蜜庵本膳

一直都好想試佢個米粉pancake，但原來主食都唔錯！和牛飯醬汁由紅酒、紅菜頭等各種水果煮成，味道有幾分似照燒汁但更fresh更清甜，和牛漢堡牛味都幾濃，撈埋蛋黃食就perfect，不過份量真係細左啲.而佢個pancake真係好有驚喜，用上gluten-free日本米粉製成，口感介乎soufflé pancake同american pancake之間，fluffy得黎都厚實有彈性，蛋味同牛油味好突出，一個人都食得哂唔會話好heavy，絕對可以一試…Read More

本身約朋友喺尖沙咀食飯但冇預早訂位,好多都滿曬座好彩search到呢一間位置係尖沙咀比較偏所以可能大家未發現到🤣一入去幾鍾意個裝修 都係用淺木色嘅枱櫈幾有日本小店嘅感覺環境好寧靜 岩曬慢慢享受食物同傾計和王牛漢堡丼一上枱漢堡面既蛋黃非常吸引！督穿d蛋汁流晒落個漢堡同飯🤤畫面非常滿足🤤飯有少少甜味 撈埋蛋漿食一流！漢堡食起上黎唔會乾 肉汁都保留到係鬆軟既肉🤤唯一係份量比較細食完唔係好滿足鮮果開心黎到呢度不得不叫pancake 好多唔同味道選擇 呢個開心果cream冇失望！食落fresh 淺淺既開心果味既淡忌廉配搭軟淋淋既pancake 好夾🤤P.S. 唯一係價錢同份量相比唔算抵食 不過值得黎試！…Read More

這六個月，不經不覺，由無力到氣餒。唯一可以做既，可能就係利用自己既力量，去實踐黃色經濟圈。慶生，揀左呢度，簡簡單單既裝潢，特別既名字，顯眼既甜品。8點半入到去，待應已經好禮貌咁提我地last order時間係9點，如果可以就盡早叫野食。所以一坐低就即刻叫左幾款🔹和王牛漢堡丼 $158分量偏少，醬汁唔夠多撈完個飯唔係好夠味不過要讚下個漢堡，切開中間係粉紅色，咬落好juicy。另外仲好欣賞佢面頭隻蛋黃，切開既蛋汁，撈埋落飯度，增加左個口感。🔸海膽卡邦尼烏東 $168店舖另一推介，用卡邦尼汁整烏東面頭鋪有海膽同厚切鴨胸肉海膽夠新鮮同creamy 厚切鴨胸肉又係另一個風味意想不到，兩樣野拼埋卡邦尼烏東都幾好食🔹開心果士多啤梨米粉pancake $138黎呢一度既其中一個原因就係為左呢個pancake。為生活既苦中帶黎一點甜💪🏻開心果cream好輕盈，加埋士多啤梨好襯配搭pancake。呢個pancake反而係成餐飯最好食。雖然並唔係日式空氣pancake，但煎出黎細細塊，又用層層疊既方式，好適合同朋友分享👩🏻‍🤝‍👨🏿🔸香橙可可🍊 $42飲得出好足料，口感濃郁飲落去有淡淡既香橙味。但可惜個底痴滿晒可可粉，同有少少偏甜。建議可以叫少甜。每一樣食物既賣相都好靚，但份量偏細而位置唔會太逼迫，係同朋友聚餐既好地方不過提一提，呢間餐廳係無得book位，只感Walk in，人齊先可以入座。💬建議可以加大少少食物個分量，令人可以食得滿足d…Read More

放工約了友人一聚，到尖沙咀食飯，找了一間人氣和風小店，主打米粉班戟、美人雪糕及日系輕食，感覺健康有特色，晚飯時段勢必多人，預先Book位唔洗等。 店子裝潢以簡約木系為主，柔和的燈光，感覺舒適。 Menu，和食有丼、燒物、茶漬飯及小食等、甜品有班戟、雪糕、刨冰及芭菲等。 廣島蠔橄欖油漬，$68，有三件，廣島蠔飽滿，味道清新鮮味。 和王牛漢堡丼，$158。 只限晚市供應，厚身的和牛漢堡扒，牛味香濃，肉質鮮嫩，口感帶點嚼勁，有水準，配合醬油漬蛋黃伴食，味道增添一份甘香，紅色的米飯，賣相特別，據簡介是用紅酒及紅菜頭混合醬汁而成，入口有微微的酒香味，感覺清爽，炸蓮藕片香脆不膩。 蜜瓜美人芭菲，$108。 芭菲有日本蜜瓜、美人雪糕、茉莉花寒天、香檸啫喱及哈蜜瓜等，密瓜味道香甜，美人雪糕，用甘酒及豆乳而成，雪糕香滑微甜，食落有豆香味及少少酒味，底層的配料寒天、香檸啫喱及哈蜜瓜粒味道清香，焦點所在的小班戟，口感煙韌，十分清新的甜品。食物味道不俗，坐得舒適，服務態度幾好，可惜太飽食唔到主打的米粉班戟，下次有機再食呀。…Read More

