悠蔬食 (渣甸中心)

大滿足 色香味俱全近期成日都食肉，突然想食素，朋友就介紹我去悠蔬菜，入到去全場坐滿人，好彩一早book定枱，環境令我坐得都幾舒服。佢地有得散叫或套餐，和朋友兩個人的我地就各選擇了套餐，前菜到甜品都食到，所有食材都感覺好新鮮好足料，好有味道，但又吾會覺得咸，亦沒有油膩的感覺，朋友果然無介紹錯，就連隔離枱的女士食飽都向職員讚好。前菜：有我喜愛的麻醬粉皮，紅菜頭同薯仔沙律，香芒牛油果苜蓿芽手卷配搭得好有口感，好fresh黑松露忌廉蘑菇濃湯：（推介 推介）好有黑松露味，好好飲，燉湯都好足料，兩者上枱時都好夠熱主菜：我地㨂左牛肝菌忌廉燴扁意粉 and 沙嗲猴菇豆卷串燒，又靚又足料又好味搵日要帶食素既媽媽來試，必定令佢有新鮮感…查看更多

同事話近排成日出街食飯，下午想食清清地，我就話不如去食素食!餐廳位於渣甸中心25樓，食飯時間都需要等1、2部X先上到去，冇諗過原來好多人下午都會選擇食素，我們到達餐廳的時候都差不多滿座了!跟同事看過餐牌後，二人都選擇了lunch set，lunch set包括有湯、前菜、主食同埋飲品，我地仲加錢點了甜品呢!前菜-胡麻茄子伴牛蒡，呢個前菜都幾開胃，因為茄子同牛蒡有胡麻醬伴著，下面的菜柚子汁，所以非常醒胃!天山雪蓮椰子花生雪耳湯，蓮子同花生煲到淋淋地幾好食，雪耳很滑，湯料還有粟米，所以個湯非常清甜。甘筍蕃茄桃膠忌廉濃湯，這個非常濃，有點傑身但又不會很漏，好重甘筍味!和風淮山野菌燴扁意粉配香脆腐皮卷($98)，這裡明明是食素的，但在意粉上有個類似雞膇的東西，原來就是腐皮卷，把腐皮卷到雪條棍上，很有趕!而扁意粉食落味道有點黑松露味，但食真一點是菇的味道，淮山很爽口!點心拼盤配青菜雜菌煨麵($108)，點心拼盤包括有燒賣、素叉燒包、春卷同埋素餃，當中春卷同埋素餃都比較好食，春卷炸得很脆，內裡的粉絲和木耳很爽脆。素餃的菜也很爽口，唔會淋哂!而煨麵很清，湯底味道而菜為主，還有少少菇味，確實夠清!餐飲-檸檬蜂蜜生薑茶及鹹柑橘蜜檸香乳酪蛋糕(+$15)，這款蛋糕酸酸地一D都唔漏，蛋糕餅底亦很好食!赤莓紅蓮(+$25)，呢款蛋糕非常靚呀!士多啤梨唔酸，中間吉士味道好似平時酒樓食西米布甸的味道!餅底非常脆!完全有驚喜!偶然下午食下素都不錯!會再來!…查看更多

第二次來悠蔬食，上次在尖沙咀店吃過後回味無窮，決定來銅鑼灣店再試。尖沙咀分店以粉紫色為主調，這裡則是粉藍色，同樣簡約優雅，環境潔淨。想不到樓上舖也這般旺場，亦低估了香港人對素食的熱愛，建議晚餐時段事先訂座，省卻等位時間。每個月均有新餐牌，每一次來都可以試新菜式！中、西、泰式素食應有盡有。我們點了兩份晚餐，分別是百靈菇青醬鮮豆包黑松露薯蓉焗千層闊麵套餐 ($248)，菠菜合桃野菌忌廉燴意大利飯伴香烤大啡菇套餐 ($258)，每份套餐包括前菜、手卷、湯、主菜、甜品及飲品，非常豐富。前菜滷水花菇毛豆百頁豆腐伴醬燒牛蒡上次也吃過百頁豆腐，同樣爽滑彈牙，滷水鹹度得宜；醬燒牛蒡絲爽口美味，健康高纖，有清熱解毒之效。 日式藜麥野菜松子薯球 藜麥同樣營養豐富，包括蛋白質、礦物質、纖維及維他命，配合軟滑薯蓉及松子仁增加口感。凱撒蒟蒻沙律伴香草脆包粒跟一般凱撒沙律不同，沒有高脂的沙律醬，有新鮮的車厘茄和生菜；最特別是橙紅色的素蒟蒻，口感Q彈，有煙三文魚的味道！第一次吃鹹的蒟蒻，跟沙律出乎意料地配合。手卷蘆荀素香鬆苜蓿芽手卷香芒牛油果苜蓿芽手卷 同樣的招牌手卷，苜蓿芽清新，蘆荀爽脆，芒果鮮甜，素肉鬆香口，牛油果幼滑。湯品菠菜忌廉雪燕濃湯翠綠色的忌廉湯非常清新，完全沒有草青味，口感綿滑。