籠太子點心專門店

.📍籠太子點心專門店📍 #饅頭去太子 #饅頭食中式菜------------------------------皮蛋牛肉腸 ($23)腸粉剔透，口感軟彈ok滑，可惜皮層有啲厚，而且感覺牛肉好多麵粉，味道有啲淡，不過皮蛋冇異味，淡淡哋同牛肉呢個組合有啲新奇，不過唔試都冇壞。------------------------------籠太子蝦餃皇 ($14/2粒)蝦餃皮晶瑩剔透，皮薄煙韌，蝦肉爽彈但鮮味唔夠，可以一試。------------------------------流沙奶黃包 ($23)包體唔夠鬆軟，而且包皮都幾厚吓😥，勝在內餡流沙，不過都係有啲稀，鹹蛋黃顆粒感唔夠細，不過奶皇同鹹蛋黃味道平衡，冇話食唔出邊種味道唔夠濃郁。------------------------------原隻鮑魚燒賣 ($29)算係當日最好食嘅點心，鮑魚煮到入味唔會好乾，燒賣大粒皮薄，豬肉同蝦都好新鮮，香嫩彈牙，有少少汁😋，值得一試。------------------------------海皇芝士千絲卷 ($24)炸千絲層卜卜脆，不過炸粉絲太厚，鎖住過多嘅油份令小編覺得好膩。好在蝦肉大嚿爽彈有少少汁，仲有香菇味做襯托，整體味道鹹鹹地，但感受唔到芝士嘅存在，唔太推薦。------------------------------其實都唔係真係特別好食，唔需要特登過嚟食🤓。整體評分：6.8/10小編回頭率：6/10…查看更多

今日放假去左太子行街，行行吓又諗到好耐冇食點心，於是就決定今晚食點心。雪山叉燒包,外層類似菠蘿包好鬆脆又甜甜地，包又軟熟叉燒餡料又多又好味。黑椒金錢肚用烏冬放底可以索金錢肚的精華，金錢肚夠淋又好入味又香。籠太子蝦餃皇，蝦餃皮薄餡大，蝦肉又爽口彈牙皮又煙韌。原隻鮑魚燒賣，燒賣好彈牙又鮮甜好新鮮，仲有鮑魚又軟熟好吸引。鮮蝦腐皮卷煎到好香口，里面有啖啖蝦肉，腐皮又煎到好鬆脆。家鄉鹹水角咬落去好煙煙韌韌，配埋餡料一起食好美味。鳳爪排骨飯蒸到剛剛好，飯底唔會太淋，飯軟硬適中，鳳爪和排骨都好入味。…查看更多

夜晚嚟到呢度食點心門口唔使排隊一入去就有位了.其實點解嚟呢度食呢係因為見到佢個鮑魚燒賣好似幾特別出邊好少有所以呢個梗係要order la呢個就係佢一嚟到嘅樣了鮑魚係就咁放上燒賣上面的一夾鮑魚就甩咗出黎所以基本上鮑魚同燒賣係分開食的鮑魚就一般 唔夠彈牙燒賣就係一般酒樓食到嘅燒賣咁冇話有幾特別 正正常常都係食返平常燒賣好了😂.魚肚水餃我覺得個魚肚幾好食因為我本身都鍾意食魚肚的佢個湯汁有啲鹹但係魚肚唔會話索哂啲湯嘅味所以都仲keep到清清爽爽咁😛個水餃呢 都係一般水餃.蝦餃蝦夠彈牙.多汁小籠包佢幾體貼的可能擔心啲皮會破所以每個小籠包都有個小鍚紙兜兜住所以就算破左都可以飲返啲湯汁不過佢d 湯汁唔多所以我哋食嘅時候個皮都冇爛我覺得呢個唔使嗌都得因為食小籠包就係想食爆湯的但呢個唔係.鳳爪好食呀個味同出邊嗰啲唔同的佢話呢個係名醬鳳爪下面有少少烏冬墊底鳳爪蒸得好軟不錯不錯.瑤柱灌湯餃hahahaha瑤柱同灌湯餃原來是分開的大家見到個餃隔離嗰一小粒就係瑤柱了😂😂😂就係餃一隻冇乜特別.黃沙潤腸ummmm可能係我唔鍾意潤腸所以呢碟我唔評論了或者鍾意食潤腸嘅人會欣賞.不是炸兩本身聽到個名以為真係只係普通炸兩點知一嚟到 原來真係唔算係炸兩好好食外層係腸粉皮入邊好脆脆皮入邊係包住啲菜同埋蝦唔係一般嘅油炸鬼好有心思必食👏🏻👏🏻👏🏻.千絲卷一嚟到男朋友講咗一句 打風呀因為外層啲炒麵同個卷唔係連著的唔介意個樣嘅話其實都食得過麵夠脆.職員都好好好勤力經常過嚟幫我哋執走食完ge籠…查看更多