尖沙咀近 K11赫德道內街，人氣PANCAKE 一店，相約老友晚飯。和風裝潢，添上家的休閒感。勾起手袋於餐台旁，貼心設計啊。先到先等先看，凍飲沙冰好吸引，可惜要戒口，見到餐牌對於烤紫米綠茶有些註解。泰國紫米是「超級食物」，含豐富營養的多酚、黃酮素和奧米加3,6,9 。其中提到可降低膽固醇和提高腦部記憶力，很適合，便叫了杯。又先點了即叫即製的pancake，老友來到就剛好有得食啦。重點來吃的是這個鮮果開心-- 水蜜桃PANCAKE。今期水果是日本直送水蜜桃啊～面頭厚厚忌廉是意大利開心果製成的，難怪帶有果甜，吃落少膩感。層層疊的日本米磨成粉的米粉班戟，軟綿帶實。圍著的水蜜桃很重點，就是水潤清甜啊。本身老友點了芒果沙冰，可惜沒有。最後點了杯lattle。和王牛漢堡丼，晚市限定。熊本產A5和王牛打成的漢堡，頂著醬油醃好的日本蛋，濃郁蛋心張姨的，流進漢堡和飯。飯色染紅，主要是經紅酒、紅菜頭煮食啊，賣相深刻。而重點的和牛漢堡，吃落實實，且帶有粒粒的嚼感。海膽和風卡邦尼烏冬，熱食滿驚喜。店員溫馨提示需要，要襯熱時拌勻。海膽，日本厚切煙肉、卡邦尼醬伴烏冬，也是出奇的配搭得來。…Read More

去K11的途中經過呢間餐廳，覺得個名幾得意，感覺店入面環境都幾舒服，好有日式小餐館嘅感覺，所以入左去試下❤️.餐廳入面提供食物種類都幾多，甜食、咸食、酒類飲品都有，因為未食晚飯嘅關係，我同朋友揀左一個主食share，然後再一人叫左一個甜品.主食: 和王牛漢堡丼漢堡扒係用熊本產100%A5和王牛去整，肉味好香濃，咬落去有肉汁流出面頭擺左一隻日本蛋黃醬油漬，配合個飯同漢堡扒一齊食，味道更加豐富.甜品 1) 水蜜桃開心 🥞餐廳會因應季節提供唔同嘅水果，今次我去就係食桃嘅季節❤️鍾意食開心果嘅人一定要試呢個，因為pancakes上面嘅開心果忌廉好香好好食，而且，開心果本身味道淡啲，好配合餐廳用日本米粉整成無咁甜嘅pancakes 👍🏻甜品 2) 提子美人芭菲呢個係期間限定Menu嘅甜品，香印提子份量好多，粒粒都好大粒，真材實料。雪糕係無奶、無蛋成份嘅全素甘酒美人雪糕，食落有種淡淡嘅麥味，幾好。.飲品: 香蕉甘酒甘酒其實係無酒精成份，係一種植物性乳酸菌，有vitamin B group 等等嘅營養。呢杯香蕉甘酒飲落有啲似香蕉奶昔，淡淡地。.整體黎講，餐廳食物味道好，收費合理，值得再黎！…Read More