雪燕又名平民燕窩，含豐富植物膠原蛋白，養顏之選。茶樹菇竹笙黃耳百合燉湯喝完西湯喝中湯，以白瓷湯盅呈上以保持溫度，熱得冒煙。相當足料，有黃耳、竹笙及茶樹菇，清甜滋補，零味精。主食百靈菇青醬鮮豆包黑松露薯蓉焗千層闊麵跟上次的大啡菇鮮豆包粟子紫薯焗千層闊麵有點相似，鋪滿焗得金黃的拉絲芝士。面層鋪了數大片百靈菇，內層除了闊麵外還有鮮豆皮和黑松露薯蓉，香濃幼滑，多吃亦不覺膩；跟一般肉醬千層麵不同，以青醬及新鮮蕃茄蓉代替人造茄膏，羅勒味清新，番茄酸甜開胃，也減少了焗芝士的油膩。菠菜合桃野菌忌廉燴意大利飯伴香烤大啡菇另一道翠綠色的菜式，意大利飯口感al dente，菠菜味清新，忌廉香滑，粒粒合桃碎香脆可口。大啡菇烤得爽滑多汁，低卡低脂；飯中也伴了不少蘑菇粒和靈芝菇，愛菇之人必吃。這道菜跟千層闊麵比相對清淡，亦更清新。甜品終於來到港女最愛的甜品時間！點了兩款期間限定甜品。抹茶緣起 (套餐+$25)上次吃了尖沙咀店限定的紫薯緣起，今次吃銅鑼灣店限定的抹茶緣起，即抹茶慕絲蛋糕。抹茶味頗濃，有驚喜；慕絲幼滑，蛋糕鬆軟，甜度適中；值得一提是沒有加魚膠粉，符合素食要求之餘，慕絲質感亦更軟滑。椰香紫薯千層班戟+$2511月限定甜品，此行最愛！誠意推薦！粗略數過有15層班戟，紫薯味比紫薯緣起更香濃，以椰汁製成的忌廉椰香十足，質感非常幼滑，每一口都層次豐富，紫薯香椰香在口腔綻放，吃完有幸福的感覺！實在意猶未盡， 光是為了這件班戟也值得再來。五穀杏仁牛奶 (套餐+$15)本想叫走甜，侍應告知這飲品本來亦無添加糖，正合我意；杏仁味香濃，不是杏霜那種人造香精味，有五穀片增加口感。吃了一頓相當豐富的晚餐，裹腹之餘亦十分健康，吃了很多綠色食物，清清腸胃。餐牌…查看更多

今晚食完新派素菜，完全改觀之餘，仲要下次帶朋友再來，原來素菜都可以美觀、好味、滿足飽肚。除了散點菜式，我就喜歡晚餐的套餐，有六款選擇，價錢由$238-258，有齊三款前菜、手卷、湯、主菜及甜品，仲可加錢要飲品，豐富又吸引。個人特別喜歡呢款前菜，紫薯紅菜頭雪球，有紫薯香甜，仲有粒粒爽口青蘋果，入口化開的細膩綿密又輕盈，好正滷水百頁豆腐毛豆拌琥珀腰果，豆腐吸左滷水汁更惹味，配埋香甜脆口的糖衣腰果，好夾涼拌日本黑豆亞塔子黑木耳，黑醋微酸開胃，木耳爽口，亞塔子軟腍不痴牙。香芒牛油果苜蓿芽手卷，有芒果同牛油果，兩者都軟滑，配脆卜卜紫菜，口感同味道都令人改觀。朋友的蘆筍素香鬆苜蓿芽手卷，口感較單調，幸好味道不錯。當晚中湯太受觀迎已售罄，所以同友人揀西湯，周打紅菜頭黃耳桃膠忌廉濃湯，好creamy好順滑的口感，材料豐富有好多菜粒，桃膠亦好夾湯既質感，味道濃郁。菠菜合桃野菌忌廉燴意大利飯配香脆腐皮卷，賣相好靚，翠綠色好Green好清新感，令人大感健康。意大利飯外軟內保留咬感，醬汁濃需不膩，佳因用菠菜汁混入忌廉周煮。用上大量野菌，每口都有菇菌與飯，令人滿足飽肚，間中咬到合桃增添脆口感。最驚喜係腐皮卷，造型極似雞脾，連拉開也有肉筋的拉扯感，很特別又新奇，咬落亦有肉感的嚼勁，味道賣相都好好。焗黑鬆露粒粒意粉酥皮盒拌苔菜三絲脆卷，脆卷炸得脆身不油，既有蔬菜爽口感，又有肉的濃厚質感，但明明全是素菜，難得做到不單調的味道。焗芝士蕃茄好香，蕃茄甜美多汁，可配脆口的酥皮盒相隔進食。主角酥皮合焗得輕盈酥香，薄脆拌粒粒意粉，口感剛好一脆一軟，加上飄飄黑松露香，同口感特別的粒粒意粉，是個新奇又好味的組合。香橙熱情果千層班㦸，層層分明，每層都柔軟細膩，與忌廉融合，熱情果溫和酸味令蛋糕甜而不膩，值得一食的甜品。抹茶緣起只有銅鑼灣店限定，尖沙咀分店有另一款紫薯口味，表面看上去，以為普通的甜品，吃一口就改觀。抹茶味超濃厚，慕絲般入口化開，連蛋糕片都濕潤帶抹茶味，比千層班㦸更不膩，男女都喜歡的甜品。…查看更多

