奈良上釜 (已結業)

銅鑼灣登龍街不嬲都出名多好嘢食，成日經過呢間餐廳都見佢出面大排長龍，而且門口裝修都非常搶眼。難得今次星期六嚟到竟然唔需要排隊，實在太好喇。間餐廳其實樓面有啲細，枱與枱之間都冇乜空位。前菜包括茶碗蒸同埋豆腐，茶碗蒸滑嫩鮮味，有蟹肉、三文魚子、蝦肉，非常足料，令人回味。其實食曬啲前菜都有少少飽。終於等到主角出場，個銀鱈魚釜飯有四片厚身嘅鱈魚，個飯吸收咗魚嘅鮮味，而且食到最尾仲有啲卜卜脆嘅飯焦，非常好食!…ดูเพิ่มเติม

提起斧飯，每次都會想起銅鑼灣的《奈良斧飯》，因為實在太想再去日本旅行，再去奈良！店舖外面非常特別，雖然店內不大但坐得舒服，而且侍應們態度都好好。已經不是第一次來，所以都好熟悉，很快便點好菜了。前菜都好吸引，但我們都不吃牛，所以換走了碟牛，職員好好地比我們任選換什麼喜歡吃蟹的友人A當然要點蟹肉斧飯，一打開滿滿的蟹肉已值100分！而我當然點了最喜歡的海膽飯，滿滿的海膽加上入味的飯，正！食到最後仲有飯焦友人同我都好欣賞呢到，有機會真係要再嚟「奈良」…ดูเพิ่มเติม

第一次嚟呢間咁多好食評嘅釜飯日本餐廳，即管試吓係咪咁好味🤔香味枝豆（$48）未食過炒枝豆，應該係加咗啲七味粉一齊炒，有啲辣，但係幾好味。五目魚餅（$58）炸得幾好味，唔會太油膩，唔係好大份。🌟前菜擺得實在太靚😍，最出色嘅係燉蛋。燉蛋唔會好似其他餐廳果D咁水，應該係蛋嘅份量多啲，比較實但係又滑，仲有蟹肉同埋少少黑松露😍。蟹盛（$308）真係大份，好多嘢食🤩。有三隻蟹腳，同埋第一次食嘅蟹天婦羅🤔幾特別。釜飯面頭有蟹籽、蟹肉同埋蟹膏，肉嘅份量都好多好抵食👍🏻。鰻魚釜（$168）鰻魚都好多，但係唔係特別出色。蟹釜（$198）強烈推介呢個👍🏻超多蟹肉好抵食😮，蟹肉好新鮮😋飯又夠香。月見和牛釜（$198）好多牛肉粒，牛肉腍。啲燒汁撈埋啲飯食好味😋。🍤海老天婦羅（$88）有三隻大蝦，炸得唔錯，好脆。唐揚炸雞（$78）雖然係脆，但係細舊。整體來講，呢間餐廳係主打釜飯，所以煮得比較出色。雖然價錢係貴左少少，但係份量真係好多😮好抵食，尤其是係蟹肉，肉都好多🤩。服務員嘅態度都好好👍🏻餐廳比較細，所以唔係太適宜一班人嚟食。下次會來試吓午餐☺️…ดูเพิ่มเติม

之前未有優惠時已經黎呢度食過兩次，原價食係有小小貴，但質數份量絕對吾呃秤。見到呢間餐廳某些時段竟然有半價優惠，嘩，咁抵冇理由吾食丫嘛！釜飯嘅前菜比以前更豐富，有6款咁多！每款用吾同器皿盛放，賞心悅目前菜有牛舌粒（幾重牛味，肉質柔軟），蕃薯，漬物，凍豆腐，吞拿魚粒（鹹左d), 仲有超好味豪華嘅茶碗蒸！茶碗蒸單叫$38, 入面超多料，有三文魚子，香菇，鳴門卷，蝦，蟹肉，松露...真心單叫都勁抵食！又滑又濃蛋香味，記住要趁熱食！刺身係跟三種盛釜嘅，普普通通三種盛釜熱辣辣釜飯登場！內有大蝦一隻，蠔兩粒，香菇，鰻魚。我之前食過佢地嘅月見牛釜飯同三文魚釜飯，兩款都非常出色，今次食嘅三種盛釜飯就被比下去啦，大蝦冇味，蠔有小許腥，可能海鮮吾太新鮮，本應吸收左滿滿海鮮精華嘅飯變得略為失色。都好味嘅，不過吾夠之前食過果兩款咁正。蟹釜好多好多嘅蟹肉，三文魚子卜卜脆，個飯吸收晒蟹嘅淡淡清香，好食！ 不過我同老公都係較重口味人士，會覺得略為淡左小小。釜飯份量頗大，一份可以𢳂到2.5碗飯，再加埋豐富嘅前菜，兩個人實在食吾落其他小食。趁佢仲有半價會再去試新野…ดูเพิ่มเติม

