FLIPPER'S (已結業)

夜晚去咗Flipper's食甜品，星期二8點後到唔洗等位。呢度嘅班戟係日式梳乎厘班戟，用來自日本嘅雞蛋及牛奶，再低溫烘焙而成。班戟好少選擇，得四甜兩鹹，仲有一款定期轉款時令甜班戟，另外都有三文治同全日早餐。有位之後就先去收銀俾錢，拎左個數字牌之後，服務員會將食物送上。焦糖海鹽山核桃班戟 $139呢款焦糖海鹽山核桃班戟就係時令款式，新野一定試試先。班戟一客三件大大件。首先班戟蛋味好香，空氣感真係好高，所以一陣風咁，食完唔會太飽，但係口感好特別，好似入口即融。班戟個皮有少少厚身有啲似法式薄餅，外少厚而內空氣度高，帶黎唔同口感。班戟上面灑上少少糖霜，不過唔會太甜。餐廳特別請你用兩隻叉去食，先可以保持空氣質感 。班戟上面加上焦糖海鹽醬，中間有忌廉同一細球雲呢拿雪糕，最後灑上用焦糖炒香既山核桃同糖霜。呢個焦糖海鹽醬真係唔錯，甜中帶少鹹。而焦糖炒過核桃又脆又甜，可以加添口感。仲有雪糕添，雪糕配班戟更好食，又凍又暖。榛子朱古力焦糖香蕉班戟 $139呢款榛子朱古力焦糖香蕉班戟口味我地第一次食。呢碟班戟係最熱上枱，所以最好食。上面加左兩種啡色既榛子醬同朱古力醬，伴有焦糖香蕉半條同碎果仁。配料方面有d失望，因為無乜榛子味，主要係朱古力味。果仁碎既榛子味都好弱。士多啤梨藍莓香蕉班戟 $129呢款士多啤梨藍莓香蕉班戟之前我地都食過幾次。水果配料有三片香蕉，幾粒藍莓同幾片士多啤梨，個人覺得麻麻，士多啤梨好酸。不過小朋友鍾意鮮果，只好叫呢款。今次食咗3款口味，個人最鍾意新口味焦糖海鹽山核桃班戟，不過呢度都係賣本身多過配料，配料無特別。班戟製作時間好長，大部份時間都係等。今次我地一行3人霸到入面既一張圓形枱，合照好d，可能客人唔算多，今晚服務算及格。…查看更多

有時經過希慎，見到呢間Pancake店長期排長龍，都唔係幾想排隊😬，呢日星期六5點幾去到竟然得番2個人排隊，甜品控嘅我梗係要試下啦，餐廳坐位都舒服，枱夠大🤣，有別於其他Pancake店有鹹食供應，呢度清一色食Pancake同可以叫野飲，你諗好食咩出去俾完錢就可以坐係到等職員送餐🙌❣️檸檬芝士脆糖班戟 $139 個Pancake包含左檸檬吉士醬、檸檬芝士忌廉、檸檬雪葩 同糖漬檸檬🍋，由於有太多檸檬元素，連我咁鍾意食酸野嘅人都覺得有啲太酸，而隔離啲珍珠脆糖雖然細糖，但就咁食又好甜，但加落Pancake一齊食，口感又有啲奇怪，所以呢個配搭可以話係清新，但唔算得好味🫣❣️士多啤梨藍莓香蕉班戟 $129呢度啲Pancake空氣感唔係好夠，而且係偏濕潤，蛋味唔夠香濃，士多啤梨較酸，味道就一般啦🥸🏦是次消費總額 $268（人均消費 $134） 👅好味度：7（10分滿分）呢度啲Pancake試一次就夠，無想像中咁驚艷，味道唔係差，但如果相同價錢，我可以去其他一啲出名嘅日本過江龍食，味道仲好啲🙌…查看更多