見到ig有吾少人推薦呢間素食餐廳所以我都去試試餐廳環境幾好一來係樓上舖 二來座位空間大所以都坐得好舒服但係 有一樣美中不足既係 設有每人最低消費其實而家好少餐廳會咁做 如果真係怕人上黎呃冷氣 大可以限時進食 或者飲品只限跟餐講講食物先我兩個人食 叫左一個餐加一道菜主菜前 有前菜同湯前菜因為材料不足 所以換左其他菜而湯 真係好入味 飲完想再飲然後到手卷佢全部野都好新鮮 而且味道配搭得宜 所以就算無肉 都好好味主菜係青咖哩但味道差少少 可能因為無真肉有另一番風味薄餅好脆 好新鮮 係即製的甜品就 賣相好靚 睇得出好用心去整但士多啤梨味道偏酸整體黎講 素食來說 算是不錯了 係價錢偏高左少少…查看更多

近排食了很多肉，是晚想食清淡些。見這間素菜頗特別，於是便 book 了晚餐......我一向都早食晚餐的，那時間大多數都冇人，但這間已有很多人入座。幸好有預約，不然就要等了。這間店亦很貼心，門外有椅子給等候的人坐，環境舒適，不會令人久等而煩躁！二人枱好像位於路中心，感覺有點侷促，不能靜靜地談心！經店員提議，我們點了一份晚餐，晚餐有前菜、手卷、湯品、主食及甜品；再點了「黑松露薯蓉焗大啡菇」、「日式竹炭手作薄餅」。前菜有：涼拌淮山杞子黑木耳、麻醬沙薑豆絲粉皮及紫薯藜麥蘋果奇亞籽沙律。每樣都很清新、爽口、醒胃！香芒牛油果苜蓿芽手卷，素菜手卷很特別，味道不錯！茶樹菇竹笙黃耳百合燉湯，材料豐富，清甜滋潤 椰香冬陰功鮮蔬意大利飯伴香酥蒟蒻，這道菜很特別，有冬陰功味道，微辣，開胃！店員極力推介這道菜，黑松露薯蓉焗大啡菇，大大件，多汁，感覺像食扒一樣 日式竹炭手作薄餅，不同種類的蔬果、菇菌類滿佈在竹炭薄餅上，口感豐富，薄餅香脆！最後送上晚餐甜品，杏汁椰香紅豆糕兩件，香甜！我們仍意猶未盡，再點了一款甜品，抹茶馬蹄糕！抹茶味濃，不太甜，爽口，味道不錯！初以為晚餐送飲品，點了後才知道是加配的。但不要緊，想飲藍蝶花的飲品。這杯藍蝶花雪梨汁，因店員好像給壓力催促似的，所以快快飲下，感覺冇味，飲到最後幾口才知道要攪拌的，攪拌後味道好好多，不太甜！…查看更多

叫左兩個set dinner 再加一個竹炭pizza, 芒果拿破倫, 泰國奶茶焦糖布甸,水果茶茶樹菇黃耳燉湯(3/5), 松露忌廉蘑菇濃湯(4/5)前菜-比起想像中好食得多! 左一是 麻醬 沙薑豆絲粉皮 (5/5) , 左二是 羅馬蕃茄藜麥伴胡麻醬(5/5), 左三是泰式青芒果鮮果沙律 (4/5)蘆筍素香鬆香芒苜蓿芽手卷, 香芒牛油果苜蓿芽手卷最有特色同好食係Set dinner 兩個主菜 D) 黑松露美國盧筍南瓜鮮豆包焗千層麵: 5/5誠意推介! 入面的南瓜鮮豆包 好特別, 好好食 其次就係 C) 青咖哩野菜猴頭菇 配 印度薄餅 及 珍珠糙米飯 4.5/5青咖哩野菜猴頭菇 頗有 泰式風味, 配 印度薄餅 及 珍珠糙米飯 有fushion風味 日式竹炭手作pizza 3.5-4/5 $148雙檸乳酪蛋糕 4/5, 宇治抹茶紅豆椰汁糕(兩件)泰國奶茶焦糖布甸4/5 又一大玩fushion風味, 泰x西! 鮮果拿破倫 3.5-4/5整體4.5-5/5, 不過對我來說有點少貴, 但仍會回頭幫襯! 唯一不足係 水果茶 太甜…查看更多

