少爺18

去葵芳醫肚，見到呢間少爺18有promotion做緊，而且疫情下都仲有9成以上入座率，應該靠得住，就入去試下。茶位$6，荔枝茶好飲。印尼炒飯，雞肉串燒，蝦，都好食😋感謝節加配價，原本想食烏頭，點知話賣晒，所以轉牛肋條。咖哩牛肋條，有d咸，而且似牛腩多過牛肋條。唔太肚蝕，食兩碟就夠☺食評話侍應生服務唔好，個人覺得幾好，唔知關唔關疫情事啦😝…查看更多

中午時間在葵芳新都會廣場搵食的確甚有難度，18少爺在4樓，唔知是否位置問題，較容易被客人遺忘，今天在「不須等候，二人直入」情況下，我去同少爺共度午餐先!我們跟餐牌點了兩份午餐:●印尼炒飯拼串燒炒飯只得兩隻蝦和數粒豆炒，有少少dry，但用上了醬汁，飯甜甜地幾好味，唯有用煎蛋和菠蘿青瓜伴飯食。串燒味道唔錯，可惜只得兩串，「些牙」了一串給朋友後，自己食一串，其實都覺得有唔夠喉既感覺。●海南雞飯配馬來西亞肉骨茶雞肉肉質嫩滑，欣賞佢有一條菜芯伴碟，感覺健康。加錢可拼肉骨茶，馬來西亞和新加坡口味，我們揀了深色，藥材味較重的馬來西亞。若是怕怕藥材味，可以揀新加坡，色淺，用白胡椒清淆成。午餐送飲品，價錢約$100位，食物分量普通。…查看更多

星期六的葵芳新都會廣場人滿為患，為左可以晤洗等位，下午早早就來到食飯。我地揀左好耐冇食既少爺18。葵芳的分店裝修幾好，環境不錯，幾好坐。印尼炒飯：味道好好，無論系配菜定系炒飯，絕對系值得推薦，蝦片脆，沙爹雞串惹味，炒飯乾爽，粒粒香！可惜分量真系勁少，講真，米飯值幾錢？晤洗咁小氣卦！蒜香柑桔蜜糖豬脾：柑桔蜜糖清新甜蜜，豬脾肉質鮮嫩，完美配搭，加上蒜香的點綴，系大快朵頤的享受。胡椒鱸魚：好味面前熱氣都不怕，好有特色，炸脆左的鱸魚仍保留魚肉的鮮，外脆內嫩！新加坡蕃薯喳咋：中伏，呢道甜品系今餐的敗筆，同想象中相差甚還，完全冇特色，見不到蕃薯，同普通西米露冇分別，且太甜。…查看更多

少爺18開左一排終於有機會食，平日既lunch hour ，唔使等位環境好寛闊，有一面牆係玻璃，太陽光入黎好舒服 個碟太靚，影左，不過其實唔方便食野，不論食飯定湯面類食物選擇都幾多ga飲品我揀左佢既熱檸蜜，朋友揀左凍檸蜜，一個字 「夠」甜，怕甜人士，唔會識欣賞，但檸味都好濃ga先上個豬肋骨 蝦湯面，而係油面，唔會太"林"，湯咸味夠，不過呢冇咩鮮味，豬肋骨仲煲完湯既排骨，即係湯係咩味，佢就係咩味之後黎左個菜啦，分量OK，炒完即上，香口，通菜係小通菜(唔係白色個隻)，睇得出有揀過，爽口 印尼炒飯，我真係鐘意食熱野要夠熱，呢個印尼炒飯弊左唔夠熱，咁會令我覺得更油，其實d 料真係足夠，但唔熱就唔會香，沙嗲都係，蝦片OK唔油脆脆 …查看更多

第二次來這裡晚飯，上次還要等位，這次週末竟然只坐了一半人客，已心知不妙。 其實我是為一眾班蘭甜品所吸引才來的，後來卻發現原來大部分只設外賣，堂食的沒幾款，所以只好選這蛋糕。斑蘭芝士蛋糕偏於濕潤，口感硬實，斑蘭味不太突出，體積亦比正常芝士蛋糕細小，伴碟也就圖中一顆士多啤梨，不太抵食。 煎得不錯的流心蛋、鮮蝦幾顆再配以香脆蝦片和沙嗲串，配料及賣相不錯。可是炒飯偏濕，亦不太夠香，只是普通豉油飯的味道，索價過高。幸好旁邊的沙嗲串，肉質還可。椰汁咖哩真令人大失所望！ 名為椰汁，卻找不到椰汁的蹤影！咖哩非常油膩，厚厚的一層油浮面，頗為辛辣，但卻不香不惹味。才小別幾個月，就退步如此，難怪人流稀少了這麼多。…查看更多

