URBAN Cafe (彌敦道)

今日約咗幾個舊同學出嚟食飯，其中一個朋友就提議去呢間樓上cafe，因為佢之前食過呢間嘅觀塘分店，食物環境都唔錯🥰所以我哋今次就揀咗呢間嘅旺角分店，收工過嚟同食完嘢返屋企都好方便😆Cafe位於彌敦道嘅大廈二樓，喺油麻地地鐵站行過嚟都只係兩三分鐘路程，好快就到～一坐低睇吓menu，見到都幾多選擇，無論係主食定小食都有好多款式，真係搞到花多眼亂🤣一向有選擇困難症嘅我，一於收窄範圍，直接揀個四人套餐 ($568)🤣四人套餐包咗四份沙律🥗同四碗餐湯，沙律菜撈埋少少胡麻醬，好fresh好開胃😋而果日嘅餐湯係南瓜忌廉湯，甜甜地幾好飲😋主食方面，四人套餐包咗兩份意粉同飯，我哋就分別揀咗即磨芝士黑松露野菌大啡菇忌廉意大利飯同日式青蟹籽大蜆大蔥忌廉扁意粉🍝意大利飯生熟程度啱啱好，保持到意大利飯煙煙韌韌既口感😳而黑松露同蘑菇永遠都係最好嘅配搭，撈埋啲芝士食嘅感覺好滿足🤤個意粉份量都唔少，蜆肉比得一啲都唔孤寒😳，配埋啲青蟹籽一齊食，令到成個意粉都好鮮味😋主食除咗飯同意粉，我哋仲揀咗個慢烤嫩雞胸(配薯菜)同挪威煙三文魚拉絲水牛芝士手工薄餅🍕一開始見到係雞胸，都驚唔知啲肉會唔會好粗好柴，估唔到佢真係整得好嫩滑😳食落同平時食到果啲雞扒差唔多口感🤣個Pizza都焗得好香，配埋上面既芝士同煙三文魚一齊食真係好邪惡🤤一開始落單果陣驚唔夠飽，所以加$48要咗個四人小食拼盤，入面有雞翼、雞塊、薯角同法蘭克福腸～特別推薦雞翼，炸到外脆內軟🤣好好食～四人套餐都包咗四杯$38嘅嘢飲，如果over咗就要補差價。我同其中一位朋友就揀咗蜂蜜柑桔檸檬梳打，諗住酸酸地可以解膩又冇咁heavy🤣而另外兩位朋友分別揀咗洛神紅苺荔枝梳打同凍特濃鮮奶朱古力，賣相同朋友評論都話都唔錯～雖然食完成個套餐已經好飽，但套餐可以用優惠價$25加個心太軟配雪糕做甜品，咁抵無理由唔加🤣我哋最後都一人叫咗一份，朱古力嘅味道幾香濃，啱啱出爐仲要流心添😳最後食飽梗係要同呢度啲可愛嘅貓貓一齊玩吓🐱佢哋隻隻都唔怕人任人摸🥰…查看更多

今晚去了一間以貓貓café 為主題的餐廳, 做一晚貓奴 為了保持衛生, 門口準備了2部電子機給客人用來包鞋套讓大家可以放心跟貓玩 貓咪都很乖及不怕生, 會跟客人打招呼, 整晚都很enjoy2人套餐 (餐湯, 沙律, 頭盤, 主食, 飲品) - $368 餐湯 – 南瓜忌廉湯 這個湯也幾有誠意, 把南瓜打碎成蓉, 加入香草, 令忌廉湯香滑有口感 沙律 – 有很甜的菠蘿, 沙律菜, 蕃茄, 加上日式沙律醬  滋味2人小食拼盤(+$28)有炸雞, 司華力腸跟薯條. 都幾大碟 即磨芝士黑松露野菌大啡菇忌廉意大利飯要讚這個意大利飯, 芝士控必食, 有大量芝士在面, 而意大利飯煮得剛好有口感, 黑松露野菌大啡菇也永遠是絕配, 也用了黑椒調味巴馬火腿拉絲水牛芝士手工薄餅餅底就不過不失, 面的水牛芝士跟蕃茄醬好多!, 加上香菇, 巴馬火腿及香草, 都ok! M4 美國豬鞍扒配 檸檬蘋果醬($148)豬鞍質量ok, 切下去十分容易, 而且juicy , 配上檸檬蘋果醬令味道層次更豐富M3香煎紅鯛魚柳 配 香草荷蘭汁($138)大廚應比較愛用黑椒調味, 主菜也配上黑椒在面, 把紅鯛魚的魚腥味去除更配用黑椒汁雪山心太軟 (+$25)熱蜂蜜生薑茶 熱蜂蜜紅棗茶 凍特濃鮮奶朱古力 …查看更多

