客家人

作為爸媽都係客家人既我，對客家菜有種情意結😁今日就帶男友黎客家人試下我既家鄉客家菜✌️我地叫左例牌圍村獅頭鵝，客家菜經典既梅菜扣肉，上湯豬潤浸時蔬(揀左菜心)同埋兩個飯～介紹菜式之前首先要讚下姐姐們服務非常好👍👍好有禮貌同耐性為我哋介紹菜式，又會幫我哋換墊骨頭嘅碟😊呢度既野份量都幾多😅例牌圍村獅頭鵝好大煲，個醬汁有啲似羊腩煲既汁，好香，同鵝肉好夾，枝竹索晒啲汁好入味好好食，送飯一流😋梅菜扣肉肥瘦岩岩好，非常有層次，一夾就散入口即溶😁 又係非常好送飯既菜式👏上湯豬潤菜心既豬潤非常多😂 菜心爽脆無渣～下次可以帶埋媽咪黎試下佢熟悉既家鄉菜😊…查看更多

出街食中菜，不外乎是京川滬、粵式小炒、潮州菜呢啲比較大路嘅中菜， 平時少食，一食就食咗一間好味又夠份量嘅客家菜館，環境寬敞，簡單舒服，服務亦很殷勤有友善:)既然少食咁就一定要點客家特色菜， 黃酒煮雞湯($168/半隻)， 用客家黃酒煮嘅一大鍋雞湯，酒香撲鼻而來， 一大鍋基本上是四個人的份量，酒味夠又濃，雞肉非常嫩滑而且真的有雞味，雞件之多一定夠半隻，沒有偷工減料， 當中亦有放入藥膳紅棗等補品，補身養氣血， 而且以雞湯來說，油分比我想像中少圍村獅頭鵝($168/例)新鮮熱辣，也是一大鍋有很多鵝件， 鵝肉夠腍， 有支竹、雲耳、芹菜等配料，充滿農村風味即使是簡單的金銀蛋浸娃娃菜($88)也是很大的一碟， 娃娃菜煮得很甜， 除了皮蛋、鹹蛋之外，還有很香的蒜頭，不要小看這些蒜頭， 又香又淋又好吃， 簡簡單單的一碟菜，也煮得很好吃吃完完全沒有口渴口乾的感覺， 反映調味應該沒有下味精， 非常好…查看更多

🌟🌟🌟🌟🌟🌟🌟🌟🌟🌟🌟🌟🌟🌟🍽 客家人 📍長沙灣青山道193A號永業大廈地下B號舖🌟🌟🌟🌟🌟🌟🌟🌟🌟🌟🌟🌟🌟🌟好耐冇食客家菜呢，因為香港食客家菜嘅地方可以話少之又少，好食嘅更加係五隻手指數得曬，今次好開心朋友帶我搵到間新開有水準嘅「客家人」🥳圍村獅頭鵝 HKD168叫咗例牌，已經大到不得了😱個份量勁多超震撼！獅頭鵝肉質鮮腴，胸位都唔鞋口，而且鵝味好重，推薦！最好味係個醬汁！有淡淡酒香，同個鵝超級夾！秘製三杯鴨 HKD168即叫即整上到黎一開蓋熱辣辣冒曬煙😍三杯雞食得多，三杯鴨真係第一次食😂PS 三杯=一杯醬油、一杯水、一杯酒🤤鴨肉好香😍調味剛好唔會太濃，又唔油，抵讚，但腐竹有d硬🙈🙈蝦醬炒通菜 HKD78叫個時蔬balance翻，又係勁大兜，起碼夠3-4人食，蝦醬味可以再濃d，加左薑絲入去炒我個人唔太鍾意🙈好似我咁唔食薑嘅朋友仔要留意啦～～茶芥每人8蚊，合理呀～食物都幾有水準，會回頭✅✅✅✨如果喜歡我的文章，可以關注我及讚好以作鼓勵喔✨…查看更多

