AnyMomentCafé

营业中

休息中

最近天氣轉熱，拍拖想搵啲室內嘅節目，所以去咗間broad game cafe-Cafe環境唔算好大，但board game款式好齊全，Rummikub、矮人礦坑、阿瓦隆、籤籤入扣等等熱門嘅桌遊都搵到～～-食物方面，味道同質素都好好，主食我哋點左卡邦尼煙三文魚螺絲粉同韓式牛肋條。螺絲粉味道濃郁好掛汁，煙三文魚有四大片份量好足。而牛肋條味道微甜，配搭菇同埋菜喺底好好餸飯，飯團仲整咗一隻鴨仔形狀幾得意。我哋仲另外加咗小食瑞士雞翼，同叫咗芒果沙冰、水蜜桃益力多沙冰，味道都正正常常，飲品沙冰打得好幼滑，唔會好甜。-因為我同男友都唔太想用腦，玩咗幾款益智疊高嘅遊戲，邊食邊玩好快消磨咗一個下晝，好適合同朋友聚會或者一家大細來玩。依家平日一至四晚仲做緊75折優惠，就倒時間去玩好抵。

年尾放工想約同事鬆一鬆，唔一定要北上揼骨，留港消費撐吓小店電話預約去旺角樓上餐廳一齊玩吓boardgame，增進友誼增加默契又好，共擦晚餐又開心呢間除咗有唔少boardgame玩，嘢食亦好別出心裁地中海醬嘅螺絲粉，製作好講究，用咩香料都有根有據做晒試驗，所以調味變得好獨特，連粉蒜片都好香口，雞肉夠嫩又入味煙三文魚螺絲粉睇落都好足料，有幾大塊煙三文魚喺面頭，油香鹹香一流以大量蔬菜托住，喺底有好香綿嘅螺絲粉芝士以熔岩式咗撻咗喺薯條之上，色澤份量都令人垂涎三尺芝士唔係一味得芝士，仲有啲醬汁調味，薯條又夠香，食起嚟勁開心樓上cafe唔係得咖啡賣嘅，仲有養生茶可以揀潤喉茶好啱而家又乾又凍嘅天氣，清清地又幾夠味護肝茶更係都市人嘅必選，做嘢傷肝就飲返幾杯，有啲香牛蒡味，飲落幾舒服

係旺角揾嗰坐得耐傾偈嘅地方真係好難😂 今日發現新大佬咁😍 呢到可以坐好耐，俾你慢慢傾，慢慢玩唔同遊戲😆 真係好舒服🤩不過地方真係有啲難揾，原來恆威商業中心係要行條行仔入去😅 我都係問樓下地舖啲人先識路🥹 所以認住我影呢張相😂揾路都易啲🫰🏻3個人叫咗兩個晚餐☺️一個芝士薯條🍟同瑞士汁雞翼😋 飽到🤣 韓式牛肋條 - 牛肋條煮得好淋，嗰汁調教得好好，呢個係必叫😍 卡邦尼碎煙肉三文魚 - 好多煙三文魚😽，都好好食😆 芝士薯條 - 佢啲芝士醬好食之餘，最重要係放咗半個鐘之後先食都仲係脆，始終就算飽咗，傾偈都會想揾啲嘢咬下😂 呢個真係就流🥰瑞士汁雞翼 - 家的感覺，又係傾偈食之食嘅最佳選擇😁單叫飲品相對係貴嘅，因為佢預咗你坐好耐😂 不過嗌啲特別啲嘅跟餐都係加$12-18左右，都算抵‼️單叫就50幾蚊一杯左右😋 士多啤梨🍓系列嘅嘢係老闆推介🫰🏻 絕對唔係藥水味😆 可以一試🤓 但我建議你坐得耐就唔好嗌沙冰😂 因為啲冰融左飲法都唔同咗😂由於佢所有嘢都係即叫即整，所以所有嘢都會好熱😌 但當然花嘅時間都會耐啲🧐食飽飽仲可以玩boardgame🤓 一邊傾偈一邊玩hea幾個鐘都無難道😁 夏天熱辣辣，又搵到新景點🫶🏻