時下都市人都比以前註重健康，素菜便越來越流行，而且現在定價比普通菜貴，可見市場對素菜的需求有增無減。聽說銅鑼灣有多家樓上食肆經營素菜，今天便選了人氣甚高的悠蔬食試一試。餐廳裡到處都人聲鼎沸，座位也排得較濟逼，基本上不訂位的話是沒有可能來吃飯的。它的menu 選擇非常多，看的眼花繚亂，最後為了省時就點了兩個套餐，附前菜，湯，手捲和甜品，對於這個價錢來說一點都不多。餐湯有中西湯選擇，我要了菠菜忌廉湯，非常好喝！四喜烤麩，柚香紅菜頭蘋果伴核桃，麻醬沙薑豆絲粉皮- 三個前菜味道都非常開胃，尤其柚香紅菜頭蘋果伴核桃，柚子味道清新，紅菜頭配蘋果健康又醒胃，加上平時甚少吃的核桃，營養豐富。之後來一個冷盆四喜烤麩，味道較濃但咸度剛剛好，麻醬沙薑豆絲粉皮爽口。椰香鮮茄冬陰功意大利飯配香酥蒟蒻-意大利飯的印像都是有點濟，但是配上冬陰功的酸辣味就味道新鮮又開胃，帶點東南亞鳳。椰奶的分量剛剛好，非常香，亦不會膩。紫薯牛油果鮮豆包焗千層闊條面-眼看闊條面size不太大，但內里大有來頭。麵下面的配料非常之多，除了主角紫薯和牛油果之外，還有很多蔬菜，吃得非常飽，但相對味道就一般。最後是甜品紅棗桂圓椰汁糕和紅棗乳咯蛋糕…查看更多

之前在台灣吃過舒果後，一直想在香港尋找美味的西式素食，終於讓我找到了。在網上找到這間餐廳，看到評價很好，所以決定約朋友來吃。因為我們訂了位，又吃得早，所以一來就有座位，不過吃的時候，服務員一直在旁邊望着我們，一吃完又立刻收走碟子，整頓飯好像一直在催促我們吃一樣，而且服務員態度也不是很好，不過好在食物質素高，特別是三樣前菜和芒果牛油果手卷很棒，吃完個DINNER SET，超滿足的，下次一定再來吃。…查看更多

上次趁着星期日同過老婆嚟食晏，佢一致贊好，當然唔好食就梗喺唔帶佢啦。短期內再翻兜嘅餐廳，悠蔬食都喺屬於少數之一，無他嘅，好味之餘，配搭有心思，賣相又精緻，食素啱老婆口味更喺其中主因之一。獨食難肥，好嘢就梗喺要共享，所以，多拉埋另一位老友一行三人過嚟找「素」 。近年食素嘅人多咗好多，尤其後生嘅，豈止綠色星期一，有啲朋友更喺隔日就要綠色添。好在我哋有訂位，因為，唔單止坐滿全場，離開時晌門外更見到仲有三幾人等緊位。之前嚟過已知晚餐最划算，五道菜晚市套餐已有齊前菜、手卷、餐湯、主菜及甜品，才$218一份（部份主菜需補錢）， 所以，毫無懸念就喺點晚餐 。雖然，唔知幾耐轉一次款，但跟上次晚市比，菜式大部份唔同咗，不過，配搭依然盡見創意，亦加入咗好多秋冬時令及滋補食材 。店員推介新出嘅「秋季限定特色飲品」，套餐本身唔包飲品，不過，加配可享有正價減$10嘅優惠，既然睇落真喺幾滋潤，大家又想試，啱啱有3款，就不如一人一款試勻晒 。 無限雙雪 $38（套餐價$28） 以無花果、雪梨、雪耳煲成，老婆話味道清淡而，但感覺潤喉，而無花果清甜無酸味，味道不俗。從餐牌所知，有多重功效，喺健康之選。 桂圓杞子菊花蜂蜜茶 $38（套餐價$28） 睇個名就知晒有咩成份，同樣有多重功效，老友話個蜂蜜茶好清甜滋潤，療效就好難即時感覺到，但飲落絕對好舒服。 香橙甘筍特飲 $38（套餐價$28） 小弟一向鍾意飲生果汁，所以，杯香橙甘筍特飲就由小弟試試，色澤橙紅鮮艷十分搶眼，其實味道唔喺好突出，甘筍味稍為重少少，但其中一個功效「補肝明目」，對我依等亂食嘢周身毒素，又大近視，就應該最受用。先嚟前菜，一門三傑有穩打穩紮嘅滷水豆腐拌蓮藕、健康有營嘅紅菜頭蘋果合桃沙律及創意滿分嘅日本山藥麵線拌熱情果汁，份量實在唔嘢少，但好味就自然唔使愁清唔晒。 紅菜頭蘋果合桃沙律 啲蘋果粒都染成紅色，差啲認唔到佢出嚟，爽脆嘅蘋果粒，夾軟腍嘅紅菜頭粒，再配搭香脆嘅合桃，令個沙律既健康，又富營養，再者，驕紅嘅外觀實在誘人。 