6:30pm去到已經有好多人係門口等入，入門前要穿上鞋套，因為cafe有貓要keep clean。用餐90mins，座位都算多，唔係話好闊落。上菜速度好快，味道唔錯，不過食物唔夠熱。佢地projector長期播放立場💛✨味道70，環境85分，服務70分。.🔷二人套餐($298).🔸是日餐湯x2南瓜忌廉湯好足料，好多南瓜蓉甜甜哋，但唔夠熱。.🔸是日沙律x2沙律菜，車釐茄，罐頭菠蘿，沙律汁多，較鹹。.🔸滋味2人小食拼盤(+$28)炸物配茄汁，有薯條，麥樂雞，法蘭克福腸，都係唔夠熱。.🔸即磨芝士黑松露野菌大啡菇忌廉意大利飯有胡椒香，微辣調味，芝士味都夠濃郁，黑松露味都好出，幾足料，多菇。.🔸意式辣肉腸拉絲水牛芝士手工薄餅⭐️芝士落得夠厚，上面有幾片辣肉腸，整體夠惹味。.🔸雪糕棉花糖朱古力(+$21)⭐️推介⭐️朱古力味好濃，唔會太甜，上面有球cookie & cream雪糕，加埋好正！.🔸熱檸茶檸檬兩片，茶底夠濃。.🔸雪山心太軟(+$25)心太軟味道ok，好流心，朱古力味濃，但唔熱。跟一球cookie & cream 雪糕球。…查看更多

Weekend Vibe! 同Bff決定黎係旺角享負盛名嘅Urban Cafe享受治癒嘅一餐。餐湯係忌廉南瓜湯好香甜，有一絲絲嘅南瓜蓉。是日沙律有生菜、蕃茄同菠蘿。開完胃主菜就黎！！主菜之一點咗即磨芝士黑松露野菌大啡菇忌廉意大利飯。意大利飯係經過改良，配合返港人口味，比較軟身，米粒中間唔會硬。飯好Creamy， 而唔膩。未食已聞到磨菇味，食落仲有芝士鹹香同淡淡黑松露味。欣賞飯中有細小切粒嘅青椒，增加口感。意大利飯冇肉，另一款主菜— 西班牙黑毛豬肋骨，兩大件豬肋骨滿足我地兩位食肉獸，均衡飲食。豬肋骨煮得剛剛好，肉質好嫩滑， 一切就得骨肉分明。肋骨之間有少少油脂，好邪惡但好juicy。燒得好嘅肉配簡簡單單配BBQ sauce已經足夠，醬應該有Tabasco 為base，少少辣辣地。飲品加錢轉Oreo脆脆朱古力沙冰，每一口都有oreo碎 ，朱古力味濃郁。甜品叫咗雪山心太軟，可惜當日只係剩返抹茶味，$25一份心太軟好抵。一切心太軟就有流心效果，食落暖暖地，配埋咖啡果仁雪糕，口裏一冷一熱。期待下次再黎發掘其他好西，同埋探貓貓。…查看更多