今日放假早餐唔食茶記，去食點心兼慢慢嘆茶，見呢間龍太子點心好評都幾多，咁就去try try啦。雪山叉燒包估唔到最快來的竟然會係雪山叉燒包，一睇個樣就知係伏，食一啖已經放棄，個皮係淋架！好似唔知雪左幾耐，再拎出泥蒸返熱去咁，真係一粒星都唔想俾，男朋友將佢俾返侍應投訴太難食。皮蛋牛肉腸腸粉皮偏厚，完全食唔出皮蛋味，和普通牛肉腸差不多。流沙奶黃包咁多點心之中，流沙奶黃包係最好味嘅！熱辣辣的包，咬開d奶黃真係流沙嘅!薑蔥牛柏葉份量都算多，薑蔥味剛好，爽口唔會韌。原粒瑤柱湯餃呢個係我食過最難食嘅灌湯餃，個湯好淡，隻餃嘅餡包得好結實，但又係食唔出乜味，餃皮又厚，非常失望！蝦餃皇蝦餃皮煙韌，每粒都包住大蝦！原隻鮑魚燒賣Gimmick位係隻鮑魚，味道同平時係茶樓食嘅燒賣差唔多，不過不失。煎蝦膠釀茄子蝦膠入口爽彈，加上厚切的茄子，啖啖肉咁，不過略嫌有點油膩，食完要飲多幾杯茶。講開茶，順帶一提，這裡只有桌上保溫壺的茶提供，沒有任何選擇。店員聽到我們投訴，所以主動替我們更改刪減了雪山叉燒包，服務態度方面加返些分。…查看更多

看完世界盃肚餓, 於是上網找尋哪裏有消夜.竟然給我發現這間隱世的點心店！去到已晚上11點多，仍然座無虛席，越夜越熱鬧，年輕人及老人家也有。價錢10分公道，茶錢只是每人3蚊，和友人很快便叫了六個點心原隻鮑魚燒賣，新鮮熱辣辣鮑魚雖細，但咬下去，有點黏牙，有點在吃糖心鮑的感覺！這個價錢來說10分超值其餘鳳爪，金錢肚，小籠包，腸粉，味道中規中矩皮蛋瘦肉粥很有驚喜，粥底10分綿滑最後結帳 兩人吃得飽飽也只是140多元坦白說10分抵吃一定會再來，晚上駕車來也方便泊在出邊…查看更多

平時都是早上去酒樓飲茶飲得多，好少會系晚上飲茶食點心，今日系晚上食點心當晚餐，因系太子有時點心專門店，全是即叫即蒸又是很新鮮。點心種類繁多，而且主打點心。糯米雞有雞肉，火腿，糯米夠煙韌不會太淋，味道適中。皮蛋牛肉腸腸粉嫩滑皮又不會太厚，內里包住啖啖的牛肉和皮蛋粒。流沙奶皇包一咬落口即刻流出來，而且包子軟熟，又不會太甜。海皇芝士千絲卷外層用好多千絲卷住有微微的芝士味道，內里有蝦肉和冬菇。煎蝦膠釀茄子蝦膠很彈牙，茄子又幾入味又不會太淋。海鮮蘿蔔絲煎薄撐熱辣辣好香口。原隻鮑魚燒賣，雖然鮑魚是細細隻但都夠淋又夠入淋，燒賣有蝦肉又彈牙😋…查看更多

