丼吉日式吉列豬排專門店 (形點 I)

元朗形點開咗之後其實進駐咗好多食肆，我就揀咗呢一間食吉列豬扒嘅餐廳試吓。😎😎😎呢一個係吉列豬扒定食，我覺得佢嘅吉列豬扒都做得幾不錯喎，豬扒肉質厚但係都好嫩口，而且都炸得好鬆脆，熱辣辣上枱，香噴噴正呀！另外，佢仲有一個椰菜絲🥬🥬🥬，椰菜絲係可以任添的，亦都有柚子醬或者係紫菜醬汁可以加落去食，好美味呀，呢一份吉列豬扒再加埋椰菜絲一齊食，一啲都唔油膩！👍🏻另外每一份嘅定食，都會跟一個芝麻😋😋，如果鍾意芝麻味嘅朋友不妨磨好過芝麻，然之後加佢嗰個豬扒醬一齊沾豬扒食🍽，我覺得香口好多啊。🍱定食份量充足，而且炸豬扒亦都幾唔錯，大家經過可以去試吓。…查看更多

一個中咗大伏嘅星期日🥲🥲🥲*吉列豬扒定食($149)賣相好得，不過真係得個樣… 豬扒極多肥膏，店員話豬扒肥係正常嘅，但係差唔多一半都咁肥，真係咁都叫正常咩🙂？豬扒本身冇咩味，另外提供嘅醬又極鹹，點少少鹽勉強入到口，唯一比較可取嘅係非肥膏部份肉質ok… *吉列大蝦豬柳伴咖喱奄列飯($156)咖喱係凍嘅🙂🙂🙂🙂🙂用咗幾分鐘影相，唔明點解啲咖喱汁可以凍曬，不予置評🙂定食碗湯鹹到懷疑人生，成餐飯真係唔知發生咩事，最好味應該係杯茶同埋西瓜🤷🏻‍♀️ 另外可以自己磨芝麻整醬汁幾有趣，建議可以俾多幾碗芝麻，食到嬲嬲地嘅時候磨兩下發洩都好💁🏻…查看更多

今日行到超攰，因為太耐冇着個高踭鞋🤦🏻‍♀️🤦🏻‍♀️所以忍唔住去買左對拖鞋🤷🏻‍♀️🤷🏻‍♀️🤷🏻‍♀️本來諗住行落元朗啲街仔搵大排擋食🙆🏻‍♀️但無奈腳真係太痛喇🥺 之後就見到呢一間吉列炸物店都排咗幾多人😳 所以就諗住入去試吓等咗大概15分鐘就已經有位👍🏻👍🏻 店舖入面好乾淨👍🏻👍🏻👍🏻讚咁我哋就叫咗一個吉列豬扒同埋吉列炸蝦+蠔定食一落完單，職員就攞咗一碗芝麻俾我😳佢就解釋我要自己磨左啲芝麻佢 然後再加入豬扒汁 用嚟點豬扒一齊食😍😍😍 另外枱面上面仲有兩種汁 柚子汁同埋紫菜汁 都係用嚟點椰菜食嘅（椰菜我係任加嫁！）我去澳洲以前 其實我係唔鍾意食吉列既野🌚 但係呢一間佢係超級脆 而且佢一啲都唔會有油淋淋 我最就係錦🤦🏻‍♀️🤦🏻‍♀️ 之後馬上就同男朋友講下次一齊去食🙆🏻‍♀️🙆🏻‍♀️🙆🏻‍♀️😍…查看更多

