好厚切，大大塊又1cm 咁厚。大赤蝦同帶子都係超巨型，啖啖肉。天使蝦雖然無其他蝦咁大隻，但我覺得最鮮味係佢。d 松葉蟹腳都易剪開o既，肉質鮮嫩，保留到一定水份，之前食過其他自助餐d 蟹好乾……壽司著量都叫o左d，幾鍾意佢芝味系列d 壽司，成塊鋪o係面，好濃郁o既味道。花之戀同埋手卷比較細舊，但我覺得係好事，唔會掗住你個肚，等你試到多d o野嘛。較為特別o既仲有鵝肝同和牛壽司，尤其係前者，鵝肝帶d 甜味，入口即溶，回本必食！試o左兩款蠔，一款係焗一款係炸。炸會香口d 啦，焗因為配埋可能係芝士同其他例如蟹柳冬菇呢d 配料，就會層次感豐富d。雞翼都試o左兩款，芝麻釀製同鹽燒，個人覺得芝麻雞翼比較惹味一d。甜品有分凍熱，熱o既有燉蛋o個類同埋上面提過d 爆谷，凍o既呢有mousse、奶凍、馬卡龍等等。咖啡mousse 好香咖啡味，橙色奶凍就比較甜。馬卡龍任夾唔嬲！食o左好多舊，搞到無肚食雪糕，唯有下次見………查看更多

每年大節都要想一想在哪裡慶祝，最近家中皇后不時唸著想吃日本菜，於是便找一間能滿足她所有吃日本食物的慾望，記得先前同事請過我們到這裡吃晚市放題，印象不錯，今天便帶家人來到這裡大吃一番!12點便開始午市放題，我們當然準時到場! 以前印象中沒有自助區，現在有多款食物可以在自助區隨意拿，令人感覺更划算! 自助區的食物不算多，主要為少量冷盤沙律菜，甜品類和飲品，最適合吃不多日本菜，可以以甜品填肚的我!刺身當然是回本位，雖然我不吃刺身，但看也看不少，三文魚魚肉光鮮肥美，甜蝦滑身，帆立貝雖不算大，但粒粒尚算飽滿! 家人一致認為甜蝦最鮮甜好吃! 其他則看個人喜好而有所偏愛。壽司叫得不多，因不想吃飯過於飽肚，海鰻一條頗長，但口感稍韌，味道亦不夠突出。如吃刺身的壽司應該不錯。不同款的熟食也叫來一試，如燒一口牛肉，鯖魚，羊架，牛舌，雞翼，豬肉串，燒海蝦，咖啡蟹，燒元貝，整體來說沒有特別難吃的，質素中規中矩，但其他有兩款令我印象更深刻的，是燒元貝和牛舌。燒元貝想不到是大大隻的，還以為是細細一粒，加上醬汁去燒，十分惹味，而且燒的時間剛好，保留咬口不過韌；而牛舌亦煮得不錯，頗為香口，而且肉質有彈勁，很怕牛舌要咬到口也累仍咬不開呢! 推介!炸物和天婦羅當然也要吃一下! 欣賞店家是立刻炸的，不會放到涼了才上桌，炸粉不厚又脆身，炸物亦是熱騰騰的，最喜歡南瓜球，吃一口可看到內裡仍出煙的，南瓜蓉香甜美味，加上外層的鬆脆，真是邪惡之選!最後少不了甜品作結，當然不期望甜品會有高質素，旨在止一止甜品癮，每人亦會送上一客HaagenDazs或Movenpick雪糕，每款只有朱古力式香草味選擇，我們4人剛好每款點一個，個人偏愛Movenpick的朱古力味，軟滑之餘有粒粒朱古力碎，增加口感。當時還有第2人半價的優惠，每人平均也是百多元，可以吃一個質素不錯的放題，還有什麼可托…查看更多

