王牌冰室 (南豐紗廠) (已結業)

今(1-1-2020 Wed)朝同老公帶爸爸買波鞋,買完帶佢去11月尾,我哋去過南豐紗廠,嘅Labels Cafe + Bar食晏當慶祝元旦,去到想坐低時,店員話開12:30pm,不過可以坐住先,但熱食要1:00pm至有,餐牌有寫明.我再睇多次,冇咁寫喎.由於爸爸唔會等,咁我哋唯有唔食,就嚟對面呢間,我哋坐一張6人卡位,睇完menu,我要$47.00嘅紫薯汁雞扒拼香茅魚餅意粉,要熱好立克.爸爸原本想叫香煎肉餅蛋飯,但侍應話2:00pm至有,佢就要$49.00嘅鹹魚蒸肉餅飯,飲熱檸水.老公要$62.00嘅叉燒蝦仁炒滑蛋飯,都係飲熱檸水.飲品先到嚟,我杯好立克好甜味道:1.5分然後鹹魚蒸肉餅飯即刻到嚟,見到肉餅係薄薄一層,老公同爸爸話咁係快熟但乾同嚡.我覺得味道正常,但好黐碟.味道:2.3分老公既叉燒蝦仁炒滑蛋飯到嚟,叉燒鬆軟,蝦仁大隻同爽口,蛋係好滑嘅.味道:4.3分我嘅紫薯汁雞扒拼香茅魚餅意粉呢?除咗香茅魚餅嘅味道唔太好,同另一面係煎過龍外,其他嘢都正常;但甜紫薯汁做鹹食,感覺麻麻.味道:2.5分服務:我哋三個人,每人一袋嘢,想坐卡位,但四人嗰啲已經坐晒,唯有坐六人,但年老侍應好緊張咁問我哋幾多個?我答3個.佢話好啦,o衣o家人唔多,俾你坐啦.熱飲細杯,爸爸飲完杯熱檸水唔夠喉,想要多杯水,我見到有壺水,就叫老公拎嚟斟,但吉嘅,於是叫侍應俾兩杯水,但冇影.老公就自己行出去斟返嚟.咁嘅服務重收加一服務費,認真唔抵.2.3分環境:其實所有凳都係硬板,唔會坐得好舒服,只係卡位同圓枱嘅分別.抵食:奇怪,我食晒成個餐,行唔夠一個鐘,覺得唔係咁夠,想搵少少嘢食.1.5分…查看更多

話說今日小妹就同咗朋友去荃灣嘅南豐紗廠度行， 順便影下啲文青相。 點知就畀我發現王牌冰室依間舖頭入到去坐低， 見入面啲裝修都幾有香港特色:)野食既選擇都幾多下，幾有香港特色。睇完餐牌之後我哋就決定咗要叉燒蝦仁炒滑蛋飯因爲本人鍾意食叉燒所以一試另外就叫咗個咕嚕雞球同埋蟲草花北菇蒸滑雞仲有我同朋友每人都叫咗杯嘢飲個奶蓋同茶都幾配合， 另外果杯洛神花烏梅茶酸酸地幾醒胃咁我哋睇返碟叉燒蝦仁炒滑蛋飯飯嘅份量都幾多，同埋蝦仁好大隻！！仲有叉燒感覺上係七成瘦三成肥。對我嚟講幾好食！另外呢碟就係咕嚕雞球佢返肉嘅份量都幾多，同埋每一舊雞球都好大粒最後就係呢條蟲草花北菇蒸雞，雖然都係雞， 但肉嘅份量已都係好多好抵食味道亦都好好，蒸到啱啱好熟，肉質好滑整體嚟講我係推薦呢間餐廳photos taken by Note 9…查看更多

