うまい鮨勘

lunch 時間黎食日本野～叫咗北海丼，入面有海膽，牡丹蝦，中鮪魚腩，松葉蟹肉，帆立貝，油甘魚，鯛魚，三文魚，三文魚籽，好豐富！夠晒鮮甜！雖然唔平，但好味足料～蟹肉人手拆，仲食到非常少量既蟹殼。…查看更多

午飯時間，從灣仔搭小輪過來🛳，船上只有數人，吹著海風，休閒自得，有渡假的感覺。餐廳在地下，近碼頭，落船後，不用5分鐘便可到達，遠比乘地鐵或巴士方便得多。 因為臨近暑假，餐廳門外等候的人極多，幸好較早前已透過電話訂位。☎️ 環境 : 🌕🌕店舖外牆以木建成，別具和風特色。 嘈吵，本以為海港城餐廳的設計會比較高尚，實則格局如一般的日式餐廳，內裡全無格調，非常擠迫。 食物 : 🌕🌕🌕🌗飯很多，有少許芝麻，不特別好吃。Wasabi 並非即磨 😑。幸好海膽有厚厚的4片，味不夠濃，但都非常不錯。魚子及吞拿魚蓉則又多又新鮮，好味。整體賣相非常吸引。😋刺身顏色淡白，不太吸引，蝦沒有甜味。。。。朋友話其他好食。😊 服務 : 🌕🌕🌕以QR code 下單，侍應服務正常，人手充足，反應快。 整體 : 🌕🌕🌕價錢與食物質素相稱，對環境及服務期望過高，以至有點失望。 ❤ 提議 : 若時間緊迫，你想來一個快樂的午餐，這裡可滿足你。若想與朋友傾談心事，則要另覓餐廳了，這裡用膳限時75分鐘。…查看更多

哩間嘢食過好多次但我發覺自己懶到原來無為哩間打過食評！今次就講下我食過咁多次嘅總結首先一提 間嘢係算貴 質素係Keep到但自覺水準與價位不符但無計 人地海港城太貴租 點都貴啲哩間嘢主打真係壽司壽司嘅質素真係Keep到幾好間嘢有Oysters但都跟返季節睇 蠔Fans/發燒友 對哩啲好講究 所以要叫就自行決定但講聲 唔會太差Omakase係我去次次都會叫嘅嘢因為真係好食 佢係貴 但佢係核心菜嚟食材新鮮嘅都 最重要火炙壽司 premium 個platter十貫個個 舊舊都好正 要推推佢火炙燒咗個左口魚 好好食如果淨係想試個左口魚可以單叫食開嘅都知 一般手握sushi唔會滿足到你食啲平時出面平民級嘅嚟哩度仲叫個啲真係唔好首先佢雖然係好食 但價位差太多 未算值得食不過 真目鯛 真鯛 池魚 油甘魚腩都可以試試試完你就知 好多嘢都好食過成日食嘅三文魚卷物食過哂 口感一律都好豐富 佢做到好多料 飯卷唔厚又薄食落就覺得料多飯少 好爽極其量有時一半半 飯同料一樣 但食咁多次 多數料厚王之海鮮我食一次咁多 每日十位only想爭都未必有仲要有排特價300 俾人食哂不過一個夠你一個人食到飽 當刺身盤咁係新鮮唔係餸頭餸尾鰻魚玉子燒我食落其實味道就本身極限咗不過佢蛋味唔算淡 少濃 鰻魚味都有要讚嘅地方係佢鰻魚燒到同玉子最內個層一樣咁液化 嫩滑 玉子越外層越企身 唔係成舊軟林林一夾就散嘅玉子OverallOmakase必叫 真係抵食可以散叫 不過唔抵食我個人少食日式炸物個類所以想試咩就叫基本無伏…查看更多