呢度夜晚分兩場：6-8:30, 8:45-11pm食放題無非都係想以較經濟的價錢食多款日本嘢食，其實呢度選擇不少，只係睇吓你啱心水食乜啦~~首選：魚生（有三文魚、蝦、榮螺、象拔蚌、希靈魚、吞拿魚、帶子等），總共十幾款...三文魚新鮮，但無味；蝦同帶子新鮮同甜；榮螺、象拔蚌頗鯹；希靈魚唔多好；吞拿魚（放題o既當然同平時散叫的無得比）壽司：我要了海膽海老（一般），炙燒海鰻（頗大塊、不過味頗淡）、炙燒三文魚（一般）卷物：嚟到紫菜都唸哂，不算吸引天婦羅（係同焗蠔一樣稍為值得推介）：有蝦、蟹腳、番薯、南瓜；炸得頗乾身，唔會滴哂油（個人特別推介南瓜，好好味~~~）（只有天婦羅系列，没有吉列系列呢~~）其他食物質素同一般放題（大吉、大喜屋）差不多…查看更多

  這是我第二次的放題,選擇餐廳前在openrice search了很久,研究左好耐,最終選擇了這間多好評的放題,果然沒令我們失望    首先當然點了刺身,很新鮮,最愛的是三文魚,很有鮮味很肥美;壽司和各式卷物很出色,外表精緻,味道不錯;各式燒物都很好,尤其是燒帶子,汁和帶子本身也十分美味,encore了3,4次,必試! 至於燒蝦和燒魷魚味道正常,但沒有什麼特別,但不妨吃吃; 而牛柳粒很美味,不會太太un,推薦! 而各式炸物不錯,點了炸蟹柳,炸蝦,炸蕃薯,很好 最後當然吃了甜品,就是和菓子和紅豆糕,兩者也不會太甜,我最愛的是和菓子呢,吃了2,3個 而當然有雀巢雪糕作結尾!  這間實在是水準不錯的放題餐廳,我會再來這裡的! 而且很少放題會有雪糕以外的甜品,而這間竟然有幾款美味的甜品,這實在是優勝之處 …查看更多

日前跟媽媽慶祝生日，受朋友推介，便決定到滿屋一試!大約一星期前book 台，那天我們準時到達，發現已有超過二十位市民在銅鑼灣廣場二期門口排隊，需要大約等十分鐘以分流上去這間放題也算較多食物選擇首先這個炸雞翼，調味方面出奇地入味，可惜在燒的時間可能太長，使雞翼的肉變得較乾，未能到爐火純青的階段，不過也值得一試的! 因於我不太愛羊，所以沒有吃羊鞍，不過父母親同時地表示這個非常美味，肉味和調味能達到平衡，而且非常香口，推介推介燒牛舌是十級推介! 鹽燒味道非常好! 不會太咸，肉質不會硬和油膩，很想食完再食刺身方面，三文魚跟蝦的表演較特出，很鮮甜和新鮮，不錯不錯! 其他的，一般而已。個人不太推介壽司了，只有三文魚比較可取，其餘只屬一般，特別是帆立貝壽司，好像不太新鮮燒菠蘿也是推介的! 表面雖然燒得較乾身，可是我認為是需要的，因一咬下去便有菠蘿的清甜味道，兩種味道加起來有著不錯的化學花火濃厚的燒烤味道正!!! 燒冬菇的外表已經不吸引，還有一種苦澀味 要多加改善了天婦羅的表演不過不失，炸粉也頗少，不會太過油膩，不過炸物的體積再厚一點會比較好! 至於番薯是不錯的選擇，雖說體積很細小，可是一口一粒正好令整個口腔也充面番薯的香味! 很少在街食番薯也有這種濃郁的番薯味，而且連吃四五粒也不覺得有飽肚之感最後的炸物右) 炸芝士年糕造得相當不錯! 真的有整口也是芝士的感覺! 哈我為芝士瘋狂<3<3<3(中) 炸蠔味道只是一般，不太吸引，而且炸粉太厚!(左) 炸帶子也是不太討好，因為表面炸得太乾身，整塊帶子完全沒有味道可言。其實總體來說，滿屋的刺身是最吸引人的地方，至於其他食物也不過不失。其他可取之處是服務真的不錯，而且沒有漏單，等侍食物的時間也不會太長，侍應也有禮貌。若果能在食品上多加改善，相信假以時日必定能成為上級的放題店鋪值得繼續支持噢! …查看更多