沒想到還沒有到周未，晚飯時分來也有那麼多人。大概七時正, 這裏已經坐滿了人, 外面已經開始有人在排隊等候入來用膳。他們最近推出了春季限定的釜飯, 這個名叫<櫻の海釜飯>。這個晚市套餐會先呈上一碟薄切真鯛魚刺身, 還有茶碗蒸、前菜和漬物。 真鯛魚刺身很新鮮, 旁邊還會附上酸汁以增添刺身的味道。我最欣賞茶碗蒸, 這個蒸蛋很好吃, 蒸蛋非常嫩滑。入面亦有三文魚籽、冬菇片和蟹肉等等。入面的材料很豐富. 很足料。前菜有芝麻醬豆腐, 豆腐很嫩滑, 我很喜歡浸住日式芝麻醬的豆腐。等了大概20分鐘, 釜飯便呈上來了。釜飯入面有櫻海老、櫻鯛、鮟鏮魚肝。把釜飯和櫻花蝦混在一起吃, 味道豐富。白飯很軟熟, 帶櫻花蝦的鮮味。櫻鯛的肉質是結實的那一種。旁邊還會附上一碗魚湯。魚湯入面有些洋蔥片, 喝的時候喝到入面應該是落了很多胡椒粉, 我挺喜歡胡椒粉的味道, 湯不太膩。…ดูเพิ่มเติม

香港貴為美食天堂，然而想吃一煲靚的煲仔飯卻不容易。坤記要排長龍，其他很多食肆的煲仔飯則是先在電飯煲煮好，最尾才放入瓦煲內的速成貨色，風味欠奉。港式靚煲仔飯難求，日式又如何？在這個黑色星期五傍晚6:30來到，不用排隊。點了鰻魚釜飯，和牛釜飯。不消一會，前菜便送到。麻醬豆腐，醃蘿蔔水準不過不失。碗蒸蛋材料豪華，有三文魚籽，蟹肉，冬菇，松露油等，少許咸香的三文魚籽配以鮮甜的蟹肉，在蒸蛋的細滑口感下十分美味，可謂先向食客下個馬威。食過前菜後，等了近三十至四十分鐘釜飯才送上，以生米煮成熟飯的速度來說屬正常。先試自己的和牛飯，熱到燙口，粒粒飽滿的珍珠米，完全吸收了牛肉汁的味道，即使單吃白飯已是頂級享受。再混上流心的雞蛋，那帝王級的享受已難用筆墨形容。和牛雪花分佈平均，不太肥膩，在油香和牛肉味下取得平衡，過癮！還未夠？花點氣力，把釜飯碗邊緣的飯焦挖下，滿口的焦香足以為完美的一餐寫下句號。太太稱她的鰻魚飯也非常好吃，在自己沒吃的情況下，不評論之。上次吃到完美的釜飯是在日本大分縣，當地有新鮮的頂級豐後牛肉加持，味道當然更上一層樓。但在香港，奈良上釜能做到這個質素也真的十分之好了。推介！…ดูเพิ่มเติม

登龍街既過江龍真係多到食唔哂，但作為吃貨既我依然會努力。自從係日本食過釜飯之後就愛上了。今日就點左奈良7盛釜套餐同豚角煮釜飯。豚角煮釜飯，食肉獸必點。有5件煮得好入味，好軟，油肪食起身完全唔油膩既豚角。飯有被豚肉汁完全滲入，雖然有點兒過濕，但食到底時依然有飯焦，煮得岩岩好。而且份量有3碗，完全可以一碗兩人分。前菜。麻醬豆腐，嫩滑既豆腐配上芝麻醬，雖然係好常見既配搭，但唔係間間都好食。豆腐要有豆味又唔會太易散，而且醬汁唔會過稀好重要。而當日食既都中左以上所有提到的茶碗蒸值得讚賞，夠嫩滑，而且高湯好鮮甜，而且係新鮮蒸好熱辣辣，令我好驚喜。刺身比較普通，畢竟唔係壽司店，但都不過不失。睇落好似章魚小丸子既原來係類似豆卜口感的。口感紮實，但中間依然有空氣，吸滿高湯後好似食緊湯包甘，幾特別。套餐包括一碗麵豉湯，魚籽，水果。海鮮十分足料，大大隻蝦，鮑魚，同蟹肉。值得一提係蝦同鮑魚都好新鮮彈牙，但不足既係海鮮屬於清蒸，沒有事先調味，但完全食唔出原有既鮮味。反而飯可能用左海鮮湯去煮，竟然有海鮮既味道。嘗試加左魚籽拌飯，又有另一番風味。熱辣辣既飯配上帶點黏黏又涼涼既魚籽，係嘴入面爆開好特別。雖然同壽司一樣用料，但食落完全唔同。金黃既飯焦一直唔係我既愛，但我竟然食哂呢碗飯連飯焦。皆因香脆但又唔硬，火喉同烹調時間控制得好好。如有機會，想試下蟹盛。…ดูเพิ่มเติม