滷水豆腐拌蓮藕 豆腐乾滷得入味，入口挺實有點點咬口，富豆香，又有鹵水嘅醇厚味；而蓮藕片鬆化帶點香甜，估唔到夾豆腐乾都唔錯，加上糝下黑白芝麻，令依道涼拌前菜嘅香味更有層次。 日本山藥麵線拌熱情果汁 睇個名已經引頸以待，未嚟已幻想緊山藥麵線喺點？造型非常清新，以山藥刨成麵線，幼細如絲，像真度十足，入口滑溜之餘，更有點點回甘味 ；淋上鮮熱情果汁，意外地啲熱情果汁無預期中咁酸，多添一份天然果香新鮮感 。雖然轉咗餐牌，但手卷跟上次嚟食嘅都喺同一款式：露筍素香鬆苜蓿芽手卷及香芒牛油果苜蓿芽手卷，似乎都受客人歡迎所以保留不變。 露筍素香鬆苜蓿芽手卷 上次試過香芒牛油果苜蓿芽手卷，所以今次就試另一款。有機苜蓿芽咬落爽爽脆脆，加埋清爽嘅青瓜、嫩口無渣嘅露筍及鹹香嘅素香鬆，喺一件好清新嘅手卷。 香芒牛油果苜蓿芽手卷 牛油果喺老婆喜愛嘅食材之一，所以，二話不說就揀試依款，軟綿嘅牛油果加上鮮甜嘅芒果及少少素香鬆，味道清甜中滲出微微鹹香，好有個性。 南瓜甘筍栗子雪耳忌廉濃湯 晚餐嘅湯品一定喺一中一西嘅選擇，雖然其中一個喺西湯，但出奇不意加入中式食材「雪耳」，感覺幾破格 ，加埋時令嘅南瓜及栗子做湯，真喺合時而有特色嘅湯品。個忌廉濃湯，入口唔單止香滑，確實帶有好濃郁嘅南瓜、甘筍香味，湯內粉香嘅栗子粒、爽脆嘅雪耳碎，都平添幾分口感 。 竹笙蟲草花百合蓮子燉湯 佢哋做嘅燉湯亦有一手，燉得夠火喉，入口又滋潤，單以材料陣容，已有健康滋補之效。秋冬飲碗燉湯，真喺寧舍滋潤到不得了，尤其依代人為工作都少咗湯水，所以，睇得出店家真喺為客人著想而製作認真，而唔喺「求求其其」整碗例湯應酬吓就算。主食有5款選擇，分別有珍珠糙米飯、扁意粉、咖喱配印度薄餅、千層闊麵及意大利飯，但部份要額外補錢$10-$20。 和風松露野菌秋葵炒扁意粉（套餐+$10） 雖然話喺和風，但加入黑松露醬，又以野菌為主，賣相、味道均偏向西化。扁意粉入口煙韌有咬口，掛滿松露醬，令每炷意粉都芳香馥郁；秋葵獨特嘅滑潺潺嘅感覺，跟野菌一起，又唔覺古怪喎，總之就喺好食。 紅咖喱野菜猴菇丸配印度薄餅及珍珠糙米飯（套餐+$20） 因為上一次已試過依道菜，見佢晌今次餐牌中仍然有出現，所以，推介俾佢哋試，原因個紅咖喱香辣兼備，又唔會太嗆喉，配薄餅及糙米飯都好食；內裡又有好多野菜，如芋頭、三色椒、露筍、青瓜、西蘭花、椰菜花……等等，而猴菇丸入口煙煙韌韌好得意。 日本南瓜腐皮牛油果焗千層濶麵（套餐+$20） 源於有牛油果，所以，老婆指明要選依個主食，千層濶麵焗得香滑，混有好多芝士，香氣四溢，再者，微微烤焦嘅賣相，就更為吸引。粉香嘅日本南瓜，軟滑嘅牛油果，以及酸香嘅蕃茄醬，本已令個濶麵味道出眾，再加埋腐皮，有啲神來之筆嘅感覺，口感豐富 。最後，都輪到甜品出場，有紅棗桂圓椰汁糕同熱情果乳酪蛋糕，為咗方便共享，我哋就要咗前者兩客，後者一客。  紅棗桂圓椰汁糕 雖然只喺普普通通嘅蒸糕，但一層一層相間，功夫就自然多好多，紅棗味比較突出，桂圓喺預期有啲龍眼肉粒，但又唔喺好覺，椰汁部份就較清，唔喺極濃嘅情況，質感柔韌，其實都幾好味。 熱情果乳酪蛋糕 正如上次嚟食晏所講，佢哋啲芝士蛋糕的確芝士味濃，可是，餅底依然做得太厚。不過，夾熱情果醬，比起上次夾柚子蜜，效果好啲。再嚟都無令人失望，由前菜、湯品、主菜到尾，大廚都施展出渾身解數，每個出品證明有水準之餘，質素好穩定，都讓人食得稱心滿意 。而且，服務又到位，店員殷勤有禮，值得再幫襯嘅小店。…查看更多