行街街見到Flipper's有新口味，而居然唔洗等位，於是即興試試。另外叫左一款皇牌口味。有位之後就先去收銀俾錢，拎左個數字牌之後，服務員會將食物送上。檸檬芝士脆糖班戟 $139呢度係標榜即叫即做日式梳乎厘班戟，以來自日本嘅雞蛋同牛奶整嘅蛋白糖霜，再經低溫烘焙而成，再配自家製天然楓糖漿同北海道奶油。日式梳乎厘班戟一客3件，上枱唔熱，只係微微暖，不過都聞到蛋香，食都食到濃濃甜蛋味。質感當然係好軟綿綿兼夠空氣感，餐廳建議食客用兩隻叉而唔係用刀切扁左班戟先食，可保持口感。班戟灑上白色糖霜，上面有黃色檸檬吉士醬，白色檸檬芝士忌廉，一細球白色檸檬雪葩同兩片糖漬檸檬，仲有珍珠脆糖。檸檬芝士忌廉非常濃厚，好好食。檸檬吉士醬滑溜濕潤。糖漬檸檬配班戟有啲九唔搭八，檸檬雪葩就冇特別，珍珠脆糖可加添口感。可惜配料實在係太少，非常小家，都唔夠送哂班戟食。總括呢款新口味只係過得去。士多啤梨藍莓香蕉班戟 $129士多啤梨藍莓香蕉班戟賣相不俗，有6大粒士多啤梨，唔酸；4粒藍莓；同3片香蕉。最好食係中間嗰pat北海道奶油，好香滑，份量多過檸檬芝士脆糖班戟嘅配料。加配雪糕 加$15見到個嗰pat雪糕簡直係少得可憐，味道係雲呢拿味，都算滑，中上質素，不過呢個價錢唔值。班戟維持一貫質素，不過配料實在係太小家，可否添d？服務唔好有期望，請服務員幫手影相都要等，唔怪得唔收服務費。…查看更多

日本人氣過江龍梳乎厘店《FLIPPER’S》@銅鑼灣梳乎厘Fans揮手區🙋🏻‍♀️🙋🏻 唔知點解我對梳乎厘真係冇抵抗力，佢個種鬆軟感、個種空氣感，同埋雞蛋味真係食幾多次都唔厭🤣！早排同朋友一起係希慎見到平時打曬蛇餅既日本人氣過江龍梳乎厘店《Filpper’s》竟然唔洗排隊，二話不說入去試試佢地最出名既梳乎厘☺️今次好好彩被安排到餐廳最入個張大枱，好闊落同私隱度都幾高，可以同朋友享受一個悠閒既下午☀️◦ 士多啤梨藍莓香蕉班戟 ($119)一客pancake有三件，每件都係好香雞蛋味同好有空氣感，口感鬆軟，甚至有入口即化既效果😍上面再灑左D糖霜，甜甜地都幾好食，完全符合我對梳乎厘既要求❤️聽講佢地既奶油係北海道奶油，食落唔會好漏，如果多D黎送pancake就更好😋佢既水果配料都幾好食，無論係士多啤梨定係藍莓都甜🤤餐廳除左有甜既pancake，亦有鹹既，同埋其他食物例如三文治，聽講評價都唔錯，希望之後有機會可以再試埋其他產品😙Flipper’s每過一段時間就會推出期間限定既pancake，有興趣既朋友仔記得留意佢地既promotion🥰…查看更多

於平日午餐時間後來到，不需排隊，於入座後選好需自行到收銀下單付款，我點了士多啤梨藍莓香蕉班戟和Flat White。平日很少吃班戟，一來不太好甜，二來怕大份吃不完，但這間的班戟口味挺適合我，而且能吃完。班戟蛋味不算太濃，剛上桌軟泡泡完全切不到，需待稍涼後變得實在點才能下刀，咬下去不會太空氣，有些口感，忌廉香滑不過甜，雖然草莓和藍莓偏酸，但混在一起吃卻相輔相成，變得剛剛好；Flat White有啡味但不算太濃，不過亦沒有被奶味蓋過，以主打班戟的店來說，水準令我有點意外。…查看更多

