貓之眼

如果說到香港的蛋包飯餐廳，必定會提到「貓之眼」！這家位於灣仔的日式蛋包飯專門店，距離港鐵灣仔站大約4分鐘步程，餐廳由曾經在日本淺草洋食店擔任大廚的退休廚師主理，由於餐廳的位子比較少，所以經常大排長龍！我當天在週末午餐時間到訪，也等待了大約15分鐘才能夠進店，如果想到這家餐廳用餐的人，記得預早到餐廳排隊了！除了最有名的蛋包飯，餐廳也提供多種醬汁和肉類，讓客人自由選擇。這次我選擇了「忌廉雞肉+和牛漢堡蛋包飯」（$102），剛上菜便被和牛漢堡的份量嚇倒！也許是以日本食材為主，和牛漢堡的味道香濃，而且肉質很嫩，與醬汁很配合，而且醬汁比「米青蛋包飯公司」濃稠，味道也更濃郁。另一邊的忌廉雞肉帶牛奶香味，但吃多了也不會覺得膩，調味剛剛好！至於主角蛋包飯，雞蛋口感非常滑，而且能夠吃到雞蛋濃郁的香味，雖然兩邊都是不同醬汁，但是不管選擇了什麼醬汁都與蛋包飯很配，令人驚喜！朋友則選擇了「咖哩豬肉+和牛漢堡蛋包飯」（$102），咖哩是日式咖哩的調味，同樣美味！…查看更多

上箍後第一星期，還未習慣及口內有傷口，但仍可以享受蛋包飯！當天是星期六的12點左右，店內人不多，毋需等候，我們是第二桌客人。上菜也很快。我吃的是忌廉雞肉+燴牛肉汁蛋包飯，牛肉非常軟，很容易已可推散開吞掉。試了男朋友吃的和牛漢堡，也是偏軟。醬汁偏濃味，但不是味精重，不會有吃完要狂喝水的情況。店內會播動漫歌曲，店內亦有動漫figure，相信店主是動漫迷！畢竟是在貴租的灣仔區，個人認為無需等候的話，這價錢這味道經過值得一試！…查看更多

我哋6:45分到，排咗半個鐘，終於有得食。入到去二話不說，緊係嗌佢哋嘅招牌推介🤤咖哩豬肉＋和牛漢堡蛋包飯 ($102)：蛋包飯蛋要滑就係基本啦，呢度用嘅米飯都係日本產，有誠意！而淋喺和牛漢堡上嘅紅酒汁係靈魂上嘅加持，味道香而不濃，襯返個滑蛋，好出色👍🏻 咖喱豬肉就大大片，如果再多啲豬肉就好啦🤤和牛漢堡亦食得出係心機之作，又圓又厚身！而且肥瘦比例均勻，同時空氣感十足😌咖哩豬肉 •濃茄牛肉•和牛漢堡蛋包飯 ($114)：味道同上面嗰個差唔多，而個蕃茄牛肉就好有茶餐廳嘅感覺味道，咁當然好過茶餐廳啦🤣小食，鰹魚汁牛脷 ($42)：呢個真係驚喜！鰹魚汁唔會太鹹，牛脷亦好鬆化，同事亦好口，好好食，食唔停口，強烈推介比咁多位朋友去試吓！要注意嘅係呢個小食係季節限定，有興趣嘅朋友仔就早啲去啦！…查看更多

呢間黃店出名多人，今次同同事特登早啲出去排，大約20分鐘左右入得。舖頭裝修走日式懷舊小店風，木系設計好warm，食食下覺得有少少似去左日本旅行咁🇯🇵。舖頭大概都係坐得15個人，同埋好似無限離座時間，難怪要等耐啲。不過上菜快手得黎都夠熱🖖🏻，唔錯。🔅咖哩豬肉+和牛漢堡蛋包飯 ($102)呢間既蛋包飯係放滑蛋喺白飯上嗰隻，食落蛋都夠滑。咖哩就典型日式咖哩味，蘿蔔粒夠晒腍，豬肉就被咖哩味掩蓋晒。漢堡聽聞係必食item所以叫左，同拳頭差唔多大，厚身但完全唔乾，肉質都嫩又唔鬆散，口感唔錯。🔅咖哩豬肉+忌廉雞肉 ($88)忌廉幾香奶味，有蔬菜，雞份量唔算多但都算滑。💬食物方面整體普通，咖哩都係一般日式咖哩，價錢都唔平，又要經常排長龍(幸好呢次係限2人堂食期間試，應該比平時條隊短)。不過份量都唔小，少飯左都仲有剩。同埋店員好nice，每組客人都會提示先點單，入座再寫枱號就可以，值得讚賞👍🏻。…查看更多

呢日行完南丫島，夜晚個餐揀左出返去食，比左幾個選擇兩個FD揀，大家都揀蛋包飯，GOOD！去到好似七點幾，由於3個人既關係等耐少少，後面D一位兩位入先~大約等左20-25分鐘左右就有得入喇~我要 濃茄牛肉+和牛漢堡蛋包飯$96食過咁多次，我對佢地既飯幾時都咁有信心！果然冇令我失望~朋友們都好滿意！期間限定 特濃日本雞蛋布丁$42呢個布丁不得了！話說我係個超級布丁愛好者！(去親日本每晚都要食一杯)估唔到係香港食到個咁正既布丁！蛋味濃，口感滑，布丁上面係咖啡味既cream，仲有一少塊蝴蝶酥！超級超級好食！暫時係我心目中香港既No.1！食完呢次之後成日都好想再去…查看更多