來到周日，仍然是以飲飲食食作為我家那位生日的慶祝節目。有見於最近吃了很多肉，這天下午便與她吃吃素食，清清腸胃。第一次聽到悠蔬食這個名字，是因為飲食節目「街坊廚神」。看到節目的介紹，便對他們的新派素食大感興趣。兩點左右來到差不多滿座的餐廳，以湖水藍及白色作主調的裝潢，感覺安寧舒服，完全感受到餐廳名字的「悠」。午餐除了主食外還有前菜及湯品，價錢由$88-$108不等。惟午餐沒有餐飲，若然想配飲品則需加錢。單看5款主食，有涼拌麵、忌廉扁意粉，甚至點心及烏冬，有別於傳統那些素食店的單調選擇，份外新潮。素壽司小卷前菜之一的壽司小卷，壽司飯裡裹著的是青瓜及素肉鬆。紫菜雖已疏氣，但飯粒握得適中不鬆散，口感不錯。藜麥鮮蔬沙律藜麥是近年新興的健康食品，有說正餐以藜麥取代米飯能達至纖體效果。雖然聽得很多，但說到吃還是第一次。藜麥的口感有如燕麥，粒粒煙韌。雖然藜麥本身沒甚麼味道，但這客鮮蔬沙律配上了香橙及葡萄，果香清新，很醒胃的說！香花冬瓜蓉羹二選一的湯品有中湯及西湯，不過西湯早就售罄了。中湯是香花冬瓜蓉羹，雖然冬瓜已打成蓉，但稠稠的湯羮之中仍吃得到冬瓜的質感。夏日炎炎，這碗冬瓜蓉羹很是消暑，啱晒我這些夏天行動力=0的人！蘆筍蘑菇青醬忌廉燴扁意粉 $88掛滿忌廉汁的意粉及闊闊的碟邊，單看賣相與平時西餐店吃的意粉無異。吃慣葷食的意粉，配料換上蘆筍、蘑菇及翠肉瓜等，口味始終不太習慣，但味道確是清新。反而意粉卻令在下驚訝，吃著掛起青醬忌廉的麵條，口感爽彈而有嚼勁，不得不說一聲al dante！亞枝竹風乾蕃茄薄餅 $108吃完意粉再吃薄餅，還以為自己去了意大利餐廳呢！(笑) 原來薄餅的配料與意粉大致相同，都是蘑菇、蘆筍等蔬菜為主，還添加了火箭菜，感覺頓時西式不少。輕輕一拉，拉出厚厚的芝士絲著實吸引！薄餅底雖然焗得有點點實淨，但仍不失香脆。在蕃茄及芝士的魔力底下，這個薄餅的味道似模似樣，香口惹味~小弟向來嘴饞，少不了要加配飲品及甜品吧。不過飲品及甜品的質素則被食物的水準比下去。抹茶乳酪蛋糕 加配價$15以份量來說，這份蛋糕很難說服我值這個價錢。雖然抹茶味挺香，但兩口便可吃掉的蛋糕實在細小，而且說是乳酪，吃起來更像芝士。白桃雪葩 加配價$20如果這球真的是雪葩，我會說它的味道很不錯。入口散發發白桃香甜的雪葩做得實在細滑，讓我有點懷疑其實它是雪糕還是雪葩？熱香濃朱古力 加配價$15 (正價$35)看起來吸引的熱香濃朱古力並不香濃，如果要形容它的味道，我會是跟麥當勞的熱朱古力一樣味道。若然以正價$35說，實在貴得離譜。還有我家那位的凍檸檬蜂蜜水 加配價$10 (正價$26)近年新派的素食開得越來越多，讓素食這一名詞由清淡變得現在的味道豐富，實在吸引到年青的一群食客。悠蔬食的食物而言，以素食能煮出如絲神似的西餐，實在是一路奇葩，難得高居25樓仍不乏食客。只可惜甜品及飲品的性價比實在令人失望，拉低了整體的質素。即使如此，笑評還是值得給那美味的主食的！…查看更多

上次同朋友來過這裡吃晚飯， 覺得幾好食， 所以決定今日午餐帶老公來試試這間悠蔬食。首先睇下餐牌， 午市套餐包括兩款前菜，一款湯和一款主菜。兩款前菜一款是素小卷，另一款是。 我比較喜歡吃藜麥鮮蔬沙律， 最鍾意他用橙汁做為沙律既dressing。 比起用沙律醬或者芝麻醬，咁樣鮮甜同健康得多。而藜麥亦都係近排大熱的食物， 據說有低卡路里，零膽固醇又有豐富的蛋白質，簡直係素食人士和減肥人士的最愛。我同我老公都揀左西湯， 呢個椰香南瓜甘筍湯超好飲。本身南瓜同甘筍已經好甜， 再加上好香好香既椰汁，真係一個perfect match。 我本身唔係一個素食人士，但係都估唔到唔落肉，蛋同埋奶的湯都可以咁鮮甜。 連我嘴叼的老公都飲到lam lam脷。主將我地揀左C and E。