翔壽司 (已結業)

尖沙咀🇭🇰 高質平民刺身丼飯🍱全部壽司都係即叫即整 食材都好新鮮 呢個價錢食到呢個質素好唔錯👍🏻 值得推介🤣🍣北海丼 $𝟐𝟎𝟖有中吞拿魚腩、赤貝、三文魚子、海膽、油甘魚、牡丹蝦、三文魚，十分豐富 擺盤又靚😍 全部刺身質素都好好 肥美鮮甜👍🏻 推介🆙🍣特上壽司盛盒 $𝟐𝟓𝟖諗唔到揀咩壽司就可以揀呢個特上盛盒 有10件壽司 特別鍾意海膽同吞拿魚腩 牡丹蝦😍 如果唔係就自選壽司都ok 可以揀自己鍾意既壽司🥸🍣玉子壽司、腐皮壽司、三文魚腩壽司、火炙左口魚邊壽司另外加多左幾款壽司 火炙左口魚邊出色😍 入口即溶 好香魚油味😍😍今次無試到拖羅海膽杯 見個賣相好靚好似好正咁 下次再去要試下😆📍翔壽司🗺️尖沙咀厚福街5-6號多富閣地下4號舖..#mytaste_尖沙咀#mytaste_日本菜…查看更多

見呢間壽司喺厚福街都開咗好耐，一直都未嚟試，呢日中午就嚟試吓午市定食。店內得十個位左右，好彩我哋去到嗰陣只有三四個人，唔洗等。我哋2個人，叫咗3份午市定食，每份定食有沙律、麵豉湯，緊係都照要3份啦。北海丼 $208有中呑拿魚腩、油甘魚、三文魚、牡丹蝦、赤貝、海膽、三文魚子。但我嗰日去就冇油甘魚，比咗鯛魚。中呑拿魚腩唔算肥，不過冇乜筋，口感唔錯三文魚好魚香三文魚子夠鮮牡丹蝦彈牙有鮮味，不過蝦頭膏都係有啲腥海膽質感挺，唔會勁淋，色澤唔錯，都鮮甜赤貝爽口鯛魚冇乜味，偏淋身火炙壽司盛盒，有8件，$98有三文魚、帶子、左口魚邊、深海池魚、蟹柳、鰻魚、三文魚腩、金線鯛火炙好香，特別左口魚邊好油香入口即溶，帶子都好香，每件都唔錯刺身壽司盛盒 $148刺身有赤蝦、三文魚、油甘魚，油甘魚同樣被轉為鯛魚壽司有赤身、左口魚邊、真鯛、魴鮄、帶子赤蝦肉彈牙，鮮甜，同樣係蝦頭膏少腥三文魚都係好香赤身好濃味，左口魚邊都係好油香好食，真鯛幾香魚味，魴鮄偏靭不過都唔錯，幾香整體魚生味道不錯，壽司飯方面醋味剛好，食到壽司醋味，飯亦不會好硬，注意飯內有wasabi。唯一問題是其中一位侍應的服務不太好…查看更多

夏天到雖然要減肥，點減都好 ... 晚餐都係要食嘅難得仔仔肯陪我出尖沙咀食飯知佢鐘意食日本野 ， 加上我想食啲少油啲嘅野，咁一於試吓呢間用日本小店。呢間壽司店所用嘅米，係日本產嘅米，即刻加分餐廳位於尖沙咀厚福街地下。店子不大，約只有10個座位左右。我哋去到已經八點半，相對人不多，只需要等候大約5-10分鐘已經有坐位了。店子雖少，不過勝在魚生、壽司選擇都算不少。仲有日本生蠔添。而且餐廳也有提供呢期大受歡迎嘅 Omakase ，吾想煩吾想揀就啱曬:)今晚先來一份二人前「精選刺身併盤」，刺身真係不錯，好開心有油甘魚同池魚，另外仲有三文魚、帶子同大大隻甜蝦，每款兩件價錢只係$158 ，抵食刺身好新鮮加上厚切，好合我心意。刺身真係不能太薄，咁樣食落先至有咬口試咗刺身不錯，吾少得要試埋個魚生飯。呢個「北海丼」$188 ， 有我最鐘意三文魚籽、海膽等等合共六款魚生，三文魚籽大大粒係超正。雖然話減肥，但兩個人食一份刺身加魚生飯，當然唔夠飽啦所以最後加多十件自選壽司🍣價錢只需$168，超抵食。我同阿仔特別欣賞壽司的飯，飯的軟硬適中，醋味巧好，一啖入口混和魚生鮮甜，真真真係好好味。左口魚邊、魴鮄、金綫鯛魚都好鮮甜。整體來講，水準不錯魚生選料用心，而且師傅都好細心，上菜時都會同客人介紹一下，特別要讚:)留意番坐位不多，最好先訂坐。相對來說兩個人食飯的話，呢到就好啱了。另外，餐廳有加一服務費。…查看更多

