鬼金棒牛骨辣麻拉麵

鬼金棒牛骨辣麻拉麵，東京過江龍🐲不論係日本定香港都超人氣，想試好耐，今日食銅鑼灣店，新派和風拉麵店裝修，企理舒服，建議坐bar枱，師父會直接遞拉麵俾你，感覺唔錯😘最出名就係辣麻味噌同牛骨湯😋即刻開餐！味玉辣麻牛骨拉麵🐮上枱好吸引既賣相，好香濃既感覺，梗係試湯先，點左小麻小辣，接受到，感覺再食可以升⼀級，超濃既牛骨湯，牛味就算係麻辣下都食到😳麵質係幼麵，口感唔錯都好掛湯，湯麵都好好味🤤味玉真流心，夾湯好惹味，牛叉燒驚人，生熟攞得好好，有肉汁，正🩵加左玉米旬，燒左⼀燒味道唔錯！🤞🏻拉麵最佳拍檔：配個白飯，揀左秘製醬汁慢煮牛筋丼，賣相好吸引，淨食牛筋都抵，又多又腍，起晒膠，非常好味，配埋珍珠米食⼀流😎加埋拉麵湯，好日式既感覺，啲味道又多左層次，好滿足😌果然咁出名係有原因既！麵好味湯好飲飯好食😗鍾意食拉麵既⼀定要試🍜…查看更多

鬼金棒牛骨湯拉麵係一間主打牛骨清湯湯底嘅拉麵，開正喺鬼金棒拉麵隔離。同鬼金棒一樣，湯底有普通同辣麻之分。我今日叫咗個味玉辣麻牛骨拉麵（中辣，小麻）。湯底好濃牛骨味，起初以為自己食緊台灣牛肉麵 😂 飲落好順口。除咗好特別嘅牛肉叉燒之外，拉麵亦都落咗好多洋蔥，香得來唔會搶咗湯底嘅牛骨香味。麵條偏幼身，掛湯一般。味玉有驚喜係流心蛋，而且用醬油醃製過。食完碗麵，我仲加咗碗白飯。放落剩返嘅湯變湯飯，啖啖牛骨鮮香，真係好正🤤 唯一可惜係我叫咗中辣，少少冚過咗湯底本身嘅味道。如果叫小辣，我相信牛骨味會再出啲，食得辣又鍾意牛骨湯嘅人可以試一試 😉…查看更多