牛川日本和牛專門店

呢間由2022食到今年，第一次好驚豔，覺得好好味，之後再食多咗兩三次，就每況愈下，見openrice訂枱有85折，今次算係俾多次機會佢。幸好都無失望，揀咗尊貴日本A5和牛120分鐘放題（$468，85折，正價加1，埋單$445），個和牛拼盤每次都幾靚嘅，今次仲多咗用個壺上嘅牛肋條，好好味。第一輪上咗個送嘅和牛拼盤／海鮮拼盤，份量好大，人少少可能已經食飽咗，點唔到其他嘢，不過幸好我哋6個都係食肉獸，難唔到我哋嘅。今次個和牛拼盤，多咗羊架，又真係幾好味，完全無羊羶味，連我都食到知啦，食完想encore，原來得一次，無得再叫，牛肋條都係1 round無得encore，不過最終waitress 妹妹好好人，送多壺俾我哋，不過係有原因嘅，因為其中一邊爐個火好細，好難燒熟。之後就叫咗刺身／壽司嗰啲，仲有和牛刺身，不過我啲朋友都唔識欣賞，唯有我自己食咗3片。要講下個刺身種類少咗好多，竟然無油甘魚，同埋特大隻嘅紅蝦，失望㗎，成盤刺身無嚟氣勢。不過壽司就揀咗啲火炙類嘅，燒過油香豐富，特別火炙左口魚，好滑好香。仲有吞拿魚他他，呢個就麻麻哋。之後食完第一round個拼盤，就encord咗兩轉肉，專注揀A5和牛，個餐就係要食最貴嘅和牛先可以回本，第一次嚟又係揀最貴個餐，但係走去點美國牛仔骨，蝕晒，所以如果揀最貴嘅餐，就專門點，A5和牛就啱啦。當然仲有好多嘢食，不能盡錄，我哋亦都食唔晒，不過就燒菠蘿就必點，即使食到我之後生粒粒，因為菠蘿好濕熱，都要點，真係好香甜好好食。都有點下炸物，不過只能放12張相，擺唔到多啲，味道就不過不失，唔點都唔可惜。整體表現，有打破之前越來越差嘅印象，啲牛肉質量好咗，有啲返返第一次嘅感覺。服務態度都好好，雖然其中一個爐有問題，waitress 好認真咁幫我哋解決，送多壺牛肋條俾我哋，仲幫我哋加咗時，因為個爐無火，好難燒熟，佢先加我哋時，之後幫我哋反轉個烤盤，令個火可能更加近，終於改善到個問題。你話會唔會再去，係會嘅。…查看更多