前排又去厚福街找吃的，由於當日天氣有d熱，就決定去食壽司🍣涼下。店內坐滿人，好彩等了陣就有位了。店內是廚師發辦設計，師傅在你面前整好後遞給你，還可以聞到火炙香味😋😋order了一個北海井，因為在我想不到吃什麼好時，店員就推介了這個最齊全的丼，有齊各種魚生（三文魚、牡丹蝦、帶子、蟹肉、海膽同三文魚籽）。近看之下、真係爆多三文魚籽，其他魚生質素都好好。蟹肉好新鮮，而且上面還有好香嘅蟹膏，撈飯一流。另外還有鮮甜海膽、厚切三文魚、肥美鮮甜牡丹蝦同帶子😋😋😋真係好豐富。朋友就order了$168 （10件）壽司set，好多款壽司任你配搭。特別喜歡火炙金線鯛壽司，鯛魚燒至半生熟，更能帶出鮮甜味。真鯛壽司肉質很鮮嫩，而且越吃越吃到甘甜味，好正！另外蔥吞拿魚腩軍艦入口即溶、配上芝麻，口感一流😋另外還點了鰻魚卷，用上非常厚身的鰻魚，而且少飯，夾上青瓜，配搭得剛剛好👍🏼👍🏼👍🏼值得讚的是店員服務都好好，好有禮貌，下次在來😋☺️…查看更多

估唔到舖仔細細，都幾多人食～我地平日6點鐘去到，都已經八成滿北海丼 • HKD$188呢個丼個人覺得好抵食有三文魚、牡丹蝦、海膽、三文魚子、蟹肉、帶子，而且仲要樣樣份量都多同厚切，可以話充滿誠意同埋每一樣刺身都好新鮮～帶子好飽滿之餘好鮮甜，海膽都係甜甜地個蟹膏都好濃郁，一食就知唔係d cheap cheap野特上壽司盛合 • HKD$250一共有十舊，全部都係比較貴嘅食材～上面有拖羅、深海池魚、池魚、油甘魚、真錭下面就係牡丹蝦、帶子、灸燒金線錭、三文魚子軍、海膽魚方面都係白魚居多，所以味道比較淡d，冇咁重魚油味嘅，但都食到個鮮味:)最難忘係個拖羅，佢比中拖羅同大拖羅少油脂，但反而好濃郁呑拿魚味其餘黎講都係帶子同海膽比較中意值得一提係佢地個服務超好，侍應好貼心主動會提示客人有得掛袋，仲幫手掛外套…查看更多

尖沙咀厚福街有唔少好野食，我同媽咪今日黎食好出名既「翔壽司」～ 刺身好新鮮👍🏻望住師傅即叫即握壽司☺️鋪頭位置不多，我地食early dinner唔洗等位😆北海丼$188材料豐富有厚切三文魚，巨型牡丹蝦，新鮮海膽，2片厚帶子，仲有蟹肉 蟹膏 三文魚籽～好似置身係日本咁😛特上壽司盛合$250更加鐘意特上壽司盛合因為有拖羅🥰脂肪比例高入口溶化😚魚香持久，海膽壽司鮮甜細滑，好滿足🥲池魚及鯛魚都好好味呢～…查看更多