最近去左蜜庵本膳食好野❤️想介紹俾大家，有興趣可以去試吓佢係一間主要以生果入饌甜品同飲品既餐廳，另外午餐同晚餐時間有主食提供和王牛漢堡丼-熊本產100% A5和王牛，加上日本蛋黃醬油漬，自家製漢堡香汁，超好味😋西班牙毛豬鞍-好香口鬆軟，味道一流👍🏻原隻日本蜜桃清酒粕雪葩-100%自家製鮮果雪葩，用原隻日本蜜桃🍑做雪葩落重本，個樣好cute☺️,雪葩有淡淡清酒味！愛芒黑魔法-呢個芒果pancake咁靚，用黎打卡一流📸因為e家芒果/水蜜桃當造，所以主打呢兩種生果。其他季節黎食，又會有其他生果pancake，所以每次黎食都充滿新鮮感另外仲叫左西柚高球同西檸高球，係雞尾酒🍸，我好喜歡我既西柚高球，有西柚果肉，酒與西柚果味既融合剛剛好，味道幾適合女仔飲…Read More

最近工作忙到癲，晚晚OT到半夜三更，辛苦到🤮 加上香港的事，面對這許多無能為力的事，心情煩悶得很。友人見我這樣的苦悶，趁著假日帶著我去食好西。來到這間為位尖沙咀的蜜庵本膳，輕食的日本餐廳。沒什麼胃口的我，只簡單點了兩樣。•和王牛漢堡丼 $158餐牌號稱是熊本產100%和王牛，配上蛋黃醬油漬，醬油醃過日本雞蛋而成，濃稀度剛好，特別有鮮味。店員介紹這醬汁是由紅酒，紅菜頭，和各類生果煮成，帶有清甜味，心思可見一班。這和王牛是非一般和牛，沒有那種入口juicy的口感，是那種有咬口的口感。可可香橙 $108 餐廳以pancake作招徠，特別之處是用上米粉整成。餐牌上寫道用上日本米磨米的米粉，雞蛋，和北海道粟米粉，即叫即製，當然要點一個來試試。賣相賞心悅目，一層層的pancake堆成pancake塔，最頂有大量忌廉和朱古力脆粒。入口有濃郁的鮮橙味，吃下去有蛋香，有米味，比平時的pancake甜度較低，不過沒平時的pancake鬆軟。層次豐富，推介！地方不大，用上全淺木色的muji風，裝潢舒服。謝謝友人帶我來這舒服的餐廳叉叉電。😊Menu for ref:- …Read More

同朋友食完飯要去打波，所以搵咗間輕食嘅餐廳，唔好食得太飽。餐廳設計好日式，仲好岩同閨蜜黎呢到食下午茶喎... 朱古力香橙pancake 📍 $108好香橙味呀! 食落口有陣陣嘅橙香滲出黎，再將軟綿綿嘅班戟點上濃濃嘅黑朱古力，食完都覺得好滿足和王牛漢堡丼 📍 $158用咗A5 和牛打製而成，加埋隻已經浸咗醬油嘅半生熟蛋，唔洗再加醬料已經好夠味，可以撈飯。另外呢個漢堡丼啲飯嘅顏色係紅紅地架，不過無咩味，可能係紅菜頭…Read More

【𝓜𝓲𝓽𝓼𝓾𝓪𝓷 𝓗𝓸𝓷𝔃𝓮𝓷 蜜庵本膳】係尖沙咀赫德道有呢間個名好特別既餐廳完全引發左我對佢既好奇心🤣 一望入去係日式木系風格除左有好舒服既用餐環境 仲有美食 (影相打卡都一流)我同👦🏻兩個竟然可以食到兩個main加兩個甜品重點係完全食晒 連少少都無淨就知有幾正🤣——————————————————🔅和王牛漢堡丼 （HK$158)用熊本產100%A5和王牛 配上日本蛋黃醬油漬再淋上佢自家製既漢堡香汁 將蛋油醬油漬整穿再拌好飯食落去整個味道又滑又香👍🏻🔅海膽和風卡邦尼烏冬 （HK$168)整整一排既海膽同卡邦尼烏冬拌均匀除左卡邦尼既Creamy 之外仲食到啖啖海膽既味道減低左卡邦尼既膩感 仲有四塊日本厚切煙肉🔅水蜜桃黑魔法（HK$138)除左甜Pancake 其實仲有鹹Pancake 揀不過今次就試左呢個甜既先🤣 本身Menu其實係草莓黑魔法不過依家係水蜜桃既季節 所以所有草莓都變左做水蜜桃啦*Pancake係用日本米磨成既米粉做架🔅提子美人芭菲 （HK$108)呢個係蜜庵本膳一週年推出既限定menu 每日限量架今次就試左三款之中既提子美人芭菲日本香印配上佢地既甘酒美人雪糕(無奶/蛋既全素軟雪糕)食落好厚實同好香既大豆味 雖然係甘酒 但其實無酒精成份架…Read More