睇TBB見到有介紹過呢間"少爺18", 鏡頭下, 好似好好味, 當然要親身去試啦!一入店內就有位, 食客不多, 但裝潢很特別, 色調柔和, 以粉紅色和粉紅色為主,牆壁上掛滿碟既裝飾, 沙發上有用粉藍/粉紅色的的咕0臣, 令人都好舒服既感覺.唔知食咩好既我, 左望望, 右望望, 幾乎個個都有碟飯...上面有隻蛋...鄉下出城般既我...即管問下Waiter, 請問呢碟係乜, 原來係鼎鼎大名既"印尼炒飯". 我當然都唔執輸叫返個, 又叫埋龍蝦湯麵同炸物前菜 (抱歉, 名字我忘記了), 2個人吃, 足夠了吧!印尼炒飯 ~ 聞下去很香濃, 我還怕會很咸, 但又唔會喎, 味道岩岩好, 有陣陣咸香.龍蝦湯宧 ~ 食到我汁都飲晒, 蝦味濃郁, 仲有好多牙菜, 望落去以為唔多襯, 食落口原來好鬼夾.炸物前菜 ~ 唔油膩, 一般都係芋頭絲, 粉粉的, 加埋柚子肉, 甘筍絲, 脆卜卜又酸甜, 挺不錯整體來說: 由服務到食品都是很高質素…查看更多

葵芳常客… 基本上其他餐廳都食過，係爭呢間見佢開左一排都無入去試。今日的起心肝試下先！少爺18… 睇佢既廣告同埋門面其實都好靚好有心思，應該都唔少野。佢地用既碗碟都係特製，好靚的。馬拉盞炒通菜～ 作為通菜 super fans 既我地，無可能唔叫。不過佢既味道偏淡，但幾香口，另一種風味。參巴蜜糖雞翼～ 呢個就不得了。炸雞翼好夠火候，加埋參既蜜糖汁，非常開胃，食極都覺得唔夠。但可惜果日喉嚨痛，唔食得太多熱氣野同辣野。印度烤餅… 雖然我地唔知點解會叫左呢個餅，但食完都幾好味。個質地一流，非常香口同埋麵粉味十足。對於非常鍾意食麵粉制品既我，真係岩晒。加埋咖哩汁，又係好開胃醒神。呢個春卷真係唔記得左個名喇… 好似係素春卷來的。係食完頭三樣偏濃味既野之後，食返呢個比較清淡既菜式，會覺得幾清新。最後仲有呢個印度炒飯… 粒粒分明。印尼蝦餅都一流，自細就好鍾意食。呢個蝦餅新鮮同埋炸得好，完全唔會油同埋無油益味。配上個粒粒炒飯… 食食下就飽晒。所有菜式份量睇好似好少，但其實一D 都唔少！原本仲諗住食埋佢個甜品，但真係食唔落了，唯有等下次 …查看更多

