刈Bao台式創意小食

.📍刈Bao台式創意小食📍 #饅頭去葵芳 #饅頭食台灣菜 #饅頭的掃街系列 #饅頭食麵包------------------------------1️⃣古早味腩肉刈包 ($35)新鮮整起♨️，但熱得嚟仲攞得上手。刈包係長橢圓扁形，size同拳頭差唔多大，包皮好薄；口感有啲似鬆軟版冇咁乾嘅饅頭🧐，有啲軟韌同回彈力；味道就甜甜地，有啲似用嚟夾扁皮鴨嘅潤餅🌯，夾住咗塊用滷水煮嘅大腩肉🥩，吸哂啲醬汁同油脂。腩肉肥肉部份偏多，煮得軟淋入味👍🏻，好易咬開，肥膏嘅部分入口即化，油脂香散發曬出嚟。刈包中間仲有生菜🥬、爽口嘅酸菜同醃蘿蔔，同甜甜地嘅滷水汁鹹酸甜交雜，面頭灑上花生碎🥜，豐富下個口感，整體都唔會話好油膩，味道上絕對合格。但係我覺得醬汁唔太香濃🙁，而且可能係個人口味問題，我覺得成個味道配搭有少少麈歸麈土歸土嘅感覺😅，加上份量唔大，呢個價錢我覺得唔太抵食。------------------------------◾包體：3.5/5◾內在餡料：3.5/5🔸整體評分：7.0/10🔸小編回頭率：6/10…查看更多

古早味腩肉刈包$32好味指數：😋😋😋😋抵食指數：💲💲💲💲環境衛生：🧹🧹服務質素：💁🏼‍♀️💁🏼‍♀️推介原因：黃店。包鬆軟，中間夾著生菜、花生碎、腩肉。腩肉醃過再烤，再淋上很多秘製醬汁，所以不會有乾身感覺。此店亦有售台式小食如香芋地瓜球、鹽酥雞等，下次再到訪會試試這些小食。…查看更多

葵廣出名多嘢食～今次試左刈包🤩見佢個名得得意意～又唔識讀就走去試下😂（讀音：艾） 古早味腩肉刈包刈包夾住舊大大腩肉～令到舊腩肉一啲都唔油膩👍🏻腩肉吸哂啲醬汁好juices 😋刈包有啲似厚厚厚身 用嚟夾扁皮鴨嘅潤餅～如果鍾意食潤餅嘅人就一定好鐘意食刈包😋鹽酥雞配花枝丸台灣小食又點少得鹽酥雞😝即叫即炸嘅嘢一定好食！ 冇得去台灣食住台灣小食止下癮先！…查看更多

無錯，又係台式小食🤣 不過今次仲有之前未介紹過嘅刈(讀音：艾)包😋 好耐之前喺台灣食過一直念念不忘，估唔到葵廣都有！•🥢 古早味腩肉刈包 $22刈包細細個，同拳頭差唔多大，外面嘅包係似饅頭嘅中式包，不過口感更加鬆軟同埋唔乾～配料有醃蘿蔔片、豬腩肉、肥肉、辣菜脯同生菜，個汁係辣辣地，成個配搭都幾夾，雖然有舊肥肉，但份量唔多，所以食落唔會好膩～😋•🥢 綜合自由拼(甜不辣+香酥杏鮑菇) $34兩個嘅炸皮都唔厚，調味粉(食到椒鹽同孜然)適量同均勻，唔會好鹹，不過有啲啲油。甜不辣係薄薄一片片，好煙韌彈牙🤩；杏鮑菇好juicy，不過同炸皮有啲分離，一咬就會分開左。…查看更多