🍭我真係好鐘意食Pancake，每次都好期待食完一個好好味嘅pancake會有種幸福嘅感覺🥰 🔸呢間日本人氣過江龍班戟店早幾年真係好hit🔥而家可能相對少咗dd, 之前係日本都有食過呢間一次🥞班戟有三塊，配料有🍓士多啤梨，🫐藍莓，🍌香蕉，當然唔少Cream啦，色彩豐富，賣相精緻，相當吸引，打卡都一流呀📸輕輕搖一搖隻碟，班戟都會旭下旭下，整緊個時已經聞到好香，食落好重蛋香味，口感非常鬆軟，空氣感十足，唔會太乾，個Cream都好滑身，整體甜度適中，士多啤梨好似酸咗dd, 如果甜多少少會更好啦，少少生果可以令到即使食曬成個Pancake都唔會覺得滯💫呢個🥞食完係會有種幸福的感覺🥰個人覺得呢個暫時係我喺香港食過最好味嘅Pancake，有日本的味道🎌🔖呢間鋪有設最低消費…查看更多

好多年前食過一次Flipper's嘅班戟，居然係凍嘅，令我大失所望。隔左咁多年，見佢仲係咁長人龍，於是即管俾多次機會佢。周日3點後見到得3組人排隊，於是我又排，足足得左5個字先有位。呢度嘅班戟係日式梳乎厘班戟，用來自日本嘅雞蛋及牛奶，再低溫烘焙而成。有位之後就先去收銀俾錢，拎左個數字牌之後，服務員會將食物送上。班戟好少選擇，居然得四甜兩鹹。飲品有沙冰，珍珠奶茶，冷壓果汁，汽水，咖啡同其他飲品。士多啤梨藍莓香蕉班戟 $119班戟一客三件大大件。首先班戟空氣感真係好高，所以一陣風咁，食完唔會太飽，但係口感好特別，好似入口即融。班戟蛋味好香，而且個皮有少少厚身有啲似法式薄餅，外少厚而內空氣度高，帶黎唔同口感。班戟上面灑上少少糖霜，不過唔會太甜，配滑溜北海道奶油好食，可惜太少奶油。不過温度真係只得微微暖，唔通熱d真係做唔到呢個效果？水果配料有三片香蕉，幾粒藍莓同幾片士多啤梨，個人覺得麻麻，士多啤梨好酸。綠茶紅豆班戟 $119綠茶紅豆班戟既班戟同士多啤梨藍莓香蕉班戟一樣，配料就變左紅豆蓉，綠茶忌廉同綠茶漿，仲灑上綠茶味嘅碎碎，北海道奶油都仲有。個人覺得呢款好味啲。綠茶嘅少少苦配甜甜嘅紅豆蓉永遠都係絕配。士多啤梨沙冰 $45士多啤梨沙冰係大大杯少女粉紅色沙冰，上面一pat忌廉再加上士多啤梨醬，味道都幾甜，口感上冇另一杯複雜，似乎太簡單。雙重碎朱古力沙冰 $45雙重碎朱古力沙冰有兩塊麻麻哋好食嘅朱古力餅喺面，再加上一pat忌廉同朱古力碎。呢杯碎冰多啲，有啲咬口。芒果珍珠奶 $29叫呢杯野飲係貪佢有珍珠食又冇茶成份。芒果奶味道可以，都夠滑，珍珠份量唔少，咬落煙煙韌韌。我鍾意佢冇冰粒，唔會溝淡哂。總括而言，我覺得呢度嘅班戟好食過上次，上次係凍嘅！如果比起幸福班戟，呢度班戟嘅蛋香同空氣感似乎更勝一籌。可惜口味太少，而成份甜品嘅層次感都較單調，好難吸引我下次再排隊幫襯。野飲方面就冇乜特別，性價比低。服務就非常麻麻，因爲無收加一？下次睇吓幾時再有心情食啦，但係其他兩款班戟口味我真係無興趣試。…查看更多

