十一串

今日諗住拍片，剛好黎到11月搵到呢間十一串串燒餐廳，大約1845入場，未有人，唔洗排隊，正，入到去發現好有特色既居酒屋FEEL唯一缺點就是座位小，萬一滿座可能需要等入座，點完餐後，店員即入去燒！腩肉生菜卷 -  呢個麻麻，係普通腩肉包生菜 金菇肥牛卷 - 表面有點濃，但是有燒汁，好吃！ lol牛舌 - 易咬，配合黑椒燒，正！ 墨魚咀+雞軟骨 : 2個都好脆，另外墨魚咀非常大！ 煙肉荔枝卷：荔枝中和煙肉的咸味，這個好吃，果然是排行榜頭８名之１ 原條蒜蓉燒茄子：加了孜然粉，生蒜炸蒜，不錯不錯！ 燒雞皮：有少少貴，但都係脆，似豬油渣，配飯一流 蒜蓉燒生蠔：很濃海水味＋濃既蠔味 最後2人消費$473，平均1人$200，我覺得可以接受，1. 服務態度幾好，2. 食物唔錯…查看更多

呢排疫情無咁嚴重, 我呢個「為食家」又乘機出去食翻一餐半餐🤣大半年無翻鄉下, 真係要不時係香港食翻啲家鄉菜一解思鄉之苦今晚同朋友係附近搵咗間日式串燒店, 餐廳係一間小店, 位置唔多, 仲要位於橫街窄巷, 十足十去咗日本嘅地道居酒屋! 裝修一級棒! 兼且夠曬家鄉味, 終於可以(扮下)翻轉鄉下啦串燒選擇好多, 價錢合理, 仲有得辣又得, 唔辣又得, 任君選擇~食串燒點可以唔飲凍野我地嗌咗一罐巨鋒玉露, 一個字, 爽我地呢啲食肉獸梗係要嗌極多嘅肉🤗除咗牛(包括牛舌, 肥牛粒, 金菇肥牛)係必點之外, 我地仲嗌咗羊肉串, 鴨胸等等金菇肥牛好juicy燒菠蘿必點!!! 好甜, 好多汁, 又無渣, 仲要係好大件!! 串燒嚟講係非常抵食燒原條茄子又係串燒嘅必點之一😋蒜蓉好足! …查看更多

約埋朋友一齊食串燒傾計盡興RELAX一下，呢到都係一個唔錯嘅選擇😄今次叫左燒蒜蓉蟶子($58/隻)*2、燒蒜蓉粉絲大扇貝($48/隻)*2、蒜蓉燒生蠔($58/2隻)、鹽燒牛肋條($34/串)、鹽燒厚牛舌($28/串)、鹽燒雞中翼($28/2隻)、串燒雞腎($22/串)、燒雞泡魚乾($38/份)、椒鹽黃金墨魚咀($38/份)、木魚湯讚岐烏冬($22/碗)、雞皮蝦($60/2隻)、原條蒜蓉燒茄子($38/條)、芝士大啡菇($38/隻)、生啤($42/杯)*2燒蒜蓉蟶子：蟶子夠新鮮，肉質彈牙，連蒜蓉黎燒夠惹味😋雞皮蝦：見到覺得幾特別，一於叫黎試下，點知又真係幾正喎😍蝦肉外面包上雞皮黎燒，外層香脆，而蝦肉彈牙鮮甜，呢個配搭出乎意料地夾🥰燒蒜蓉粉絲大扇貝：帶子肉厚兼鮮甜，粉絲吸收晒D精華，一齊食幾正😉蒜蓉燒生蠔：蠔本身肥美，味道幾濃，蒜蓉唔會蓋過左D味👍🏻燒雞泡魚乾：呢個小食真係送啤酒一流😍燒得夠香，切得細細條，入口煙韌，好有咬口😋有沙律醬可以點椒鹽黃金墨魚咀：細細粒一口一粒，食落超彈牙，本身椒鹽已經幾好味，再加D辣椒粉更加惹味😋鹽燒牛肋條、鹽燒厚牛舌、串燒雞腎：串燒無論火喉同調味都啱啱好，唔會燒到乾晒，食落JUICY唔會過鹹，尤其牛舌非常出色🤤鹽燒雞中翼：作為雞翼控當然唔少得叫返串黎食，外皮燒得香脆而肉質嫩滑，輕輕加D辣椒粉仲更加香😋木魚湯讚岐烏冬：呢個又幾抵食，冇諗過咁大碗烏冬😆烏冬夠彈牙，絕非普通街市貨D平價烏冬👍🏻先黎張大合照🤩原條蒜蓉燒茄子：燒茄子可以話係必食咁濟，呢到條茄子真係大得誇張，超夠份量🤣茄子肉燒得淋晒，配合大量蒜蓉同蔥花，食落夠滋味🤤芝士大啡菇：又係必食項目，大啡菇唔止大而且仲要好厚身，真係好似鋸扒咁切開佢😆既JUICY又重菇味，加埋芝士半溶狀態，正🤤生啤：食得串燒點少得嘆返杯生啤😎CHEERS🍻呢到仲有好多唔同種類嘅酒可以點黎飲，環境空間有限，唔算多座位，不過內裡裝修都幾有FEEL😄呢到免加一，埋單啱啱好$700，串燒店黎講以呢個質素算係幾抵食，食得出師傅嘅用心，唔會將一大堆串燒是但放埋一齊燒，搞到有D過生有D過熟嘅問題出現，食得盡興嘅一晚🥰補MENU…查看更多