這店的自選三主菜定食吸引了我與友人的到訪 可惜 原來只限午市 晚市到來沒有餐點 只好鹹甜各一 與友人分享就選了一個只能在晚市享用的《和王牛漢堡丼》分了三層 頂層為一金黃完整的蛋黃 十分喜愛蛋汁拌飯 加分 中層的和牛肉 不是漢堡排 是好香的牛肉味 口感不錯 下層的飯粒粒分明 吃不出紅色的是甚麼味道😂整體不錯甜品就選了《草莓黑魔法》可是草莓🍓賣完了 變成芒果🥭這個是米餅做成的班戟 但是甚麼味道也沒有 只有朱古力醬的味道 挺失望 幸好芒果是甜的當中要說一下 這裏有多位店務員 但都好像在發白一夢一樣 一點也不忙 但要一杯水也很久拿不到 應該忘了 再找同一位職員拿水 他完全沒有反應😅其他的也是問甚麼都不知道…Read More

謝謝閨蜜和我慶祝生日😊由我揀餐廳🍴 幾時都係有你陪我最happy☺️美麗的顏色配搭 永遠令女生食慾大增😋看著也很治癒🥰和王牛漢堡丼🍛超有趣的粉紅色飯！整碗飯都很夠味道，份量女生來說剛好，和牛切開中間是粉嫩的，上面配的生蛋剛好！可是吃到飯中間有點像吃爛飯。配菜那2片炸藕片很好吃！不知道如何形容，真的很加分！套餐配有一小碟菜，是醃製過的，味噌湯配有不少蘿蔔絲。開心果士多啤梨米粉pancakes 🥞 米粉做的pancake感覺有點像紙包蛋糕那種鬆軟，味道不會很甜，必需跟配料同吃！美人軟雪糕🍦是豆乳製成的，沒有平時牛奶的味道，味道跟黃豆粉蕨餅相近！店舖感覺是和風的，與整間店裝潢很一致，位置也很舒適，沒有限時，很適合與閨蜜靜靜地傾偈！…Read More

尖沙咀赫德道有間日式小餐廳，主打和風料理、米粉班㦸等等。環境寬敞舒適，柔和燈光配上木系枱櫈，並選用金色優雅小餐具，整個裝潢都很用心佈置。食物更加是精心製作，用的食材大部份都是日本產，而且亦照顧到全素及無麩質人仕。和王牛漢堡丼 $158有醃菜及味噌湯，飯量足夠且味道好，賣相好吸引。日本熊本產100% A5 和王牛漢堡，肉質超級鬆軟，而且有豐富肉汁，輕輕夾開就見肉汁流出，入口更有濃郁牛味，加上自家製醬汁味道好夾好惹味，配日本蛋黃醬油漬，有醬油香且蛋黃味更濃縮更香滑。粉紅色的米飯的好靚好吸引，用紅菜頭汁及紅酒加入日本米煮成的飯，口感香綿軟糯 。紀州南梅酎高 $58用金宮燒酎、日本紀州南梅汁、蘇打水調成，黃金色燒酎好迷人，仲有額外一小支南梅汁可自行加入飲品中。南梅汁微酸，飲完更開胃消膩，汽泡很清爽的口感帶微微酒味，易入口又配合到肉食的味道。飲到一半，加入南梅汁，味道更濃，梅味更出。春和日麗 $108有櫻花味的寒天、忌廉、小豆蓉，擺盤精美優雅，仲好有春日和風氣氛。米粉班㦸，餐牌可見是用日本米粉、蛋、粟米粉同法國發酵牛油製成，比一般食到的班㦸較飽肚，而且無麩質，口感保持鬆軟有彈性，唔會食空氣咁，仲好有蛋香味。小豆蓉甜度適中，配搭清香櫻花寒天好爽滑，同綿滑櫻花忌廉，味道好夾好豐富。抹茶甘酒拿鐵 $48拌勻才飲用，有好濃重的抹茶味，加入甘酒味道特別香純有米香，更有甘酒獨有甘甜味，而且甘酒係天然發酵製，有利腸臟，又可美顏，真係好飲有多益處。美人甘酒雪糕 $38全素人仕都可以食呢度的雪糕，因為無蛋無奶，餐廳用豆乳及米等材料做成美人甘酒雪糕，淡淡豆香與米香，甘酒味突出，微甜滑溜香軟。…Read More