早排應承過媽咪得閒帶佢飲茶食一盎兩件, 奈何平日要返工, 假日媽咪又唔想我破費食貴價點心。上網搵到間點心專門店, 唔洗等早茶至下午茶時段, 就連夜晚至凌晨時段都有即叫即蒸點心食。今晚放工就帶媽咪去飲餐茶, 店面不大, 整潔衛生, 打破傳統非一般酒樓格調既裝修。一看menu, 一般平時飲茶食到既點心種類都很齊, 當中更加入了新派款式點心吸引我地呢批年輕一派, 而且更是平民價, 全日仲免收加一tim~!飲茶必叫既當然係蝦餃燒賣, 【籠太子蝦餃皇】 HK$13 (2隻)蝦餃晶瑩剔透, 不會太厚, 接駁位既口感不會太硬, 亦不至於一夾即穿。入面有原隻既蝦肉, 鮮甜爽口。【原隻鮑魚燒賣】 HK$27豪氣一點食點心都要加隻鮑魚, 超迷你鮑魚不只是點驟, 不只是賣相貴氣一點, 迷你鮑魚還是帶點鮮甜味, 更有點點飽汁, 燒賣大大粒又飽滿, 除了豬肉, 同樣都是有鮮甜爽口既蝦肉。不喜歡食鮑魚既亦有傳統燒賣可以order 【鮮蝦燒賣皇】 HK$13 (2隻)【黑椒金錢肚】 HK$23金錢肚帶微辣, 很爽, 而且冇渣, 底下竟然是少量烏冬, 第一次見用烏冬墊底, 烏冬不會過份索油份, 所以食落都唔覺油膩。【雪山叉燒包】 HK$18近似菠蘿包皮既表面, 甜甜的, 麵包鬆軟, 入面既叉燒幾林, 叉燒汁既甜度跟面層外皮相呼應, 味道很夾。【流沙奶黃包】 HK$21奶黃包同樣鬆軟, 一撕開果然是流心, 不過流沙不算太多, 所以整體不會過甜.【煎蝦膠釀茄子】 HK$17茄子林而且入味, 個茨汁甜甜地幾惹味, 蝦膠幾彈牙, 點心黎講份量正常 【海皇芝士千絲卷】 HK$21很出色既一個點心, 外層一絲絲卷著的外皮超酥脆, 不帶半點油膩, 口感層次豐富, 內裡有隻鮮甜彈牙既蝦肉, 雖然唔太食得出芝士味, 但外皮既酥脆加上內裡既鮮甜, 絕對食得出師傅既用心!整體價錢不貴, 比一般酒樓味道更上一層樓, 用料新鮮, 食得出師傅既用心, 值得再來!…查看更多

晚上 8 點幾到，入面都幾多客人不過啱啱好有幾張枱無客所以好快可以有位好快咁劃左 8 款點心香芒沙律盞 ($19) 其實都係雜果沙律，蘋果居多個撻皮係 un 到唔會食嘅應該無下次流沙奶黃包 ($21) 個包大約等左 10 分鐘左右先食入面啲奶黃仲係又多又流沙！好好味籠太子蝦餃皇 ($25)不過不失，皮唔算好薄，但蝦算係新鮮魚肚水餃 ($19)估唔到都幾大件魚肚，有 2 塊魚肚，3粒水餃水餃餡有好多木耳，好爽口黑椒金錢肚 ($23)好多黑椒好香口，有啲類似烏冬嘅粉麵條墊底不是炸兩 ($23)入面唔係油炸鬼，係啲脆皮，都唔錯鮮竹牛肉球 ($18)牛肉球唔係好粉嗰啲，好味但可以俾多少少鮮竹😅原隻鮑魚燒賣 ($27) 以為啲鮑魚仔會無味，都有啲鮑魚味喎！燒賣都好新鮮…查看更多