葵廣小食店 刈Bao台式創意小食主打台式小食 除左熱賣既刈包 台式鹽酥雞 仲有多款夜市小食 去唔到台灣 都算係可以止下癮▪️古早味腩肉刈包 (單點$22 配餐$34)刈包有四款口味可以揀 肥仔緊係揀古早味腩肉肥膏位入口即融 肉質入味軟冧唔油膩刈包質地鬆軟帶咬口面頭灑有花生碎 中間夾有爽口酸菜酸蘿蔔 同甜甜地既醬汁 甜鹹酸交雜 口感味道豐富 走偏甜既路線 如果份量可以再大啲就好啦▪️黃金芋泥球 (跟餐小食)外層炸皮薄薄一層 炸得好脆 內𥚃包滿芋泥蓉 口感煙韌軟糯 食落唔太天然 但勝在甜度適中帶芋香 黃金同芋泥其實幾夾 可惜份量偏少▪️甘梅地瓜條 $25地瓜條大大條 厚切足料 份量十足 外皮炸得好脆 又唔會太油膩 內𥚃足料軟腍 入口啖啖地瓜香甜 外層灑滿甘梅粉 酸度岩岩好 食落清新之餘 又可以減減油膩感▪️甜不辣 $25甜不辣夠晒Q彈 質地煙韌 外層灑有孜然粉 略嫌調味有小小單調整體而言 價錢唔貴 想念台灣夜市小食既時候 可以一試 刈包同甘梅地瓜條都幾唔錯…查看更多

葵涌廣場是一個久不久就會朝聖的地方。小店林立,每次去到都會搵到新驚喜。尤其最近政府的表現,另人更積極支持小店。一入到三樓的TOP世界,顏色立場非常鮮明。一開始被色彩繽紛的門面吸引小店主力推介特色刈包, 刈包小食應該在葵涌廣場只此一間古早味腩肉刈包-是小店的招牌菜一直以來其實我都好怕食豬腩肉,但小店完全將我的想法改觀細小的刈包夾上厚肉香軟的豬腩肉豬腩肉被滷水汁煮至入口即溶,完全沒有油膩感再配上花生碎及椰菜絲,在軟錦的口感中增加一點爽脆感。板娘的推薦下叫多一個小食併盤-薯花+香芋地瓜球以薯花作基本再自己揀選其喜愛小食。薯花即是把薯蓉用忌廉擠成花形再雪凍再炸炸薯條薯格就食得多,如此脹滿的薯蓉球真係第一次食。 再配上日式燒汁及沙津醬增加酸味感看似簡單的小吃其實亦看得出中間用了很多心機去研究配搭。老版娘笑容非常親切,定必再幫襯…查看更多

又到星期六同媽媽行街街嘅日子，去咗細個成日去嘅葵芳XD，呢到真係好正，因為比起旺中更平民更MK！如果講要掃街，食小食，真係葵廣敢認第二，無場敢認第一😎。3樓真係超多人，成個迷宮咁，周圍都係食物同人。我哋捐窿捐罅，喺TOP嗰邊入面有條街全部都係小食店，轉角位有間勁養眼嘅舖頭，無他嘅因為有成大幅連儂牆，差啲連舖名同餐牌都遮埋😝。另一邊就有好多食物圖片同雪櫃，樣樣都好吸引，好想食🤤，加上台灣食物連我媽都啱。由於餐廳名叫刈bao，就一於試試招牌菜吧XD。我見就見得多，但食真係第一次，同埋我而家先知刈包係讀「掛包」，而唔係「劉包」🙈。刈包又名虎咬包，饅頭包膜夾住唔同嘅餡，有6-7款選擇。$18/1個，$30/2個，所以我哋一人叫咗一款。古早味腩肉刈包，呢個可以講係原味吧，包膜內包住一塊豬腩肉🐷，花生碎、辣菜甫同生菜等！成個組合食喺嚟超夾，但有少少辣🌶，而且新鮮整起，個包包熱辣辣超鬆軟呀😋。手撕牛刈包，呢個包就夾住滿滿嘅手撕牛肉🐮，上面再搭幾粒紅薑點綴。咬咗一啖我就上癮了，因為啲牛肉好正好入味，雖然係一絲絲，但完全唔鞋口，連埋個包食一流。由於好食😋嘅關係，會覺得個包包比較迷你，唔夠喉。另外，我哋都要咗一份綜合5號($30)，即係有鹽酥雞同香芋地瓜球，份量唔算多，勝在熱辣辣炸起。鹽酥雞🐔個炸皮唔會太厚，所以食到大啖雞肉，食得出有啲孜然粉味，但味道相對都係比較清淡，我自己就鍾意食濃味少少。至於炸香芋地瓜球就有3粒，外脆內軟，QQ口感，甜甜的，唔錯😛。總括嚟講，呢間小食店都幾好，主打台式小食，但唔係剩係得鹽酥雞/大雞扒咁單調。而作為小店名字嘅刈包就真係好出色，特別係佢哋唔止古早味一款，推介手撕牛🤤，再加上呢到嘅刈包係迷你版，所以可以一次食多幾款口味。老闆娘斯文有禮，會問我哋有無乜想食，簡單介紹下。呢日嘅軟腳蟹賣哂😭，如果唔係都想試下。環境就比黃黃嘅氣氛包圍，但有啲熱，應該係商場問題🙈，呢間小店喺轉角位，相對大小小，所以都有張高枱方便立食。最後，小店加油💛。…查看更多

