鯛魚魚湯專門店

今晚好想食烏冬，朋友就推介左兩間用鯛魚做湯底既店鋪，而我就揀左呢間9點黎到，好彩仲可以入座，再晏d 就會阻住人地收工😛今次我揀左"吉列豬扒魚湯烏冬", 我朋友揀左"安格斯牛肉蕃茄魚湯烏冬"先講講"吉列豬扒魚湯烏冬"湯底，一飲一啖，第一時間覺得好濃郁既魚味，即刻飲左好幾啖👍🏼👍🏼👍🏼吉列豬扒好鬆脆，襯熱食仲好食👍🏼👍🏼👍🏼然後朋友叫果個"安格斯牛肉蕃茄魚湯烏冬"湯底，蕃茄湯唔係水滴滴，蕃茄味岩岩好，要讚一讚先不過安格斯牛肉就差左d, 因煮得過火左，黎到已經接近10成熟，雖然有口感，不過就係老左少少🙈🙈 都唔錯既…查看更多

餐廳位於鰂魚涌，我食飯時間7:00去到，見到門口都已經有唔少人睇緊餐牌準備入去，7點半就爆左9成枱喇！/餐廳每日以十多小時熬成鯛魚湯，米也選用日本米，也有稻庭手打烏冬和拉麵。🥰-🤍吉列豬扒魚湯烏冬 $85🤍吉列廣島蠔定食 $85🤍雞塊唐揚 $42🤍沁甜花園 $24（跟餐$12）🤍蜜桃成熟時 $24（跟餐$12）✨不設加一✨設最低消費一人$40-🤍 吉列豬扒魚湯烏冬配料有：黃菜絲、木耳絲、京蔥、油揚絲、海草[滿星］⭐️⭐️⭐️⭐️⭐️‼️十多小時熬成鯛魚湯底，味道清淡剛好，似係屋企會飲到既湯，不自覺會飲哂😝唔會十分濃郁但全部味精，飲完一啲口渴感覺都冇🥰而每款配料都好多，有野唔食記得走左佢喇。稻庭手打烏冬偏扁及薄身，即使浸腍左咬落都保持口感彈牙感覺！吉列豬扒份量都幾多，一人真係未必食得哂，炸得香脆可口，炸粉沒有過厚，仲有2款醬汁配搭。/🤍 吉列廣島蠔定食⭐️⭐️⭐️⭐️定食有飯、鯛魚湯、前菜（螺肉）吉列廣島蠔有3大粒，size有中指咁長😂炸得香脆，不過炸粉小厚和蠔既size就略細，食到一半先見到。/🤍雞塊唐揚[滿星］⭐️⭐️⭐️⭐️⭐️‼️份量都好多！雖然有一半係生菜沙律，不過每件雞塊都好大件同都多咖！而且炸得剛好，保持肉汁雞肉也鮮嫩！-環境：8/10服務：8/10好味指數：9.5/10回頭率：9/10…查看更多

今日同友人嚟鰂魚涌食烏冬，小編不嬲覺得魚湯好吸引，可能因為平時出街食得味精湯多😂，對新鮮嘅湯底特別渴求。「鯛魚魚湯專門店」門面採用日式設計木製店牌相當有質感，入內座位設計頗用心，設有面牆位，適合單人食客。睇店名顧名思義，主打鯛魚湯烏冬，但店家都有供應不同「湯飯」「定食」，非常多元化☺️。———鮑魚花膠魚肚魚湯烏冬($138)••••••好吸睛啊🤩奶白色鯛魚湯底入口好香濃魚甜，用料實在，稻庭烏冬煙韌彈牙😋 已調味嘅厚身鮑魚帶鮑魚鮮甜味，花膠帶韌度，魚肚唔腥，仲完美吸收湯底精華。全海鮮組合真係好夾☺️ 吉列豬扒魚湯烏冬($85)••••••巨型吉列豬扒🤓香脆熱辣辣，炸粉適中，店家好貼心，提供蛋黃醬之餘，仲俾埋吉列豬扒醬☺️ 魚湯烏冬配料好豐富，有油揚、紫菜、木耳絲、娃娃菜、葱絲，每一口烏冬連湯食，小編最後清哂成碗湯🤣。汁燒烏賊燒($42)••••••好欣賞店家每一道小食，什至吉列豬扒都會附送沙律菜🥗淋上胡麻醬，好開胃。烏賊烏賊圓碌碌有五隻，肉質彈牙，沾燒汁食一流。餃子雞翼($40)••••••煎過嘅去骨雞中翼皮脆肉嫩，釀入肉碎香料，好味🤤…查看更多