因為個人比較懶，唔想慢慢揀野食，一坐底就叫左二人套餐，大家可以開心share食， 先上餐湯，仲有沙律，食住等主菜，忌廉湯同沙律都好開胃，忌廉湯加上南瓜蓉，正呀。 即磨芝士黑松露野菌大啡菇忌廉意大利飯意大利煮得唔錯，個汁都好creamy，加上野菌大啡菇，都好夾既味道。 安格斯牛肉手工竹炭漢堡二人餐4選一都有漢堡，仲有薯條角配添。漢堡都好足少料，安格斯好大塊好厚，而且肉質好滑，仲係新鮮煎起既，加上厚厚芝士，個burger都幾好食。另外都加左個小食拼盤，炸雞塊，香腸，薯角。兩個人一齊分就岩曬，叫都個main食吾落，一份拼盤岩曬蜂蜜紅棗茶，芒果荔枝梳打兩杯飲品，我地兩個都揀左凍飲，因為實在太熱太熱啦。梳打就爽，加上酸酸甜甜既口味，令人愛不釋手。 雪山心太軟綠茶心太軟，比起朱古力特別，而且只係每份加$28就有，上面仲有一球雪糕添。一人一份，大家都好飽了，繼續欣賞下可受既貓咪。係等食既同時，當然有好多可愛既朋友係度行黎行去，但唔知點解佢好鐘意我個袋，二話不說就攤左上去，然後動也,不動，超可愛。最後我想拎個袋，但佢仍然唔肯走。…查看更多

朋友黎過食，咁果日係附近行街，就book下試吓啦。我哋都有心理準備有貓貓，都驚佢哋會唔會阻住食嘢，但結果係一路食一路叫「貓貓好得意呀😍」，忍唔住拍埋片🥰至於食物方面我哋覺得係好食，可以再嚟過。2人餐 $278是日餐湯及沙律🥗南瓜忌廉湯好creamy，味道好喜歡，飲多碗都仲得。沙律就普通，沒什麼特別。即磨芝士黑松露野菌大啡菇忌廉意大利飯黑松露和啡菇味好濃，煮到杰撻撻，好creamy，飯係淋既，非常喜歡食意大利飯既我比讚，比一般食既係好食啲，估唔到有啲質素。安格斯牛肉手工竹炭漢堡配薯角牛肉既味道係唔同啲架，唔係好濃味也不咸，食落覺得味道好適中。竹炭包就覺得係黑色嘅包囉，味道冇大驚喜，但就好軟熟。薯角好食😋朱古力心太軟 （另加$25）影完相蛋糕仲係暖既，好味😋雪糕好似蕉糖+麵包，第一次食唔抗拒呢個味道。芭菲杯 $48雪糕同心太軟果個一樣，脆片好食冇淋到，但太多食唔晒，結果引左「小丸子」貓貓過嚟搶食，你唔食得架！乖！芒果荔枝梳打 （另加$4）味道清淡易入口，適合唔鍾意甜的人。水蜜桃蘋果醋梳打（另加$4）濃味啲，甜啲，蜜桃味好出。入坐前要著鞋套，店內環境乾淨，但位與位之間會迫啲，不過有透明膠板阻隔住的。…查看更多

朋友知道我地鐘意貓貓，今次book左旺角URBAN Cafe幫我慶祝生日🎂。於旺角及油麻地鬧市交界，聚會都好方便。記得book枱，如果唔係好大機會摸門釘。由於有好多貓貓自由行，入場前要先着鞋套，保持地板清潔。比起觀塘分店，旺角細咗少少，相對同貓貓嘅距離近左🥰我哋叫咗個四人套餐，有前菜、四個主菜及飲品，仲可以加$35叫小食拼盤。呢度嘅食物質素高超於一般Cafe，人均消費百零蚊左右，有特色得來性價比高！🥢餐湯及沙律每人來了一份，忌廉湯不算濃稠，但非常Creamy好飲。沙律菜好新鮮，帶點甜醋點綴好開胃。🥢滋味4人小食拼盤雞翼、法蘭克福腸、唐揚雞翼、薯塊，每一樣都炸得非常香脆。一邊食一邊傾偈，一定要叫呢盆小食。🥢三重芝士肉醬意大利麵肉醬好豐厚，覆蓋着意大利麵，上方有一些溶化嘅芝士，旁邊有一啲芝士碎，撈埋一齊食淡淡肉醬，味道配搭識宜。🥢即磨芝士黑松露野菌大啡菇忌廉意大利飯好香嘅黑松露味，好黏稠嘅意大利飯，加埋惹菌同大些菇嘅香味，食落好Creamy及津津有味。🥢西班牙黑毛豬肋骨 配薯菜豬肋骨烤得非常香口，肉質口感軟稔，豬肉味出眾，配埋新鮮晒嘅薯菜，呢一度餸好惹味。🥢巴馬火腿拉絲水牛芝士手工薄餅食了超過一個鐘， Pizza先出現，好大機會係漏單吧。總算新鮮出爐嘅pizza，一人一塊份量啱啱好，邊皮新鮮薄脆，材料juicy有味，喜歡芝士可以一試。…查看更多

