抗疫已經接近兩年，餐飲業中嘅C及D類食肆可以話恢復得七七八八，起碼打咗針後十二人都可以同枱食飯。嘻嘻，XO仔終於有機會以陪客身份出席長輩安排嘅晚宴
，九月有幸一嚐近期都幾紅吓嘅高級潮州菜館「潮州軒」。因為自己去過前身嘅「張生記」，到步即認得出餐店門面及室內嘅裝潢格局都冇乜大改變，地方依然光鮮企理，大方舒適，環保得絕對有理
。十二人宴席設於廂房內進行，有專人服務，房內有個小偏廳及私人洗手間，私隱度高且衛生非常。餐桌上擺有齊備嘅自用及公用餐具。菜單亦早已訂下。貴客未到齊，先有香口開胃嘅小食送靚酒。
錦繡鹵水鵝拼盆：首道出場嘅鹵水拼盆排得好整齊，有骨嘅掌翼就冇試到，不過鵝片每件都切得好均勻，又夠肉汁，全部都係靚位。舖面嘅鵝肝外表潤澤，其實質素已經算好唔錯，只係細佬喺其他潮州店食過柔軟滑溜得多嘅演繹，難免會比下去而已
。潮州四小碟之髮菜卷：炸至金黃嘅髮菜卷皮層薄到透出黑色嘅餡心，咬落鬆脆乾巧，中間嘅髮菜軟潤芳香，卷物毫不油膩，輕輕點上伴配嘅柚子秘汁即增添一份甜絲絲嘅清新。潮州四小碟之豬頭稷：如果冇聽錯，豬頭稷乃傳統潮州菜，主材為豬頭肉同糯米。第一次食覺得其質感有啲似好多條豬肉乾絲黐埋一齊咁，又乾又嚡又硬
，而且仲好咸，唔係咁啱小肥口味囉
！潮州四小碟之蘿蔔灌章：四小碟中最正就係以腐皮包住蘿蔔絲後煎煮嘅蘿蔔灌章
！點心嘅腐皮外層輕盈巧薄，半透明嘅蘿蔔絲則軟潤甜美，簡單得黎好有驚喜
。潮州四小碟之潮州筍粿：雖然菜單上寫明係「潮州粉粿」，但XO仔都幾肯定面前嘅係「筍粿」
，因為食得出內含粉粿唔會有嘅筍粒。粉綠色嘅筍粿皮煙煙韌韌，但欠缺咗份香口，反而入面嘅韭菜鮮筍豬肉餡好惹味爽脆，就喺輸在煎得未夠火候
。潮州紅燒翅：紅燒翅翅滾住入房繼續煲，並由經理哥哥續一分派，以確保入口時熱力十足！橙美亮麗嘅紅燒湯底鮮美香濃，翅翅亦脆潤滑溜。堂灼響螺片：以示螺片真材實料，大會指定動作梗係要喺轉盤上繞場一周啦
！響螺片明顯比翅翅矜貴，因為堂灼任務要轉交大廚親自出馬
，續片即灼即上枱！記得細細個食過嘅螺片都係薄薄嘅一片，當時更被叮囑要好好珍惜，因為每片都要成幾百蚊架！如相所示，呈奶白色嘅螺片每片都有返咁上吓厚度，由於新鮮灼製嘅時間掌握得恰到好處，微微捲起嘅螺片清甜鮮美，爽潤彈牙
，完全唔韌，不過要千多元一塊聽到都戥主人家個荷包痛痛。鮮蝦水瓜烙：意外地，潮州軒嘅水瓜烙竟然係小肥食過最高質美味嘅版本
！煎至金黃嘅水瓜烙不單厚薄適中，而且一啲都唔油，採用嘅水瓜肥潤香甜，混入嘅鮮蝦份量足，包保每一口都有蝦蝦食，雖然並非什麼名貴菜式，但絕對屬整晚之最
，必吃推介也！三十年老雕蒸大紅蟹：小弟因敏感問題未有進食，眼見兩隻大蟹轉咗唔夠兩個圈已清碟，就連藏於蟹底嘅銀針粉都不見蹤影，相信唔會差得去邊。普寧豆醬焗雞：特色家常名菜豆醬雞嘅芡汁豐沛，以砂鍋上夠哂滾熱辣。靚雞嘅肉質幼嫩無比
，香濃而不膩口，雞皮一切即起，超級軟滑，極品！螺頭煮水東芥菜：用螺頭煲煮嘅水東芥菜腍身得黎仍保持微脆嘅口感，煲中嘅螺頭上湯甜濃中帶有少少辣味，極之暖胃消滯。糖醋二面黃伊麵：單尾薄薄嘅兩面黃金亮橙美，乾巧唔油膩，咬落外香脆內煙韌，黏上醋醋再灑上糖粉更覺鮮香醒胃。甜品環節共有「反沙芋頭」及「清心丸豆爽」兩道，清得靚酒黎XO仔個肚肚當真已食唔落甜品，幸好仲記得影相俾大家參考。「潮州軒」環境高雅，私人廂房尤其闊落舒適，服務優良，食物質素屬中上之列。十二人盛宴中以幾款家常潮州小菜最有特式同驚喜，最令小弟吃驚反而係得悉當晚每人平均消費接近三千元；講真有翅翅同螺片食都知唔會平，不過真係冇諗過價格會咁星級囉！…查看更多