📍 牛川日本和牛專門店Happy Friday 想食返餐好，今次黎到銅鑼灣覓食🤓呢間餐廳主打日本和牛，仲可以任食！佢哋提供4個放題set🤩今次就豪食佢哋最貴嘅set😋和牛、刺身、海鮮等等全部都係任食🤤✨D餐 至尊日本和牛燒肉&刺身放題 （180分鐘） $598 @1成個套餐會包黎自熊本同岩手既A5和牛、刺身、海鮮、壽司、炸物等，一共有齊139款既野食，任君選擇！真係花多撩亂啊😋🐂 至尊日本A5和牛拼盤頭盤會先上和牛拼盤! 會有齊曬所有A5和牛，一次過試曬唔同和牛既部位，仲有埋卡紙寫清楚，好貼心❣️一次過滿足曬我想試曬嘅願望🤩 當日有提供一共7款既和牛部位：牛肩胛、牛五花、牛小排、牛冧、牛柳、牛肋粒同埋西冷片～▶️各個部位既肉質都幾唔錯！我最推薦既係：👉西冷片：油脂分怖好平均，燒10幾秒就食得，食落入口即溶，質感柔軟，係口裏面充斥著滿滿嘅油香🤤👉其次既係牛小排：牛小排筋位比較多，食落比較有咬口，更有口感👉牛肩胛亦都係牛經常運動嘅部位，肉質會相對結實，富有嚼勁！🍣壽司餐牌𥚃有唔少壽司同埋火炙壽司可以揀～試過火炙油甘魚壽司、火炙三文魚壽司、火炙左口魚壽司、火炙和牛壽司同鰻魚壽司，每件壽司嘅尺寸都唔會好大嚿，大概係一口壽司，唔會食完就覺飽，令我試到更多嘅壽司🤪▶️壽司款式嚟講算多，基本上冇食到伏嘅壽司👉 火炙油甘魚壽司：油甘魚本身油脂比較重，炙燒之後油脂冇咁重，冇咁容易覺得膩👉 火炙和牛壽司： 牛肉juicy到滴曬汁，燒完之後唔會變到乾身或者食落韌，值得一試🥗前菜款式幾多！試左燒和牛沙律、牛川蟹籽沙律、味付螺肉、芝麻八爪魚、泡菜、麻辣鮮魚皮（期間限定）▶️比較推薦既係：👉 和牛沙律：沙律真係幾有驚喜，塊和牛既質素都唔差，亦有額外調味過，食落幾開胃👉 麻辣鮮魚皮：呢個必叫！！！係期間限定既菜式，想食既話要睇好唔好彩😆中意食麻辣既朋友一起啱你，辣味幾足；而魚皮好爽口，唔係淋既，好食到encore 左3次！🦞海鮮質素幾唔錯👍🏻分別試左甲羅燒、牛川虎蝦、辣酒煮蜆、北海道半殼帆立貝、青口、魷魚件，基本上都新鮮▶️比較推薦既係：👉 北海道半殼帆立貝：帆立貝幾大隻！！！食落完全冇雪味，亦唔需要特別調味都已經好食👉 牛川虎蝦：蝦肉係彈牙，燒完之後都冇縮水👉 甲羅燒：滿滿既蟹膏，好香！要試～🍤炸物種類繁多！試左炸雙皮奶、炸榴槤炸彈、章魚小丸子、炸芝士蝦球～▶️比較推薦既係：👉 炸雙皮奶：幾出色！必試，但要趁熱食！炸粉完全唔覺厚，雙皮奶有流心既效果👉章魚小丸子：味道唔錯，唔會覺得多粉漿，同市面買到既有得輝✨個人建議：食物款式真係好多，基本上冇伏既野食😋和牛既質素好唔錯，仲可以俾你任食！表示會二訪🤩⭐️好味指數： 9.7/10📍 牛川日本和牛專門店 (銅鑼灣)銅鑼灣謝斐道496號金利文廣場3樓#銅鑼灣 #牛川日本和牛專門店 #金利文廣場 #牛川 #和牛 #熊本 #日本 #牛肩胛 #牛小排 #帆立貝 #甲羅燒 #期間限定 #Wagyu #わぎゅう #hk #hkfood …查看更多

天氣凍，最啱食熱辣辣嘅燒肉🤤，呢晚就去咗牛川食$458/位嘅「尊貴A5日本和牛放題」，食足120分鐘～海鮮拼盤拼盤有好多海鮮，日本生蠔🦪好肥美；扇貝夠鮮甜；甲羅燒蟹味十足🦀，燒到熟就搽上燒過嘅蒜蓉包一齊食🤤；魷魚好爽口；虎蝦鮮味又彈牙👍🏻日本A5和牛拼盤拼盤排列得好精美，忍唔住要打個卡先📸，食完就可以自行用QR code任點🤭，食過肉質鮮嫩、脂肪分佈平均嘅A5和牛🐮真係返唔到轉頭！和牛沙律🥗鮮嫩嘅和牛配上清新爽脆嘅沙律菜，愈食愈開胃～手工月見燒鳥串🐣燒熟雞肉串之後點生雞蛋食，幾特別～仲有大量高質素嘅壽司、刺生同各式各樣嘅小食🥰～甜品仲有每人一杯雪糕🍦，今餐真係食到好飽好滿足🥳～…查看更多