上次去食吃吧臨走時見到隔離有間貓cafe，有貓已勁想去，仲要係黃店即想試下，book左2位7:30。入餐廳之前先要穿鞋套，同消毒搓手，確保衞生。一入去見到好多喵，瞓梗覺，其後會走來走去，好可愛呢。店子裝潢簡約，投影播放網上段片，晚餐時段坐滿晒，果然受歡迎。餐牌，二人套餐，$278，好抵食，一於試下。薰衣草拿鐵，跟餐+$13，友人的。薰衣草拿鐵(凍)，跟餐+$16，淡淡的薰衣草香味。是日餐湯，忌廉蘑菇湯，入口香滑。沙律，沙律菜爽脆，有菠蘿酸酸甜甜，清新味道。即磨芝士黑松露野菌大啡菇忌廉意大利飯，意大利飯口感creamy ，味道唔算好濃郁，黑松露味較強烈，味道不俗。西班牙黑毛豬肋骨配薯菜，黑毛豬肋骨，肉質鮮嫩又多汁，好惹味呢。雪山心太軟，跟餐+＄25，好耐冇食呢款食品了，好喜歡切開澎湃朱古力醬湧出來果刻，口感鬆軟柔滑﹐朱古力味濃郁，美味呢。影下可愛的貓，似乎瞓醒左呢。貓：吼！隔離枱餵貓糧，即好多貓湧晒去隔離食野～有時會親近下客人，好可愛呢。為食貓出沒注意～so cute 。有得儲印花。食物幾好，都幾抵食，又可同貓玩，relax的一餐。…查看更多

這間餐廳bookmark左好耐，一直都想來試試，今次友人好醒目book定位帶我來。由於有不少貓貓會在餐廳內行走，所以餐廳做好防菌措施，每位客人進入餐廳前都要在門口的鞋套機把自己的鞋套好，消毒好雙手。坐低後店員給予指示及餐牌給我們。二人套餐包括有沙律、餐湯、兩份主食同埋飲品。沙律、餐湯，沙律菜拌上了沙律醋，還有車厘茄和菠蘿，感覺很fresh!而餐湯是忌廉蘑菇湯，湯內有蘑菇、洋蔥等，都幾足料!即磨芝士黑松露野菌大啡菇忌廉意大利飯，即磨芝士份量都幾多，意大利飯不算很creamy，飯有點偏硬，而飯有淡淡的黑松露味，還有不少菇菌肉，味道都不錯!巴馬火腿拉絲水牛芝士手工薄餅，薄餅是細批，有4件，批底算是厚批，不過都幾脆口，薄餅上的芝士可以做到拉絲的效果!薄餅有濃濃的芝士味，巴馬火腿味道剛剛好，不會太咸!雪山心太軟，套餐加$25可以有心太軟，有兩款味道可以選擇，而我揀選了綠茶味!味道不會很甜，有淡淡的綠茶味，再配上紅豆味雪糕，很滿足呢!水牛城雞翼，雞翼份量都幾多，有五隻，炸得香口又juicy，雞肉嫩滑，而且水牛城醬份量多，令雞翼味道酸酸辣辣，十分刺激味蕾!紫薯拿鐵、芒果荔枝梳打，這裡的拿鐵不含咖啡成份，對於不飲咖啡的我實在太開心了，latte有淡淡的紫薯香味，不會太甜，而且顏色很美!而芒果荔枝梳打有淡淡的芒果味，不會太甜，飲落很fresh!這間餐廳絕對適合喜歡貓貓的朋友，一定不能錯過!…查看更多