難得放緊一個長weekend，梗係化身文青行一行南豐紗廠啦！去過幾次，都未上過3樓同天台，今次就踩多幾次扶手電梯，一睇究竟，點知有一間冰室喎肚仔見餓就走入去啦，即刻嗌個精選午餐，咖喱味都幾濃呢間特別在有埋手調飲品，但要另外出門口落單同領取嘅大胃覺得呢間好飲過樓下間木喂二，珍珠煙韌帶甜，茶種豐富，品質絕不馬虎，甜澀恰當滑蛋比較似芙蓉炒蛋嗰種，但大胃鍾意生啲，叉燒幾靚，肥瘦剛好焗飯炒底值得一讚，一啲都唔油，蛋同飯唔會炒到旱晒鮮果茶絕對好飲過一慌，就算唔揀少甜，半身甜度都啱啱好嚟冰室又點可以唔食返個西多士呢？冰室內有好多本土裝潢，自覺更加文青…查看更多

今日約了幾個年輕的family，到荃灣最新網紅打卡熱點"南豐紗廠"。 南豐紗廠附近一帶，本來是香港其中一個工廠區，但多年之後香港工業的重要性慢慢淡出，很多廠廈便開始想辦法活化，南豐紗廠便是其中一個例子。未到來這裏之前，還以為人流會很清淡，但令人驚訝的是，遊客絡繹不絕（包括大量本地人和遊客）。由於人流不錯的關係，而廠區內特色餐廳也不少，所以絕對有選擇困難，最後我們選了這家“王牌冰室”，因為勝在菜式夠穩陣，而且大人小朋友都可以合適。我們其中點了，叉燒蝦仁炒滑蛋飯，咖哩牛肉焗意粉，香蔥雞扒撈公仔麵叉燒蝦仁炒滑蛋飯，應該算是店內的皇牌菜式，見到幾枱客人都有點這個，的確，蛋炒得濕潤而滑，充滿蛋香，加入我貪心的選配叉燒+蝦仁，一次過滿足兩個願望。朋友點了咖哩牛肉焗意粉，由於是“焗”的關係，上枱時稍為撥弄，已經湧出咖哩香，牛肉份量頗多而且沒有鬆肉粉的痕跡。香蔥雞扒撈公仔麵這個有驚喜，非常適合“蔥油控”，由於這份是朋友的，我只能輕嚐試味，但掛念之情久久不散，所以再偷了一匙羹的蔥油來伴飯（我的叉蝦蛋飯）此店的最大特色是，門口另設飲品外賣區，可以買到台式飲品，我們也點了：王牌鮮果茶 / 特濃朱古力加洛神花果凍 / 清香桂花凍東方美人茶每杯都各有特色，而且不輸外間的飲品專門店，更驚喜的是，每杯都只是廿多元，比坊間動輒都要三十幾元起跳，算是便宜了不少，如果不是堂食，也可以買杯來“邊行邊飲”。…查看更多

其實我地成日都會出荃灣，因為荃灣有好幾個大商場，會有小朋友廁所，又會有好多其他育嬰設施，啱哂我地呢啲有小朋友嘅家長。之前成日聽朋友介紹，南豐紗廠有好多打卡靚位，咁嗰日去開荃灣，我地就過咗去南豐紗廠到行下，順便食埋個早少少晚飯。行下行下，就揀咗呢間「王牌冰室」啦！我地絕對係比佢個招牌同環境吸引咗入去㗎！而且「王牌冰室」隔離，連住間「 王牌冰茶」，都係佢地㗎！舖頭入面仲有句「是是旦旦叉燒蛋飯」，所以我一嚟就揀咗個「蝦仁叉燒炒滑蛋飯」，味道果然好，而且滑蛋真係好滑，飯底係豉油配香飯底，唔怕個飯冇味。再嚟一個清清地嘅「蟲草花北菇蒸滑雞」，啲雞真係滑嘅，成個餸好香，仲熱辣辣上枱。健康之人必叫菜，因為冇哂生菜，我地就叫咗「蒜蓉炒白菜仔」，好似一個好普通嘅菜，的確係，但熱辣辣上枱，真係我都食唔停口。最後，食飽飽又點可以唔飲嘢，我係勁愛奶蓋之人，所以就揀咗「王牌冰茶」嘅【焦脆奶蓋 • 東方美人】，真係超好飲，奶蓋加咗啲脆脆嘅焦點，配埋東方美人茶，真係絕配。總結：冰室嚟講，有好多唔同類型嘅餸菜揀，有啲仲係「王牌冰室」獨有嘅，記住，食完飯一定要叫返杯茶飲，咁就完美啦！…查看更多