颱風剛下了﹐便出旺角逛逛街﹐夜了肚子開始肚餓﹐剛經過太子附近看見有間籠太子點心専門店﹐店內裝修好有懷舊感覺﹐四周掛滿了雀籠﹐夜茶也是第一次﹐這家點心款式也不少﹐有懷舊也有創新﹐我們隨意點了幾款點心，有原隻鮑魚燒賣、蝦餃皇、棉花雞、鮮蝦腐皮卷、流沙奶黃飽、原隻鮮蝦腸、鮮芒果布甸。所有點心都是即點即做，原隻鮑魚燒賣的鮑魚大大隻，燒賣豬肉餡比例剛好，不會有肥膩感覺﹐蝦餃皇晶瑩通透，皮薄鮮蝦肉做餡，蝦肉爽口鮮甜，棉花雞的魚肚索滿雞汁而雞肉是用雞脾肉無骨啖啖肉﹐鮮蝦腐皮卷外層煎微微焦濃香脆﹐蝦肉鮮甜爽口﹐流沙飽皮薄餡多﹐餡汁流晒出來﹐名副其實的真正流沙飽﹐原隻鮮蝦腸的原隻蝦也很大而腸粉皮很滑口，而鮮芒果布甸也很創新﹐三個小杯一啖一口芒果肉配以芒果汁﹐也是不錯的甜點﹐食了這麼多的點心﹐埋單竟然只需＄164真划算。…查看更多

如果不是平時公司車經過，我大概不會留意原來太子地鐵站附近有間點心店，難得發現當然不會錯過，立即相約我條佬放工後飲夜茶我們來到太子大約六點左右，想不到己全場爆滿，幸好尚剩一張二人座，枱面上己準備熱水壺和盤子供客人洗餐具。店鋪有別一般傳統飲茶的風格，簡約的裝修給人一種舒適的環境。雖然人多但不會有擠壓焗促的感覺。看看點心紙，點心價格實惠之餘，款式也很多，而且茶芥係$3 ！ 放工太肚餓關係，瘋狂☑️了七個點心和精選老火湯～等了一會兒，點心陸陸續續到齊⋯⋯•流沙奶黃包•最鐘意見到咬開後金黃色的奶黃餡料慢慢流出來，食落唔會太甜，但小心燙口！•皮蛋牛肉腸•腸粉切成一份份，非常貼心。腸粉皮薄又軟滑，不黏口，而且餡料十足，皮蛋，牛肉，莞茜混合一起入口軟嫰，口感極佳，一下子己經俾我地食曬～•原粒瑤柱湯餃•湯餃餡料十足，加上原粒瑤柱份外滋味，上湯亦都好鮮甜，仍然吃出兒時的味道～•煎蘿蔔糕•外層煎得香口，看到蘿蔔糕裡有一絲絲的蘿蔔，雖咬落較腍身，不算硬身，但沾上少許辣醬後依然美味～•金蒜蒸排骨•大部分茶樓都只有豆豉蒸排骨，這裡較特別，是金蒜蒸排骨，大量蒜蓉鋪滿排骨，入口蒜香味超濃，底層重有鳥冬，如果是粉絲就更好～•籠太子蝦餃王•蝦餃皇可選二隻或四隻，我們☑️二隻，一人一隻剛剛好。蝦餃外皮半透明，鮮蝦約隱約現，真係好吸引！咬落煙韌不痴牙，啖啖蝦肉都爽口彈牙，好新鮮～•鮑魚燒賣•頂部的鮑魚除左看來高貴之外，入味有嚼勁又不會過硬，而底下燒賣餡料咬起來結實彈牙～ 開頭以為自己好怪，來這裡點老火湯，但後來我留意到身邊很多食客都是跟我一樣，就知我無擇錯喇！估不到竟然超大碗，份量足夠二人飲用。湯底超足料，每一啖都飲到粟米的清甜，健康又滋潤最後埋單$160，果然抵食！…查看更多

