黑布小巷 (黑布街)

💛 黑布小巷 (旺角) 💛.記得科勞  ٩(˃̶͈̀௰˂̶͈́)و些些！..............................呢間小店係無座位嘅 喺條街食有啲狼狽😣不過真係行過都會聞到佢地煎豬扒勁香！.🔅想知黃店原因請Dm💛..............................🍽台式肉蛋芝士吐司 $55（👏🏻8.5/10）.一打開個吐司就哇咗聲 好吸引呀睇落🤩一路等已經覺得香到癲 我忍唔住啦影完即食！店員非常有禮貌 抵讚！同埋有手套提供架( ^ω^ )吐司唔算烘得好脆 豬扒唔算大塊 唔係啖啖都食到但塊豬扒帶啲焦香同脂肪位 好好食呀痴線( ´▽｀)煎蛋中和咗芝士嘅鹹味 好滿足呀食到🤤兩個人share一份就啱啱好 如果唔係會膩😳覺得CP值唔算高 但有機會我會再去食🥰...............................🎈 黑布小巷 (旺角)旺角黑布街104號地下D號舖🎈黑布小巷 (葵涌廣場) (葵芳)葵芳葵富路7號葵涌廣場3樓摩登世界26號舖..............................…查看更多

估唔到黑布小巷會送過嚟科學園！好開心呀！一定要叫嘅當然系台式肉蛋芝士吐司🍞🤤🤤一打開個袋啲芝士醬已經湧哂出嚟！超！級！正！雖然系外賣，但麵包保持到乾身！雞蛋🥚同芝士加埋甜甜咸咸！好夾！另外重點咗黑豆蕎麥薏米茶！好飲！黑豆、蕎麥、薏米都有淡淡嘅香氣！😆😆下次要親身去幫襯先！p.s 一定要贊下司機非常準時 12點15前就到！重有whatsapp提醒⏰然後晚上又有問返我哋意見！🥳🥳你哋真系好好👏🏻👏🏻👏🏻要繼續努力呀！！！黑布小巷地址: 旺角黑布街104號地下D號鋪電話: 92287113…查看更多

係旺角呢個地方就唔會有餓親既機會，不過能唔能飽得黎又食得到好味既野，就要識得揀喇!今次走入黑布街，揀左呢一間望落唔起眼既小店，一試就知龍與鳳喇佢係一間以外賣為主既小店，即係如果你介意係條街度食又或者行程上唔方便外賣食既，咁就要留意返!我就唔多中意係街食既，不過又咁岩因為今次行程上可以安排得到，所以就可以買去酒店食喇!-台式肉蛋芝士吐司 (美國大草原穀飼豬扒+半熟流心蛋)首先要講一樣野，食呢個流心蛋吐司，真係唔可以係街食，因為入面真係爆汁!!!!!!!一打開，d蛋汁同d芝士已經mix埋左一齊，好邪惡呀吐司唔係用厚身既方包，不過個豬扒就好厚喇，而且一d都唔乾身，夠味芝士同蛋汁已經混為一體俾個麵包吸晒，咬落口啖啖都係汁，淨係食個包都開心呀!-冷泡茶系統 凍頂烏龍茶正正常常既烏龍茶，無糖既，食完個咁heavy既包用黎解下係唔錯既另外見佢有好多自家制養生茶，有時行過都可以買黎試下，都係無糖嫁!-食物質素︰環境︰不適用價錢︰回味指數︰…查看更多

本身想食午餐間餐廳好多人排隊，所以諗住食少少野醫下肚仔先，再去食個間。我醒起旺角最近新開左間台式吐司小店，好適合只係需要食少少野又唔飽既我地，一於起程。黎到都有唔少人，我地決叫一份台式肉蛋芝士吐司share食。落左單等左十分鐘左右就拎到手。呢間主要做外賣生意，係巷仔有少量座位俾你堂食，但環境當然就唔多好啦。台式肉蛋芝士吐司索價$53，吐司烘得好脆，夾住一塊薄薄既豬扒，流心蛋同芝士。賣相好吸引，醬汁甜甜地，幾好食。流心蛋好正，但會流到周圍都係，芝士溶溶地，好邪惡。不過雖然好食，但我覺得定價太高。…查看更多

經過旺角呢間小店，有芋圓又有吐司，兩樣我都好鍾意食😍見到個餐牌有咸蛋肉鬆芋泥球，即刻叫咗一個，等緊嘅時間，我又諗諗吓既然自己咁肚餓，不如食多一份台式肉蛋芝士吐司當午餐食，再叫多一支桂花烏龍茶。由於所有食物都係即時製作，所以飲一邊等一邊嘆啖桂花烏龍茶，支烏龍茶好清香，唔澀，入口順滑，唔錯！我最期待嘅咸蛋肉鬆芋泥球新鮮熱辣送到嚟枱面，芋泥球大約一個手心咁大嘅size，咬落有少少甜味嘅芋泥，再加上埋肉鬆及咸蛋嘅鹹味，出奇哋好夾！食完嘅同時，嗰份吐司嚟啦！撕開份吐司後，入邊啲蛋汁流晒出嚟，咬第一啖後，滿口都係芝士香味，加上入面有少少甜味，我估搽咗美乃滋醬，夾住一塊薄薄嘅豬扒，好有驚喜呀！好似去咗台灣食台式吐司嘅味道，勁滋味！不過食咗半份後，我發覺芝士味太重又鹹，蓋過哂入面嘅美乃滋醬味，下次都係唔好加芝士好啲！同行嘅朋友就揀咗黑松露芝士飛驒牛竹炭包，一口咬落去個竹炭包面好脆，加上黑松露香味簡直刺激味蕾，漢堡扒好多肉味，唔錯，幾足料！芋圓甜品好吸引我，忍唔住叫咗一碗蜜芋頭撈三色圓，午餐食甜品簡直係好crazy🤪!熱辣辣嘅芋泥加一舊舊嘅芋頭，甜味啱啱好，唔會太甜。所謂三色圓分別有黃色地瓜圓、紫色地瓜圓同埋芋頭圓，咬落好煙靭，好Q呀！雖然黑布小巷有堂食，只係喺冷巷放幾張枱，但仍然好多人喺度等位堂食，有啲叫外賣，香港少有嘅台灣風味小店，味道不錯，店員有禮貌，日後我會繼續大大支持你，加油💪🏻香港🇭🇰小店！…查看更多