夜晚約了朋友去灣仔，發現有一間很特別的東西放在門口，行近一看，原來是個大型釜飯，這個釜飯是自動的，一邊出煙霧，一邊開頂蓋，十分有趣這是第一次嘗到日本的釜飯，餐廳門口經常排長隊，需要等一段時間先可以入內新鮮的刺身，肉質嫩滑，只得兩小塊，感覺不太夠喉漬物，煮物，冷物，茶碗蒸(蒸蛋) 這個釜飯包括了其他食物，先吃這些小食物，再吃釜飯感覺會飽些 奈良七盛釜めし內裏有一隻很大的鮑魚，煙煙韌韌， 另外有一隻蝦也是十分大，這個釜飯十分之足料…ดูเพิ่มเติม

最近見依間食釜飯嘅係openrice排行第一又多人推。趁Sogo大減價過銅鑼灣順便嚟試下。星期六中午落大雨，1點半嚟到仲唔駛等位心中大喜。餐牌選擇唔算多，我叫左個鰻魚釜飯，同行朋友叫左個極上釜飯。先嚟個前菜好有驚喜，估唔到前菜好出色，所以搞到我地好期待主角—釜飯! 由於同行朋友唔食刺身所以比左刺身！點知依個完全係伏嘅開始、食完好想嘔！吞拿魚未完全解凍，咬落仲冰冰地，同埋好猩，食完個口成陣猩味好難受 諗住飲啖味噌湯過下口，點知好似水咁稀，一d味都無👎🏻👎🏻釜飯到仲見到個釜飯蓋邊積左好多塵，即刻毛管筒 飯算係咁啦無特別。依個價錢依個環境同埋依個清潔度令人好失望。完全唔值依個價，而且坐得好迫👎🏻👎🏻 唔會再嚟…ดูเพิ่มเติม

呢日同澳洲返嚟嘅朋友食lunch 聽聞「奈良上釜」夜晚好full 1230pm嚟到居然唔洗排隊啲人開始放食飯 餐廳越來越熱鬧一坐低 店員即刻送上熱水 亦會不時添水 個杯好古風呢度專賣奈良傳統釜飯 另外有蕎麥麵和日式小食 打開menu大大幅「奈良七盛釜（蟹肉、海蝦、鮑魚、三文魚子、冬菇、白本菇、三葉）」 嘅宣傳照 睇落好豐富 就要呢款！由於係set 有好多樣side dishes呢份係一塊口感和味道類似豆卜的「煮物」「冷物」係浸咗麻醬嘅凍豆腐 麻醬唔太鹹 欣賞「茶碗蒸」細細碗 但用料豐富 有魚籽、冬菇、蟹肉、蝦 水蛋好嫩滑 調味清淡 完全食得出原汁原味嘅雞蛋「前菜」有三款刺身——赤蝦、吞拿魚、油甘魚 三者都鮮甜、爽口 可能刺身唔係主打 wasabi唔係特別辣同攻鼻嗰隻 頗易入口（嗜辣嘅小妹感到唔夠喉 XD）主角終於上場！除咗好怕醜用個蓋cum住自己嘅釜飯 仲有味增湯和飯後鮮果（士多啤梨和哈密瓜）順帶一提 左上角嘅魚籽其實係釜飯嘅topping 免得佢焗熟無哂口感 所以無放入石鍋 不過小妹太為食 好心急一啖食哂賣個關子 先飲「味增湯」 小妹覺得甜味比其他餐廳飲到嘅較重一開蓋 夾雜著濃烈蟹香嘅蒸氣撲鼻而來 雖然海鮮焗熟哂 顏色已經唔鮮豔 但係撕碎咗嘅蟹肉真係香到好似成隻蟹放入去咁 海蝦有個鍋嘅直徑咁長 褪去蝦殼後 size依然巨型 啖啖好肉好少食到無加醬汁嘅鮑魚 但係品嚐靚海鮮一定要食到佢本身嘅鮮味 焗熟比蒸熟嘅肉質較煙韌 甚有嚼勁 不過吞落肚都唔會ung胃呢客釜飯嘅精華所在 當然係啲飯！唔好睇啲海鮮好似好單調 其實蝦、蟹、鮑魚嘅味道早已滲入米飯 加上有少少醬油嘅甜味 所以食哂啲餸齋食飯都好好味 而且 同煲仔飯一樣 鍋邊有少少燶 有啲硬硬地脆脆地而又不至於燒到黑色一舊嘅飯焦 實在太惹味！…ดูเพิ่มเติม