前排book咗尖沙咀一間酒店嘅staycation，staycation戈日就緊系吾洗點諗食咩或者有咩活動咁多數頭痛嘅系staycation第2日，即系check out戈日🤨戈日check out完就去咗海港城行。戈日其實本身就冇話book咗邊間餐廳嘅，係咁啱經過一間睇落去應該幾唔錯嘅居酒屋🏮就有興趣入去試吓。裡面環境都幾大，以木造嘅環境簡約得黎又有日本氣氛，牆上仲有好多條魚嘅圖案。鍾意本身啲日本餐廳係有好多間隔。喺呢個防疫階段更加緊要，亦好有和式風味～呢度最出名係丼飯，丼飯有幾種，由各款刺身製成，睇落都好吸引🤤跟住我覺得比較特別嘅有玉子燒同埋各款自家製卷物，玉子燒睇落金黃色咁好搶眼😍💛我叫咗個套餐，有埋前菜同埋湯，前菜原來係薯仔沙律🥗我本身都係薯仔控🥔佢啲薯仔蓉整到好碎，薯味十足，連埋啲粟米食正呀。幾款丼飯入面，自己叫咗個北海丼，睇落啲配料系比較啱自己，有海膽、牡丹蝦、中鮪魚腩、松葉蟹肉、鯛魚、油甘魚、三文魚、三文魚籽。種種材料都好新鮮😍我自己好鍾意牡丹蝦同埋松葉蟹肉，牡丹蝦大隻又鮮甜，松葉蟹肉都好新鮮！油甘魚嘅油脂味好豐富👍🏼然後叫咗份玉子燒，睇個樣以為會好一般，實際上又唔係喎😳咬落去就feel到甜甜哋嘅蛋味，蛋汁都好豐富，同埋最緊要係夠熱，整體嚟講好好食😋去親居酒屋同埋其他日本餐廳都會叫免治雞軟骨棒，最中意佢有食落去一粒粒，口感爽脆😊加埋燒汁食都係唔錯嘅選擇。男朋友叫咗個滑蛋吉列豬扒飯，成日都唔知呢個飯嗰啲吉列豬扒比啲滑蛋浸到淋曬有咩好食😂食落發覺其中唔係喎。啲滑蛋嘅蛋香味都好濃，食落口滑溜溜，豬扒係有少少淋🤏但依然食到啲脆脆嘅外皮。…查看更多

今日晏晝心血來潮想食丼飯，即刻搵吓附近有咩好食..見到呢一間因為疫情嘅關係外賣有折扣..平時見佢啲嘢食都好貴..咁趁住有折就試吓佢啦一於食豪啲叫咗個北海丼！入面有海膽，牡丹蝦、中吞拿魚腩、三文魚腩、三文魚籽、松葉蟹肉、帆立貝、油甘魚同埋鯛魚！加埋都有九款！樣樣都係我鍾意食嘅！$288一次過食均哂先所有魚生都好新鮮..魚油既脂肪香..最念念不忘係嗰件中吞拿魚腩真係好好食牡丹蝦新鮮大隻彈牙，海膽用加拿大..好鮮甜三文魚籽就偏鹹咗小小，不過正好拎嚟送飯決定下次再試佢埋佢既壽司先。絕對高質…查看更多

前幾日，同朋友一行4人經過海港城，想食日本餐廳但又捨得食太貴，所以決定試下鮨勘。經過餐廳時，非常多人排隊，估計餐廳應該不錯，果然最後冇令我失望😄😄等位大概10分鐘，剛剛好有張4人枱，時間係夜晚20:15左右。一坐低，待應即刻遞上茶水，細心咁叫我地小心熱☺️☺️需要鋪頭非常忙，但員工都有心。點餐係自己填紙既，Menu 選擇非常多，不論刺身 壽司 手卷 卷物 熱食 丼飯 烏冬 燒物 串燒都有😍😍😋😋價錢係海港城黎講，唔貴，仲要係日本野，性格比相當高。上茶速度都快，好快成枱食物都到齊，值得一讚，上菜係有次序的，刺身 壽司係先黎，再過10分鐘，熱食先到，最後最後，丼飯同烏冬先到，對於一間中價位既餐廳黎講，能夠做到依點，非常之難得👍🏻👍🏻👍🏻👍🏻👍🏻食物非常有驚喜，用料新鮮，份量一d都唔孤寒，對得住價錢。同埋員工服務好好，不時Fill茶。最後我地4個人，1600埋單，除番開400每人，真心唔算貴，放題都依個價，但食物質素一定冇咁高質…查看更多

當你食過哩啲咁高質素嘅丼之後，你就會發現有啲日本餐廳嘅丼，真係超級唔抵食。其實本來一睇個餐牌見到哩個北海丼要$280 ，我真心覺得好貴，不過我見有晒我想食嘅刺身，所以最後都忍唔住叫嚟試吓。嘩！所有刺身真係好新鮮，碗飯亦都唔少，再加上下午茶時段有湯有小食送，如果再download個 Apps，仲會送多個蟹子沙律，所以其實都幾抵食。最緊要係咩啊？最緊要當然係食物質素高，環境好，服務一流，我一定會再返轉頭幫襯囉！…查看更多