第一次嚟試呢間鯛魚魚湯出名嘅專門店，夜晚都滿座，等左一陣先有張四人枱。原隻波士頓龍蝦魚湯烏冬（$138）龍蝦過熟好失望😞但係成隻龍蝦俾你，幾抵食。魚湯好濃，烏冬夠幼👍🏻如果龍蝦冇咁熟就完美😩吉列豬扒魚湯烏冬（$85）皮夠薄，但係豬扒都薄😅冇乜豬味，唔會話特別好食。餃子雞翼（$40）雞翼塞到滿滿🤩燒到黃金色👍🏻雞塊唐揚（$48）份量唔少，幾大舊又炸得脆😋蛋漿唔會太多👍🏻。蒜片炒牛粒（$78）份量唔細，比較多油。牛肉鎖住啲肉汁👍🏻唔會過熟。鱈魚魚腐（$40）好少見到有呢款小食😍炸得好靚好脆😋鍾意佢每一碟餸都有好多沙律菜😍但係主菜竟然唔得😞有啲失望。個魚湯係濃嘅，價錢唔貴。唔係坐得好舒服，枱比較迫，可以嚟一次但係唔會特登再嚟。…查看更多

呢間位於鰂魚涌嘅鯛魚魚湯專門店一直享負盛名，每日lunch時間就會有一大班上班一族嚟排隊，上次兩個人排咗半個鐘先有位😹呢晚接朋友收工，打工仔都唔洗留喺到食dinner喇，所以唔洗等位就入得去。 冇咁多人，唔洗食得咁趕，食都食得舒服啲，可以慢慢享受😛由細到大都鍾意食魚湯米線、魚湯飯。呢到採用鯛魚熬成湯，營養價值高，擁有高蛋白質，脂肪又少啲，仲有豐富骨膠原添！！餐廳用咗大量鯛魚、秘製配料、時間熬煮湯底，比起傳統魚湯，除咗營養價值更高，魚味仲更鮮甜濃郁😋烏冬採用稻庭烏冬，口感非常彈牙，仲掛住鯛魚湯💯每碗烏冬都配好多昆布、木耳、豆卜，堆到碗嘢滿滿的😛極鮮象拔蚌貝柱烏冬（$128）見個名都知啦，「極鮮」🤤象拔蚌新鮮又甜味突出，貝柱味道都非常鮮甜😛配上蟹棒，份量十足，食到好飽都要繼續食🤣吉列豬扒魚湯烏冬（$85）吉列豬扒做得十分出色，能夠媲美吉列豬扒專門店嘅質素👍炸粉唔厚，外層炸得鬆脆，卻保留到豬肉豐富嘅肉汁同軟腍嘅肉質😋配上沙律醬同豬扒汁，兩者同吉列豬扒都十分匹配👍煙三文魚蟹籽沙律（$45）好耐冇見過咁大碟咁足料又唔貴嘅沙律😭沙律菜、青瓜絲、煙三文魚配上大量蟹籽🤤，好食，必食呀！Menu:…查看更多

前日已經好想食烏冬！之前同事試左灣仔分店話唔錯所以lunch time就帶左我嚟呢間分店試下12點幾去到都幾多人等位 不過佢地會俾你落左單先 一有位入到去就好快上得野食湯底嚟講 我平時係唔中意食魚架 但我飲落唔覺得腥 反而覺得好香濃好好飲吉列豬扒新鮮炸起好脆身 其實成個餐份量勁多！基本上食哂成碗烏冬同啲豬扒就完全唔會再食得落啲沙律所以我每樣都食左7成左右！已經飽到夜晚好推介…查看更多

