新記冰室 (已結業)

講起新記一定第一時間諗起佢哋個芝士麵! 但係除咗芝士麵之外，佢哋其他嘢食都好好食㗎🤤嘢食一d都唔頹，擺靚靚又熱辣辣咁送上枱面，又大大份! 每次都食好飽好滿足🤤※川辣牛肉煎蛋飯 $53真心呢個飯係我食新記永遠嘅最愛💛牛肉份量好足，蛋汁配埋川辣汁送飯一流🤤可能係辣辣哋嘅關係，好開胃🤣食開重口味嘅朋友一定會鍾意～～可以連埋餐飲（熱飲+$3，凍飲+$6）個人鍾意叫凍奶茶，可以解下辣🤣🤣🤣※卜卜蜆湯日式烏冬 $60第一次叫呢個食～好多蜆啊!😍d蜆洗得好乾淨，無沙～重要隻隻蜆都有肉～唔係得個殼! 好滿意佢個湯底～重要有好多菜～很好👍🏻※ 奶茶紅豆冰 $28因為跟餐～所以加$12就飲到☺️勁大杯呀! 唔會好甜! 紅豆又夠曬多～※芝心牛肉餃（5隻） $42見到就忍唔住叫埋嚟試🤣係新記先有嘅芝士味啊💛5隻餃夠曬飽，又係連埋湯&菜～唔錯唔錯💛…查看更多

響旺角充滿美食既地方，想簡簡單單食餐晚飯其實唔難，不過如果想坐得舒服又食得滿足既話，新記冰室絕對係其中1個好選擇。一坐低睇到餐單，可選擇食物唔算太多，但勝在種類繁多，點都會有款岩食﹗黎到新記冰室就當然試下佢地最出名既芝士撈麵啦﹗以下就係食好D推介：𝟙. 卜卜蜆湯日式烏冬 $𝟞𝟘 𝟚. 芝士汁豬頸肉煎蛋撈公仔麵 $𝟝𝟠 𝟛. 芝士牛肉餃 $𝟜𝟚鍾意食海鮮嘅人，見到卜卜蜆唔洗諗，係冰塞見到蜆湯必食。個湯底勁清甜，奶白色，好似落左奶油咁香咁甜，好香蜆同紅蘿蔔椰菜嘅甜味。我忍唔住飲左半碗湯。想食得清清地真係可以考慮下。芝士撈公仔麵都十級邪惡，芝士好似唔洗錢咁，舖完成個碟，真係係啖啖芝士麵，加埋太陽蛋嘅蛋黃，個麵好香濃。豬頸肉就普通，無咩特別太多調味料，主要食個芝士味。至於芝士牛肉餃，個牛肉味似台灣紅燒牛肉咁濃，多少少餃子醋同辣嘅調味，第一啖入口較普通，但食到口中越咬味道越濃，食完牛肉味仲停留係個口中！好有驚喜，值得一試~…查看更多