昔日住在屯門，經常在葵芳地鐡站轉車，因利成便，晚餐往往在新都會廣場攪掂，事隔多年，商場已煥然一新，名店食肆都由新一代進駐。有著海南少爺的背景，卻是銳意走年輕人路線，在原有的菜色上注入了新元素，令人耳目一新。牆上的植物裝潢，帶給人清新爽朗的氣息，食具以粉藍及粉紅作為主調，桌椅間空位闊落，更有戶外座位，秋天時份，讓暖暖的陽光伴隨午餐，真是難得的奢侈。餐牌是新舊夾雜，壁壘分明，訂價亦是年輕人能接受。今次多得公關朋友的邀請，可以一試店方的主打菜色。前菜(舊)撈起素菜沙律 ($68)所用的並非常見的冰梅醬，而是用新加坡甜醬油、麻油、青檸汁、喼汁、砂糖及雞湯調教而成，夾雜了咸甜酸香的味道，特別喜歡炸過的芋絲及柚子肉，令到口感更具層次。菜頭粿 (蘿蔔糕)($68)蒸好後切成丁方，然後加入醬油去炒，收汁後蘿蔔糕沾滿了醬汁，很惹味。(新)新菜式有椰香飯粒羊肉沙律 ($88)，飯粒壓成丁方的飯粒，有著淡淡的椰香，羊肉就似乎炸得太乾身，加上沙律菜，是一個幾新穎的配搭。參巴蜜糖雞翼 ($68)可說是整個前菜中最吸引的菜式，看似平凡，醃過再炸，然後加入自家製參巴醬(鮮辣椒、香茅和乾辣椒，慢炒半個鐘，後加蝦膏再煮)及蜜糖，雞皮有少許脆，而且非常入味，絕對推介。香煎蟹餅配辣椒蟹醬 ($88)原本平平無奇，但蘸點了辣椒蟹醬後，有點兒蓋過了主角的風頭，細問之下，醬汁是用蕃茄、茄糕、乾䓤、蒜頭、洋蔥及辣椒煮成，真是既花心思，又花時間。主菜(舊)椰香素菜咖喱 ($68) 伴薄餅 ($20)既然以椰香掛帥，但卻又不突出，而且咖喱汁太薄，有點水汪汪的感覺，薄餅沾不上汁，白白浪費了，不過粟米芯、椰菜及西蘭花好入味，煮得夠稔，不錯。海南雞 ($200)(全隻)雖然用冰鮮雞，但處理得好好，皮滑肉嫩，而且雞味比想像中厚，配上三色醬亦是常見的組合，但碟底加入了醬油，令雞肉變得太咸，要改善一下。蕉葉燒比目魚 ($138)用來代替常用的魔鬼魚，肉質很嫩滑，酸甜的味道亦很吸引，只是魚味稍淡，蕉葉味亦太輕。(新)炭燒排骨 ($88)醃得入味，骨邊的筋膜位尤其誘人，油香豐腴，滿有肉香，又是一道必點的菜色。馬來西亞燒雞 ($120)(半隻)與海南雞是兩種不同風味，但欠了燒雞的濃郁香味，而且肉質較結實，加上情意結，還是喜歡海南雞飯。主食(舊)福建蝦湯麵 ($88)是在下喜歡的菜色之一，湯頭有著濃濃的蝦味，更愛濃稠的口感，麵條沒半點令人討厭的鹼水味，貪心點，海蝦可以大隻一點就更好了。海鮮椰香喇沙 ($88)似乎沒多少椰香，辣度亦未夠，幸好配料有海蝦、青口及鮮魷，油麵混和米粉更添嚼口。印尼炒飯 ($98)油份恰到好處，雞蛋、烤蝦及沙爹串是另上，飯粒加入青豆，令口感豐富，好味。(新)蝦汁帶子長通粉 ($108)在煮長通粉時，加入以蝦頭熬過的sauce，就算望落不見蝦肉，但味覺上完全可以感受得到，帶子略為煎過，但味道反而一般。新加坡香辣蝦意粉 ($108)夠辛勁，意粉亦有少許夾生，但蕃茄與辣椒的配合太大路了。甜品(舊)馬來西亞刨冰 ($58)用粟米粒、大菜糕及紅豆澆上椰奶馬六甲椰糖及煉奶，刨冰磨得夠細碎，在寒冬天氣下，每口都凍到入心，好玩。(新)榴槤甜品併盤 ($88)包括了榴槤春卷、榴槤Brownie及榴槤雪糕的組合，都是用D24榴槤，極有熱帶風情，春卷油份瀝得清，咬落清脆，淡淡的榴槤味，就算不愛榴槤的朋友，都可以試試；榴槤Brownie以濃郁及甘甜的朱古力配上榴槤，令榴槤的味道更容易接受，而且在味覺上又非常合襯；而雪糕加入了雲厘拿，把榴槤強烈的味道減輕，三款食物都經調教過，很有好感。班蘭蛋糕配白咖啡奶凍 ($68)賣相真的不知點形容，而班蘭味又太輕，奶凍就恰如其分，沒太大驚喜。在附近真的沒有相似的食店，商場的人流亦有保證，加上性價比及食物具水準，醬汁亦是自家製，誠意十足，但商場指示明顯不足，主動去找都要花點時間，店方要注意一下。…查看更多