同朋友搵Cafe book位食個飯，喺網上搵到呢間人氣之選，仲有貓貓可以玩。咁就梗係同朋友share一齊食，第一樣嚟嘅係卡邦尼意粉，意粉硬度適中，而且幾creamy，個溫泉蛋亦都整得唔錯，撈埋意粉一齊食更滋味。第二個主食叫左芝士黑松露忌廉意大利飯，佢啲芝士唔會好流，仲同個飯幾夾，黏住啲飯，總括來講都幾鐘意。然後仲叫咗個小食水牛城雞翼，同想像中有啲唔同，味道好似酸酸甜甜，同埋醬汁比較多，唔會覺得乾。飲品都有好多款揀，今日養生揀咗蜂蜜生薑茶，驅寒暖胃，普通正常。…查看更多

URBAN Cafe旺角彌敦道566-568A號僑建大廈2樓朋友介紹呢間黃店Cafe好好味，所以今日趁平日冇咁多人就想去試吓。見到Cafe裏面有好多人都係嗌2人餐，超級抵食！有餐湯、沙律、兩個主菜同兩杯嘢飲。沙律啲菜好新鮮，有菠蘿，柚子汁超級開胃，份量啱啱好，唔會食完就已經飽咗。以為二人餐嘅餐湯會冇乜特別，但係點知好好飲！係我覺得成個餐裏面最推介嘅！今日嘅餐湯係南瓜湯，好甜好好味！所以好想再飲多啲添呀！仲食到一絲絲嘅南瓜真係抵讚！主菜揀咗黑毛豬肋骨配薯角，一上枱見到有三大嚿豬肋骨就已經忍唔住好想食！燒烤汁好惹味，豬肋骨燒到啱啱好，骨同肉好容易就分得開，啲肉好淋，食食吓都覺得份量都唔少！仲有好脆嘅薯角，食到好滿足！另一個主菜嗌咗即磨芝士大菇黑松露意大利飯，一上枱見到有好多即磨嘅芝士，所以即刻將芝士同返撈埋一齊，意大利飯好飽肚，兩個人啱啱好！見到隔離枱嗌咗個避風塘雞翼，所以都忍唔住嗌咗一份嚟試吓，一客有五大隻，炸到好脆，外面有好多避風塘嘅香料，唔算話好辣架，都推介！飲品嗌咗青檸薄荷蜜糖梳打，我就好鍾意飲！下次再嚟我都會嗌返呢個！而朋友嗰杯就係特濃拖肥朱古力，我覺得甜咗少少，下次如果再嗌可能會嗌少甜，但係味道都好濃郁！最後加咗$25叫咗一份抹茶心太軟，因為抹茶心太軟唔係好常見，所以就想嗌黎試吓！一切開入邊啲抹茶將湧出嚟，夾埋旁邊嘅朱古力曲奇雪糕同埋忌廉為成餐飯畫上完美嘅句號。…查看更多