聽朋友講佐敦開左間幾高質既串燒舖，今晚收工即刻約朋友去試 舖頭細細但好有日式居酒屋溫暖既感覺，佈滿沖繩風既燈籠同萬聖節既裝飾，巧有心思；而且店員服務態度好好，食物質素極高，難得串串都惹味，點咩都唔伏，絕對有下次！打開menu不得了，頁頁都好吸引，樣樣都好似好好食咁，所以我地一口氣點左一堆，老闆落單仲好良心提我地茄子同大啡菇都幾大份，可以要住一份先，唔夠再加都得 最先上既蒜蓉粉絲大扇貝($48)超級無敵好食，一上枱蒜蓉味就好香好吸引，大大隻扇貝新鮮爽甜，燒得岩岩好，同粉絲超夾，非常高質，絕對推薦！鹽燒翠肉瓜串($16)原本冇咩期待，但朋友想點所以要左兩串，點知一食好驚艷！原來遇到岩既廚師就可以將平平無奇既食材變到咁好食；微焦既翠肉瓜爽脆多汁，燒得非常出色！ 原條蒜蓉燒茄子($38)上到黎真係嚇一跳，原本以為係細細條既茄子但點知好巨型，連個盤都差d放唔落，成條佈滿蒜蓉、孜然粉、椒鹽等好香口，入口皮外脆內軟，火候掌握得好好，值得讚讚 蒲燒鰻魚串($68)咁既份量咁既價錢真係好抵食，差唔多有原條既分量！而且鰻魚冇咩刺，啖啖肉放心食，燒得唔乾唔腥，非常juicy 燒煙肉芝士大啡菇($38)芝士味濃，一切即刻爆汁 汁燒雞脾菇($16)一樣大大條好多汁，非常惹味 最後因為點得太多眼闊肚窄，唯有打包拎走比阿爸做宵夜，連打包間舖都比左好靚既紙袋，仲比左保溫袋另外裝起串燒，非常貼心，放到屋企仲䁔暖地！ …查看更多

去日本旅行多數都會選居酒屋同朋友飲兩杯輕鬆下 估唔到香港都有呢種享受：）因為想同朋友傾下計 今次就選左「十一串」一邊食串燒 一邊飲兩杯呢間串燒店有好多選擇 點菜紙簡單清楚 仲要好好咁分埋類今次點左超多 ！1. 椒鹽雞軟骨 份量超大 同埋粒粒都好大粒架 食落啖啖肉 唔多炸粉 價錢完全標低左真係！2. 原條蒜蓉燒茄子超超超大條 差唔多有前臂咁長 同埋我好鐘意放左咁多蒜蓉 每一淡都充滿蒜味 正！3. 芝士大啡菇芝士控一定最愛呀！芝士味超級出 同埋菇好juicy 都幾夾 建議2人一齊share 咁食4. 鹽燒雞中翼比平時食既雞翼大左一個碼 一路食一路流肉汁 仲要雞翼超滑 鹽燒清清地都幾好味呀！5. 木魚湯讚岐烏冬湯底好清 烏冬好彈牙 估唔到除咗燒物 烏冬都煮得咁出色6. 燒雞泡魚乾 送酒不得了 一路傾計 會食唔停 食完一客再食多客同埋呢度好多酒選 岩曬酒鬼呀！清酒都有好多款 同埋價錢都好抵！想同朋友傾下計 摸下杯底 呢度係首選：）…查看更多