星期六下午，鰂魚涌好多食店都中場休息，胃痛想食d湯水類食物，好彩讓我看見這一家店仲開緊。我同友人入去個陣，小店仲有幾檯客，staff 就係後面開飯，我地就自己坐低啦。睇完一輪menu，真的好難選，太多好野喇。最後，我決定回歸基本步，要左個吉列豬排魚湯烏冬，對面友人就要個野菌肥牛飯定食，本身佢個湯係跟麵豉湯，但我地問有無得轉魚塘，佢就轉比我地喇。等左10幾分鐘，先上左個定食，分量都唔少下再黎就到我的吉利豬排魚湯烏冬，麵係稻亭烏冬，麵質滑溜。好開心個豬扒炸得幾好，個炸衣同肉無分開，食到最後都係脆口的。最重要係個湯，我真係未飲過鯛魚湯，佢係有股鯛魚既鮮味，同屋企煲既生魚湯個d唔一樣。呢個湯飲唔出其他辟腥香料既味道，衹有純粹魚湯的鮮和醇，有點顛覆我地平常飲中式魚湯又煎魚又落薑的味道。木耳同昆布一大堆，連麵都係一大碗，豬排都有7件，真係好大份！！我跟餐叫左個半價特飲，menu上個名好浪漫，但我唔記得喇。佢的真身係紫貝天葵加生薑，混埋一齊之後我覺得生薑糖水味濃d，可能因為佢沉底，可能換成熱飲會好dAnyway 呢家餐廳既魚湯 我會再黎架…查看更多

鮮魚熬製出來的湯會呈奶白色，味道鮮濃，用作做湯底的話更分分鐘會由襯托品晉升為主角﹗今天晚上我就來到鰂魚涌的鯛魚魚湯專門店，一試湯底是否真功夫。 這晚雖然下著雨，但入座率也算不錯，店內一角橫放了張長檯，應該幾適合平日Lunch時間多人一齊食。 Menu中的主菜大約分為4類：鯛魚湯、鯛魚湯料理麵、鯛魚湯飯及鯛魚定食，但萬變不離其宗，一切都離不開鯛魚。 吉列豬扒魚湯烏冬 $85奶白色的魚湯無花無假，甫上檯已聞到其魚香足以蓋過炸豬扒的酥香，先喝一口魚湯，味道既鮮且甜，真的會令你自動自覺將每條烏冬都以湯送入口。配料方面份量頗多，木耳及海帶的爽口，跟幼滑烏冬相映成趣。至於吉列豬扒，單看顏色已知火候還差了一點點，炸得略嫌未夠金黃，而且粉漿較厚，顯得本來已屬薄身的豬扒更加薄。 餃子雞翼 $38我眼中的功夫菜，師傅要先將雞翼去骨，中間再釀入餃子餡料，過程中絕對不能將雞翼外表弄至有任何破損。所以不要以為$38/兩隻雞翼便等於所費不菲，技巧及心機差了一點點便做不成這個菜。雞翼漲卜卜兩邊都燒到有點焦香，食落亦覺飽滿，充滿油香。 蜂蜜桃園 $24飲落不太覺有蜂蜜的味道，反而蜜桃味很突出，原來蜜糖味是蘊藏在爆珠之中，每一口都覺香甜。總括這一餐也挺滿意，除了豬扒失色了點之外，或許下次我會來試試炸蠔。…查看更多

開鰂魚涌可以試吓呢間魚湯專門店，最吸引人去嘅係＄100到就有鮑魚、花膠、魚肚，聽落都好富貴。去之前都覺得呢個組合好似怪怪地，海味加烏冬...不過去到原來有湯飯揀，咁就叫左個鮑魚花膠魚湯飯，再加個吉列豬扒魚湯烏冬。個湯飯佢會有個火爐熱住，要等大約5分鐘就夠熱可以食。個火大約10分鐘到就會熄，本身我諗住keep住熱好d 叫佢幫我加火啦，點知就好似煲到太少湯喇，所以可不跟番佢本身個份量，唔洗加火。 個湯飯好入味，所有魚湯都入晒落d飯粒到，好香好好味。一煲入面已經有2隻鮑魚仔同3-4件花膠，都算幾足料。$116有咁名貴gei食材都真係幾抵食。另外個吉列豬扒烏冬相比之下就失色少少喇。因為個烏冬吸唔到魚湯，就冇咁濃味，淡左少少。不過我諗係因為我食完個湯飯先會咁覺得。…查看更多