前兩日帶父母來銅鑼灣食和牛放題，呢間「牛川」之前食過覺得好正，今次帶埋父母嚟食果然冇令我失望～今次4人同行送龍蝦刺身拼盤，成隻刺身船咁上嚟真係超豪華，🦞龍蝦刺身原隻上，晶瑩剔透，仲配上左金箔同蟹子特別矜貴，味道爽口鮮甜😍～刺身船仲有其他刺身，包括三文魚，帶子，吞拿魚，赤蝦，希靈魚…全部都可以encore～刺身整體新鮮，厚身肥美，鮮甜可口款式又多～海鮮拼盤：好豐富，有日本生蠔，甲羅燒，牛油虎蝦，扇貝，魷魚～🦪日本生蠔好creamy飽滿，入口海水鮮味濃郁；甲羅燒你蟹膏加咗蛋黃撈埋蟹肉，鮮甜濃郁；🦐牛油虎蝦好大隻，口感爽口彈牙，加上牛油好香好惹火 🔥 ; 扇貝厚身大粒又鮮甜，扇貝裙邊好爽脆；🦑魷魚好大塊好爽口～ 和牛拼盤：擺碟超級靚，有唔同部位A4-A5嘅黑毛和牛，放晒名牌俾你睇，咁就可以知道自己最鍾意食邊一款～和牛顏色鮮嫩，油花又靚，牛肉味香濃，口感軟熟，入口充滿油香，全部都係任食🤩～和牛沙律：沙律菜加埋和牛一齊食可以減少左肉嘅油膩感，沙律菜爽脆清新又開胃，可以清新下口腔再大戰～燒牛肉他他：燒生牛肉配上洋蔥，香蔥，黑松露醬同酸醋好開胃清新，又能帶出牛肉嘅鮮味～另外仲有好多食物不能盡錄，例如厚切牛舌牛味香濃，好爽脆juicy；🍍燒菠蘿酸酸甜甜，多汁juicy超開胃～😋；🍣三文魚子壽司三文魚子滿到瀉，卜卜脆的三文魚子咬開爆出香濃海水味～…查看更多

尊貴A5和牛放題 $458落左想食咩餐之後，唔駛咁急落單住，餐廳會上4款食物先，日本A5和牛拼盤又可以打卡，又可以食靚和牛，分別係A4同A5唔同部位，我幾鐘意食牛冧，爽得黎，又有牛味。和牛可以encore 再叫，而且水準保持到👍海鮮拼盤甲羅燒：滿滿既蟹膏，仲有蟹柳絲，生蛋，攪混之後就可以燒，配埋蒜蓉多士黎食帶子：大大粒😍魷魚：幾爽大蝦：新鮮，唔痴殼和牛美人玉子燒到7成熟，沾蛋漿食，正😋和牛沙律配黑醋，和牛燒得岩岩好，幾清新放題種類好多，有刺身、炸物、壽司、湯類等等。飲品櫃有自家茶、酒、韓國飲品、汽水等。每個座位都自帶韓式抽煙管，效果幾好，燒完身上完全無味。最後一人一客雪糕，滿足。有movenpick同唔同牌子既cocoberry。…查看更多