為慶祝結婚一週年紀念，同老公揀左黎呢度食飯。一直都去開尖沙咀彩星集團大廈分店，但發現嗰間停止左網上訂位，就轉移黎元朗分店試試。當日人唔算多，不用排隊就可以入座 (*此分店也不設網上訂座)。元朗分店與尖沙咀分店相比之下細左至少一半，亦因此感覺到比較無私人空間。(尖沙咀分店都會有簾可以分隔走道空間 & 用餐空間)。不過相對之下就感覺到店員的服務就比較快。**餐具 & 擺設**點餐後，店員先送上白芝麻，教我地點樣磨碎，然後加豬扒醬汁。**醬汁**枱上面有3樽不同既醬汁供客人選擇，左邊係柚子汁，右邊係紫菜汁，兩款都係for食生菜絲用。中間嗰樽就係豬扒醬汁，倒入磨碎後既白芝麻即可點取食用。我地點左晚餐MENU的吉列豬扒定食和吉列大蝦生蠔定食。餐入面包含: 前菜 (小食)，主食，白飯，麵鼓湯，餐後水果。**餐點**餐廳幫我地將2個餐既主食合埋一般上菜，咁就慳返好多位**前菜(小食) - 三文魚刺身** (4/5分)新鮮肥美，唔會有雪味，蠻不錯。**主菜 - 吉列豬扒 & 吉列大蝦生蠔**豬扒感覺細塊左少少，大蝦同生蠔就同之前食過既一樣正常size。**隨餐醬汁**黃芥末醬 (for豬扒) 和他他醬 (for海鮮)。**吉列豬扒** (3/5分)配上白芝麻豬扒醬，肉比較實，有咬口，但醬汁味道略鹹一點。**吉列生蠔** (5/5分)上菜時，店員仲建議我地盡快食左生蠔先，因為凍左就無咁好食，好貼心！蠔好creamy，唔鯹，加上外層サクサク，外脆內軟，好味道！**吉列大蝦** (4.5/5分)海鮮類炸物都配他他醬。蝦彈牙，外層唔會好厚，加上佢地既他他醬！酸酸地好開胃。btw 佢地既他他醬真係好好食!! 好想問有無得買XD。點蠔又得，點蝦又得，連配飯都好好食。結果唔夠食，問店員refill左一次**生菜絲配紫菜汁** (4.5/5分)其實生菜絲係我揀返黎丼吉食飯既主要原因。實在太掛住佢地既紫菜汁啦紫菜味好香，配埋脆口既生菜絲，平時唔中意食菜既人都一定唔會抗拒。相反，今次啲柚子汁比較酸，食到後尾 / 食太多就開始覺得唔好食。總括: 1) 食物質素中上，但相比尖沙咀兩間分店還是略遜一籌  (4/5分)2) 店員服務很不錯，上一枱客人用餐後會馬上抹枱消毒 (4.5/5分)3) 環境 / 乾淨程度有可以改進的空間，因為醬料瓶有黏手 (3/5分)…查看更多

落完單店員就俾左個芝麻我地磨，磨完加豬扒汁點吉列豬食，好香芝麻味。吉列豬扒炸得香脆鬆軟，有少少肥肥地，唔會覺覺好油膩，好正🤤麵豉湯都算足料～吉列豬柳有少少「鞋」，豬扒比較好嫩同好食。吉列生蠔就夠大粒，無縮水，唔錯唔錯♥️鍾意點蠔個沙律醬，之後我都用佢黎點吉列豬，味道都好夾！左右兩個汁係加落菜度食的，酸酸地好開胃~梳打正正常常，無咩特別。見佢會員有得加$8飲青汁。整體而言，啲野食係好味道的，係偏貴一點，環境舒服😌…查看更多