葵涌廣場3樓出名係美食天堂 不過 唔係個個人都知佢哋3樓有條「為食街」入邊好多都係良心黃小店 🖐🏾👩🏼‍🦰作為香港人嘅我一定要支持 呢間特色台灣小食 我都唔係第一次嚟幫襯 次次食都咁好味😋 必點推介 一定係佢個招牌刈包 ☝️「古早味腩肉刈包」餡料層次非常豐富 🤩 $20可以食到一個咁高質素嘅包 可以去邊度搵？ 👏🏽☺️ 係咪抗通脹嘅食物？除咗有塊超肥美嘅腩肉，入邊仲有好多唔同嘅配料 花生碎、葉制白蘿蔔、辣菜寶、仲有其他...加埋佢哋嘅秘製醬料，食落去淡淡驚喜！🙈掃街都可以掃得咁高質😂🤣 你要為腩肉唔啱你胃口咩，佢哋好似有六七款口味刈包💡🥰😋 正！…查看更多

間唔中都會嚟葵廣掃街，淨係一個3樓已經夠你食上大半日😋😋除咗出面林林總總嘅小食店，TOP世界入面堪稱3樓嘅新世界兼世外桃源特別係作為一個真正嘅香港人，入到嚟率先被一段彩虹memo連儂路所震撼及感動😍😇今次就停留咗係呢間夠晒「黃」嘅刈包🐷一邊品嘗小食一邊細味小店風情★★★★★古早味腩肉刈包 $18@1 $30@2非常具台灣特色的招牌刈包有豬腩肉、花生糖粉、菜脯、生菜絲、酸蘿蔔，包食落感覺鬆軟裡層嘅腩肉用秘製醬汁腌製再慢火煮4個鐘，相當誠意製作咬落口感非常香濃軟淋，肉質肥瘦有致，食落完全唔會覺得太肥膩再配上酸蘿蔔，生菜甘筍絲等，夠健康又能去肥膩感★★★★麻辣雞刈包 $18@1 $30@2好微的辣度，不常吃辣的人都能接受到雞肉嫩滑juicy，配上特別醬汁夠晒惹味包身索滿麻辣雞d醬汁，食落唔會乾身再佐以生菜絲等同樣十分搭配★★★★綜合5號(鹽酥雞+香芋地瓜球) $30鹽酥雞炸得非常香脆，炸粉薄身，雞肉滑溜再灑上椒鹽調味，簡簡單單又酥香地瓜球新鮮熱辣辣，炸得外脆內軟，小心一咬開，熱辣辣嘅香芋味撲鼻而來😻咬感偏地瓜嘅香脆軟糯，食落更偏濃厚嘅芋頭香芋泥夠晒足料，整體酥脆香甜，高質！★★★★★黑松露醬薯花 $25薯花係將薯仔壓成蓉再炸，賣相整成扭紋花咁更吸引份量仲好多tim！表層炸至微微香脆，內裡薯蓉夠晒軟綿香滑，完全唔會乾最正係佢俾好多黑松露醬🤩更香更層次食完駐足細味連儂墻片刻，亦可親自寫寫畫畫一張雖說微不足道亦算是可表達身份認同的小小途徑💛另仲有大大小小的精美卡片可取繼續加油，一起堅守信念走下去刈Bao台式創意小食整體評分★★★★★地理環境★★★★葵廣旺場位置小店只可立食，非常熱鬧服務★★★★★老闆同員工都非常nice非常熱情，主動介紹各種美食影相打卡時仲留意到我影緊幫我擺靚d位😳💕食物★★★★人流較多，等候時間會稍長但所有食物都是即叫即製，能保持良好質素水準👍🏻種類亦包羅萬有價位＄價錢相宜，CP極高…查看更多