Bookmark左呢間和牛燒肉好耐，一直覺得佢嘅攞盤超靚、超吸引，今日終於可以見實物。餐廳先上一個海鮮拼盤、和牛沙律、牛美人玉子、仲有主角和牛併盤。🐂和牛併盤真係擺得好靚，一個多層小木架上面每層擺一款，清楚寫明牛嘅部位。總共有9款牛:A5稀有汁燒千本筋、A4壺漬牛肋條、A5牛肩胛、A5牛頸脊、A5牛五花、A5牛小排、A5牛冧、A4牛肩梅花、A4後腰肉。牛冧最有質感，咬落有嚼勁牛小排最腍，油脂最豐盈、最有油香牛肩胛同牛肩梅花嘅肉味較濃，好香牛頸脊無論油脂、質感、肉香都唔錯各款和牛嘅油脂都有靚靚雪花紋，完全唔肥膩，如果燒得啱啱好，仲有入口即化嘅牛油香同口感。靚靚和牛都係任食，牛肩胛同牛頸脊我地都有再叫，只係上菜唔會再用小木架。而肉質同第一輪都係差不多嘅質素，正!🥚牛美人玉子，係燒牛點生蛋食，牛肉夠軟腍，入口唔油膩，點唔點雞蛋都好食，不過點過雞蛋就入口就更滑捋捋。🐙🦐海鮮併盤非常豐富，有扇貝、蝦、墨魚、仲有甲羅燒配蒜蓉包。最鍾意食甲羅燒，d蟹膏極鮮甜，混埋日本雞蛋食就更香甜。蒜蓉包微燒一會，讓蒜蓉醬融化後，再配埋甲羅燒一起食，口感、味道多層次，滋味無窮。🥗和牛沙律係薄切嘅烤香牛肉片伴沙律菜，入口幾fresh。🥢呢度仲有好多嘢食：前菜、沙律、刺身、壽司、炸物、一品料理等等……每樣都再叫左d，榴槤炸彈好好食，榴槤味濃郁，外層煙煙韌韌；蟹肉湯好靚；辣酒煮蜆嘅蜆都大隻、肥美，而且好香；黑松露雞脾菇切條，配上松露醬燒香原來幾好味。🍣刺身都係食放題嘅重點。好新鮮、顏色鮮艷、肥美。三文魚仲要係勁厚切，帶子大大粒好鮮甜。放題尾聲一定係雪糕啦，呢度有款平時放題少見嘅檸檬芝士蛋糕味嘅雪糕，賣相超靚，甚至幾似真蛋糕，入口好濃嘅檸檬味，食左咁多肉，有d咁fresh嘅甜品作總結，完美。其實加埋一先係500幾，鍾意食牛嘅，呢個價錢真係完全唔貴。而刺身及其他食物都有水準，難怪人氣幾高。👍👍…查看更多

牛川前身是尚鮮日本燒肉，現在改成燒肉放題，襯今天520，要老公同我瘋狂食和牛，連加一每人都只是$504。坐下後侍應提我們不要先掃QR code，食完送贈的和牛沙律，和牛美人玉子、海鮮拼盤和日本A5和牛拼盤後才落單都未遲。我很喜歡和牛沙律中的幾片爽滑和牛和新鮮沙律菜，所以之後加單再安歌。和牛美人玉子是和牛哪個部位我就唔清楚，不過燒完之後沾玉子食又幾特別。海鮮拼盤有一份甲羅燒，兩份鮑魚、生蠔、帶子和大蝦。甲羅燒有蟹糕蟹肉和鵪鶉蛋液，用筷子拌勻後慢火燒，好香濃。其餘海鮮都好食又新鮮。日本A5和牛拼盤簡直是和牛的盛宴，各部位標注好，就像前哨基地，試過之後便專攻鍾意部位落單好了。掃QR code時，除了和牛、還有安格斯牛、豚肉和雞肉等，連刺身、壽司、炸物同埋粉麵飯都有。不過我只食和牛已飽。還有任飲的啤酒汽水和每人一杯雪糕呢。提提大家，4人同行並提前2日預訂，免費送一隻原隻龍蝦刺身，真係好抵。我下次要約埋朋友來先得。另外，放題時間是120分鐘，但90分鐘就截單，要把握時間叫嘢食哦。還有，冷氣都幾凍，帶件衫仔。…查看更多

