鳥棲日本料理 (已結業)

去左駱駝漆大廈搵嘢食，依家呢度真係靜左好多，但好幸運地搵到呢間，D食物好高質，環境亦好舒服，價錢又便宜，大家想靜靜地傾下計嘆好嘢，不妨試試呢度平時唔食鰻魚嘅我，呢度原條出之餘仲非常好味…查看更多

最近駱駝漆大廈雖然充滿風波，但都好想同大家介紹番一啲有心嘅小店，呢間日本菜小店規模不大，但勝在性價比高又坐得舒服。🐮前菜牛舌粒一坐低就會送上涼拌牛舌前菜，配有青瓜粒 非常開胃🐟原條鰻魚炒飯 $148鰻魚好大條好厚肉，魚肉肥美，小骨唔多。配上鰻魚汁炒飯，飯粒粒都充滿饅魚汁味，甜咸適中，外面餐廳好多時係白飯加鰻魚汁 ，呢到用上炒飯比較有特式。份量亦都好足，兩個人都夠食🍡燒芝士年糕 $38非常推薦呢個！即叫即燒，外層燒得夠熱夠脆，一咬落去年糕好軟糯，芝士半溶餡料極足！🐓明太子雞翼 $48炸雞翼內裡釀有超飽滿嘅明太子+豬肉，明太子微辣好惹味。🍙日式燒飯團 $48燒飯團面層燒得夠乾身夠脆，飯團加左飯素同蝦花蝦，充滿日式風味，不過如果飯團有少少醬汁食落冇咁乾就會更好！…查看更多

駱駝漆大廈有好多特色小店，平價波鞋，同埋餐廳，可以食，買，行足一日。餐廳門口有個好靚既植物牆，餐廳 logo 就係牆中間，座位闊落，有梳化。- 燒雞皮餃子 ($58)雞皮好薄，本身有少少油份，所以燒得超級香脆。 食落有雞油香味，但又唔覺太油膩，一定要試下。- 吉列廣島蠔 ($58)廣島蠔肉質飽滿肥美，外皮香口鬆脆。- 原條鰻魚炒飯 ($148)好大條鰻魚，仲要係原條上，好滿足。鰻魚肉厚肥美，燒得好香，上面有略帶甜味的燒汁。炒飯乾身爽口，配料豐富。- 松葉蟹鉗海鮮鍋 ($148)海鮮鍋好足料，主角當然有松葉蟹鉗，另外仲有大大隻廣島蠔，帶子，冬菇，粉絲，雜菜。湯底好鮮甜，味道唔會太濃。蟹鉗已經拆咗殼，唔使食得咁辛苦。整體而言，食物種類豐富，有特色，而且性價比高，下次去駱駝漆行街可以再試下。…查看更多

前幾日 dinner 約埋朋友，近近地去左駱駝漆食飯，呢間餐廳lunch 食過唔錯，所以黎試晚餐，真係有意外驚喜～首先試左個原條鰻魚炒飯，原條鰻魚鋪面，配上炒飯，好新鮮既配搭，炒飯幾香，鰻魚多汁柔軟，幾好食~之後叫既南蠻炸雞籃認真有驚喜，粉唔厚又炸到幾乾爽，完全唔會好似其他炸雞咁會覺得咁油膩，加埋沙律醬食，認真唔錯。叫左杯招牌藍桔富士山特飲，杯入面既藍色假冰會閃閃下咁，上面再加上一個雪糕球，都幾特別，可以話係打卡之選﹗整體都唔錯，下次可以再黎試下其他野食﹗…查看更多

事緣我有朋友去開呢間餐廳食晏，佢知我想同女女慶祝生日，所以大力推薦呢間餐廳比我（book檯時同職員講慶祝生日會有心太軟一個送）當晚我地一行6人準時7點半入座，我地分別點左2個2人餐同埋一啲前菜、串燒同小食咁，上菜速度都正常既，最緊要係啲食物真係好食既，重點係啲食物唔會太肥太油膩，職員服務態度係幾好，見到你無水唔使叫都會同你加，主動執走你唔要既野，同埋佢地真係好細心，小女得7歲，但當中有兩個鍋，佢地都好細心咁專登將個爐離遠小朋友，呢點真係唔係好多餐廳會留意；講返食物，基本上每一樣野都有一定水準，無乜好挑剔既，但呢個「帆立貝北海燒」同埋「原條鰻魚炒飯」呢2個真係必食炒飯唔會太乾（有啲鰻魚汁喺度）原條肥美鰻魚鋪喺炒飯面，賣相吸引！而鰻魚肉厚肥美，每粒飯都充滿咬口👍🏻👍🏻而且我女女好怕食腥既野，平時屋企蒸魚或煎魚都唔會食，當晚佢一個人食左一大碗鰻魚飯，仲想再添食，可惜已經平均分哂6個人🤣🤣「帆立貝北海燒」原隻帶殼帆立貝，面頭上鋪滿師傅自己調教既醬，再灑上蟹籽，賣相吸引之餘，味道仲相當好，我地叫左3個，每一個都食得乾乾淨淨一滴汁醬都無剩！仲有啲食物係因為小朋友們太肚餓所以影唔切，不過總括來說，呢間餐廳我絕對會再幫襯（埋單時職員會好好提醒你，如下次幫襯用OpenRice app booking 會有8折👍🏻👍🏻咁我下次黎時可以再叫多啲人試多啲唔同既野）…查看更多