佐敦啲食店多到眼花撩亂，有好幾間串燒舖我食過略嫌性價比有點低今日行咗落吳松街近廟街嗰邊發現到一間好唔起眼嘅餐廳望一望餐牌係串燒，啤酒癮起，就拉住囝囝入去食我就未試過入過一間裝飾咁有氣氛咁靚嘅串燒舖啲燈膽仔有FEEL到，會以為入咗間CAFE反正有貓我就俾Like酒牌嘅種類都幾多，清酒嗰啲都有但我兩丁友，asahi都係我地嘅首選去串燒舖同人講唔飲啤食雞泡魚乾係會俾人話掃興呢個組合真係必點!!!不過個人口味黎講，鍾意闊身少少同埋淋啲嘅呢個就偏幼同脆椒鹽雞軟骨又係唔食就對唔住自己系列呢到整得好好，熱辣辣大大粒之餘入面唔係乾身難咬咬落去係FEEL到有啖雞油啵出黎惹味到唔會去諗佢有幾肥脆脆串燒雞皮實在覺得一間串燒舖有無料到就係要睇佢串雞皮食過其他店，有啲咬落去淋嘅，內外都軟，得陣油益味難食得好恐怖但呢間整得好特別，長條形之餘，咬落去係脆到似薯片咁但趙趙下又有雞皮陣香口味道，加上佢少少調味粉好想好想encore，但我肚腩話我聽要停烏秋葵係個人喜好，有啲人討厭佢滑潺潺嘅口感但鍾意食佢嘅人就係鍾意呢樣野仲有陣草青味呢到又大大條，好抵食原條蒜蓉燒茄子唔好睇燒茄子似係簡單野上面層野又蔥、蒜蓉、孜然粉、椒鹽、辣椒粉、少少糖咁燒條茄子又要控制好時間  燒唔夠時間又好似魚咁啲肉痴實咗其實講咁多都係想講呢條野好好食，料，烤都整得剛剛好左起: 鹽燒厚牛舌、鹽燒肥牛粒、煙肉荔枝卷、燒菠蘿牛舌同肥牛粒都不過不失，咬落去都好juicy唔會乾身而個人大愛係煙肉荔枝卷，荔枝汁咇出黎時混埋煙肉嘅咸味呢個組合真係不能抵抗浸過鹽水嘅燒菠蘿甜到心心眼，無咩好挑剔烤羊架我對一條好味羊架嘅指標就係香草調味粉齊，肉嫩，咬到去骨位要有滿滿嘅羊SO味呢條做到曬肥婆我好滿意呢間串燒小店又食到環境，性價比又高同八婆朋友、囝囝撐枱腳都一流食曬自己認為串燒必點嘅野之後又好滿意耐無心血來潮寫下食評，一於行動支持下小店…查看更多

今日本來想去佐敦鋸扒，點知排隊好多人，路過見到有一間串燒店，見佢個環境好得意，門口個菜單，有一個煙肉荔枝卷吸引咗我入嚟！入到黎環境好好，唔會好迫，裏面啲燈好靚，有少少日本feel, 老闆好好人，有個熟客即刻讓左個位比我！第一次去到冇乜油煙味嘅串燒店！佢俾我哋嗰兩份餐具都幾乾淨，我冇叫嘢飲佢主動比兩杯冰水我！ 好貼心！到嘢食啦，裡面既嘢比出面無咁濃味，好Juicy , 調味粉同辣粉都可以自己再加！因為唔食得好辣，串燒我叫咗唔辣，自己加辣粉！佢個辣粉好惹味、好正！特別推介佢個汁燒冬菇同埋孜然燒雞全翼！仲有超好食既焗煙肉芝士大啡菇👍🏻，裏面仲有好多汁流出來，係我食過最好食嘅！服務同食物都無得彈，飲品種類加多小小選擇就好啦，高質同坐得舒服既推介…查看更多