平時都好鍾意出街食燒肉，一黎唔使自己抹餐死，二黎又唔會屋企成陣味，今日行經銅鑼灣拎左張傳單睇，價錢$458任飲任食和牛😍😍咁鍾意食牛既我，當然要食下🙈🙈 4人同行食和牛放題，仲送龍蝦刺身(但我得2個人😵‍💫無得送）.餐廳都幾大間，入門口就聞到好大陣燒牛味，仲有啲日本證書驗證日本和牛咁。.叫左餐之後每枱會先上「和牛美人玉子、和牛沙律、海鮮拼盤、日本A5和牛拼盤」。之後就有QR code 落單，可以無限加點和牛、同其他種類既食物。而飲品就可以自助出雪櫃度自取。.真心推介大家叫和牛Set, 因為真心好高質，呢度既和牛級數，係仲正過我平時係X角食$698個種放題，尤其推介「A5熊本黑毛和牛牛肩胛」、「A5熊本黑毛和牛牛頸脊」、；牛肩胛油花同脂肪比較密布，濃厚既味道同恰到好處的口感，加上帶有大理石紋既脂肪，非常多汁又重濃郁牛肉風味。牛頸脊無咁肥，但肉質柔嫩又多汁。.除左以上幾款，其實佢個和牛拼盤其喺牛既種類都唔差😆不過胃就得一個，所以之後都係叫自己鍾意食既🙈🙈.除左牛之外，佢仲有個回本位，就係刺身、壽司都係任食，不過人大左，真係食唔到多，所以今次就無叫刺身了。任食仲有沙律前菜、A5和牛放題、特選燒肉類、燒烤類、炸物、刺身、火炙壽司、壽司、手卷&卷物、小食、雪糕（一人一杯）…. 種類真係好多，但食唔晒咁多款，詳情睇相吧🤣🤣 .好耐未食過咁滿足又高質既和牛放題，食完飽到第2日早餐都食唔落😵‍💫😵‍💫鍾意食和牛既真心要食🙈🙈…查看更多

今日黎到銅鑼灣搜羅到一間超高質和牛放題 超級深刻Bookmark左呢間新餐廳🤗 其實有印象記得幾年前都食過同一間餐廳 因為裝修間格、環境色調 醒起以前叫尚鮮日本燒肉 都係一間超人氣、高質素既日式刺身燒肉放題店 依加易手改名後 食物質素、服務都倍加升級🤤今次品嚐最高級別 #尊貴A5日本和牛放題 $458一位 食完之後真係覺得超值超好食 首先餐廳會送唔同種類既頭盤#海鮮拼盤 有1份甲羅燒 2隻鮑魚 2隻生蠔 2隻帶子 2隻蝦 每款海鮮都非常新鮮 完全食到海水鮮味 尤其甲羅燒有埋蟹糕蟹肉再混合埋蛋汁 慢慢燒落口好過癮 鮑魚生蠔都超級嫩口 同埋原來4個人黎食既話 更加會送龍蝦刺身 非常吸引🤪#日本A5和牛拼盤 真係包羅萬有細分每隻A5和牛既唔同部位 慢慢燒完放入嘴真係有種嫩口得黎入口即溶既感覺 試完成個拼盤特別推介 #A4牛肩梅花 #A5牛冧 #A5牛五花 特別鍾意啲少少肥膩但有即溶同重牛味既部位 同埋另外必叫 #A5稀有汁燒千本筋 超級薄薄既牛筋位燒起黎好有咬口 每一款和牛都令人非常享受頭盤 #和牛美人玉子 #和牛沙津 都食到和牛既鮮同香上完頭盤後可以係QR code到任落 除左燒肉材料 仲會有新鮮既刺身、壽司、手卷、燒物、炸物等等等等 過百款食物選擇 真係包羅萬有 特別特別特別係有中拖羅食 呢個價錢都仲可以任食中拖羅真係超級抵食 而且火炙壽司左口魚三文魚腩都相當推薦飲水吧有飲品可以任拎任飲 都有啤酒提供架 整體食物質素 海鮮水準 和牛水準 服務態度都相當之優質 值得一試#牛川日本和牛專門店📍銅鑼灣謝斐道496號金利文廣場3樓📸 Credit to Instagram: @mroolong …查看更多