這家吉列專門店外裝潢了一隻小豬，被可愛小豬吸引了目光，便入座試試。店內以簡約風配合櫻花點綴為佈置，感覺舒適。餐桌上備有三種醬汁以配合食材: 西柚汁、豬扒汁、紫菜汁。另有一份秘製芝蔴醬資料，定食的白飯及椰菜絲可無限添加，確是少有的基本服務吉列豬扒定食($178)定食包含 (1) 自製醬汁: 先將店員所提供的芝蔴在碗內慢慢壓碎，再加入豬扒汁拌勻即可; (2) 開胃的漬物; (3)鹹味適中的麵豉湯 ; (4) 吉列豬扒份量十足，豬扒厚切，炸醬薄而不膩，以椰菜絲盛起，溫度適合入口，外層鬆脆內層肉質軟滑鮮嫩，豬扒本身沒有刻意調味，只能靠自製醬汁提昇味道 ; (5) 白飯一碗，米粒軟綿; (6) 生果十勝豚肉石燒飯定食($128)豚肉薄切，肥瘦適中，與洋蔥、蔥及芝蔴的基本組合一起進食可提昇豚肉鮮味。白飯在已預熱的石鍋內，可保持溫度之餘，亦慢慢形成薄薄的飯焦。定食+$42 額外添加一客油甘魚刺身，刺身呈現淡粉紅色，厚切，解凍處理得不錯。由於魚肉脂肪偏低而令口感充滿水份，這都是油甘魚的特色凍巨峰提子梳打(定食+$18)， 清涼中帶有甜味。熱杞子紅棗蜜($28)，杞子份量足，非常滋潤。定食奉送生果，是次奉送的西瓜爽甜冰涼。在所有食物奉上後店員會主動給予一杯新的熱茶，亦是另一少有的基本服務從餐牌可見，食物種類繁多，烹調以保留食物原味為基礎，配上合適醬汁提昇整體味道，若是醬汁愛好者，不妨一試。在定價方面，未能做到大眾化水平，若是非常喜愛吉列炸物、刺身或酒類食品，可考慮專門店的會籍，以享更多優惠。…查看更多

星期日，唸住同女友行下商場，咁就揸車去yoho 啦，咁商場都有好多車位，唔洗等好耐就有位啦，值得一讚，咁泊完車就搵野食啦，女友話想食日本野wor,咁就去e間啦！兩點左右，唔洗等位，職員好快就安排入座啦，咁我地就望下個餐牌先!跟我地就望下個精選定食餐牌啦，餐牌內容非常豐富，有雞扒，豬扒，吉列蝦，魚生定食等啦，重有飯有烏冬，我地都選擇左好耐，我就選擇左該店招牌菜吉列豬扒啦，而我女友就選擇左滑蛋雞扒定食，餐飲就一杯梅子梳打同埋熱咖啡啦。店員服務都好好，一坐低就會為我們奉上茶同埋好清楚咁樣解釋旁邊三款醬汁用途，中間果個係用黎點吉列豬扒呀！而旁邊兩個係用黎點椰菜絲，分別係酸少少嘅柚子汁同埋紫菜汁。非常好。之後店員就攞左個芝麻，話係加埋d豬扒醬黎點豬扒食呀！我一路蘑d芝麻味係咁撲埋黎，真係愈來愈肚餓呀！梅子梳打，甜度剛剛好，而且份量十足，好有酸味，好鮮渴!首先黎嘅係我女友點嘅滑蛋雞扒定食，有一碗飯，一碟椰菜絲同埋麵豉湯，麵豉湯有水汁，足料，底都好多豆腐粒，而椰菜絲都好新鮮，唔會話唔新鮮變黃，咁我女友就落左d柚子汁，佢就話d味好夾，酸酸地好開胃，而我就試左啖都ok呀！咁住就食個飯啦，首先就食雞扒啦，雞扒好滑，都有雞味，而且唔會話有雪味，個d飯就有d滑蛋，另外重有d醬汁，配合埋佢地嘅日本珍珠米，真係好夾，我真係好少見我女友大啖大啖咁食，佢食得開心我就放心，哈哈！咁跟住就係我個吉列豬扒定食登場啦，定食都係包括一個麵豉湯，吉列豬扒，一個開胃酸菜，白飯，店員都係好詳細咁樣解釋點樣食法，真係好用心，加一抵俾啦！咁我就飲湯先啦，湯都係一樣啦，而今次椰菜絲我就試下隻紫菜汁啦，都係一樣咁夾，幾好味，到主角出場啦，吉列豬扒，吉列豬扒感覺上都係過左少少時間，豬扒硬落去都有少少 韌，但係都好夠豬味，d醬份量都上得剛剛好，唔會太厚，而且好有口感，而相中亦都可以好清楚咁見到d肉汁，最後都成碗食晒啦!食晒之後就上咖啡啦，咖啡望落去就無咩特別，面層就一陣陣咖啡油都無，我女友就話比較淡口，我唸應該將個份量再調番濃d啦！甜品西瓜，無問題，食完之後總結係店員培訓非常好，食材都好有質素，價錢可能會覺得貴少少，但係性價比就合理，會再黎呀！…查看更多