登堂 (已結業)

餐廳環境寬敞，空間感十足，完全沒有侷促感，還劃分了幾個區域，設有吧枱、圓桌、小桌子等不同座位，充滿著驚喜！裝潢設計走簡約時尚風格，感覺很chill很型格，氣氛輕鬆舒適。朱古力爆谷鮮奶 ($45)入口朱古力味道香濃，帶有焦糖爆谷的味道，口感順滑。威靈穎美國特級牛柳 ($348)香氣四溢，酥皮黃金香脆，切開後看到粉嫩的牛柳，極為吸引。北海道鮮帶子魷魚意大利飯 ($188)勝瓜·玉子豆腐·鹹蛋黃賣相精緻誘人，意大利飯香味撲鼻。北海道帶子鮮嫩無比，魷魚非常軟腍滑溜，當中還混入了鹹蛋黃，令意大利飯更香口惹味，每一口都齒頰留香。…查看更多

觀塘出名多上樓餐廳，今日去呢間仲特別有feel 的。入門即時見到呢個酒櫃，幾十款紅白餐酒任你揀。價錢合理喎，即時歎返杯，來自阿根廷的紅酒。南美風格，入口有果香，飲落又有點香料味，都幾有層次。Susana Balbo BenMarco Malbec 2016 $62除了紅白酒，原來餐廳仲有D自家製特色 cocktail, 心思思想試吓。Earl Grey on rock $96伯爵茶做的大冰塊，再 mix 埋Gin 酒、力嬌酒、檸檬汁同蜜糖等。摸住酒杯底來慢慢硏究食乜好，幾爽！12 小時低温慢煮烤乳豬件 $238第一眼見到都係忍唔住嘩左聲，好大件烤豬呀！隻乳豬烤得好香，一刀切落去，即時 feel 到豬皮好薄好脆，應聲斷開。乳豬肉好嫰好滑，而且冇乜油，配上酸酸甜甜的燒汁，真係好好食，完全冇得輸。配菜有薯仔件、沙律菜同埋蘭度豆，健康的 superfood, 口感少少似綠豆，幾得意。好野記得襯熱食北海道鮮帶子魷魚意大利飯 $188 熱辣辣又香，鐘意意大利飯的人咪錯過。除左面頭三隻香煎帶子夠吸睛外，意大利飯仲粒粒飽滿煙韌好有咬口。飯底好香咸蛋黃味，仲食到有勝瓜、魷魚同玉子豆腐，口感豐富。而且暖笠笠，好啱冬天食。甜品時間，每人點一款，開心些牙～法式芒果拿破崙配自家製雲呢拿雪糕 $68眼見只有紅莓、黑莓同士多啤梨，原來芒果全部夾了入拿破崙酥皮之內。酥皮幾鬆化又有牛油香，而雲呢拿雪糕都算滑。綠茶心太軟配自家製紅桑莓雪糕 $78朱古力心太軟就食得多，綠茶味就真係第一次試。綠茶蛋糕的口感好鬆軟，而裡面的綠茶 lava 都係超級辣口。質感同朱古力心太軟好相似，而更加多一重抹茶香味，好正！紅桑莓雪糕，酸酸地，食落仲有少少桑莓核，配埋綠茶岩漿一齊食，都幾得意架。除左食物有水準，環境同氣氛都幾正，下次帶多D 朋友來 chill 返晚。…查看更多

好姊妹生日，當然要搵間地點就腳方便，環境又靚食物又好食嘅地方慶祝慶祝🎉🎉🎉姊妹提議揀呢間屬於M1 Group旗下的餐廳。喜歡佢哋不使用味精、雞粉、雞湯等高脂無益嘅調味料，堅持只採用高湯、新鮮雞湯、海鮮汁、菜汁、牛肉汁等等作天然調味的健康西餐。講到咁厲害當然要試一試。餐廳為位於觀塘的〈The Wave〉，由港鐵站行過去都好方便，連住得遠小小既嘅姊妹都話有港鐵就ok:):):)店內環境都好靚好舒適，好適合飲下酒，傾下偈，食好西。🍷🍷🍷 仲設有live band，氣氛一流。〈香烤雞中翼。泰式羅望子醬〉雞中翼經網面燒烤致微微嘅焦香，熱辣辣嫩滑多汁夠juicy其實會點雞翼係因為想試依個〈泰式羅望子醬〉😅😅😅但係侍應生一放低嘅時候已經提我哋話呢個醬都比較辣，果然我點一點就已經覺得辣度後勁好強勁，試唔到羅望子是什麼味道的確有點可惜，但係自問係辣王嘅朋友絕對可以過嚟試一試，因為就咁聞的確係幾香的。〈燒德國鹹豬手配椰菜及薯角〉〈食肉獸好友〉一見到個menu上面有德國鹹豬手就已經即刻心心眼。淨係睇都知豬手嘅外皮非常脆卜卜，燒得乾爽清脆！！仲有勁邪惡嘅粗薯條，我唔客氣了。脆卜卜嘅外層下帶著一層粘粘的骨膠原層，但再落去嘅肉質就一啲都唔肥膩，口感香軟柔滑又實在，帶有濃郁嘅豬香味，真係好好食呢。〈北海道鮮帶子魷魚意大利飯〉睇menu介紹見到除左鮮帶子同魷魚外，仲有勝瓜，玉子豆腐同鹹蛋黃。好神奇！！幾樣食材好似大纜都扯唔埋喎但係原來大膽嘅創意往往會帶來意想不到嘅效果！！飯芯還帶一點生硬的Risotto成啖食，口感非常 creamy,和滑滑的玉子豆腐非常match！！而穿成小粒狀的鹹蛋黃沒有煮到融曬，所以久唔久食到一小粒咸咸地，竟然能吊起整個飯嘅鮮味。再加埋鮮甜嘅鮮帶子和彈牙嘅魷魚圈，無論賣相，味道和口感層次都冇得輸。〈紫薯凍頂烏龍，爆啡〉最後我地仲叫咗依兩杯凍飲。紫薯凍頂烏龍就比較清香加上紫薯味既奶泡，夠晒清新解暑❄️❄️❄️而爆啡就真係無改錯名，咖啡味道勁濃郁，超熱愛咖啡嘅好友對此讚不絕口！！總結：雖然話係冇味精嘅西餐廳，但絕對唔輸蝕之餘仲超出我預期想像中咁好食…查看更多