今日就去食番餐日本料理🇯🇵先環境舒適, 梳化座位仲好舒服㖭🛋️用QR code下單。慢慢睇慢慢揀。仲有特別備註，可以㨂走蔥，少甜，少冰咩都得可以註明✌️原條鰻魚炒飯（$128）🥘香噴噴熱騰騰的鰻魚飯。好香甜。鰻魚汁非常豐富。鰻魚好柔滑。一試上癮😋2個人share食分量剛剛好。#藍柑富士山（$35）🍹藍色是什麼？是綠色的薄荷呀😍😍好靚好特別，仲可以閃燈💡💡味道仲不錯㖭🥳還有一個雪糕球🍨下單時可揀走燈💡， 不過我覺得燈係重點，哈哈哈哈。#他他燒生牛肉片（$88）🥩造型精緻， 牛肉刺身， 油脂分佈均勻，火炙牛肉邊， 解凍真係入口即溶。#日本松島魚餅（$78）🍥外皮煎到黃金色， 包住純白色的魚肉非常彈牙，好香甜今日好 chill 咁過左一個晚上🥰…查看更多

官塘嘅工商廈區真係有好多上樓嘅隱世小店，試極都試唔完😋 今次蕃薯妹去呢間日本菜，同樣係唔可以被埋沒嘅隱世高質小店🥰佢位於超多食店嘅駱駝漆大廈3座，雖然唔係街鋪，但係門面都略花咗少少心思，有一幅好靚嘅花草牆招牌☺️ 一上到嚟就留意倒佢。餐廳內坐位好舒適，全部都係軟綿綿嘅厚沙發椅，真係值得一讚👍🏻 食飯坐得舒服都好重要🥰呢度嘅菜式同一般日式居酒屋差唔多，一品料理、串燒、鍋物、燒烤、拉麵等等都一應俱全🥗🍜🍲🍢特別一提我鐘意佢嘅點餐系統，掃code用手機📱落單，而且好多細心嘅紅項俾食客選擇，例如飲品可以剔「少冰」、鰻魚飯可以剔「走芝麻」、他他醬魷魚圈可以剔「多醬」等等……😋🥰綠薄荷富士山 $35薄荷梳打+滑滑嘅雲呢拿雪糕🍦 個樣仲好靚，入面有塊著燈嘅冰塊🧊 打咭一流😌 好飲又好睇～牛肉他他燒 $92嚟之前我已經諗定一定要食呢個他他燒😂見到OP入邊嘅相片，完全零抵抗力😮‍💨 超吸引！果然冇令我失望😋 雖然比想像中細片，但係牛肉刺身真係好正😆 他他燒仲要係微微燒咗條邊，比平時牛肉刺身更香口，夾埋蔥花同埋洋蔥一齊食，正吖🤤月見免治雞肉 $58蒸肉餅食得多，第一次食雞肉餅😆 呢個免治雞肉餅加咗月見汁，類似壽喜燒汁味嘅甜醬油+生雞蛋黃，撈埋食好好味，餸飯一流🍚原條鰻魚炒飯 $128真係原條鰻魚啊😍又大條又夠厚身😋他他醬魷魚圈 $58彈牙嘅魷魚圈配上有碎蛋嘅他他醬，炸得香脆好好味😋牛油果蟹子沙律 $52青瓜絲+蟹柳絲+蟹籽+沙律菜，一般蟹子沙律做法，特別在佢有我至愛嘅牛油果🥑🥰 …查看更多