琴晚臨訓前，A姐話想聽朝去飲茶食點心。結果，早茶時段，佢未起身；等到下午茶時段，佢都未起身！終於，喺下午3點半佢起身喇，我嘅早餐終於有著落喇！好彩依家食點心唔止得酒樓，仲有好多點心專門店，真係想凌晨食點心都無問題啦。呢間位於太子嘅籠太子點心專門店，雖然無米芝蓮嘅眷戀，但人氣十足，我哋今日就去嘆吓茶啦！原隻鮑魚燒賣細細隻嘅鮑魚仔，意想唔到鮑魚味咁濃，好煙韌好有咬口！而燒賣大大粒，豬肉同蝦嘅比例啱啱好，一人一隻唔會太多太溜。籠太子蝦餃皇除咗燒賣，蝦餃都可以叫2粒，不過我哋太鍾意食蝦餃，所以叫咗4粒。蝦餃皮薄，晶瑩剔透，蝦肉彈牙，好新鮮呀！ 黑椒金錢肚黑椒味道香濃，金錢肚夠晒入味。再用埋索晒汁嘅烏冬墊底，好好味呀！不過，份量就略嫌較少。雪山叉燒包包面嘅雪山夠晒香脆，麵包鬆軟，入面叉燒嘅份量十足，好好味呀！原隻鮮蝦腸腸粉好滑，每件都有大大隻嘅彈牙鮮蝦，好滿足呀！鳳爪排骨飯食咗咁多點心，無飯落肚又點得呢？呢碗大大碗嘅鳳爪排骨飯就啱晒大食之人啦！…查看更多

好耐冇嚟喇，年幾前嚟過幾次，發覺菜單冇新嘢就冇再嚟。今次嚟menu依舊。哩間點心好在食物質素唔錯，坐位比起其他食過嘅點心店好坐又多2人位，又成壺保溫瓶嘅茶放喺度任飲。人客比起年前嚟多咗唔少都感到欣慰，希望多啲好嘅小店做得住~ 要客人返頭，keep住質素之餘要有啲新嘢先得架~蝦膠釀豆茄子 - 哩個必食，應該係蝦膠釀落茄子後成件泡油再打茨汁，香口得嚟唔油膩而且茄子仲保持鮮嫩juicy, 讚！不是炸兩 - 裏面炸脆卷仲青瓜同蝦肉，香口得嚟夠fresh; 腸粉好滑四寶滑雞紮 - 有蝦肉，雞，魚肚同火腿扒，用料扎實多汁小籠包 - 果然多汁！鮮蝦菜苗餃 - 都係蝦膠同菜，可以原隻鮑魚燒賣 - 鮑魚仔有鮑魚味(...), 粒粒猪肉有咬口海皇芝士千絲卷 - 哩個有啲失準，絲係炸得脆但好油；蝦膠爽口仲有東菇夠香椰汁桂花糕 - fresh~~~…查看更多

今天雨一直的下, 連綿不斷, 一早安排了的行程, 還是繼續, 有雨傘嘛, 都不是問題, 反正回家也是大清洗了。放工到太子, 一間吃點心的專門店, 很喜歡到訪這些點心小店, 價錢比去酒樓「飲茶」親民多了, 多選幾款食物也不心痛, 甚至一個人的話, 點心癮起也可去小店吃, 比較自在, 壓力較小。這間店的裝修頗新潮年輕, 用點心紙自助揀選吃什麼, 選擇有不少, 很多都好吸引, 還好價錢不貴, 可試多點款式。雪山叉燒包 $18個包新鮮熱辣的, 外皮脆脆地, 裡面又好軟熟, 口感一流, 叉燒汁料是香甜蜜汁味, 可是叉燒餡部分不算很多。油菜$15菜很清甜爽脆, 顏色翠綠, 無論去到什麼地方, 我也愛吃菜, 呵!老火靚湯 $15湯怪的我當然要喝湯了, 今天的老火靚湯是金銀菜鰂魚煲豬骨, 這個碗是湯碗size來的, 好有份量, 味道像是媽媽煲的湯, 真材實料無味精之味。鰂魚味不會太濃, 沒有魚腥味, 以金銀菜(即白菜和菜乾)味為主, 但有魚同煲湯會比較甜。煎蝦膠釀茄子 $17比較少見的菜式, 頗特別, 茄子好軟腍多汁, 蝦膠爽彈有鮮味, 一軟一彈想不到又好夾得來, 加上一些秘製汁料, 夠晒味, 推介這個點心!皮蛋牛肉腸 $21腸粉的皮算有少少厚, 雖說是皮蛋牛肉, 但和平日吃到的牛肉腸沒多大分別, 皮蛋的部分不會太多。藥膳雞腳 $19湯有一點點油, 不過是可以接受的, 煲雞或雞腳的湯難免比較多油。湯有濃濃的藥材味, 帶點微苦, 但感覺十分補身, 雞腳都可以吃掉, 只是不算煲得太腍。蝦餃皇 $13薄薄的皮包著好新鮮大隻的鮮蝦, 蝦隻好乾淨連蝦腸都挑走了, 啖啖蝦肉好滿足, 有一籠兩件選擇, 好適合一或二人來吃點心。原隻鮑魚燒賣 $27鮑魚燒賣果真每隻燒賣有一粒鮑魚, 鮑魚樣子好精緻, 咬落咸鮮煙靭, 好滋味, 值回票值。燒賣則有新鮮豬肉香味, 肉質有彈性, 並且有蝦和冬菇等材料, 整體好豐富。紅油抄手 $21雖然辣汁看似不多, 但辣度蠻強勁的, 有麻辣感, 餛飩皮薄餡料多, 豬肉中混入了菜, 但我同時吃到一點薑味, 不知薑從何來, 不喜歡薑的我, 就不太喜歡了。總括來說, 這點心小店水準不錯, 除特別推介推介煎蝦膠釀茄子、鮑魚燒賣外, 老火湯亦一定要飲的呢, 而且價錢好實惠, 叫了這麼多點心才一百七十, 是可以一再光顧的點心店啊!…查看更多

