豚本家 (已結業)

吉列厚切豬扒定食（$98）真係好厚切，足足有平時坊間嗰啲嘅一倍厚。吉列炸衣薄薄一層，脆口，無油膩口感；豬扒肉質未算軟嫩，但唔會好嚡，邊位有少少肥膏，爽口彈牙唔油膩；吉列醬汁酸酸甜甜，可作中和作用。要咗加飯及加菜，所以白飯及椰菜各多一碗。前菜牛蒡絲味道幾濃。白飯好有誠意，有紫菜同芝麻。麵豉湯味道正常，但頗多昆布片。茶碗蒸夠滑有蛋味。南蠻炸雞定食（$76）並不是炸雞件，係雞扒，又係勁厚勁大塊。雞扒肉質軟嫩，而且仲有少少肉汁。南蠻醬酸味偏少。呢個定食CP值高。吉列竹筴魚（+$18）加多咗一份小食，竹筴魚比預期中厚，但有少少魚腥味，要加啲檸檬汁癖一癖，試過就算了。總括嚟講，呢間餐廳會再次幫襯，食物質素可以，收費合理，服務員有禮態度好（依家好多餐廳都無），環境尚算寬敞（坐位唔會太逼）。PS：自己 scan QR code 落單。午市無加一服務費。…查看更多

加藤屋主打日式定食🇯🇵，有齊刺身、炸物、燒物定食，位置好近荃灣地鐵站，btw 炸雞定食真係平到偷笑，$5x大大碗！：-1️⃣「南蠻炸雞定食🐔🍚($58)」份量十足🤤，炸得香口，好惹味，配珍珠米一流！如果係學生👩🏻‍🎓仲會送小食tim!! ~Deep-fried chicken set meal with rice👍🏻-2️⃣「豚肉生薑燒定食🫚🐷($68)」好大兜，豚肉入味表面微微焦香，食到有薑味～😛~Grilled pork with ginger and rice-3️⃣「吉列三文魚柳定食🍚($125)」第一次食呢個熟度嘅吉列三文魚，真係外脆內嫩 ，配埋蛋黃醬食超正🤣～Deep-fried salmon set meal with rice 👍🏻-4️⃣「抹茶蕨餅🍵」5️⃣「抹茶雪糕🍵」兩款都不過不失～-⚠️：定食包茶碗蒸、味噌湯及白飯，都可加錢轉烏冬或蕎麥麵🍜😝…查看更多

🐮鹽燒牛舌定食 $108-刀功一般，切到好唔平均，有啲仲要係連住未切晒，依個位有啲扣分😣不過味道以依個價錢嚟講算唔錯👍🏻食過有啲牛舌係冇牛味不特止，仲要係咬唔開😐但係佢依份食到有牛味‼️🤩 亦都因為佢切得唔平均，有啲驚喜，有幾塊係好嫩口，一咬係成口油泌晒出嚟💦-🐔南蠻炸雞定食 $58-依個價錢、份量，都能夠令佢有6分以上😌我初頭order以為啲雞係手掌大🤚🏻頂你一出嚟係我半個屎忽咁大😂🍑食完飽到想嘔，仲要幫對面個四眼妹食埋佢個牛舌定食🤓不過唯一要講就係粉同舊雞好分離，唔夠實💥-配菜就唔太掂，好乾😣完全冇汁-茶碗蒸就合格💪🏻當然未滑到一嘢瀡入喉嚨哽死人嗰隻喇，不過以平民價錢嚟講算唔錯🥳👍🏻最尾仲收埋幾舊雞肉喺底🐔🐔-Staff服務態度都好好💯💯對面個四眼妹淨係煮塊牛，都夠膽死彈到成身油🥹😉我哋都未拎紙巾，啲staff已經拎晒濕紙巾俾我哋🧻加分😚😋 經過荃灣可以一試😋😋-ᰔᩚ 好味指數：🐮牛舌定食 7/10🐔南蠻炸雞 8/10 (以$58嚟講）…查看更多

荃灣地鐵站附近新開張的日式餐廳，見附近啲餐廳食到悶悶哋就決定過嚟試試佢。餐廳位於富華中心二樓，地鐵站一出就係。新開張原因午市並未有太多食客，內部日式裝修乾淨企理，侍應嘅態度有禮快手。餐廳要用手機落單，方便易用。是日一個人坐四人檯，決定先試試佢午餐南蠻炸雞定食$58。落單後5-10分鐘出餐，速度可以。落單時可以選擇免費追加椰菜絲，多飯，少飯等等。今次就冇加到，侍應送餐時亦有提醒椰菜唔夠可以免費追加，就怕你食唔飽定食附有麵豉湯，茶碗蒸，漬物，白飯，胡麻醬，炸豬扒牆。真係幾豐富吓👍🏻👍🏻炸雞大大份，新鮮炸起熱辣辣，好正！但食到尾有機會會有少少濟嘅感覺。茶碗蒸入邊有嗚門卷同冬菇，底味有啲啲苦，可能係個高湯未較得好。麵豉湯正正常常白飯係珍珠米，煮得幾好。今次我係揀咗少飯，但好似都冇乜少到。定食嘅份量好足！但係細食嘅朋友就真係未必食得晒總括嚟講$58 食到呢個質素的確係超晒班，希望長做長有！…查看更多

今日嚟咗荃灣地鐵站對面嘅富華中心 上一層樓梯就有新開嘅日式餐廳😮 餐廳格局好舒適 坐得幾寬敞 而且有日光曬入嚟 光線好充足 令人心情愉快😸南蠻炸雞定食呢個係其中一款午市定食 價錢真係好大眾化🐥 雞扒好大塊啊 入面仲有好多雞汁 外層嘅炸粉好薄身 而且脆口 上面嘅他他醬同炸雞好夾呀 定食仲配埋麵豉湯 茶碗蒸 白飯 漬物👍🏻 真係好抵食 難怪勁多人嗌呢個餐燒牛小排定食呢個定食同樣有麵豉湯 茶碗蒸 白飯同埋漬物 麵豉湯入面有海帶同埋豆腐😉 呢個牛小排定食可以親自燒 可以話有得玩 又有得食🔥 照燒雞翼每隻都好大隻 仲要好juicy👍🏻 照燒汁甜甜地幾好食唐揚魷魚鬚底下有椰菜絲🥬 唐揚魷魚嘅外層唔厚🦑 入面嘅魷魚好肥美 魷魚鬚有咬口一口炸豆腐炸豆腐外脆內軟😙 面頭有五香粉同芝麻 幾惹味 份量都幾多呢間日式餐廳嘅地理位置真係好方便 超近地鐵站 午市套餐又高性價比 值得一試🤪 白飯同麻醬椰菜沙律都任食 真係好抵🥰…查看更多