朋友係客家人話好掛住客家菜，所以就試吓依間順便做下節！首先，上咗韮菜花炒鮮魷，炒得好有獲氣，韮菜花揀得好嫩，所以好清甜，鮮魷好新鮮，好彈牙，雖然價錢有少貴，但絕對值依個價錢！第一道菜太有驚喜，對第二道菜更有期望！係熱辣辣嘅沙窩上嘅圍村獅頭鵝，香噴噴炆鵝，我覺得獅頭鵝比普通鵝嘅肉味濃好多，肉較厚，個汁帶甜，送飯一流！所以加咗一碗飯最最最好食係秘製煎釀蠔豉！一咬落去，有好香濃豬肉味，爆曬汁，仲食到蠔豉嘅咸鮮，仲有鮮豬潤，冬菇香我哋忍唔住問老闆，原來用豬網油包住豬肉，釀入蠔豉，冬菇，豬膶！唔怪之得，有時多層口感同豐富嘅味道！最後，仲有煲到啱啱好起沙嘅紅豆沙作結…查看更多

香港專門吃客家菜的地方不多，最近經過長沙灣看到這家專門吃客家菜的餐廳，就進去懷念一下家鄉的味道了！我當時只是經過餐廳職員就出來迎接，這服務態度真的好！餐廳環境不錯，地方乾淨，燈光也很充足，裝飾比較算是新式的中菜餐廳，不會給人很古舊的感覺！這次跟朋友只有兩人，所以就只點了三樣菜式。這次跟朋友只有兩人，所以就只點了三樣菜式。圍村獅頭鵝（１６８元）圍村跟客家菜有什麼關係，其實香港的圍村大部分都是客家人，所以其實香港是有不少客家人的！而獅頭鵝早幾年曾經說要賣到鵝頭連頸賣到上千元，但這裡只要１６８就可以吃到一份例牌，感覺真的是超值！。這個上菜的時候是用煲仔來上的，而且燒紅了，所以整個煲都在不斷冒煙，也發出＂炸炸聲＂，非常吸引人！不過就要不斷攪拌，以免沾鍋！鵝件的份量挺多的，也包含了不同的部位，鵝頸，鵝胸，鵝翼，鵝腿等，差不過每個部位你都能試一次，這個真的好評！鵝肉很入味，而獅頭鵝比起我們平常吃的更加嫩滑，不會乾柴，也能吃出鵝味！腐竹經過油炸後變得有韌性，經過炆煮還能保持完整，也很吸汁，非常好吃！而且這個的醬汁好香濃，用作拌飯，能吃幾碗！秘製三杯鴨（１６８元）三杯鴨是福建省傳統菜式，但原來客家人也有特別的方法去煮三杯鴨！而三杯是指一杯酒，一杯醬油，一杯水，而客家的做法是把普通酒換成了客家黃酒，詳細就不清楚了，哈哈！這個份量有半隻鴨，鴨胸位置很貼心地幫忙去了骨，而且這裡很特別地會把鴨翼一拼附上，這個值得加分！味道方面，因為黃酒本身是甜的，所以整體味道是香甜，亦因為加了酒的關係，你可以在醬汁中吃出酒味，味道挺特別的，但可能有人會不習慣。鴨肉經過調味後也吃不出鴨騷味，這個也好評！蒜蓉娃娃菜（６８元）吃了兩份大大份的肉，肯定要吃點蔬菜清一清腸胃啦！娃娃菜香甜爽脆，配上淡淡的蒜蓉味，很惹味！總括來說，在香港能吃到有特色的風味菜，真的是很推薦！而且可能是臨近中秋的關係，現場也看到有不少人來買盤菜回家吃，看完盤菜的餐牌發現有很多菜式都已經包括在盤菜內，這個對貪心想試光全部菜式的人不失為一種特別又有風味方法吧！…查看更多