串燒拼盤 $368串燒以巨型木砧板上碟，11串一字排開非常有氣勢！睇見都覺得興奮~(左起) 燒粟米、蕃茄翠玉瓜、帶子、三文魚、美式香腸2條、澳洲牛肉、白鱔、海虎大蝦、西班牙黑毛豬五花腩同埋雞翼。串燒烤過後食材發出既焦香特別有風味，白鱔非常彈牙，三文魚肉質能鎖住水份唔會「柴」，海虎大蝦夠厚身啖啖肉食得過癮。整體黎講火候、味道都唔錯。北海道鮮帶子魷魚意大利飯 $188呢個配搭好新鮮，勝瓜清新，食落爆汁好juicy，以咸蛋黃作主調味道，再加入滑溜玉子豆腐，估唔到又幾夾。刺身級帶子煎至半熟狀態，外層煎香但內裡保持刺身口感。牛油果凍頂烏龍 $45(右)奶泡上有淡淡牛油果味，下面係清烏龍茶，都幾refreshing，如奶泡厚啲既話就更加正啦。雜果冷泡茶 $45(左)果味豐富，飲得出加入左橙汁同埋熱情果汁既味道，賣相精緻。最驚喜既係原來呢度有Live band！主要唱英文歌，佢地既選歌都係拍子輕快又chill~ 放工黎食飯抖下就啱曬啦~…查看更多

在5月份，我約了才子長輩朋友食飯，起初打算遷就住在將軍澳的他，他也很細心，知道我不熟悉將軍澳區，建議在觀塘食飯；那麼！我選擇3間餐廳讓他選擇：I's Land Cafe, Mini Friday, 登堂 Downtown他很禮讓，讓我選擇，看完又翻看3間餐廳的餐牌、環境及食物相，最終，我選了 <登堂>！我提早4日，經 Openrice app 訂座，店方很週到，轉頭已確認訂枱，除了當日午飯後先致電給我提醒及確認 booking 之外，還有以 what's app 提醒我 booking details！如此體貼的服務，值得一讚！出席後，亦會在 app 中確認！:)走入觀塘駱駝漆大廈後面的 The Wave，沿扶手電梯上兩層，這裡佔地一層，桌與桌之間，有充裕空間感，卻是樓底矮，坐滿客，其實都幾嘈！餐牌北海道鮮帶子魷魚意大利飯 $188 (散叫)特別加入鹹蛋黃，色澤鮮明亦提升味道層次！ 北海道帶子屬於刺身級，肉厚約1吋，火候恰到好處，煎至半熟，保持鮮甜嫩滑！Dinner set 晚餐 +$38 油醋帶子既鮮味又甜美！咬開三文魚籽，在口中爆發一點鹹鮮！+$48 配沙律或餐湯法國乾邑龍蝦湯湯底蝦味濃郁鮮美，喝後回甘！可見用料十足！ 個人喜歡用軟熟的麵包沾來食，別有一番滋味！店方的牛油也很軟滑！自家製香橙雪芭主要讓食客清一清味蕾！十分貼心！烤西班牙黑毛豬扒 $188 (9安士)要求全熟，火候拿掐得準繩，就算煎至全熟，肉質也不至於嚡口，尚有肉汁，很不錯！愛文芒果烏龍茶 $38愛文芒果是來自台灣，比較菲律賓呂宋芒果鮮甜度相對淡口一點！芒果粒酸甜，茶味清怡，整體口味清新！:)冰涼又解渴！臨走去洗手間，在女洗手間發現有個嬰兒護理間！在西餐廳來說，的確難得一見，非常貼心！最近，他接了新 Job！多謝他請食飯！…查看更多

之前上網見到有網頁推介呢間今日就黎試下。佢佔左一層樓，地方大座位好寬鬆，幾舒服餐牌選擇都算多，我地兩個人就叫左一個飯一個扒，另外仲叫左一個湯同兩杯野飲。呢個龍蝦湯幾好飲，好有蝦膏味，入面就只有一舊蝦肉，不過都蝦肉算大，整體黎講係借得一試！帶子好大粒好彈牙，入面仲有魷魚，口感好豐富，味道都唔錯，佢仲有絲瓜同豆腐係入面，如果佢可以比我簡轉意粉就好啦我地點左西班牙黑毛豬鞍，7成熟，我覺得岩岩好肉質好腍，同埋雖然佢望落唔大塊，不過其實佢好厚身，所以都夠飽啊呢間餐廳有啲好特別既飲品，連奶蓋茶都有，所以點左兩杯黎試下最後兩個人食左$500幾，係可以再試既餐廳…查看更多