青醬蘆筍忌廉扁意粉真係超好食， 簡直完全唔覺得自己食緊素。 又好味又可以清腸胃健康真係好啦！而E餐嘅阿枝竹pizza，有成6塊咁多。 我老公食左大部分。餅底都好夠脆，而芝士都好香。 不過阿枝竹好似鹹左D， 不過話好似好有益的，可以幫助消化，有助排毒！我地都加左20蚊要左一杯鮮搾慢磨波羅雪梨汁share飲。真係好甜呀！我諗呢排夏天，菠蘿當造好香好甜。我主要飲到菠蘿的甜味，唔係幾飲到雪梨味。其實已經食得好飽，但係我真係好想試D甜品。 加左15蚊要左日式紅豆豆腐布甸。原本諗住淨係食少少然後叫老公包尾， 但係真係太好食啦。我差唔多食曬成個。 唔會太甜又好香豆腐味！而個甜品亦都雪得凍凍地，好啱夏天食呀。當我地賣單的時候，侍應嬸嬸好好咁俾左集印卡我地。集夠十個可以做vip，任何時段都有九折。好！等我都俾心機集下先。…查看更多

近日掀起一陣素食風潮，無論是為着信仰、健康、環保，講求素食生活的人愈來愈多，也愈來愈講究。個人是個肉食愛好者，但同時也很愛吃蔬菜。只是身邊缺乏同道中人，跟素食總是有緣無份。近日因事要戒吃牛肉，出外用餐也要格外小心。肉少吃了，對素食重燃興趣，也就發現了這家悠蔬食。從小接觸的素食都是發生在傳統齋鋪，或是寺院齋宴。這家提供的素食形相吸引，從未嚐過新派素食的我很想試試。  可是，要找同行者比想像中難，老公第一個拒絕，友人對素食也興趣缺缺，最後只有嘴饞的阿姨與我同行，才能開展這素食初體驗。悠蔬食位處銅鑼灣的渣甸中心，也算是食廈吧!乘電梯時發現同廈有另一間素菜館，而前往吃素的食客也不少。到達綠悠蔬，阿姨驚訝不已，想不到這間素食館裝潢新派而高雅，原來是個美麗的誤會，阿姨還以為是一間傳統的齋鋪，感覺滿有驚喜。        到埗時間尚早，阿姨見客人不多，看餐牌是中價水平，不由得擔心起來。餐廳面積不大，可容十多桌客人，另設VIP廳房可容兩桌。不到半小時的光景，店已告滿座，我倆已深深體驗到愛素食的人比想像中多呢。  被安排至軟皮沙發的舒適卡座，店以藍白作為主調，一室敞亮，桌椅擺飾甚為優雅，每桌都綴以鮮花擺設，一點也不像素食餐廳，反倒像在高級餐廳fine Dining，一改對素食餐廳的固有印象。  翻開餐牌又是另一個驚喜，既有套餐也可À la carte，無論是主菜、小食、飲品、甜品均選擇眾多，實在難以選擇。  最令人驚喜的是這兒的菜式命名並不是那種「素口不素心」的菜式，即是用素煮成，食味和形相都近乎葷食那種，而是突顯蔬菜的採用，名乎其實的「蔬食」。花多眼亂的關係，本屬意點選兩位晚市套餐($218/位)，熱心的侍應建議一份套餐再散點會更有變化，也就按侍應的建議點餐了。晚市套餐每位包含三式前菜、湯品、手卷、主菜、甜品和飲品，十分豐富。  先點飲品，阿姨的選擇是蘋果雪梨汁(套餐)，賣相平實，勝在無添加。清甜的蘋果與雪梨汁平衡得宜，甜香自然不假，常溫的果汁，喝起來感覺更健康順喉。  我的選擇是桂圓紅棗雪耳茶($50/壺，套餐減10元)，壺身不小，足量的桂圓紅棗雪耳，讓茶散發自然香氣，甜度適中，熱度也足。喝光一壺後，侍應還會建議加水以免浪費，一句簡單的提示，讓我明白到要惜食惜福。  湯品選了松茸百合蓮子燉湯(套餐)，清澈的湯色，喝下卻是火候十足，味道清甜。用松茸來提香，加上蓮子、冬瓜的組合，菌香突出，清新而滋潤。  先上桌的是前菜(套餐)，一客三式。  紅菜頭蘋果合桃沙律以醋汁輕醃，酸酸甜甜很開胃。麻醬伴四季豆多汁爽脆，是平日街市難求的新鮮豆蔬，個人十分喜歡。阿姨最愛涼拌牛蒡粉皮，食味最濃，醃漬牛蒡香甜爽口，粉皮拌麻醬冰涼清新。  