🤤今次搵食黎到葵廣既三樓，比我地發現一間好有特色嘅台式創意小食店，仲要係真港人黃店推介😎，唔係唔試嘛?💛🇹🇼小店叫刈Bao台式創意小食 ，咁梗係同刈包有關啦，佢地古早味腩肉刈包非常地道，加入左豬腩肉，花生糖粉，生菜及酸蘿蔔，足料又好食👍🏻跟住我地仲試地嘅創意小食，好味得黎真係連台灣都未見過架😳😳當中就包括左鰻魚王玉子饅饅，用炸饅頭包住燒鰻魚同玉子，日台fushion估唔到咁夾，岩哂鰻魚控嘅我地😍😍😍 (P.S 佢仲好多款，好似軟殼蟹同手撕牛，大把選擇XD)另外仲有一兜薯花‧辣茄芝士味，係炸到非常鬆脆嘅薯蓉波加上辣茄芝士，辣同咸岩岩好，一淡一粒，真係幾正😋😋👍🏻仲甜品小食，牛乳雪花糕，嫩滑雪花糕加上滿滿既椰絲，甜得黎又唔太膩☺️😳🥤野飲方面呢間小店都有供應好多款，我地就試左老闆推介嘅青蛙下蛋，係台灣特色，老闆仲加左奇亞籽、檸檬同黑糖啫哩，清甜又夠潤，非常好飲🤩🤩總括黎講，野食選擇多夠特式，又好味，價錢仲唔算太貴，新店都甘串，大家得閒記得黎懲罰下佢啦😎😌…查看更多

那年去台北遊行，由當地朋友帶去路邊攤吃刈包，自此一吃難忘。今天被筆者發現葵涌廣場開了一家刈包店。除了刈包外，還出售其他台灣小食。刈包又名虎咬豬，是台灣特色小吃之一。「刈Bao」供應的口味多款，當中有不少新潮口味：白飯魚、麻辣雞等。筆者初來報到，先試最基本口味——古早味腩肉。長橢圓扁形的饅頭，入口鬆軟。中間夾著腩肉絲，腩肉腌得香氣撲鼻，味道略咸，唯配上刈包則剛好。另外還夾有生菜絲和甘荀絲。稍嫌刈包size有點小。試了傳統口味的刈包，也試試較新頴的炸饅頭夾包。炸饅頭面上舖了香酥雞肉、菠蘿和生菜，擠上了千島醬。雞肉炸得脆口惹味，肉質頗滑身；配上酸甜菠蘿後蠻夾的。饅頭炸香後是酥酥的口感，因為加了香酥雞肉，整個吃完後有點飽膩。一份有6粒，都是現點現炸的，所以侯餐時間有點長。但換來的是更好的食物質素，熱騰騰的炸球，咬開時要注意燙嘴。球內是香芋和地瓜蓉餡，2者中相對較重芋頭香，相信會是澱粉質控的喜愛小食。說來可笑，倒是第一次喝青蛙下蛋。原來是粉圓來的，因為煮熟後跟青蛙的卵相像而命名。中間還放了愛玉，入口酸酸的。…查看更多