港女嘅我日日食日本嘢都唔會食到厭🤣，呢晚一嚐想食多時嘅「翔壽司」。小店座落於尖沙咀厚福街，食街食肆林立、競爭相當大，不過佢仍能站穩一席位！星期三嘅晚上八點鐘，大約要等十分鐘先有位。餐廳環境好細，一眼睇哂，座位只係得十個左右，所以要等位都好正常。不過我認為尚算坐得舒服，唔會太窄，枱面放食物啱啱好夠位，枱下就設有掛鈎掛袋🛍。食物選擇有單點壽司、刺身、丼飯以及壽司盛盒。另外更設有平民版廚師發辦，$380或$450一位。自己想食乜，隨便揀，豐儉由人😉。鮪壽司拼盤($280)，鮪魚即係呑拿魚，一客有六款，包括唔同部位，一齊食就可以比併邊款好食啲。5️⃣五款壽司左至右分別係炙燒面脥肉、腦天、赤身、中拖羅同大拖羅，額外再搭件蔥吞拿魚腩手卷。個人無乜印象有無食過呑拿魚嘅面頰肉同腦天🤔，前者即係指面珠墩，後者則指頭頂位置嘅肉。由於面頰肉(圖左一) 筋位相對多啲，所以師傅將佢輕輕炙燒過，燒完出嚟油香滿滿，好食😋。腦天(圖左二)脂肪含量高，因此魚味極濃，口感軟綿。赤身(圖左三)色澤好靚，食落爽口，無多餘嘅筋。接住就係兩款拖羅，我比較鍾意大拖羅🐟(圖左一)，因為油脂明顯多啲同回味啲。老實講幾款之中，我對拖羅以外嘅三款更為欣賞，可能關有喜出望外嘅感覺事？蔥吞拿魚腩手卷嘅魚蓉超多，咬到落底部都仲有餡，雖則我平日好憎食蔥；但手卷例外，連埋蔥同芝麻食特別香口☺️。北海丼($188)，丼飯俾我嘅第一個感覺係好足料同好大碗🍚，男仔食佢應該會飽肚啲，哈哈。刺身包括三文魚、牡丹蝦、帶子、蟹肉、海膽同三文魚籽。每款刺身都幾新鮮，特別係牡丹蝦🦐，蝦頭啲蝦膏好鮮甜，帶子亦都夠厚，唔錯。不過講到配飯最正嘅莫過於三文魚籽，因為每啖都爆哂漿，好過癮🤤。火炙三文魚($9/件)，🔥火炙壽司不嬲都係賣飛佛，加上上述食物無任何一樣係炙燒，所以點都要嗌返件食下。炙燒燒得好均匀好靚，但可能唔係食魚腩位，所以油香真係爭少少。飛魚籽手卷($20)，今次即食手卷，所以可以確定紫菜係脆嘅✅。飛魚籽好食，因為係大粒嗰種，咬落好爽。總括嚟講，壽司翔🍣真係幾唔錯，食物質素不俗，無邊樣食物會令人失望。食物以外，店員服務非常好，有禮貌不在話下，仲要勁專業，師傅介紹完幾款呑拿魚後，女店員亦不忘再提醒，兼解釋魚肉嘅部位，用餐過程中佢不斷幫客人添茶🍵，抵讚👍！…查看更多

厚福街一向都係尖沙咀的美食集中地之一，最近呢度開咗間立食壽司店 - 翔壽司，今日經過難得見有位，當然同朋友入去試吓啦！店舖細細，佈置幾有和式味道，只有不到10個位，難怪平時黎一定有人龍。餐廳提供食物種類除咗壽司刺身，仲有丼飯小食，幾多選擇！今日我地叫左呢幾樣試下。炙燒壽司盛合 $118一次食齊5款炙燒壽司之選，包括炙燒吞拿魚腩、炙燒三文魚腩、炙燒左口魚邊、炙燒金線鯛同炙燒帶子。炙燒吞拿魚腩肥瘦有致，炙燒三文魚腩肉質滑嫩，炙燒左口魚邊油份足，咬落魚油成口都係，好滿足。炙燒金線鯛魚味濃，幾香口。重點全部壽司都用赤醋飯，更有效中和返炙燒帶黎嘅油感。三色手卷盛 $88包括鰻魚手卷、蔥拖羅手卷同辣味三文魚手卷，紫菜脆身，配料多，一直食到底都有，好滿足呀！北海丼 $188呢個北海丼，真係必叫之選，配料非常豐富，包括有牡丹蝦、帶子、三文魚、蟹肉、海膽同三文魚籽。牡丹蝦好新鮮，食落鮮甜爽口。帶子微帶檸檬香，有提鮮作用，味道更有層次。海膽大大塊，加埋蟹肉三文魚籽，咸香味足！材料都新鮮，份量足，正呀。總括來講，值得一吃的立食店，用料有水準，夠新鮮，下次再黎食其他先得！…查看更多