得知這家叫蜜庵本膳的日式和食店，以米粉代替麵粉製作的日式班戟，一直都好想來吃。店子主色是淺木色，滿滿わびさび的日本茶室格調，設計簡約更添溫暖滿滿日本風情下，好有MOOD要飲番杯梅酒，這杯是SAKE BASE的梅酒加冰，醇厚香濃  這杯荷蘭夜(HK$38)內裡有大量新鮮薄荷葉和一片橙，清新健康 !來這兒之前都做了少少功課，已鎖定兩項目標，一款是主食一款是甜品。和王牛漢堡丼HK$158漢堡選用熊本県和王牛整成 和王牛漢堡丼的賣相已經唔使講，頂頂那隻反光的日本蛋黃醬油漬好乖乖地趟在和王牛漢堡上，還有透薄的蓮藕脆片已經令我垂涏欲滴，和王牛漢堡牛味濃郁滑嫰細緻，飯中加入紅菜頭汁的米飯彈性黏糯恰好，口感極佳；吃時把蛋黃刺破，蛋黃液慢慢湧出四溢(這一幕也很治癒, 那刻完全忘記拍照 )每一口都吃到好味道，每一口也感到特別健康。吃罷下次一定會再ENCORE的丼後，就輪到另一主角出場 !日本大熱的梳乎厘Pancake就食得多，但米粉班戟未試過屬於我的草莓黑魔法米粉班戟 (HK$138)呢款就一層層疊上去層層叠的米粉班戟放在用了朱古力醬畫的星星圖案上，加強魔法感班戟上那一大堆可可忌廉實在太邪惡 (但我因為它的邪惡而來呢)   越邪惡越吸引 用米磨成粉代替麵粉，口感實在又有飽腹感～ 可可濃度極高，但濃而不膩；可可忌廉配上鬆軟有彈性而實在的米粉班戟，真係令人越食越快樂。…Read More

今日難得唔駛OT,仲可以早d 放工。 同同事九秒九閃人去食好野。我們選擇左尖沙咀依間日式餐廳！想試佢地既pancake好耐 🤤🤤🤤🤤 餐廳裝潢色調有種日式cafe 小清新感覺，坐得舒服。 餐牌選擇都很多，我們點了一些share-♥️和王牛漢堡丼 $158餐廳選用熊本產100% A5 和王牛。熊本縣的頂級品牌「和王」，是極上牛種，品質優良。用來做成和牛漢堡扒，矜貴的上乘食材。和牛油脂分明，漢堡煎至外層微脆，但肉質鮮嫩。日本珍珠米粒粒飽滿，綿得來又帶點咬口；用上紅酒及紅菜頭汁，還有流心蛋拌飯，健康之餘，多一份鮮甜。還配有麵豉湯😋-♥️開心果士多啤梨米粉班戟 $138現在梳乎厘Pancake大熱，但我反而更愛這款米粉🥞 pancake。用上米粉代替麵粉，較為健康味美。對麩質敏感的人，更可安心吃呢。班戟即叫即製而且賣相精美。 每片班戟厚度平均；微暖的溫度質感鬆軟綿綿，不乾身亦不過份濕潤；口感略帶煙韌😋 配上濃郁香滑西西里農場開心果醬、香甜季節性日本士多啤梨；有水準及誠意之作。-魅惑梅酒 $58一向很喜歡梅酒那種香甜醇香的味道-抹茶甘酒latte $48用上日本焙茶蜜及自家釀製甘酒濃郁的綠茶清香味，加入甘酒，令香氣及味道更甘甜深邃。-🌟芝士橄欖油漬 $68叫了一款小食伴酒。芝士味道十分溫和，略帶清新的奶油芳香；配上松露絲，其香氣濃郁，與芝士的味道十分配合。-🌟美人雪糕餐廳介紹雪糕沒有用牛奶、蛋及雪糕粉；由日本大米及豆乳製成；豆味十分香濃之餘，aftertaste 還有甘酒的香味。甘酒雖有"酒" 字， 但其實不含酒精， 同時不含人工砂糖，主要由酵素而成，食雪糕也可吃得健康！而且還是香港第一間有這款美人雪糕呢。…Read More