今日同同事一行五人去咗尖沙咀海港城食貴價日本菜，一坐低我就叫咗個北海丼。啲魚生好新鮮仲有塊好肥嘅呑拿魚❤️，不過整體d魚生比想像中少，反而同事叫嗰個壽司拼盤連迷你海膽飯，仲多啲魚生同埋價錢平少少。同事叫咗個極上鮪魚丼，d吞拿魚勁多，佈滿晒成個碗，同事食到好滿足。另外同事個壽司拼盤，啲魚生都幾多款式，同我個北海道一樣都有蝦，佢個海膽迷你飯好多海膽同魚子，比我個北海丼仲底食。此行唯一嘅熟食係鰻魚飯，個鰻魚飯條鰻魚唔係好肥，同事話啲鰻魚汁唔夠，所以都係建議大家叫返魚生飯啦。…查看更多

第二次來食呢間餐廳，都係食同一款拖羅定食，最貴果隻$350一碗。今次食完應該唔會再食，點解？拖羅份閨少左，質素無咁靚，飯嘅份量都少左！但價錢一樣咁貴！仲記得第一次食果陣，碗拖羅飯啲拖羅滿滿一大碗，結果食唔洗，外賣食剩果啲！今次，食完都唔夠飽！好失望！:(…查看更多

☆附上當日影片, 如要睇片可坐定定在大電腦前、手機暫不適用。☆親人回港今回選址為於海港城內「鮨勘」,嘩．．．怪我詞窮店名真是有點喬口兼杉手,經濟差飮食當然首當其中,六時半七時也不甚爆、簡約木紋計設,踏實不浮誇，店子除了近期大熱丼飯、當然夀司、刺身、天婦羅、親子飯等等,當然亦有日本酒品、但嫌略未有提供紅酒,親人當晚就只好乖乖以茶待酒。。。沒有多心下家人一次過叫了五份三文魚,油脂尚算肥美,師傅毫不手軟厚切之下口感啖啖是「肉」~北海丼HK$250.用上牡丹蝦、海膽、中鮪魚腩、松葉蟹肉、帆立貝、鯛魚、三文魚、油甘魚、三文魚籽等組合,新鮮食材推砌下我至愛中鮪魚腩與及海膽那份魚肉口感和甘甜不腥海膽最令人回味~這份甲羅燒HK$188.我就完全沒有碰上,怪只怪一下子上得太快、拍得左又顧不到右的同時已給家人催毀~函館丼HK$200.松葉蟹肉、松葉蟹肉膏、海膽、松葉蟹肉棒、三文魚籽等做成,如果你是松葉蟹控理應滿足到一絲絲意慾~席間毫無人點壽司,脆脆地來一件自私地品嚐,HK$20.鰻魚大大件最愛當然還有軟糯壽司米飯、Yummy~三色丼HK$200.也是我發版,海膽、香葱鮪魚蓉、三文魚籽,看上來陣容感覺頗豐富、將Tuna切成蓉之口感混和上米飯中別有又一番滋味在口中~小朋友媽媽Keep fit所以還是追加上兩份沙律,一份海鮮海草沙律HK$98.魚塊被切得方形,入口有口感,混上微微沙律上,、不錯~將三文魚輕燒後切成薄片之他他三文魚沙律HK$88.撞出來跟沙律的颜色很漂亮、食慾也隨之大幅提升~這份雜錦天扶良HK$98.可以算全枱間較失色,個人覺得較油一點~除了這份親子雞肉飯HK$80.還要上滑蛋吉列豬朳飯HK$100.原因席內有小朋友同行,想必要點兒熟食,但丼飯飯底毫不輕手、固建議叫一些「兒童壽司定食」,沒有浪費下最終還是各半熟飯「打包」回府,不過講事講雞肉飯簡單得來沒有太多混亂調味、反而吃到真我~呀!還有枝豆、牛油果軟殻蟹卷跟蜆味噌湯、當日實在要得有點兒狂,食物出品大致滿意、下次還是少叫丼飯換來一些壽司勿眼闊肚子窄!順帯一點服務上以新店來講如果可親切一點就會再滿意一點點。…查看更多