拾號公社

男朋友住屯門 佢話有間餐廳幾好星期六有live music 氣氛唔錯佢就帶咗我嚟食嘢 嘢食都好好食- - - - - - - - - - - - - - - - - - - - - - - -1. 加拿大翡翠螺(冷盤)本身諗住叫個海鮮拼盤 有齊3樣包括白蝦、磯燒鮑魚、大翡翠螺但因為本人好鍾意食螺 最後叫咗一盤冰鎮咁上 仙氣飄飄之中見到係好大粒肉質爽彈 比一般螺肉鮮味更重配咗檸檬汁同茄醬 增加清爽口感2. 匈牙利鵝肝多士伴安格斯牛仔柳鵝肝多士底下個塊多士烘到金黃酥脆上面個塊鵝肝側面睇都唔薄 飽滿又有光澤食落覺得多士好脆 鵝肝就好奶油順滑係入口即化嘅感覺 另外牛仔柳叫咗3成熟建議呢個熟度 因為食到表面煎完嘅酥又會食到內裡肉質仲係好嫩 保留到啲肉汁 3. 紐西蘭羊架配青檸薄荷好欣賞佢烤到羊架係唔羶嘅 好易入口同埋烤到都啱啱好 外酥內嫩搭配爽口青檸薄荷 多咗一份清新同埋平衡到羊肉本身嘅獨特風味4. 黑松露龍蝦汁蟹肉伴法包多士呢個多士一樣烘到金黃酥脆配咗有肉眼可見蟹肉嘅黑松露龍蝦汁食落覺得黑松露味唔會過重如果唔係就會蓋過蟹肉鮮味多士吸收咗龍蝦汁 外酥內軟又食到蟹肉嘅絲滑口感 唔錯!!5. 墨魚汁魷魚圈帆立貝扁意粉扁意粉被墨魚汁染成深黑色意粉質地唔會煮到太淋 微彈牙感搭配鮮嫩大大嘅魷魚圈同帆立貝墨魚汁/魷魚圈/帆立貝令意粉被鮮味包圍6. 凍健康生果紅茶(蜜桃、荔枝)呢個水果可揀2/3款、紅茶/綠茶 最後揀咗蜜桃、荔枝紅茶唔會有種好假嘅水果死甜味反而清新茶味 唔會太甜好啱注重健康/養生嘅香港人7. Transformer Mocktail覺得呢杯色調好靚 由上面藍色到下面橙色中間仲有少少漸變效果 呢個可揀有/無酒精版本雖然揀咗無酒精但杯嘢都好似有酒精 呃到吓人XD聞落有陣濃郁芒果香氣 帶有淡淡薄荷/青檸清新香氣飲落就係甜甜哋嘅芒果 加埋少少酸爽青檸交融鍾意加咗soda water帶嚟嘅微微氣泡清爽感…查看更多

咁啱行開屯門，估唔到呢個位會有間咁chill嘅餐廳😆鋪頭唔大，有outdoor位，好多人飲酒，非常有feel🤣見啲嘢都幾啱食就入咗去😌首先叫咗個黑松露龍蝦汁蟹肉伴法包多士 ($116)🦞呢個比想像中少份量，不過食落其實覺得份量係啱啱好！有六塊細細嘅法包，黑松露味唔強，個龍蝦汁非常鮮味同濃郁，入面仲要有唔少蟹肉🤤🤤啲汁係可以鋪哂上塊法包上面🥰主菜叫咗匈牙利鵝肝多士伴安格斯牛仔柳 ($248)🥩呢個main course如果有叫到單點飲品會有埋餐湯同麵包～湯係蘑菇湯，都係正常發揮😌件鵝肝煎到啱啱好，入口即溶，配返塊脆脆嘅多士，非常好味😛牛柳我覺得都係ok嘅，雖然份量唔算多，但有牛味，肉質亦幾鮮嫩😛一睇menu就比呢個黃金流沙單骨雞翼拼薯條 ($108)🍟吸引咗😍呢個超有驚喜！係我食咁過咁多西式餐廳整嘅鹹蛋黃食物最濃味嘅一款😚薯條成條都沾滿哂鹹蛋黃，超級邪惡😆熱愛鹹蛋黃一定要叫！不過相比之下，雞翼就冇咁濃鹹蛋黃味，仲有啲辣嘅～我哋仲叫咗一杯特濃朱古力沙冰 ($59)🍫普通嘅朱古力味，唔會過甜，正正常常～食物製作認真，店員都好醒目同好有禮貌，推介推介👍🏻…查看更多