旺角樓上cafe質素參差，每次去試一間新嘅都係一場賭博🤣今次去嘅呢間urban café令我喜出望外，食物質素好，服務亦都好，仲好有樂趣添！.呢到嘅食物種類比起一般嘅樓上cafe多，除左有意粉、小食、飲品外，都會有漢堡、牛扒、豬肋骨呢啲較復雜嘅西餐菜式，黎到一定會搵到啱自己口味嘅食物。我同兩位朋友一齊去食晚餐，叫左一個二人套餐(包餐湯、沙律、兩個主食同兩杯飲品，仲可以加$28加小食拼盤)、一杯散叫飲品同一個小食，食物份量都算多，所以我地都夠飽。.套餐餐湯係南瓜湯，味道濃郁而且有南瓜蓉係入面，飲得出唔係就咁開粉嘅湯，鍾意南瓜嘅我十分滿意呢個湯！沙律有菠蘿、車厘茄同沙律菜係入面，加左少少醋調味，味道酸酸地幾開胃。我地加配左個小食拼盤，入面有薯角、腸仔同炸雞，食落香口唔油膩，三個人食份量啱啱好，過下口癮又唔會太熱氣！主食方面我地叫左意式辣肉腸拉絲水牛芝士手工薄餅同即磨芝士黑松露野菌大啡菇忌廉意大利飯。手工pizza調味唔錯，而且水牛芝士夠多，真係做到拉絲效果，如果多少少辣肉腸片就更加好味😋意大利飯值得大讚，好耐無食過咁高質嘅意大利飯！飯煮得好creamy好入味，硬度適中，咬落去有少少煙韌，唔錯！芝士片份量好多，鍾意食芝士嘅人一定要試！額外加嘅小食係水牛城雞翼，呢到嘅水牛城雞翼調味偏酸，唔會太辣，醬料上碟時略微太多，但整體味道好。每隻雞翼size好大隻，咬落好juicy，啖啖肉，好滿足！三杯飲品分別係水蜜桃蘋果醋梳打、蜂蜜金桔檸檬梳打同雪糕棉花糖朱古力。我最推薦雪糕棉花糖朱古力，朱古力好滑好香濃，配埋雪糕好似食緊甜品咁🥰另外兩杯就係比較清新嘅飲品，適合唔鍾意飲太甜嘅人飲。我先前提到樂趣多係因為呢到有好多貓貓店員，佢地會係你腳邊行過，十分得意，鍾意貓貓嘅人仲可以買貓零食吸引佢地過黎架！整體而言，呢間cafe有美食又有貓貓陪玩，我一定會再去，大家都值得去試下！…查看更多

收工同朋友約咗喺呢間有貓貓嘅餐廳🐱食晚飯我哋一入到去指認就叫我地用消毒潔手液清潔雙手同埋粒上鞋套先至入店 可以見得呢間餐廳比衛生方面有下功夫一入到去 驟眼睇 有超過10隻貓 但係一啲貓嘅體味都聞唔到 空氣清新 環境好闊落 見到好多貓都好精神活潑我同朋友決定咗叫一個二人套餐 👭個套餐係包括一個主菜餐湯沙律同埋一杯$38以下嘅飲品如果叫$38以上嘅飲品就要補返差價 主菜方面可以揀要pizza意大利粉漢堡包或者意大利飯🍛🍝🍔🍛我哋就揀咗即磨芝士黑松露野菌大啡菇忌廉意大利飯同埋安格斯牛肉手工竹炭漢堡配薯角一叫完食咩 侍應就即刻上咗餐湯同埋沙律餐湯係南瓜忌廉湯沙律係平日和風芝麻醬雜菜沙律 食材新鮮 兩樣都好好 個湯好smooth 沙律好fresh 唔馬虎:)首先講講個黑松露菇忌廉意大利飯 可以見到佢嘅飯面有細細片嘅芝士薄片同埋飯粒上面鋪滿左一點點既黑色係黑松露醬同埋夾雜住有啲大啡菇嘅菌塊 入口有好濃郁既松露味 忌廉令到個飯好creamy不起飯既時候有出現輕微既芝士拉絲 呢個飯真係起色香味方面都深深吸引到我至於安格斯牛肉手工竹炭漢堡配薯角個包有好足份量嘅安格斯牛肉煮得剛剛好 有肉汁調味亦啱啱好 最怕叫漢堡食到嗰啲火候過咗好dry既 所以今餐真係好得好開心 估唔到貓貓cafe既食物水準係出乎預料咁好嘢飲方面我就揀咗Oreo脆脆特濃朱古力 ☕️一望落去佢個面鋪滿着好多Oreo粉末 入口有好濃郁嘅朱古力味 岩曬Chocolate lover♥️最後想講呢度既貓貓真係好乖 唔會亂倒亂但係見你張枱有空間無食物個陣會跳上面 真係好有店主feel 仲會不時起你附近搵你摸 基本上好多都唔怕羞仲會不停巡鋪 臨尾補上小小貓貓相 …查看更多