Flipper’s算係我食過咁多pancake入邊最好味嘅，蛋香好濃，好有空氣感，入口即溶，每一啖都好幸福好滿足☺️☺️ ​身為珍奶控嘅我緊係有試埋珍奶，我叫嘅係抹香珍珠奶茶，奶同茶嘅比例啱啱好，有著幽幽嘅抹香，可惜珍珠有啲硬，飲到最尾已經唔想再吸珍珠 ​…查看更多

一個毛毛細雨既下午，行左入希慎廣場過一過冷河，諗起好耐都無食過日本既pancake，見附近有間過江龍flipper's大排長龍，都唔差在排埋一份。大概半個鐘多d已經有枱，因為店員告知製作須時，所以坐低後二話不說已經叫左個pancake。今次穩穩陣陣叫左個士多啤梨藍莓香蕉班戟，相信都唔會差得去邊。一上枱見到有3大塊班戟，比相像中大份，中間都有cream，但略嫌份量較少，如果落多d cream會更滿足！水果部分就中規中矩，始終都係食佢個軟綿綿既班戟姐🤭…查看更多

以往行開希慎都會見到大排長龍，所以我哋臨閂門前先至去，排都唔使排直接有位坐。d位都坐得幾舒服幾闊落，四個人去都俾張大枱我哋。➡️ 士多啤梨藍莓香蕉班戟 ($119)班戟有三大舊，可以見到士多啤梨嘅份量都幾多，又紅又甜。三大舊軟淋淋嘅班戟，睇落非常之吸引，擺碟擺得好靚，打卡簡直一流。細細力搖下隻碟，班戟都會搖下搖下咁！食落蛋味好香，而且口感非常鬆軟，好似食緊空氣咁樣，唔會太乾，亦都唔會太甜，入口即溶，推介！➡️ 榛子朱古力焦糖香蕉班戟 ($119)友人試過都話幾好食，推介咁喎！整體份量都算多，食完真係好飽。FLIPPER‘S地址📍: 銅鑼灣軒尼斯道500號希慎廣場6樓i.t blue block.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️…查看更多

平時星期六日或者夜晚經過都見到唔少人食，所以特登喺平日晏晝去食就唔使同人排隊或者爭位。😜--🌰 神奇の栗子木布朗班戟 HK$129 (期間限定)期間限定嘅呢款，相對貴少少，而且班戟得兩塊，好似冇咁抵食，不過都夠食嘅。 班戟幾有空氣感，但係可以再soft啲，係好食嘅，但係冇講坊間講到好幸福好誇張嘅感覺。 😂 栗子蓉冇想像中咁多， 不過都幾有味亦唔算太甜。Ceam幾滑，唔會好傑身好甜。比較特別係有栗子雪糕， 好少見，但味道可以再重少少。.🍓 士多啤梨藍莓香蕉班戟 HK$119班戟有三塊，水果嘅份量算多，特別係士多啤梨， 唔算特別甜正正常常。 佢都有cream，但味道同栗子所提供嘅有少少唔同，偏向甜少少。--📌 另收加一服務費…查看更多

之前見到好多friend 都過左黎試呢間過江龍, 我都想試好耐架啦! 難得今日下午有補假, 所以特登黎食pancake🥞🥞🥞! 我大概3點前就黎到FLIPPER’s, 點知呢D時間都有好多人排隊! 初步數一數有12個人排我前面… 心諗, 點解咁多人可以係平日的下晝時間過黎食pancake架?! 🤔🤔 其實門外係有櫈俾等緊既客人坐, 但真係太多人, 坐櫈仔都要等 😩 門口大概排左大半個鐘, 去到坐低落完order又等左15分鐘左右, 前前後後等左9個字有多… 好彩食左lunch先過黎, 如果唔係, 聞住好香的pancake味, 但又無得食, 都幾難受。士多啤梨藍莓香蕉班戟 ($119)終於等到佢上枱啦! 三大舊軟綿綿的pancake加埋唔同顏色的水果🍓🍌, 視覺上係吸引的! 未放入口已經聞到陣陣的蛋香味, 擺盤又靚, 打卡一流! Pancake口感鬆軟, 咬落去好有空氣感! 另外我好欣賞佢仍然有少少濕潤, 唔會乾唔會鞋。而佢既蛋味濃郁, 唔會死甜。士多啤梨份量🍓都唔少, 微酸, 不過可以中和番pancake的甜味。整體而言, 好彩食物質素唔錯, 否則我等左咁耐, 真係冤枉。…查看更多

