丼吉日式吉列豬排專門店 (The ONE)

太久沒去旅行，如果你都很想念日本美食，特別是炸物的話，就一定要試試這家！作為日本的分店，這家一樣有無限任添的白飯和菜，店員會主動詢問要不要添菜，當然每枱都有個鐘仔，需要下單或服務都可主動按鐘，疫情下覺得設有鐘仔的餐廳真的很貼心（雖然本來都有），不用大叫找店員～Lunch Set的性價比都不錯，百零蚊就可試到超好味炸物，我點了吉列豬扒定食：豬扒外層超鬆脆，肉很厚而且是鬆軟的，一點也不硬（最怕肉癡牙），上菜前會先來一碗白芝麻，自己動手磨碎，之後加豬扒醬點來吃，很滋味！椰菜絲很新鮮，切得很幼一點也不馬虎～最後還會送上西瓜，有點驚喜！…查看更多

呢日我又等男朋友放工，又係尖沙咀地區，突然想食吉列豬扒，就諗起The One有間食吉列豬扒專門店，就去食嚕～當晚慶幸7點45入座不用等，眼見餐廳都9成入座率。話明食吉列豬扒專門店，咁緊係嗌返吉列豬扒定食啦～但我同男友唔係話特別喜好食，所以就散叫左兩個最basic 嘅吉列豬扒定食（$198）。 佢另外係有唔同價錢等級嘅吉列豬扒、豬柳果個係砌粒狀咁😂 （不過男友事後醒起食過，話豬柳比較好食）講返個主角先，啲粉係一啲都唔油膩，同我平時喺其他餐廳食開嘅吉列豬扒好唔同！ 配搭埋啲芝麻粉（自己啄碎），真係好好食。白飯同火箭菜任添。值得一提是，店員會主動行埋黎問你需唔需要添菜☺️ 最後生果就西瓜奉上～ 我會再幫襯呢間，下次會試豬柳或 高級吉列豬扒，睇下分別喺邊先😛…查看更多

黎到the one醒起呢度有間吉列專門店以前元朗有分店既時候食過一次今次再黎試下 雖然價錢有啲小貴😂✨吉列大蝦配滑蛋豬柳飯大蝦大大隻 咬落仲好彈牙👍🏻豬柳唔會炸到好乾身 配埋啲滑蛋都幾夾✨吉列豬扒定食吉列豬扒比豬柳更軟腍 中間有啲油脂 令肉味更香濃所有定食跟麵豉湯同椰菜絲 椰菜絲食落好爽甜 食太多炸野時可以平衡下個油膩感👍🏻而且店員會主動問駛唔駛加菜絕對唔駛驚唔夠食不過呢間野都有點小貴 但間中都要對自己好啲既😌…查看更多

第一次在午餐的時候光顧吉丼，不過如果想食吉列炸物，這間真是不二之選。晚餐的時間，比較多顧客，有時需要等候較長的時間，下午時段就比較少人。同時，下午套餐也比晚餐相宜等多，大概$100-200左右。在店外的豬仔都好可愛。店內坐位也很寬敞，加上有大玻璃窗，自然光的照明也很舒適。這裡和日本一樣，在點餐後會送上芝麻，需要自己磨、飯和生菜都是無限添加。另外，除了豬扒醬、還有柚子醬和紫菜醬搭配生菜。人氣之選 - 吉列豬扒定食外脆內軟，肉質非常好，而且肥瘦比例適中，所以咬落好軟。入口有濃濃的豬味又帶點油香。果然是必試口味。滑蛋豬柳丼配吉列大蝦首先滑蛋豬柳丼份量十足，豬柳肉比豬扒更軟身和嫩滑，但是肉味會比豬扒弱。同時，豬柳較厚身一點，口感會更豐富。蛋炒得很滑，一口滑蛋一口豬柳，實在不錯。較濕潤的滑蛋減少了吉列乾燥的感覺，更容易入口。吉列大蝦好大隻，外層脆卜卜，裡面是滿滿的蝦肉，鮮甜可口。搭配他他醬絕對是一流。餐後，會再上熱茶和生果消除油膩感。好滿足的一頓午餐。…查看更多

一直對日式吉列豬扒念念不忘，很想吃到質素好的，所以選定了丼吉，用OpenRice訂枱時留言希望坐窗口位，當天餐廳都有安排到真好，因為坐位多以卡位，還有麻布簾遮住很有私隱度，窗外是九龍公園綠油油的風景，陽光普照令人特別開懷。午餐有定食、烏冬、蕎麥麵及丼飯選擇，價錢由$98-138，我們就選了兩個吉列定食，其後，店員就送上一碟滿滿的椰菜絲，可以配餐廳自製的紫菜汁和柚子汁，紫菜汁有點像中式的蔥油香濃惹味，開胃消滯一解油膩感。另外，也有炒香了的芝麻，讓食客用陶瓷做的磨，慢慢磨細再加入豬扒醬汁，等一會兒用。吉列漢堡、吉列大蝦伴豬柳定食$138，吉列豬扒定食 $138午餐很快就送上，托盤上有主菜、麵豉湯和酸菜，厚切的吉列豬柳炸得非常鬆脆，肉質也很淋十分讚賞！大蝦彈牙，也吃到有一點蝦膏，也不會是霉壞了的一種，可是蝦腳有點變黑，不是太感吃。漢堡弄得很軟熟，配外層的吉列脆口感挺不錯。我最喜歡的還是粒粒飽滿白飯粒，為整個午餐加分！最後，餐廳部分店員談吐上不太友善，感覺不太好吧，所以未能給個好評。丼吉日本吉列專門店餐廳星期一至日: 11:30-15:00, 18:00-22:30地址: 尖沙咀彌敦道100號The ONE 4樓L401舖電話: 26680282分店: 尖沙咀、中環、銅鑼灣、沙田、元朗…查看更多