係觀塘駱駝漆工業大廈樓上鋪， 隱藏不少特色美食。 好多時都喜歡到哪裏閒逛之餘同時發掘美食。😊上網找到這間「鳥棲日本料理」 評價唔錯， 見到梳化椅卡座好舒服， 一於入去抖一抖依吓肚。多款日式料理，小食，沙律， 串燒，選擇甚多～原條鰻魚炒飯$128總是無法抗拒「原條」 這個字眼， 感覺是獨佔了 這條肥美鰻魚， 鰻魚汁唔會好咸， 味道啱啱好！ 鰻魚肉肉質較腍， 無想像中那種柔軟煙韌嘅口感， 不過份量都是很足， 蓋著的鰻魚炒飯也是以香囗入味。😍👍青蘋果乳酸梳打$34乳酸味道唔算重， 配合青蘋果味較為清新。薰衣草波子汽水$28薰衣草味唔算好突出， 來自北海道嘅波子汽水特別吸引。壽喜牛肉鍋$128每次吃日本料理都喜歡點一份鍋物。壽喜燒份量唔算大， 鍋上鋪滿牛肉，把其他材料都遮蓋著。 壽喜燒湯底 就是那種經典嘅甜味， 所有材料吸滿湯汁更是非常美味! 蔬菜，豆腐，本菇新鮮清甜。鍋物主角牛肉～ 好厚，有肉味， 沾上生雞蛋汁和芝麻醬特別美味！…查看更多

今天約了朋友相聚，到了這間位於美食工廈駱駝漆的日式料理店餐廳內全是梳化椅，十分舒適餐廳內是手機自助點餐，十分方便韓風牛舌 - 性價比很高的前菜，份量比想像中多牛舌有點厚度，很有咬口，配上微辣的韓式醬汁十分醒胃芝士明太子蛋卷 - 賣相討好，蛋卷軟綿綿的芝士和明太子鋪滿了整個蛋卷，多重口感，三樣材料一起吃十分夾燒雞軟骨 - 串燒雞軟骨帶點焦香，雞軟骨爽口香脆花魚一夜干 - 也是性價比高的一款，魚肉厚實嫩滑，十分鮮甜原條鰻魚炒飯 - 原條鰻魚鋪滿了整個炒飯，鰻魚沒有腥味和碎骨，炒飯亦加入了三色椒去炒，十分有誠意這間日式料理餐廳價錢相宜又高質，難怪平日也滿座…查看更多

今日去左駱駝漆大廈行街，行到咁上下就去搵野食，見到有間裝修唔錯既日本餐廳，而且價錢合理，於是入去食晚餐😋🌟 壽喜牛肉鍋 （$128）牛肉新鮮，牛味重，壽喜燒湯底香甜，味道濃郁，材料十足，牛肉沾上新鮮生蛋，味道好夾，仲有小弟至愛既芝麻醬，壽喜燒必點😋😋🌟 原條鰻魚炒飯 （$128）鰻魚大條，原條上，魚肉彈牙，鮮甜多汁，鰻魚汁唔錯，亦都唔會太多，岩岩好鋪滿一條魚👍🏻👍🏻炒飯配鰻魚好少見，出面餐廳多數都係白飯底，但呢度用左醬汁加少少配料做一個炒飯底，值得加分😋😋🌟 南蠻炸雞籃（$62）炸雞即叫即炸，炸雞大塊，外層香脆，雞肉嫩滑多汁，配上蛋沙律醬，味道配搭得好好，旁邊仲有沙律菜，食完炸雞再食新鮮沙律菜，感覺唔會熱氣😋😋…查看更多

成日掛住日本又無得去住，咁啱經過觀塘見到有間日式料理就去試吓✨壽喜牛肉鍋🥘日式料理點可以嗌牛肉火鍋，鋪滿肥牛配上豐富嘅配料裏面有豆腐、紅蘿蔔🥕、冬菇、金菇、粉絲同埋白菜🥬，仲有蛋汁索晒所有湯嘅精華，兩人份量啱啱好明太子雞翼🍗脹卜卜嘅雞翼一啖食落去啖啖肉，配料不算太重明太子味，而雞皮又薄又脆口，再配合沙律醬同檸檬汁有幾好味喎原條鰻魚炒飯🍚又係鍾意食鰻魚嘅我點都要一碟你試吓，賣相已經睇落去好豐富，原條鰻魚脂肪比例適中，炒飯加咗鰻魚汁口感唔錯喎藍桔富士山🗻話明富士山佢個外型好似🗻好睇又好飲唔好睇佢係藍色唔知嚟，佢真係桔味嚟仲要加咗粒閃燈冰🧊夠晒夢幻白雪雪頂層原來係雲呢拿雪糕，俾佢賣相吸引住，打卡位必試百香果乳酸梳打🥤鍾意百香果茶加咗乳酸梳打酸酸甜甜再配合唔好嘥，夏天飲必備推介…查看更多