假期尾聲了，約friend食野行街shopping，作最後衝刺。登龍街愈來愈多食肆，見這間食肆門口幾得意，有一個大鍋，不如入去試一試啦！我們要了一個奈良七盛釜套餐及一個極上釜套餐。先來一個茶碗蒸、漬物和前菜。前菜是冷豆腐，豆腐很滑，配合木魚絲和醬汁來吃，又清涼又好味，是消暑的好食物。茶碗蒸很好吃，蛋又滑、配料又多，有蟹肉、帶子、魚子、冬菇，最重要是加入了我最愛的黑松露，令到蛋的香味提升了不少。煮物是魚腐，寫得很入味，很腍。還有鮮味的刺生(甜蝦、吞拿魚、三文魚)，吞拿魚肥美、甜蝦鮮甜、三文魚嫩滑，蘸上醬油，加點日本山葵，主菜還未上枱，但已吃了不少，這個套餐都幾抵食。主菜終於出場了。這個極上釜用特製的器皿盛載，一打開蓋，熱乎乎的飯裏混入了鰻魚、雞肉、蟹肉、冬菇、本菇。先用勺子攪拌一下，讓配料和飯混和在一起，吃起來份外可口。這個日式的煲仔飯，第一碗飯香軟，烘焗一會後，第二碗則漸見乾爽，而在熱鍋的熱力烘培下，產生了不少金香的飯焦，一鍋飯能有不同層次和味覺的享受，至於這個奈良七盛釜，飯的口感跟極上釜差不多，但配料除了有蟹肉、冬菇、本菇外，最吸引的是加入了一隻大大的海蝦、巨型的鮑魚和金黃通透的三文魚子，令這個七盛釜貴氣了不少。巨型的鮑魚較難煮腍，所以先將鮑魚切一些方格花紋，這樣鮑魚會較容易入味及腍身。海蝦真的很大隻，一隻便覆蓋了整個碗，賣相一流。不過蝦太大隻，較難控制熟而不老。滿足食慾後，再用幾片水果來沖一沖嘴裏的味蕾，令嘴巴回復清新。…ดูเพิ่มเติม

去到日本奈良，飲食一定離不開釜飯記得上年旅遊時，姐也有吃意想到，早兩三個月在銅鑼灣亦開了奈良釜飯那趟的旅行，讓姐回味非常香港的，當然不能錯過啦巨大的紅色鳥居，完全展現出日本的時代風貌餐廳的佈置以木色為主，簡單舒服看看餐牌的選擇頗為止多姐點了一個奈良七盛釜飯而男朋友則點了個奈良極上釜飯奈良釜飯是一套餐定食，由前菜至釜飯豐富萬千，繽紛的色彩讓人目不瑕給先來刺身、小菜、海膽、汁煮蘿蔔牛舌每一道都做得異常精緻，牛舌及蘿蔔煮得軟腍可口三文魚刺身及牡丹蝦刺身，肥美又鮮甜到主菜，奈良七盛釜飯上陣啦以木盒盛載釜飯，充滿日式風情打開蓋時，飄出陣陣海鮮香味飯面上舖有鮮蝦、帶子、鮑魚、香菇等用勺子盛起釜飯中間第一啖吃完全是整個釜飯的精萃之處吸收了每款海鮮的鮮、甜味道另一個奈良極上釜飯，是鰻魚配料滑嫩的鰻魚，原塊舖在飯面上蒸少有的食法，卻一點魚腥味也沒有淋上鰻魚汁，美味、郁香最後還有是日水果作尾聲呢不用飛日本，想不到在香港也品嚐到傳統釜飯的滋味…ดูเพิ่มเติม