日式手卷上桌時，侍應提示要即食保持紫菜脆感。  那手卷比平日嚐到的多卷一層，厚身紫菜感覺較難嚐開，但愛紫菜的我很受落。露筍素香鬆苜蓿芽手卷($28)食感較清新，盧筍配搭苜蓿芽鮮爽輕脆，配上惹味的素香鬆令味道不致太單調。而香芒牛油果苜蓿芽手卷(套餐)，苜蓿芽是少見的沙律菜，草香較強，配上甜美芒果和豐潤的牛油果，口感甚有層次，味道也很搭，令人驚喜。  對大啡菇情有獨鍾，選了黑松露薯蓉焗大啡菇($138)作主菜。採用來自英國的大啡菇，進口蔬菜向來造價不低，這大啡菇比高級超市買到的更多汁厚身。  啡菇釀入混了雜菇粒、黑松露油的薯蓉，面層再覆以芝士焗製，黃黃的芝士十分誘人。把啡菇切開，肉厚而多汁，芝士牽絲效果強，入口芝士香不算濃烈，幽幽的黑松露香更為突出，薯蓉十分細滑，配以鮮打茄汁伴吃，加上伴碟的黑醋沙律菜，一點也不覺膩，是口感豐富的主菜，也難怪會成為熱賣菜式。  另一道主菜是店方推介的紅咖喱野菜猴菇丸配印度薄餅及糙米飯(套餐+$20)。  個人甚愛吃東南亞風咖喱，而這兒的咖哩正合我意，紅咖喱份量不少，配搭的主食有珍珠米飯和油酥餅，甚為飽肚。以辣椒粉、南薑、檸檬葉等熬成的咖哩，吃着有濃濃的椰奶香氣，檸檬葉香氣突出，偏甜的咖喱辣度不高，正合我意。  佐吃的珍珠飯軟硬適中，但我更欣賞的是那烤得薄脆的油酥餅，金黃香脆，不油不膩，被我吃得一絲不剩。咖哩的配料十分豐富，有西蘭花、芋頭、黃瓜、三色椒、露筍等，最特別是的加入猴頭菇丸，菇味甚濃，軟嫩有汁，豐富的配料不單令賣相吸引，也令咖哩充滿野菜的甜香，是美味非常的素食咖哩。  阿姨愛吃擔擔麵($48)，於是點了一碗讓她嚐嚐。湯底的濃稠度跟平常吃的沒兩樣，以花生蓉替代了肉末的口感，令湯底洋溢濃濃的花生香氣，這正是擔擔麵不可或缺的。  白麵條煙靱有嚼勁，也很能掛湯，是我喜歡的口感。擔擔麵辣度不低，雖與真正的擔擔麵仍有距離，但作為素食卻是合格有餘，是惹味的素食選擇。  甜品已包含班蘭椰汁糕兩件(套餐)，造型跟一般的泰式做法無異。令人驚喜的是做得挺身，口感煙靱，幽幽的椰香夾雜着班蘭香，是水準之作。  阿姨很想吃焗蓮蓉西米布甸($42)，便多點了一份甜品。成品焗至微微金黃，甜香帶濕潤，西米口感煙靱而不會太稔身。可惜蓮蓉餡料太少，口感變得單薄，此乃美中不足之處。  一頓既終，深深感受到店方推動蔬食文化的誠意，多樣而精美的菜式，相信會吸引食客對素食的注視。  席間遇上老闆娘與客人互動交流，離開時從門前的雜誌專訪，得悉她是學佛之人。個人雖無宗教信仰，卻深信佛學有導人向善的本質，而素食主義也就是對地球多一份愛惜。  雖知道多吃素知易行難，但偶爾多吃蔬食，向友人推廣素食文化，也是個人能力範圍內的一種善行吧!…查看更多

對齋菜，素食一直不太抗拒，但亦不算歡喜，因總覺油膩非常，口味沉悶，但經過這次品嚐悠蔬食後，將我舊有的觀感徹底改變。這天與朋友們嘗試這間新派素食~悠蔬食， 甫入店內已被那雅致的裝潢吸引，令我對這午餐更為期待。經過一輪商討後，決定將餐牌上的四款午市套餐全都點選，再大家一起分享，當然，亦沒有令我們失望。但我不打算在這詳細形容各款套餐是如何好味，因為在色、香、味都是具有相當的水準，反而令我感到驚喜是在沒有任何肉類的配搭、沒有添加任何仿偽肉材及味精的前提下，這裡的款式仍能如此多元化（冬蔭湯就是其中一例），由此可看到此店的用心及廚師廚藝了得。此外，店員親切的態度及據聞菜單的定期更新亦將是令我願意再次光顧的理由。最後，不忘不提這裡的咖啡及甜品都是必試。真誠推介大家親自來品嚐，那就會明白這裡是如何在食得健康之餘，亦能滿足大家視覺、味道的追求。…查看更多