自從轉左去灣仔番工，每日午餐食咩都係一個大煩惱，今日終於搵到一間好好味嘅小店，可以話排耐少少都值得。店內空間都幾細，每次經過都見到超多人排隊，專登提早少少食飯依然排左20分鐘先有位。餐廳專賣日式蛋包飯，有唔同配料同汁可以配搭。點左份咖哩豬肉＋和牛漢堡蛋包飯，雖然餐牌寫明和牛漢堡需時15分鐘，但坐落冇幾耐就有得食啦！蛋超級香滑，半熟蛋漿同飯一齊食好香！日式咖哩一向唔辣而係偏甜，豬肉唔係好突出，反而洋蔥煮到好淋仲吸哂個汁嘅味，平時唔食洋蔥嘅我都覺得好正；和牛漢堡好厚身，口感柔軟唔會乾身，一樣好味。小小建議如果你平時唔大食，可以要求少飯，因為個飯真係好足料，少飯就唔會浪費啦！呢間小店真係好驚喜，推薦俾鍾意食蛋包飯的朋友，不過要做定心理準備需要排隊…查看更多

好多人都話好好食嘅貓之眼：咖哩豬肉+和牛漢堡蛋包飯🍛🥢，我食完之後覺得名副其實少少，唔知係咪我嗰日比較晏去嘅關係，啲白飯係比較梅同埋爛，令我不禁懷疑咗呢啲係咪日本米，仔細睇係嘅，但係完全冇咗個口勁，呢點比較失望🙍🏻(同行嘅人表示係我果日唔好食。平時好食D喎🤔)。講番隻蛋🍳先，都幾滑嘅，加返分。至於咖喱豬肉嗰個味道同其他日式咖哩店食既味道係一樣好食。至於嗰個漢堡扒應該係成碗飯嘅靈魂所在，濃厚嘅肉汁加埋着軟淋淋既口感，係幾好食既👍。最鐘意用汁撈飯既人我，表示大滿足🤤，幸福地不計卡路里gur哂成碟飯。總括呢一碗飯唔計個白飯既話有：8/10🤤🤤🤤。Overall 都好食同抵食呀！😋😋😋但當然未到神級好食啦。如果不過要試唔好太夜先去呀。⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗：咖哩豬肉+和牛漢堡蛋包飯 🥢($95免加一)💡餐廳資料：貓之眼 (灣仔)灣仔汕頭街25號地舖@foodie.nomoney…查看更多

咁岩行完書展，難得過海，當然要係灣仔覓食啦！間唔中都會貪得意想食下咖哩飯，上網搵到呢間野未睇啲人既評價，就咁睇相已經流哂口水，之後好快就決定黎呢間♥貓之眼♥雖然有點偏僻，但絕不能錯過🤟🏻可惜的是佢無得BOOK台，所有客人都要WALK IN排隊，鋪面唔大，一眼睇哂，有一半係獨立坐位，排隊時間比較長。。。呢晚我就係大熱天既情況下排左半個鐘😥排隊既時候已經有落單紙比我地落定單，一人一張。忌廉雞肉＋濃茄牛肉＋蛋包飯 $79真心呢個配搭超級讚！！真係超級非常好食💯💯💯首先講下佢既忌廉雞肉，佢既忌廉係好CREAMY，好香口，再加上佢啲雞肉好滑身，好易入口，好淋，一啲都唔硬！仲配上少許既西蘭花，每啖入口都充滿佢好CREAMY既忌廉，真係好正😍而佢係濃茄牛肉也是不得了，係我一直搵左好耐既茄味🍅佢呢濃茄唔係酸，而係帶甜甜的，有兒時既味道，有難去形容，而且佢既牛肉同樣都係好香口，好軟淋淋，也是非常易入口，呢2個汁配飯一齊食，我絕對可以配到起碼2碗飯，真係好好食呀！！！👍🏻👍🏻當然唔少我佢啲蛋🍳又係整得滑～～有少少奶味，配上個飯真係好香口，加埋2個汁，除左好食都唔知仲可以講咩！咖哩豬肉＋和牛漢堡蛋包飯 $95呢一款蛋包飯都係好受歡迎！鐘意食肉既朋友和牛漢堡就不能錯過啦！首先講下佢既咖哩，用左日式既咖哩，所以佢係唔辣既🍛甜甜的咖哩味，小朋友都食到lam lam利😋豬肉好易咬，有少少肉肥牛既質感，好淋身，真係好岩小朋友食，佢仲有加左洋蔥係入面，同樣整得好淋，配埋個咖哩真係一流。和牛漢堡也是重點之一，佢好厚身，成個拳頭咁大✊🏻配上醬汁也深受大人細路喜愛，食落口唔會覺得好乾身，岩岩好，份量大左少少，小朋友未必食得哂，但佢既汁用黎配飯係好夾的💕…查看更多