，九月有幸一嚐近期都幾紅吓嘅高級潮州菜館「潮州軒」。因為自己去過前身嘅「張生記」，到步即認得出餐店門面及室內嘅裝潢格局都冇乜大改變，地方依然光鮮企理，大方舒適，環保得絕對有理。十二人宴席設於廂房內進行，有專人服務，房內有個小偏廳及私人洗手間，私隱度高且衛生非常。餐桌上擺有齊備嘅自用及公用餐具。菜單亦早已訂下。貴客未到齊，先有香口開胃嘅小食送靚酒。錦繡鹵水鵝拼盆：首道出場嘅鹵水拼盆排得好整齊，有骨嘅掌翼就冇試到，不過鵝片每件都切得好均勻，又夠肉汁，全部都係靚位。舖面嘅鵝肝外表潤澤，其實質素已經算好唔錯，只係細佬喺其他潮州店食過柔軟滑溜得多嘅演繹，難免會比下去而已。潮州四小碟之髮菜卷：炸至金黃嘅髮菜卷皮層薄到透出黑色嘅餡心，咬落鬆脆乾巧，中間嘅髮菜軟潤芳香，卷物毫不油膩，輕輕點上伴配嘅柚子秘汁即增添一份甜絲絲嘅清新。潮州四小碟之豬頭稷：如果冇聽錯，豬頭稷乃傳統潮州菜，主材為豬頭肉同糯米。第一次食覺得其質感有啲似好多條豬肉乾絲黐埋一齊咁，又乾又嚡又硬，而且仲好咸，唔係咁啱小肥口味囉！潮州四小碟之蘿蔔灌章：四小碟中最正就係以腐皮包住蘿蔔絲後煎煮嘅蘿蔔灌章！點心嘅腐皮外層輕盈巧薄，半透明嘅蘿蔔絲則軟潤甜美，簡單得黎好有驚喜。潮州四小碟之潮州筍粿：雖然菜單上寫明係「潮州粉粿」，但XO仔都幾肯定面前嘅係「筍粿」，因為食得出內含粉粿唔會有嘅筍粒。粉綠色嘅筍粿皮煙煙韌韌，但欠缺咗份香口，反而入面嘅韭菜鮮筍豬肉餡好惹味爽脆，就喺輸在煎得未夠火候。潮州紅燒翅：紅燒翅翅滾住入房繼續煲，並由經理哥哥續一分派，以確保入口時熱力十足！橙美亮麗嘅紅燒湯底鮮美香濃，翅翅亦脆潤滑溜。堂灼響螺片：以示螺片真材實料，大會指定動作梗係要喺轉盤上繞場一周啦！響螺片明顯比翅翅矜貴，因為堂灼任務要轉交大廚親自出馬，續片即灼即上枱！記得細細個食過嘅螺片都係薄薄嘅一片，當時更被叮囑要好好珍惜，因為每片都要成幾百蚊架！如相所示，呈奶白色嘅螺片每片都有返咁上吓厚度，由於新鮮灼製嘅時間掌握得恰到好處，微微捲起嘅螺片清甜鮮美，爽潤彈牙，完全唔韌，不過要千多元一塊聽到都戥主人家個荷包痛痛。鮮蝦水瓜烙：意外地，潮州軒嘅水瓜烙竟然係小肥食過最高質美味嘅版本！煎至金黃嘅水瓜烙不單厚薄適中，而且一啲都唔油，採用嘅水瓜肥潤香甜，混入嘅鮮蝦份量足，包保每一口都有蝦蝦食，雖然並非什麼名貴菜式，但絕對屬整晚之最，必吃推介也！三十年老雕蒸大紅蟹：小弟因敏感問題未有進食，眼見兩隻大蟹轉咗唔夠兩個圈已清碟，就連藏於蟹底嘅銀針粉都不見蹤影，相信唔會差得去邊。普寧豆醬焗雞：特色家常名菜豆醬雞嘅芡汁豐沛，以砂鍋上夠哂滾熱辣。靚雞嘅肉質幼嫩無比，香濃而不膩口，雞皮一切即起，超級軟滑，極品！螺頭煮水東芥菜：用螺頭煲煮嘅水東芥菜腍身得黎仍保持微脆嘅口感，煲中嘅螺頭上湯甜濃中帶有少少辣味，極之暖胃消滯。糖醋二面黃伊麵：單尾薄薄嘅兩面黃金亮橙美，乾巧唔油膩，咬落外香脆內煙韌，黏上醋醋再灑上糖粉更覺鮮香醒胃。甜品環節共有「反沙芋頭」及「清心丸豆爽」兩道，清得靚酒黎XO仔個肚肚當真已食唔落甜品，幸好仲記得影相俾大家參考。「潮州軒」環境高雅，私人廂房尤其闊落舒適，服務優良，食物質素屬中上之列。十二人盛宴中以幾款家常潮州小菜最有特式同驚喜，最令小弟吃驚反而係得悉當晚每人平均消費接近三千元；講真有翅翅同螺片食都知唔會平，不過真係冇諗過價格會咁星級囉！…查看更多