難得抽到時間去期待已久既FLIPPER’S食班戟，聽聞呢間好多人排隊，亦有好多人推介話好好食，終於可以試試。晚上時間食班戟就比較少人，唔需要等位。簡左士多啤梨藍莓香蕉🍌pancake &抹茶pancake （限定）。充滿濃厚既蛋味，pancake鬆鬆軟軟既，非常好味不過我就厭d士多啤梨太酸，毀左呢個pancake 。然後抹茶pancake,冇啦啦出左個限定款，有丸子&抹茶雪糕，有濃厚抹茶味🍵 整體黎講，超乎水準，非常滿足不概係高評分既班戟店！…查看更多

又一排隊店👬👭👫，點解成日都要排隊🤦‍♀️總括來說可以啦👌，做到fluffy空氣感嘅效果質感達到期望，蛋味🍳亦較其他pancake店香濃，但原味、士多啤梨藍莓香蕉🍓、同之前期間限定嘅葡萄味🍇都比較齋同dry，始終都冇啲糖漿🍯或雪糕🍦作配襯食過咁多間都係覺得I love you dessert bar🍨最有滿足感，同埋價錢因為係希慎都偏貴🤑，cp值較低🤕，好在份量夠大，可以兩個人👩‍👦share （不過都要再叫多樣野，因為有最低消費❗️） …查看更多

梳乎厘班戟熱潮不退，以往食開荃灣鱟地坊街邊小店SJ Burger嘅原味班戟，性價比高，蛋香味非常濃郁，每一啖都有濃濃嘅蛋香味充斥着整個口腔，齒頰留香，食飽都唔捨得飲水😋。可惜因店主決定深造廚藝而休業，我嘅「梳乎厘班戟心頭好」一位就從此懸空着。💔留意到FLIPPER’S門外每日都大排長龍，所以今日特意準時收工閃人，同朋友去試下呢間人人都話蛋香味濃郁嘅班戟專門店。🥞門外設一排長櫈比客人坐住等入席。等咗大約15分鐘，店員安排我地坐係長方形大枱，裝飾佈置簡約，唯獨櫈仔難移動，並發出刺耳聲音🙉。由於FLIPPER’S只賣班戟及沙律等輕食，因此聯合隔壁廚房，為客人提供pizza🍕等多款主食選擇。女仔都係甜品控，當然唔理主食，一心期盼騰騰震、熱辣辣嘅班戟啦！我地一於每人一款，食飽個甜品胃為止。1\榛子朱古力焦糖香蕉班戟三大舊又厚又鬆軟嘅班戟傳黎陣陣蛋香味，非常誘人。香蕉切半並鋪上焦糖，焦糖又薄又脆，顏色亮澤，味道偏甜。班戟口感輕柔鬆軟，可惜蛋香味並冇期望咁濃，有啲失望。2\士多啤梨藍莓香蕉班戟士多啤梨份量頗多，味道甜甜帶點微酸。由於室內空調頗大，班戟食到一半已經凍咗...... 蛋香味更淡。整體而言，梳乎厘班戟賣相非常igable，但味道唔算特別出眾，蛋香味遠遠不及以往街邊小店SJ Burger嘅香口濃郁。由於價錢偏貴，性價比亦低，所以回頭度唔高。雖知FLIPPER’S客流量高，店員好忙碌，但如果店員可頻繁主動加水💧就更加好啦。…查看更多