鳥元炸雞專門店

提及炸雞，每個人想起的炸雞都是不同的，因為不同國家的炸雞各有特色，各有千秋，而我和朋友便是日式唐揚炸雞愛好者，所以看到荃灣有這間鳥元炸雞專門店，就去品嘗一下他們的炸雞😋餐廳裝潢帶有日系風，餐牌也很有心思，印上了日本的畫和文字。既然餐廳叫炸雞專門店，餐牌第一頁當然是元祖唐揚炸雞，圖文並茂地介紹了唐揚炸雞的由來，相片十分吸引。除了炸雞外，還有不同的主食和小吃，有牛肉飯、鰻魚飯、咖哩飯、烏冬和意粉等，選擇很多，而小吃方面有炸物、小丸子和餃子等。點主食可加錢轉套餐，餐廳很有創意，五款套餐分別叫梅、蘭、竹、菊和松，有不同的小吃和飲品。我點了一個北海道芝士忌廉雞皇飯，再加錢轉配菊套餐，有兩大件炸雞和凍檸茶，適合想一次過品嘗主食和炸雞的客人，我朋友則點了溫泉蛋北海道芝士忌廉意粉和一件北海道南瓜炸薯餅。價錢相宜，份量很大，性價比非常高呢！北海道芝士忌廉雞皇飯是蓋飯，淋上了滿滿的北海道芝士忌廉汁，還有芝士粉在上面，令芝士味更香濃更突出，雞肉很多，肉質鮮嫩多汁，薯仔和紅蘿蔔軟熟清甜，我和朋友都忍不住一口接一口。溫泉蛋北海道芝士忌廉意粉是天使麵，我朋友加了一些餐廳的辣粉，想不到芝士忌廉汁和辣味也很搭，將溫柔蛋和意粉攪拌均勻後，有點像香辣卡邦尼忌廉意粉，不同吃法不同享受。來到重頭戲，就是元祖炸雞，炸雞很大件，炸得金黃香脆，切開一半後能看到白雪雪滑嫩的雞肉，入口香脆無比，雞肉烹調得恰到好處，所以能保留肉汁，果然不愧為炸雞專門店，炸雞十分出色。北海道南瓜炸薯餅則是另一款美味的小吃，切開一半後能看到炸皮非常薄，金黃色的南瓜肉和薯蓉完美地混合在一起，外脆內軟，難怪有這麼多人推薦這款炸物😋如果我是荃灣街坊的話，這間餐廳絕對會是我的飯堂之一，主食和小吃都令人回味無窮😋…查看更多

上次食過熊貓酒店一間日本拉麵，貪呢個商場消費夠晒親民，所以今次繼續o係度覓食。呢間o野係食炸雞的，門面睇起上o 黎唔會話好高級，但價錢亦相對相宜。佢開正o係某K 字頭連鎖炸雞快餐店o既隔離，咁有得揀都想試下小店o既~我tea time o黎唔多人堂食，但見到有好多人買外賣。真係無估過，我以為炸雞呢d 香口o野實係後生仔食多，但見到都幾多老人家幫襯，因為佢都有賣雞皇飯、牛肉飯等等，廿幾30 蚊咁。老人家o既聽同講難免會有d 遲鈍，但阿師傅都好細心，會慢慢解釋「無呢個飯呀，要o個個好唔好」之類。我點o左一客元祖鳥元炸雞配鳥元一字手羽茶餐，先$28，連o野飲。唔好睇佢舊雞得一粒，係好大o既一粒，頭先即點先至新鮮即炸，所以等o左一陣。裡面好熱好辣咀，肉嫩多汁。 雞翼可能加過檸檬汁，係個帶一點微酸o既口味，幾惹味。頭先未食飯o既我食咁少o野又點會夠飽呢﹖另外我仲叫o左個北海道芝士忌廉雞皇飯($22)，仲寫o左粒溏心蛋($9)。個飯o既芝士呢個價位當然唔好expect 會好濃，當係點綴下已經好唔錯。隻蛋雖然上檯時唔算好完整，但味道o黎講係好食的。頭先個茶餐包汽水，我加$2 換o左枝日式冷泡茶。係凍o既，出面貼住純手工製作，聞落好香，飲落反而有少少似中式o既香片，唔甜的。飲啖茶，玩下電話，坐耐d 佢都唔會有人趕~…查看更多

今 (18-10-2019 Fri)晚同老公出街食飯,我哋嚟悅來坊搵嘢食,由於我唔太餓,記起呢喥有間日本嘢食,就睇睇先,呢喥主打炸雞,套餐係2件炸雞加唔同嘅飯同可樂,亦有沙律同小食,我哋要咗:3. $28.00嘅有機羅馬生菜沙律沙律菜新鮮冇問題,芝麻醬開稀咗 ,不過都仍夠鹹.味道: 4分2.$42.00嘅北海道芝士忌廉雞皇飯,炸雞套餐北海道芝士忌廉雞皇飯,熱騰騰,忌廉汁好多但都幾稀,味道唔多夠濃,雖然係咁,但都竟然好食過肯得基啲.味道: 4分炸雞,係買咗飛後至開粉漿炸,熱騰騰同脆,雞肉仍嫩,唔錯.味道: 5分1. $22.00嘅榴槤炸彈一客兩件,整好後攞時,店員提醒小心熱,我哋都攤咗一陣至食,外面開始唔太熱,但內裡嘅榴槤依然好熱,真係會燙咀.而佢嘅口感係外脆內腍,成個都幾特別. 味道: 5分其他:之前同老公經過,見到要立食,但今晚嚟到,見到有凳坐,咁就好啲.…查看更多