今日和朋友在太子逛完街，有少少餓，但又不想吃太多，於是在網上找到了這間點心專心店。晚飯時間已經坐滿了人，店內挺擠迫的，坐得不太舒服。由於不太餓的關係，我們只order了少量點心：原隻鮑魚燒賣，鮮蝦菜苗餃和流沙奶黃包。原隻鮑魚燒賣是店裡的招牌菜，也是我們最滿意的一道菜。一上菜，我們立即哇一聲，燒賣上真的有一隻細鮑魚呢！鮑魚上沾有少量鮑汁，不會太咸，咬落很彈牙。而燒賣亦比平常酒樓的大粒得多，咬下去啖啖肉，不錯！鮮蝦菜苗餃也是大size，可惜上菜時三粒餃的外皮都有少少爆開，影響了賣相。幸好很足料，味道也不錯，蔬菜很新鮮，蝦肉很爽口彈滑。至於流沙奶黃飽⋯⋯爆漿災情慘重⋯⋯居然爆成這狀態也敢上菜⋯⋯它的賣相實在太差，我們等了一會才吃，可惜當時已經放涼了，入面的奶黃已變了固體，不過奶黃仍然很香滑。其實整體來說食物味道還算不錯，價錢也便宜（點心由十多至廿多元）。但希望可以改善一下食物賣相，這裡真的扣了很多分。如果奶黃飽沒有爆漿得那麼嚴重的話，我今次其實是會給笑臉的。…查看更多

電視節目都有介紹既籠太子點心專門店，身為點心愛好者既我又點可以唔試。佢地做既係即叫即蒸手工點心，新鮮熱辣。可能未到晚飯時間，唔洗等位就有得食。店內都幾大，燈火通明，座位唔算太窄。佢地餐牌係ticktick紙，種類都唔小咖，講得出既傳統點心佢都有，價錢適宜。原隻鮑魚燒賣，真真正正一隻鮑魚係粒燒賣上面，賣隻都幾得意。唔好意為只係賣鮑魚，其實佢既燒賣肉都唔錯。肉質彈牙加有豬肉香味，唔錯。古法糯米雞，夠曬大隻，真係大件夾底食，兩個人食就岩岩好。入面有鵪鶉蛋，雞肉，豬肉，火腿，味道岩岩好唔會太重味，糯米夠有糯米應有既煙韌感覺，無話蒸到淋曬，低讚。多汁小籠包，小籠包既皮厚度岩岩好，如果太薄就會一夾上手就會穿。內裡多汁，一咬成個口都係。汁味鮮甜外。藥膳雞腳，一打開就有濃烈藥材味，而且見到唔同種類既藥材係裡面，真材實料。雞腳煮到淋曬，唔洗用力咬都食到，亦帶有藥材既香味。 …查看更多