同男朋友鍾意係觀塘搵唔同既餐廳食飯，今次搵到呢間係工廈有好多正平既日本餐廳一試。餐廳環境舒服，燈光較暗，今次坐沙化卡位，都有少少屋企既感覺😊職員都友善，helpful👍🏻我地兩個人，叫左3道菜都好夠飽，因為好大份，整體味道都可以，但無想像中咁好味，可能期望太高😅首先黎左個松葉蟹鉗海鮮鍋。值得讚既係用料好足，有蟹鉗，帶子，青口，蝦，冬菇，金菇，粉絲，豆腐同娃娃菜。湯同食材既味道都係較清淡，鍾意啖口味既可以一試，鍾意濃味既就不推薦呢道菜啦。原條鰻魚炒飯賣相好靚，好大份，味道唔錯，燒鰻魚既汁甜甜地，配個炒飯一流。但係個炒飯質地偏軟身，本人比較鍾意硬身少少既炒飯。八爪魚丸就中規中矩，同一般八爪魚丸一樣，唔太特別😂藍桔富士山，最特別係佢會有燈係杯飲品入面，不停轉色😂味道就係波子汽水既味道，但將雪糕攪拌埋汽水一齊飲就幾好飲😊…查看更多

觀塘工廈又一驚喜! Cafe setting D sofa 晉舒服! 裝修又靚。咁既環境食野, D價錢仲要唔貴! 工廈租金真係惠及消費者 :)芝士明太子蛋卷 $38個蛋好厚, 熱辣辣，明太子下面仲有濃濃芝士, 好正!唐揚淮山條 $42炸得勁脆, 感覺冇薯條咁飽飽滯滯, 反而入面仲有D蔬菜既水份。醬燒茄子 $42一見到燒茄子就會叫XD 佢呢隻係剝左皮既茄子, 食落就會林身D,佢呢度加左大量醬汁同木魚, 好入味呀 <3原條鰻魚炒飯 $128勁抵食, 條鰻魚好長長長長! 百香果乳酸梳打 $34上面有雪糕, 個果汁底酸酸地幾開胃, 仲有發光既冰打卡able ^.^…查看更多

聖誕將至, 又係聚餐的時候。要搵一間可以盡情傾偈, 坐得舒適 (梳化位), 唔催人交枱的地方, 實屬不易。日棲食物種類不少, 價格相宜, 味道不錯, 蠻有誠意的。有興趣光顧的, 記得要訂座, 因為很快全場爆滿。牛油果蟹籽沙律 $48帆立貝北海燒 $38帆立貝肉厚, 配有大量醬汁, 十分討喜。汁燒魷魚筒 $88魷魚筒彈牙, 唯邊邊烤得有點焦。日本松島魚餅 $68原條鰻魚炒飯 $128鰻魚烤得惹味, 是飽腹之選。松葉蟹鉗海鮮鍋 $138壽喜牛肉鍋 $128蕃茄豬骨豚肉鍋 $118三個鍋份量滿滿, 每個鍋都可追加烏冬, 每份$15。…查看更多

觀塘工業區工業大廈裡有很多美食，朋友介紹下來了這家隱世日本風小店，這店在工廈裡，沒人介紹一般要來都得靠緣份星晚上七點左右來到，現場幾乎都坐滿人，還好有訂位，想不到這麼隱蔽都這麼多人原條鰻魚炒飯😋餐單裡選擇很多，但看幾乎每桌人都點原條鰻魚炒飯，一只原條烤鰻魚，炒飯配上鰻魚汁，每粒米都非常入味，成碟飯清晒😋👍🏻南蠻炸雞🍗新鮮炸起，雞肉非常嫩滑，雞上那沙律醬非常香甜白滑，跟雞肉配合得非常好吃，優質炸雞👍🏻👍🏻壽喜燒牛肉😋鍋火鍋爐上的牛肉小火鍋，壽喜燒湯底，非常鮮甜，牛肉彈牙，菇箘蔬菜在底層，跟湯底非常配合，很有地道日式風格火鍋👍🏻櫻花🌸信玄餅🌸非常漂亮浪漫的甜品，有黑糖在碟底，入口帶點清甜，少女打卡必點佳作，賣相100分👍🏻👍🏻👍🏻…查看更多